城寨風味 (已搬遷) 新店位置

返工又來九龍城食好西，上網知道城寨風味，預早巳有訂菜，海鮮出名，來到食海鮮不可少。店中分二層，上一層便是食店，Menu好多美食，食物能夠一目了然，即時要寫落單紙了，馬上要叫野食了。城寨石鍋花膠-見很多食客都來食，入面有花膠及菜，城寨石鍋花膠熱度很好，花膠很彈牙滑口，菜也爽口，令我們欲罷不能。七味黃金豆腐-店中十大推介之一，一定要食，黃金炸至金黃色，香滑度十分高，印象佳，又是出色之作。金沙蝦球-我未食過金沙蝦球，原來蝦球塗抹上蛋黃，食法確不同，大件鬆軟，十分可愛的金沙蝦球。城寨風味炒飯-來到城寨風味要食城寨風味炒飯，飯香好熱，配上鮮味的材料最正，我都按捺不住，每次想起都想即時到來品嚐美食。

同朋友在九龍城行街，才知道九龍城的城寨風味，食物未食過，不妨一齊去食下有幾滋味。家人少一起，有機會一齊食城寨風味，心裡帶點開心，城寨風味門口好有氣勢，咪來食下中餐。來到首先食(牛展)，充滿鮮味及彈性的牛展，都算幾入味，味道足夠，一會兒家人巳食清了。(城寨石鍋花膠) 吃進口中很嫩滑，花膠則帶有彈性，水準不錯。彈牙實淨有咬口，但要熱食，因太久不食，會不好味道。比想像中大的(什菜煲)，清一下腸胃，不會太多油，什菜爽，口感幾好，大人細路都可以食，好正呀！(錦江海鮮豆腐煲) 最多豆腐，一口咬落去，亦能帶出豆腐的芳香，個人覺得海鮮好惹味，二者十分之配合。

好耐冇入九龍城食飯，主要原因係比教隔涉。入親都係食泰國野，食得多都寡。所以今晚食中菜！見openrice有不少好評，所以便試一試城寨風味餐牌有不少選擇，花多眼亂呢！幸好，侍應很好人，為我們推介了一兩道菜。先食咗前菜拍青瓜，坊間有好多拍青瓜。但一睇個樣就知係切完淋d汁上去。但呢度唔同，一睇就見到不規則既邊界，食落口更有質感。醬汁酸酸甜甜，帶少許辣，好開胃。之後來了一道侍應介紹的菜—胡椒汁燒茄子。伴碟精緻唔在講，整條上的茄子內是釀入了彈牙的魚肉，而整條的茄子更是燒到十分可口，而甜甜地又充滿胡椒味既醬汁更是恰到好處，冇遮蓋到茄子既香味之餘更提起了魚的鮮味，侍應果然冇介紹錯，佢仲好好服務，幫我地切到一舊舊方便食！必點之選！送飯一流！啫啫雞煲就食得多，啫啫芥蘭煲原來都有異曲同工之妙，未見食物就先被佢既香氣同渣渣聲引起咗注意。芥蘭十分翠綠，咬落口仲索索聲，十分新鮮，加上惹味的肉碎粒，我地食到一條都冇淨！再來就是栗米魚肚湯，初初冇諗過一客原來有咁大兜。就咁睇都見到十分足料，魚肚同粟米既比例岩岩好，又冇鯹味，鮮甜

最近好友從英國回歸，當然要盡地主之餘，帶她連續吃個不停，今次去九龍城一帶覓食，好友想食中式美食，剛好經過「城寨風味」，打算一起享受美食佳餚的情趣，正合好友的口味，同她盡興吃一餐。 地點位於九龍城的食店，餐廳門口的燈籠及牌匾，裝潢很美觀，環境舒適，很受食客的歡迎。 設計以木材為主調，感覺很潔淨，環境設計優雅，地方寛敞坐位闊落，放工後很好的聚腳地。 七味黃金豆腐 $68 賣相吸引很開胃，每塊厚度差不多，豆腐香滑，豆腐原本味道會淡，但是七味黃金豆腐配上酸甜的醬汁，口感卻截然不同，兩者平衡得天衣無縫，豆腐的香滑帶到另一個新層次，令我喜出望外。 蟹肉冬蓉羹 $128熱乎乎出來，很大盤的蟹肉冬蓉羹，好多蟹肉，蟹肉咬下去鮮味撲出來，肉質爽口彈牙，冬蓉切絲，細細咀嚼之下，口感層次豐富，充滿優雅不膩的滋味，百吃不厭的推介。 金沙蝦球 $168蝦球均勻沾上蛋黃，肉身通透，彈牙爽口，特別軟腍，口感極好，不會感到油膩，正合我的口味。 賽螃蟹炆伊麵 $98 單單看樣子已經令人唾涎，伊麵有口感，不會太淋身，蛋白好滑，彈牙煙靱，蝦及帶子爽口，非常滋味。 城寨風味炒飯 $98 份量足的城寨風味炒飯，炒飯

每次相約朋友來到九龍城，總會很自然地，跑進泰國菜或者越南菜的餐館，不自覺間，已經把九龍城和越泰菜畫上等號。這天相約友人再次來臨，決定尋覓比越泰菜更九龍城的餐廳，這餐廳命名為「城寨風味」，這名字讓我想起大台的一套劇集。也因為名字的特別，我們決定一試。步進餐廳，找不到接待處，要走上一條長樓梯，才能看見餐廳的核心。今天大約7：30到達餐廳，已有8成爆滿了，未知大家是否也和我一樣，被餐廳的名字所吸引？還是食物真的那麼好吃？餐廳還算幾大，設有4人卡位，也有12人大枱，不論人大人小，同樣合適。餐前小食有花生，很傳統的粵式餐館設定。在牆壁上貼上餐廳的「十大名菜」，方便客人揀選比較著名，比較特別的菜餚。特別餐牌有這個城寨石鍋，個人認為是實惠必點之選，＄58有一個一人鍋，可以揀非常名貴的鮑參翅肚。石鍋海參，石鍋魚翅，石鍋鮑魚，石鍋花膠，四款也非常吸引，而因為這個菜式真的是名副其實的「賣大包」，所以每人只可限購一款，而且只限堂食，不設外賣。主餐牌的食物也是有中文英文，加上圖文並茂的，個人最like。城寨石鍋花膠 ＄58石鍋四寶中，我揀選了我的最愛花膠，由於是用石鍋的緣故，即使上枱5分鐘後，鍋上的花膠仍然非

初二家人本想吃西餐，但因放煙花（今年旭日集團放煙無花浪費金錢）不會去尖沙咀，九龍城的西餐大部分都不開，中餐又大部分滿座，或限時交枱，終於找到此家有最後一張枱又不限時，二話不說便來了。知道這個店很久了，終於可以一試。點的是乳豬，啫啫芥蘭㷛，柚子汁煎蝦，豉椒班瑰煎米粉。乳豬是推介菜式。絶對新鮮，皮薄香脆，沒有過多脂肪。但又不能到超水準的地步。柚子炸蝦。汁像西檸煎軟雞，整體水準也不錯。啫啫芥蘭㷛。份量十足，味道十分香口，唯獨上枱沒有啫啫。但我們鄰桌的啫啫㷛是有啫啫的。實是美中不足。班塊煎米粉。餐牌有很多石班魚的菜色，果然班塊不是一般冷凍的貨色，很新鮮。米粉煎很不錯，很香口，雖然不是我吃過最好吃的，但已經十分不錯了。總括來說，很有鑊氣，一定再來試其他菜色，尤其是那些功夫菜，如「不是粟米」。

今晚按完摩又係捃食時間，城寨風味其實一直都寫在ＴＯ　ＥＡＴ　ＬＩＳＴ上，但TO EAT LIST實在太長直至今晚終於一試。平時經過在玻璃窗也會看到燒臘部的情況，有自家燒爐.... 相當吸引 ! 用膳區在上一層，樓梯上方的牌匾有藥膳同燉湯.... 我係湯怪一定要整番個先得 !被安排在卡座，檯上介紹了石鍋, 有女仕恩物花膠  即係唔要燉湯轉呔要石鍋花膠 石鍋花膠$58有一整條花膠筒 石鍋海蔘 $58即燒脆皮香豬($148) ~ 因為兩個人關係只係叫咗個例牌，皮脆，師傅已經將多餘脂肪去除 黑胡椒燒鴨($148) ~ 都係例牌可能例牌関係，唔似即燒，只是微暖金柱鄉下仔炒銀芽 HK$88銀芽夠乾身又爽口，還有大量金黃榣柱絲 對這個有點失望.... 每一件都有骨, 全部都係D邊邊位........ 無得大塊朵兒咁吃....  每一口必須好小心翼翼的吃....... 

細細個讀書的時候，有讀過下以前九龍城呢個地方其實係城寨，係一個三不管的地方，即係香港政府不敢管、英國政府不想管、中國政府不能管，由居民獨立自治的圍城，係黃賭毒聚集之地，而家真係好難想像當時無政府狀態究竟可以亂成點時隔多年，呢個亂到媽媽都唔認得的地方，已經變身成為美食之地，由黃賭毒爭地盤，變成各餐廳爭奇鬥艷的好地方餐廳打正旗號以城寨作主題，門外的石獅子，以及掛起的紅燈籠，都充滿中國風味十大名菜看起來十分吸引，但要等下次同多D人一齊食先可以試到了，今晚2人飯叫每位上的菜色就岩晒我地被安排坐係卡位，餐廳都幾大，但我諗都係預約定會好D，我地平日黎食都座無虛席，走的時候更加見到有人等緊位城寨石鍋花膠 (每位$58)喜歡吃花膠的我們，見到做緊PROMOTION當然唔可以放過，石鍋一上時仲係大滾緊，而且石鍋實在好保熱，我等左一陣再吹左好耐先食到，$58有兩大舊花膠實在好抵，花膠仲要係有厚度的，個汁膠質豐富，我連個汁都飲左唔少蟹肉冬蓉羹 ($128)冬瓜蓉其實係切絲並唔係打成蓉，口感更豐富，而且仲有好多蟹肉，清清地，呢個羹實在係好大盤，合我地2人之力實在飲唔晒金銀蛋浸時蔬 ($88)我地揀左菠菜，又係

今日和朋友往九龍城城寨風味食中菜。我們點了例牌的即燒脆皮乳朱,生滾潮式蠔仔粥和泰式海參生菜包。泰式海參生菜包材料豐富, 辣度適中,切粒海參十分彈牙, 生菜好新鮮爽口, 生菜配上切粒海參食落層次豐富, 並不油膩；生滾潮式蠔仔粥粥底夠熱而且香綿, 新鮮蠔仔好大粒, 食落十分鮮甜, 粥底配上蔥花更能帶出蠔仔鮮味；即燒脆皮香朱好好食的燒乳朱, 外脆內嫩,朱皮炸得熱辣辣, 脆卜卜, 好香口, 朱肉肥瘦均勻, 有油花, 肥而不膩, 配上乳朱醬令脆皮朱更加惹味,例牌份量剛好夠二人一再回味。餐廳環境很有特色, 很有城寨風味,, 座位舒適, 食物有特色, 質素甚高,值得一大班三五知己聚會好去處。

九龍城是一個福地除了童年回憶外也是我常常去開飯的熱點城寨風味主打香港式小菜今夜偕父母到此用膳點了名物燒乳豬外皮極酥脆肉質細緻孜然豬下青就是豬頸肉份量巨大豬下青外脆且惹味非常絕對是下飯之選城寨風味雞有點薑蔥味味道比較清淡平平無奇下次有機會可以選擇燒雞今晚大家都很喜歡那味金沙蝦球爽口的大蝦球被鹹鹹香香的鹹蛋黃緊緊包裹又是另一下飯之選最後是賽螃蟹伊麵味道屬清淡沾一點醋食用既提鮮又解膩一席巧手廣東菜無盡樂融歡笑聲

新春期間，父母們還是覺得吃中菜較好，故他們堅持在城寨風味吃晚餐，因為這裡的中菜在九龍城可算首屈一指。由於正值農曆新年，不少一家老小前來光顧，所以我們也等了一會，店員服務不錯，不時安撫我們這羣待入座的食客。家常小菜一定不少得菜脯蠔仔煎蛋，菜脯與蛋的外層煎到微酥，裡面鮮嫩多汁的煎蛋，每一口都吃到很有口感又鹹香的菜脯。蠔仔亦顆顆新鮮甜美，且數量不少，幾乎每口煎蛋都能吃到一顆。是晚乳豬都沽清，唯有點燒乳鴿。乳鴿皮燒得油油亮亮的，口感酥脆，當撕開脆鴿時，肉汁從中滲透出來，嚐起來肉質軟嫩濕潤，令人再三回味。這裡的花膠湯蠻便宜，只是58元，所以我們也一人一小窩。花膠膠質豐厚，滑溜溜富彈性，配上熬煮濃郁的雞湯，膠原蛋白非常豐富，也很暖胃。豉椒斑片煎米粉絕對是一道特別的菜式。將米粉外層煎成酥酥的餅皮，而內裡幼細的米粉不糊不爛，吸收豉汁的惹味，口感剛剛好。豉汁掌控得很好，不會過鹹，加上青椒，紅椒爽口清甜，斑片新鮮肉嫩，整體都非常出色。整盤炒米粉份量亦很多，故我們三人吃得飽飽的。

有d人講極都唔化，話咗做節要一早book位，好似得你一個有錢出去食咁，結果想訂嗰間酒樓無位，又搞到我要臨急臨忙搵地方食飯！上openrice睇下有邊間好味，同埋最緊要有位！前兩日訂位，食第二輪，即刻上網睇吓有乜好推介先！呢個雞叫馬到功成，張相介紹個樣係成隻馬咁樣，但結果出嚟呢隻唔知係乜？呢個炒飯好濕，一般吧！好脆皮嘅乳豬啊👍🏻👍🏻👍🏻呢個真係超好味，一定要食👍🏻👍🏻👍🏻整體上都可以除咗個炒飯同隻雞之外，下次試吓其他餸先！

前排睇完城寨XX (唔開名啦HAHA), 之後無意聽到呢間餐廳, 即刻心動狗衝去試啦 係就係少去九龍城, 但都唔會阻礙到我對呢間城寨風味嘅FANTASY 首先介紹下城寨石鍋海參, 個鍋嚟到已經FEEL到好夠火喉! 咬落去, 海參口感好彈牙, 湯底入味之餘亦帶到海參本身嘅鮮甜! 但小心燙口呀J 最感動係海參原條上, 好有滿足感呢個即燒脆皮白豬好似係招牌菜, 果然名不虛傳! 首先肉同皮厚薄好BALANCE, 唔會搶風頭. 皮夠哂脆又香口, 咬落有聲果種! 果然即燒係唔同啲! 而肉夠嫩之餘亦留有少許暖暖地嘅肉汁. 就算唔點醬都夠哂惹味呢一味都算係家常菜, 但一啲都唔遜色! 特別係欖菜選料唔錯, 酸味恰到好處, 配合到四季豆嘅爽口同鮮甜. 而豬肉又唔會炒得太老, 成碟餸近乎完美!真係唔好睇少啲地區食店, 分分鐘做得出色過出面啲大市區! 今次食到呢餐, 超滿意喔

九龍城既食店真係愈黎愈多元化，今次食既係中菜，城寨風味呢個名改得幾好，有九龍城既特色！食店裝修得古色古香，主調係中國人最鍾意既紅色，充滿喜慶既感覺！一入門口仲擺左個鼓，吸引唔少小朋友經過都要敲幾下！雖然店內擺設充滿中國風，但係播既歌竟然有流行曲同英文歌，新舊交融，真係估佢唔到！同埋店員都好年輕醒目，反應夠快，招呼周到！  四川口水雞：在座朋友唔係全部食得辣，所以叫一樣辣度比較溫和既四川菜作為前菜，大家可以淺嚐一下！味道小辣帶少少麻，唔會好刺激，辣香提升左雞肉既鮮味，而且雞肉都好滑，最鍾意沾滿花生粒食落更加香口！   紅燒乳鴿：皮脆肉嫰，咬落去仲有肉汁流出添，唔會燒到乾爭爭，非常難得，好耐冇食過咁juicy既燒乳鴿，點少少淮鹽，滋味無窮！賽螃蟹伊麵：平時芝士龍蝦伊麵食得多，伊麵配賽螃蟹都幾有新鮮感！估唔到又幾match,滑溜既蛋白加上爽口既蝦仁同帶子，口感豐富，落少少陳醋令味道更有所提升，伊麵底亦變得清爽，冇左一貫既油膩感！食到差唔多經理更送上蕃薯糖水，非常好客！糖水薑味十足，蕃薯軟硬度煮得岩岩好！   如果要同長輩食飯或者帶外國朋友食中菜，我覺得呢間餐廳真係一個唔錯既選擇，食物有水準，

九龍城出名多好野食，但有名既中菜就比較少見。而城寨風味都算是呢一區我試過比較有特色既中菜一入店內已經被佢地既海味吸引，所以點了平時比較少試到既城寨石鍋魚翅。呢道石鍋魚翅非常足料，魚翅飽滿，與熱洪洪既濃湯一起放入口，帶俾我味覺上既刺激。道菜焗出來水份足夠，食落去不太熱氣。帶子充滿新鮮海產的味道，爽口彈牙，筷子夾下去時亦感受到張力，很震撼！而菌類吸收了帶子的鮮味，菌汁鮮甜，感覺非常完整。再者，菌類的顏色突出了帶子的白，造就了視覺與味覺的享受！斑頭腩 外皮不會太硬，混入燒汁，帶出陣陣蒜香，很有心思。魚腩都很肥美，每一口都係肉，質地都較軟身，口感拿捏得頗佳；而且魚肉鮮甜而不腥，食完一塊又一塊！每一道菜都好費盡心思，無論係色、香、味都高水準表現！