大壹燒鵝 (啟田大廈)

營業中

休息中

今晚係藍田做完嘢已經六點幾，於是係呢頭食埋飯先返屋企，行過見到大壹燒鵝有晚市套餐，三餸一湯包白埋白飯都是$288，若加購飲品人均都是$150左右，非常抵食！我和家人一起揀了這個晚市套餐，落完order後秒速上了例湯，湯是中湯喝上一口湯，湯頭清甜不油膩，感覺是沒有落味精！約10分鐘後，所有小菜也上齊，非常有效率！椒鹽鮮魷，大大份好抵食，鮮魷炸到金黃色但完全不鞋口，依然鮮嫩好味！燒汁薯仔牛柳粒，個人好喜歡這道菜，牛柳粒和三椒比較下，比例更多！牛柳粒厚切增加口感，薯仔加上燒汁後更惹味！柱侯炆牛腩，牛腩炆得入味，柱侯汁送飯一流！

有日約左個朋友係藍田行完，見到呢到都有前排食過果間大壹燒餓，心思思又想食燒味。 餐廳比銅鑼灣店大，輕輕咁間左兩層出黎，有幾級樓梯上去，睇到上層後部為廚房為而下層前面就係燒味斬料位。鋪頭面積都好大，當日店員就安排左我地兩個坐上層既卡位，十分闊落。 坐低見到藍田分店MENU比銅鑼灣唔同，呢到仲會供應小菜等食物。當日兩人叫左個二人餐，三餸一湯$288幾抵食。 落單後店員好快上左湯，湯就普通例湯，不過飲完唔口乾，唔似有落味精，幾好。燒味叫左叉燒拼油雞而小菜就分別叫左椒鹽鮮魷及燒汁薯仔牛柳粒。 叉燒拼油雞：當日落單前問店主有無得簡要肥定瘦，店員就表示呢個套餐無得指定，但店員話佢地D叉燒大部份都半肥瘦，唔洗擔心。　上菜時叉燒十分靚仔，有燶邊，有半肥瘦，食落唔會死咸，帶小甜味，叉燒肥瘦勻稱，軟淋有肉味，邊位燒到燶燶地脆口十分正。油雞比左雞肶位，調味偏甜既豉油味，食落啖啖肉，師傅斬雞功力都好好唔會有碎骨。 燒汁薯仔牛柳粒：燒汁都係偏甜，唔似坊間咁會落埋黑椒炒。牛柳粒雖然拿過但食落唔韌爽口，唔會死淋霉哂咁亦食到牛味。薯仔就走左油再炒，食落外邊小小脆，內裡軟淋。 椒鹽鮮魷：炸皮脆，魷魚爽彈，調味十分足，十

已經聽朋友講咗好耐話好食嘅燒味舖，今日終於經過藍田有機會可以試一試。當然燒味舖四圍都有，但係朋友就係話依間好食😋，所以真係要試試。店裏面嘅樓底好高，坐位闊落，牆上面都掛住廚師攞獎嘅相，睇落朋友應該無吹水。🤣燒味雙拼 叉燒 $148 燒鵝＋$30燒味就真係食得多，咁脆皮嘅燒味真係第一次食，每一嚿都係脆卜卜，真心覺得依度嘅師傅燒燒味得好好👍。叉燒脆皮真係喜出望外，仲要肥瘦適中，味道甜甜地，分量亦好足夠。燒鵝皮亦都係脆卜卜，肉質嫩滑無鞋口嘅感覺，燒鵝燒得每一嚿都有鵝油流出😋。魚香茄子煲 $88上枱嘅時候熱到咋咋聲，茄子份量非常多，魚香味濃，有少少辣辣地，送白飯必定之選👍😋。完全明白朋友點解會話呢間燒味店好食😋😂

今日難得收早，就同朋友去藍田附近食下新嘢，之前都去食快餐店，今次想食下三餸一湯，知道呢一間餐廳有高水準嘅小炒王就去試吓，佢哋而家做緊三餸一湯加兩個白飯嘅套餐，我哋點咗小炒王，秘製牛仔骨，菠蘿咕嚕肉，同埋老火湯，先講老火湯，火候十足而且絕冇味精，有種媽媽嘅感覺，而且配料都好足夠，之後主菜小炒王好有鑊氣加埋魷魚同埋一啲配料落去炒得好香口，之後牛仔骨，師傅係先蒸後煎嘅方法去做牛仔骨煮得好淋而且醬汁索晒個味道好有層次感，係我鍾意食嘅牛仔骨，而咕嚕肉更加冇得輸，個汁掛得非常好而且份量都好足夠皮脆內軟加埋洋蔥同埋菠蘿一酸一甜恰到好處用嚟送飯簡直係冇得彈，呢個套餐$300都唔使仲要有埋嘢飲簡直係街坊嘅價錢。平日諗唔到食咩都可以試吓呢間。

今日來了藍田探朋友，朋友介紹到大壹燒鵝吃午飯。我們大約二時到達，剛好有卡位，坐下後，便看看餐牌。哦！發現這裡的款式非常多元化，不單有馳名燒味，亦有港式午市套餐，還有巧手小菜⋯⋯我們叫了一碟燒鵝拼燒腩仔，及柚子蝦球。燒味雙拼：這裡的燒鵝那麼出名，一定要叫來試吓啦，而朋友就喜歡燒腩仔，於是便揀了燒鵝拼燒腩仔。燒鵝果然很有驚喜，鵝皮燒得薄脆，鵝肉細嫩，入口甘香，正！燒腩仔外皮卜卜脆，肉質微鹹，一口一啖。柚子蝦球：份量非常十足，蝦球大大隻，加了柚子做醬汁，不單有益健康，更是非常適合夏天食用。整體來說，食物有水準，招呼亦好，坐得舒服，猜不到茶記都有這麼高的水準！

放工沒有時間買餸煮飯，想吃點家常便飯，見到餐廳門外人頭湧湧，有小菜，還有燒味，便和老公在這裡解決。餐廳寬敞，光潔明亮，食物選擇多，有套餐，有散叫，但我們對燒味和小菜都產生濃厚的興趣，便叫了兩個燒味套餐及兩款小菜，滿足我們所有的慾望😀燒鵝飯燒鵝皮脆有光澤，多汁而不帶腥羶味，色澤油潤光亮，肉質滋嫩鮮甜，皮下脂肪少，沾點甜酸醬汁食，酸酸甜甜，碗上白飯，鵝香味滲入白飯中，果然沒有失望。油雞飯雞肉完全吸收了滷汁的味道，雞肉嫰滑多汁，有雞油香味，帶甘、鹹、醇及少許甜甜的美味，吃起來味道層次很多元化，配上薑蔥白飯，惹味。金銀蛋莧菜濕濕的特別好下飯，湯低還可喝得一乾二淨，鹹蛋及皮蛋煮菜，咸蛋皮蛋咸咸的，加入餸菜，增添層次，惹味提鮮，清甜美味又清爽。芥末牛柳粒有鑊氣，亮點是那個芥末醬汁，味道並不甚辣，香甜帶些微酸，牛肉爆炒過，牛油味香濃，嫰滑多汁，芥末味正好冲淡牛肉的油腻感，芥末、沙律醬和牛柳果然是好朋友，令一口牛味道香甜又有芥末的香味微微刺激味蕾，非常滿足。最後兩杯餐茶，滿足的一晚😋

有時懶煑飯都會到附近的「大壹燒鹅」開飯。喜歡這餐廳選擇多，有炒粉麵钣類，多種中西式套餐，海鮮及小菜等，當然唔少得各款燒味。今午又來開飯，選了兩個午市套餐，包熱飲，凍飲及特飲另加錢。红酒牛尾飯，送咖啡或茶$58牛尾有4大塊，炆得好冧，红酒香味濃郁，有洋葱红蘿蔔等配菜，汁料調配得宜，飯份量不少，细食朋友應該食唁晒。燒味雙拼飯連熬飲 $56選了燒腩仔及油雞雙拼，腩仔皮燒得好香口，但我嫌肥肉稍多，唔合我口味，但油雞就好滑，份量適中。

放工後和同事來到藍田地鐵站附近的大壹燒鵝吃晚飯，之前來過一次，得知餐廳的燒味是即燒即賣，印象非常深刻。所以這次在附近放工，就順道吃個晚飯。燒鵝叉燒雙拼配瀨粉，燒鵝剛出爐，新鮮熱辣，外皮脆，肉質結實，滿口鵝油香氣。另外，我們指定選了半肥瘦的叉燒，外面燒至焦香，入口肥瘦均勻，相當推薦。瀨粉也絕不遜色，質地爽口彈牙，湯頭清甜，而且份量十足，配上燒味，絕對是簡單卻又滋味的平民美食。薑蔥斑頭腩煲，班頭腩用生粉走油，外面金黃，再用以大量的蔥段薑片，炆煮片刻，香噴噴熱辣辣上枱。魚腩鮮嫩美味，充滿薑蔥的香氣，而且以砂鍋上菜，久久亦能保持溫熱。黃金蝦球，蝦肉相當大粒，沾上炸粉後放入熱油中炸脆，再以鹹蛋黃醬包覆著。重點的是每顆蝦球都平均沾滿了鹹蛋黃醬，不似部分坊間的餐廳，值得一讚。蝦球入口非常香脆，肉質彈牙，味道鹹香惹味。

大壹燒鵝一直都幾出名，呢日我專登入咗去藍田試吓。呢度鋪面都幾大，分咗兩層，而且店員服務都唔錯。我叫咗燒鵝髀燒腩雙拼飯，朋友叫嘅一樣有燒鵝，拼咗叉燒。燒鵝髀好大隻，燒到層皮好趣脆，入面嘅肉都唔會乾唔會鞋，真係幾好食。就算唔係髀嘅位置，一樣啖啖肉。叉燒同樣出色，口感比較鬆化，有少少燶邊。而燒肉就夠晒軟稔，配埋芥末醬就好好食。另外叫多咗一個小炒，豉椒炒蜆。好大碟，雖然啲顯唔算好大隻，不過幾新鮮，而且夠乾淨，入邊冇沙。

位於藍田啟田道啟田商場對面的「大壹燒鵝」，除了主打燒味之外，它的小菜也值得捧場。今天八號風球一落，我和家人就到來食午餐，猜不到餐廳已經是客似雲來，非常熱鬧。我們就點了兩個家常小菜和兩個午餐。“惹味豆卜斑頭腩煲”，一大煲，熱騰騰。斑腩分量多，而且大大件，肉質結實，口感不錯，由於走過油，所以特別香口。豆卜燜得很入味。“咖喱薯仔牛腩”，分量亦不少。牛腩燜得腍軟可口，薯仔浸滿咖喱汁，相當惹味。青椒也爽甜。“燒味雙拼飯”（燒腩、油雞），雖然是午市碟頭飯，但無論品質和分量都是一流，果然是燒味專門店。尤其是燒腩仔，皮脆肉嫩，肥瘦相間，入口爆汁。“紅酒牛尾飯”，這裏的紅酒燴牛尾，真是一試難忘。今次再嚐午市套餐，味道依然，牛尾吸收了紅酒香味，味道醇厚，不能錯過。即磨咖啡、杏霜，餐飲的咖啡質素也不錯，香濃而沒有苦澀味。「大壹」無論分量或質素，都是上乘之選，性價比奇高。

今日喺藍田做完嘢，直接搵埋食，見到呢間餐廳有個$288 三餸一湯加白飯嘅二人餐真係好鬼抵。首先佢個湯好足料，有肉有瓜，係平時飲開嘅老火湯，將所有材料嘅精華就放晒喺呢個湯入邊，本人覺得佢應該冇乜貨味精，因為飲完都唔會太頸渴。另外我哋嗌左一海鮮一個肉加一個菜，海鮮方面就嗌咗個椒鹽魷魚，炸得非常香脆，外脆內軟，魷魚亦都係非常之鮮甜。燒味方面就揀咗豉油雞同埋叉燒，豉油雞非常之入味，肉質好嫩滑。叉燒仲要係半肥瘦，睇得出佢係仲梅頭去整添，真係送飯一流。最後帶咗個西蘭花炒蝦仁，蝦仁非常之彈牙，另外西蘭花亦都好爽脆， $288再加多兩杯嘢飲真係抵到笑。

街外用餐經常點選外國菜，西餐、日本菜，始終想念廣東家常菜，永遠不會厭。於是於藍田地鐵站附近找間家常菜，務求快靚正。2人套餐$288全包例湯（⭐️⭐️⭐️⭐️💢）與友人點選2人餐，隨餐附送例湯2碗。說到廣東家常菜，湯水必不少。這碗例湯十分足料，而且鮮甜，喝完整碗都沒有口渴感覺，相信沒加味精。為整頓飯增加胃口。叉燒拼油雞（⭐️⭐️⭐️⭐️⭐️）廣東菜怎可沒有燒味。先講叉燒，味道醃得十分出色，很多時吃叉燒會感到很咸、肉質又乾又實，但大壹燒鵝卻不會很咸，而且有些甜味，醃料不會蓋過肉味，肉質又很鬆軟，必點。豉油雞肉質有驚喜，十分厚肉，而且是新鮮肉感，完全沒有霉。士多啤梨豬扒（⭐️⭐️⭐️⭐️⭐️）士多啤梨豬扒乃筆者是次晚餐最愛。先說豬扒，肉質十分鬆軟，而且份量十足，令筆者與友人吃得爽快非常，而且士多啤梨汁酸甜惹味，令菜式不會太肥膩。野菌娃娃菜魚湯浸魚肚（⭐️⭐️⭐️⭐️⭐️）點了2份肉，當然要點些蔬菜平衡一下。娃娃菜嫩，不會有渣。魚湯亦夠味，不過略嫌有點咸。魚肚則十分厚身，很有口感，吸盡湯汁，好味。~~~~~~~~~~~~~~~~~~~~~~~~~~大壹燒鵝 藍田啟田道51-67號啟田大廈地下1A, 2-4及6A號舖👍地點方便👍家常

話說今日路過大壹見到入面食客都幾多，網上面嘅食評都唔錯，咁我就入去試下佢咩料啦。入到去我地叫咗2個茶餐，一個係叉燒油雞瀨，另一個係燒鵝燒腩仔瀨。本來抱住好大期望的，但嘢食一落到枱就知道今次中伏了，我懷疑寫食評嗰啲人有8成係假🙂或者係我食下午茶所以餐廳俾d下欄嘢我地。首先討論下第一個餐(叉燒油雞)，叉燒總共有6舊但其中4舊係燶到黑哂 完全係致癌物咁。同埋我冇叫要肥叉，但d叉燒肥到似食緊燒肉咁，起碼8成都係肥肉🥹。之後討論下個油雞，一睇隻色就知唔入味架喇偏淺色再放落口，大獲了柴到似湯渣，完全冇誇張真係湯渣啊。再討論下第二個餐(燒鵝燒腩仔)，燒鵝份量細得3舊，其中兩舊仲要皮(食鵝緊係食佢個皮架啦，最重要嘅嘢竟然冇)，食第一啖已經發覺個燒鵝咁奇怪嘅，咁煙韌嘅，冇睇錯啊係用煙韌黎形容佢🙂好似食擦子膠。最後個燒肉皮肉分離又係想點？特別嘅擺盤？我真係唔識欣賞喎大佬，咁都出得俾客你地又真係幾犀利。不過味道算係最正常，比起方間其他燒味舖偏淡 冇咁咸。我唔知係咪因為自己黑仔先遇到啲咁嘅情況，定係佢下午茶真係俾下欄嘢。希望大家唔好中伏啦，最後埋單2個人110食下欄嘢🙃

朋友介紹我嚟食呢間嘅燒味 所以專誠過嚟試吓我外賣攞走 本身諗住叫例牌($128)但係發現有得嗌半斤($78)因為例牌都係半斤多啲啲 所以就叫咗半斤唔知係咪叫半斤嘅部位會唔同(？)店員冇問我要瘦定係肥~一打開已經完全冇OpenRice上邊見到嗰種半肥瘦基本上係全瘦肉其實食落都唔會乾都叫做幾淋係唔差嘅🙌🏻但我期望係半肥瘦嗰種🥲🥲特登過嚟食嚟講有少少失望☹️同埋佢價錢都幾進取💸一般出邊都係賣緊四五十蚊一啲港島乜出名嘅例牌其實都係賣$68佢呢個半斤已經要$78 例牌$128💰💰💰

男朋友之前揸車經過已經話好想食，咁啱今日我哋又嚟到藍田呢個2人套餐好抵食$288有湯、有雙拼燒味、有2個小菜‼️不過對於我嚟講實在太多啦，所以我哋都係散叫～～燒鵝燒腩仔飯嚟到燒鵝專門店，梗係要食燒鵝喇呢度嘅燒鵝肥瘦岩岩好，係咩肥膏，鵝油香而不膩燒腩仔塊皮好香脆一層肥一層瘦勁好食椒鹽鮮魷估唔到冰室嘅小炒都咁有質素炸衣好夠薄，魷魚口感幾軟彈，唔會硬綁綁不過最好要趁熱食，放涼左層炸衣就又濕又淋！瑤柱海味雜菜煲呢個勁有驚喜個湯非常鮮甜啲菜吸哂啲湯勁正，我係咁飲啲湯