大壹燒鵝 (啟田大廈)

剛食完果啖已比人收晒野，然後即刻問「你地係咪差不多啦」，佢應承左人要比張枱人地，然後我望一望張單時間。由落單到食完20分鐘都冇，就想叫我地走。如果你一開始預依張枱比人，就唔好比我地坐啦…查看更多

叫了一個叉燒鵝瀨粉。好吃的確是好吃，但如果$68鵝的份量超級少，全是骨和皮，只有一件肉，不值這個價。然後我旁邊的叫同一個餐是超級大份量，我覺得店舖需要統一一下份量…心理極度不平衡…查看更多

成日去藍田接送囝囝去補習經過都冇入去，今次要食 lunch 就去試下，之前先喺 openrice search 藍田有乜餐廳好食，聽講呢間大壹燒鵝啲燒味都有好多正評咁就決定去呢間試下。真係好似睇卡通片咁，從來未試過一件食物食落口會有叮一聲嘅感覺，當時真係好想即時大嗌一聲“好味呀！”，佢嘅厚切半肥瘦濃邊叉燒真係冇得頂，淋得嚟又彈牙，肥肉脂肪夾著下層瘦肉，肥嘅部份唔會太肥膩，瘦嘅部份亦唔會太柴，燒烤火喉啱啱好，燻蹄亦都係水準之上，唯一要彈嘅係嫌佢汁太少。同時囝囝食咸魚肉餅飯，肉餅亦蒸得恰好鬆化彈牙，價錢亦唔算貴值得再回味.....😉😋…查看更多

今次食咗叉燒雞飯配熱杏霜，好滿足！叉燒色澤紅潤，外層帶少少焦香，甜中帶鹹，咬落仲有啲油脂感，唔會乾巴巴。雞肉就揀咗貴妃雞，配白飯同少少豉油汁，簡單得嚟對味。仲有幾條菜，平衡返一下。飯煮得乾爽分明，唔會太濕或者太硬，啱啱好。叉燒嘅蜜香同雞好夾，碗飯好快就食晒。至於熱杏霜，入口超香滑，杏仁味濃郁但唔會過火，仲有淡淡甜味，飲落暖笠笠，特別啱天氣涼嘅時候。配住燒味飯一齊，感覺好有港式茶餐廳風味。鐘意燒鵝既下次會再叫整體嚟講，份量足夠，價錢合理，味道有水準。想食快靚正嘅港式燒味，加杯熱杏霜，真係夠晒滋味！…查看更多

藍田居民的飯堂邨內雖然滿佈多間港式茶餐廳，始終「大壹」的奶茶最出色茶香濃郁，帶有微微澀感又被淡淡的淡奶完美中和，口感絲滑順喉熱奶茶上枱溫度拿捏得剛剛好攪拌兩三個圈，即可感受港式奶茶的靈魂另一樣值得讚賞的是-滑蛋叉燒飯肥燶叉配上嫩滑的炒蛋，淋上豉油和蔥花甜中帶鹹，食落口真係冇得輸！不只叉燒做得正，鑊氣小炒亦都十分欣賞邨內的茶餐廳卻能媲美外面更多人氣的打卡餐廳強烈建議大壹係旺角開多間分店俾多啲識食之人試吓有質素的港式茶餐廳…查看更多