城寨風味 (已搬遷) 新店位置

嚟呢間城寨飯店食飯，並不是因為劇集效應。而是因為忽然想食鴿1) 呢隻乳鴿超脆超幼嫩，定價合理，超水準2) 經侍應介紹下，叫咗一籠，唉，先知賴嘢，份量XXL, 夠4-5人享用， 不過味道郤很濃香，蟹嘅鮮融匯在糯米飯中，蟹之肉質有鮮味，整體值回票價，最後食唔晒，更係要外賣走啦3) 原來呢到啲乳豬也不錯，一啲都不肥膩，啱晒我4) 而啫啫芥蘭煲，有鑊氣

預約了8:30 4位但他們不停話 等等 埋單喇 執緊台一等等到9點先帶台之後叫左4 個送居然黎左碟炒飯先之後既送等左3-4 個字先到咩都凍晒啦果個菇炒帶子 同菜脯蛋 好油係叫做好食少少果個就係秋葵蝦球唔會再去

Nice Chinese foods, nice environment, good service. Roasted suckling pig is highly recommended.

中秋節，一家人約定外出晚飯，想應節，與家人團圓過節。早已預訂此店的枱，位於九龍城，與家的距離較近，家人也心知九龍城有很多食店很受歡迎，於是喜於前往。入座後，但看到店內的裝修及裝飾，很是華麗，很有中國傳統特色。洗手間前的屏風，更顯雅致。家人坐下先要了啤酒，店員問及要多少個碗，最初還以為店員說錯，誰知真的送上兩個碗。以碗代杯，還要是喝啤酒，真的有點豪氣之感。碗底是祥雲圖案，很有傳統味道，很久也沒見過這個圖案，非常有特色。除了啤酒，也送上前菜，酸木瓜。木瓜較硬，家中年長的吃不到，味道卻在酸中帶點甜，雖硬卻是爽口的，非常吸引，不喜愛木瓜的我也吃了數塊。先為我們送上的是木桶雞，雞肉鮮嫩美味，顯然是新鮮活雞的味道，醬汁香濃卻不鹹，味道剛好適中，並帶出活雞的鮮甜香味，家人也異口同聲讚揚。此時送上飯，那是很有香港特色的公雞碗，雖不是老舊的款式，卻已經令我喜出望外。碗中的飯粒長長飽滿，兩邊稍圓，並不是泰國米。入口香軟，飯味突出，雖不知是什麼地區的米，總比泰國米為佳。米蘭野菌焗帶子，是此店著名菜式之一，香香的香草香氣，已經送到鼻腔，外表並沒有太多油光，又沒有乾巴巴的感覺。入口除了陣陣的香草味，完全不覺得油

好耐冇入九龍城食飯，主要原因係比教隔涉。入親都係食泰國野，食得多都寡。所以今晚食中菜！見openrice有不少好評，所以便試一試城寨風味😁餐牌有不少選擇，花多眼亂呢！幸好，侍應很好人，為我們推介了一兩道菜。先食咗前菜拍青瓜，坊間有好多拍青瓜。但一睇個樣就知係切完淋d汁上去。但呢度唔同，一睇就見到不規則既邊界，食落口更有質感。醬汁酸酸甜甜，帶少許辣，好開胃。之後來了一道侍應介紹的菜—胡椒汁燒茄子。伴碟精緻唔在講，整條上的茄子內是釀入了彈牙的魚肉，而整條的茄子更是燒到十分可口，而甜甜地又充滿胡椒味既醬汁更是恰到好處，冇遮蓋到茄子既香味之餘更提起了魚的鮮味，侍應果然冇介紹錯，佢仲好好服務，幫我地切到一舊舊方便食！必點之選！送飯一流！啫啫雞煲就食得多，啫啫芥蘭煲原來都有異曲同工之妙，未見食物就先被佢既香氣同渣渣聲引起咗注意。芥蘭十分翠綠，咬落口仲索索聲，十分新鮮，加上惹味的肉碎粒，我地食到一條都冇淨！再來就是栗米魚肚湯，初初冇諗過一客原來有咁大兜。就咁睇都見到十分足料，魚肚同粟米既比例岩岩好，又冇鯹味，鮮甜👍🏼最後仲送了紅豆沙糖水，有陳皮又起沙，滿足！

中秋節晚餐，訂左8:30， 但因太多人，最後都等到差唔多9點先有位太多人嘅關係，佢d餸係上得好慢嘅，食完一道，第二道都未黎。我不是栗米，其實係檸檬鯇魚，估佢唔到！好細心咁成條起晒骨，好精緻嘅小菜，味到ok gei, 不過如果佢用d靚d嘅魚會更加好。乳豬叫左半隻 ，平時我唔係特別鍾意食乳豬，但我覺得哩間個肉做得好好， 好滑，又香，忍唔住食多兩舊。 脆皮方面，其實好有心思，好似片皮鴨咁，片左個皮先，所以冇肥膏，但如果輪味道，我就覺得一般，唔夠香，皮就脆過龍。其實仲有食其他野，啫啫芥蘭：好香同好嫩，唔錯！砵酒焗桶蠔：好好味，個汁好襯，蠔就煮得剛剛好，唔會尾尾咬唔到，不過得5隻蠔，少左d鮑魚粒炒飯，超大碟，好多汁，唔係乾身嘅，但唔錯。

電視劇播影緊城寨英雄，令很多香港人對當年既九龍城寨產生了興趣！正因為咁，就要試下呢間舖～城寨風味！睇下有乜特别！舖內裝修古色古香！坐位一排一排，齊齊整整！舒舒服服！坐下就覺得好肚餓啦！我就叫了一個潮陽炒飯～賣相唔錯！炒飯煙韌適中，有菜，有蛋，有欖角，肉碎混在一起！味道恰當，不太濃！啱啱好另一個係四川酸菜魚～賣相吸引！魚既肉質鮮嫩彈牙！原來用龍躉來煮酸菜！靚呀！加上野味嘅汁！配上飯一齊食，真係絕配！

平時放工通常一個月出兩次九龍城食飯，主要食泰菜或打邊爐，食中式都是第一次！出該區食飯都會經”城寨風味”，朋友推介過，只是一直愛食泰菜才未有選擇呢。近來”城寨英雄”TV大熱，而當天早放有位就入去試試啦！😋生滾蠔仔粥其實都好似蠔仔泡飯，蠔仔又多又大大粒，唔會粥水多過蠔仔！潮式粥底鮮甜，平時係其他餐廳食都會好淡味。唯一唔好就是份量較多! 哈哈! 3-4個人份量會剛剛好啊! 菜甫蠔仔煎蛋呢個菜式正到喊！一餅分為6份，先唔講蛋的厚度剛好，不厚亦不會薄到好易爛！最正係每一啖都食到蠔仔，咬落仲好juicy，加上爽脆菜甫，成件事都好夾👍！山葵蝦球其實都似沙律蝦球，但wasabi味就較特別！唔會太辣，反而有沙律的甜味。蝦球亦炸得好好，炸皮係好薄，包住新鮮蝦球👍提議最好先訂位，因為19:30時都見個場full full地了! 其實佢都有seafood，見隔離檯order的都好新鮮!下次約多三五知己試試先!

好耐已經冇去九龍城，變化唔算太大，都知好多好食既地方，其中既有依間，可以介紹下！炸乳鴿，皮脆有色澤，肉香汁香，可口非常，必食！百味豆腐，皮脆內滑，皮香野味，吃完一件又一件，停唔到口，必選！

呢排睇得多城寨英雄，對九龍城呢個地方好有興趣。有晚喺九龍城放工，即刻周圍行吓睇吓有乜好嘢食。經過呢間城寨風味，即刻比佢個門面吸引住，大大個燈籠加埋個牌匾，實在太有味道了。揭下餐牌，原來呢度都幾多款式嘅食物，一時之間真係睇到眼花撩亂。乳鴿我哋落單嘅時候店員話仲有兩隻乳鴿，問吓我哋要唔要。$38一隻梗係要試啦，雖然價錢平，但一D都唔會偷工減料，乳鴿細細隻，上枱熱辣辣。皮脆肉嫩，一路食都仲有好多肉汁流出嚟。山葵蝦球黃金蝦球食得多，山葵真係第一次。好彩佢Wasabi味都唔算重，唔會攻鼻。食落有少少辣，但非常惹味。加上佢既份量好多，平時出街食蝦通常唔夠分，但今次真係夠哂數，正呀！菜甫蠔仔煎蛋呢個真係要大大力推介，菜甫、蠔仔同埋蛋都係我喜愛嘅食物。但係上到枱見到中間混集左好多芫荽同埋蔥，個心沉咗一沉。點知食落口蔥同芫荽味唔算突出，反而比蠔仔嘅鮮味掩蓋左。太好了！蠔仔大大隻而且份量多，絕對值得encore！九龍城雖然出名食泰國野，但估唔到呢間城寨風味都令我大滿足咁離開！

一望無際的座位,任你點座都得,而且乾淨清雅,同三五知己係度食個晚飯最岩。叫左個賽螃蟹伊麵,好大碟,好低食,上台時仲有煙,熱辣辣的,蛋白及蝦仁鋪在伊麵上,仁很鮮,蛋白好滑,与伊麵撈埋一齊食,口感很幼滑,很易入口,好岩小朋友食。咕嚕肉,炸到金黃色的半肥瘦排骨加上青,紅,黃三色椒再抄在一起,排骨很新鮮,咬落口外脆內鮮甜。脆皮豆腐,外層有少許芝麻,食落口外脆而且有芝麻香,豆腐超滑,口感一流。

原本諗住食泰國野，但都排晒隊好多人，之後見呢間門面裝修幾好，又即刻有位，就同男朋友入左去試下價錢中價，但三珍海味多，甘我地緊系無甘富貴，叫左個佢地推介既七味豆腐咬落皮脆，加左小量7味粉，內裡好嫩口，好滑，咸味適中，唔乾身，炸得剛好$38乳鴿抵食好入味，咬落好多肉汁流出黎，加上皮脆即刻忍唔住影反張相。蛋白伊面蛋白+蝦仁+伊面，比較清淡，蛋白滑身，不老，炒不過火，蝦仁彈牙但無咩蝦味，伊面軟硬適中，整體ok埋單比錢，原來佢有茶價的，每位15蚊，早知就飲多二杯

一向甚少看電視的我，最近竟然間中會看城寨英雄，更沒想過那天本來想到九龍城吃泰菜，卻被隔鄰這間城寨風味吸引了。而最令我改變主意的原因，就是我竟然透過玻璃窗口，看到師傅在燒乳豬，完全讓人流口水。在看過餐牌，確定找到想點和價錢也可以後，便上一樓，還好是平日而我們算早，尚有吉桌。單是這個角落，已經讓人感到很有特色。乳豬(例牌)熱辣辣上桌，乳豬皮夠香脆，乳豬肉一點也不肥，但不會太瘦太乾。重點是，這份乳豬完全不鹹，很能吃到豬肉的原味。雖然份量不多，但很滿足。七味黃金豆腐外層香脆，內裡的豆腐滑到不得了。用上了七味粉和炸蒜粒，但意外地不會辣也不重口味，微辛帶少許鹽味蒜味，完全沒有蓋掉豆腐香。賽螃蟹炆伊麵真的很大碟，而且賽螃蟹的的份量也不少，有蝦肉、魚肉和蛋白，蝦肉鮮味口感爽彈，蛋白炒得也夠滑。伊麵煮得軟硬適中，味道較淡，但夾著賽螃蟹吃感覺不錯，加了醋的話味道更好。點了幾道菜式，發現這裡的調味都較輕手，有味而不會太鹹，用油也不算多。雖然看餐牌整體價錢不算便宜，但份量很足，像我們這次兩個人點三樣已經很飽，多人去應該會更好，可以帶怕重口味怕油膩的兩老和奶奶再去。

生有序時死難逃，辰時卯時完一天。快到先祖座前伴，樂訴得失佑兒孫。在遠古的中國，醫藥並不發達的時候，婦女在知道有身孕後，直至生產都要十分小心生活，而在嬰孩出世的一刻更是非常危險，所以古代的人把現代慶祝生日之活動，稱為❛母難日❜。每次的生日總希望與老媽食個午餐或晚飯，多謝她將我安全帶到現今的世界。但她的安老生活比之前更是悠閒和精彩，要見一面也得早早致電相約。我常常稱頌，上輩的健康，才是上天給予的最好禮物呀！一家人浩浩蕩蕩到≪城寨風味≫晚飯，品嚐朋友口中之特色手工菜。它被稱為刀功細緻利落，菜式造型真實，味道香濃特別，用料與質素配搭起來也算是價格合理呢！“不是粟米”全碟只有一條，由魚柳加上廚師的細心，一刀一刀切為小方格，但到達魚皮時，又不能切斷，外表有八成似棵粟米的‘西檸香脆炸魚柳’。十分讚賞大廚的心思呀！但此碟粟米真的瘦削了，未有突顯它之粒粒形態，要依賴頂尖的真粟米段及小唐菜來陪襯。而魚肉質地較薄和油脂不高，口感當然是脆，可惜失去了魚香與幼滑。此碟菜式需要338蚊，再被分成八件供我們六人分享，真正是幾矜貴的呢！再選擇了兩款相信味道濃郁的菜餚來驗證朋友所讚揚之傳説。“秘制黑胡椒燒鴨”半隻及“鮮

我家爹爹生日，一定要找個好地方與他慶生，感謝他愛我寵我錫我這麼多年❤️❤️其實我一個星期前已經在我Openrice收藏餐廳的List中，挑選了這一間，便位於九龍城有名的中菜館— 城寨風味，一嚐它大中華的老傳統手藝因在一星期前已知到此慶祝，必定會大吃一餐，所以直接將生日蛋糕提前一日吃，還特地當天中午只吃少許，留肚嚐嚐大江南北味道！搶眼奪目的黃色大大突顯出「城寨風味」四個字，還配上兩隻石獅子霸氣地坐立在門兩側，兩旁掛上紅當當的鞭炮，充滿霸氣而特色的大中華味道。我因需要加班一會而遲到，他們卻已經一早餓得叫了個前菜小食 — 豬仔腳。當我到時，他們吃得只淨下兩隻腳仔和兩塊豆腐，所以連相片也來不及拍。豬腳仔食落腍身入味，啖啖豬仔肉，食落又不油膩，而且豆腐完全吸入豬腳仔汁，煮得十分出色！終於主菜上場了每碟出菜都十分快，一叫起菜，不到10分鐘已經有第一碟了！然後接著5-10分鐘出一碟，又出另一碟，上菜效率高城寨乳鴿是日乳鴿大平買，平日要$68，今天卻優惠價$38😍😍因數量有限，爹爹已好醒目地叫老闆預留兩隻。乳鴿原隻上碟，每隻Size不太大，卻因細細隻，覺得它們平排出場，放得有點可愛☺️☺️重點是外皮香脆，內裡