坐忘

營業中

休息中

同事早前提及鰂魚涌有間幾出名食日式咖啡的餐廳，之後一直心思思都試，但又唔記得問間餐廳叫咩名。所以今日就邀請同事帶我去食，餐廳原來位於常常經過的濱海街，名為「坐忘」，好特別的名字，是不是要坐在店中想想自己有沒有忘記什麼！一時三十分，都仲有小量排隊的人龍，大概等左十分鐘。店內人山人海，全場坐滿，人多關係環境有點吵。餐牌是手寫的，份外有親切感，選擇也不少，最後點了日式烤雞野菜咖喱飯，餐飲送日式焙茶，有凍熱可選。外貌看似平平無其，但濃濃的咖喱味卻芳香撲鼻，而是是熱騰騰的感覺。飯是帶黃色的，混入了栗米和南瓜粒，好健康！咖哩味香甜，食落少少辣，而且好多汁！雞扒是大大塊的，大概有四件，而且配大量唔同蔬菜，倒如西蘭花、山紅蘿蔔、西芹、荷子、脆玉瓜、椰菜花、四季豆，超級多蔬菜！很少在餐廳能有這麼多種類的菜在一個飯中。不得不提是，有波浪造型的薯條，很有心思。紅蘿蔔和薯仔是在日式咖哩日不能少的元素！份量方面，午餐係絕對夠飽，不過有少少愈食愈辣的感覺。

朋友好好好好鍾意帶我去天后或鰂魚涌去食咖哩，尤其這間日式咖哩，之前成日想他提，想不到有次坐完丁丁捉怪獸，剛好就在附近，肚又餓了，當然心動要試試！門口早已有人排隊，又冇得訂位，店內坐滿人了，怎麼辦？唯有繼續等！大部份人都係食咖哩，當然有些配燒雞、或食烏冬，但朋友話他中過伏，還是簡單野菜口味最為妥當。15道野菜日或咖哩飯，第1時間真係數數有幾多種野菜，哈哈！有椰菜花、紅蘿蔔、翠肉瓜、薯仔、蕃薯飯（計嗎？）、洋蔥、西蘭花、蓮藕（超級好味）等等，野菜全是烤過再處理，好香口的。好味又飽肚，大家話呢？！

Lunch time 12pm 去，要等一陣，3分鐘到就有位。中午粉麵食包一杯凍或熱焙茶。我叫咗個9種野菜湯烏冬同彩菜牛肋黑椒燒汁定食。9種野菜湯烏冬，烏冬麵質彈牙，湯底偏清淡，人面有粟米，西蘭花，椰菜花，脆肉瓜，椰菜，紅蘿蔔，豆角，西芹同薯仔，所以材料都好新鮮，分量好足夠。彩菜牛肋黑椒燒汁飯，醬汁偏甜，好好味同彩菜好夾。牛肉好淋，彩菜好多好豐富。有蓮藕，南瓜，茄子，紫洋蔥，旁邊有啲生菜。牛肉飯一樣，材料好新鮮，蔬菜多，飯同烏冬份量不少。12:45前付款有95折。.9種野菜湯烏冬 $68彩菜牛肋黑椒燒汁定食 $84.

住喺太古，放工翻來去附近搵食， 來到坐忘， 已是今個月來第3次幫襯。上次嗌左個豬軟骨咖哩野菜飯。 係就係好味，但豬軟骨個咩太強，同個咖哩味打晒交。 今次試左個黑芝麻牛肋咖哩野菜飯。 黑芝麻滿布牛肋粒，牛肋相信應該是煮左好多個鐘用足心機，係極冧！冇韌柴， 同咖哩汁出奇咁夾！ 下次再來會encore 呢個牛肋！！！

中午12:15到門口，已經堆有二十來人等位。可見受歡迎程度(尤其是OL)不少。一個人孤獨食lunch就有好處，單刀直入。(有同事講過佢等左45分鐘先可以入坐… )奉承Green Monday宗旨, 點了一個15種一日野菜350g咖哩飯 Daily Portion 350g Vege Curry野菜咖哩飯即是有15種不同蔬菜：車厘茄、橙心番薯﹑三色椒﹑南瓜蓉﹑蓮藕片、西蘭花、蘿蔔、翠玉瓜…… 非常高纖健康!咖哩是日式的甜咖哩，配上白飯，飽肚感滿滿。落單是12:18, 等左20分鐘左右先上菜, 旁邊3位客人比我遲入坐都食到一半…所以冇辦法於12:50前埋單享有95折。店員道, 店面/廚房漏單所致,不過都有禮貌地道歉。下次就試試黑芝麻咖喱啦! 

本人其實都好鐘意食吉野家 特別係細雞飯 因為除左有雞肉仲有野菜 懶係健康咁XD 不過最近同男朋友去左依間餐廳 明白到咩先係真正嘅野菜！ 我地叫左一個咖哩野菜豬軟骨飯同埋一個咖哩野菜牛肋肉飯 同埋兩杯鮮榨西柚橙汁 個豬軟骨好'淋' 聽講好似煮左八個鐘 好入味 啲軟骨'淋'到好似食緊花膠咁 入口即溶 而且有手掌咁大舊 裏面嘅薯仔同蘿蔔都好好味 好抵食至於個牛肋肉飯啲蔬菜有茄子 菇 同四季豆 對於鐘意食茄子同菇嘅我簡直係正~~~ 杯橙汁好健康同新鮮 不過我就覺得太多渣 不過咁先係鮮榨呀嘛

星期五晚想吃清一點，選了這間之前看過介紹的坐忘，名字改得很好，令人想來看看。說是日本師傅來港開的健康無味精的日式家庭菜，喜歡日本菜和健康文化的我期待不已。QB 不是星期五晚的聚腳點，這家店坐落於大馬路旁的橫街，晚上頗靜，而這家店卻坐滿了人，很擠擁。不要期望是坐得很舒服private那種，這裡是吃為主，環境就不要期望太高。款式很多，小吃也有十種，雞翼炸物燒物。。。二人行點了最signature咖哩野菜飯及忌廉雞扒烏冬，再加一個溫泉蛋。野菜飯如期望般好吃，咖哩汁香甜而不過份濃，剛好的味道配上新鮮的野菜可謂吃完也不夠，想加料忌廉湯烏冬不錯，稻庭烏冬夠韌，略嫌湯底的bacon 量太多，有點膩，加上以健康標準，bacon也是一點點就好。必須再來獨享一份咖哩野菜飯

標榜冇味精嘅蔬菜咖哩，聽落好似冇乜特別，甚至好似會冇乜味道，但呢個諗法係錯嘅！呢間小店唔難搵，出左鰂魚涌地鐵站，行5分鐘就到。六點幾七點去到已經有四、五張枱等緊，仲要係平日，可想而知受歡迎程度已達一定水平。等左差唔多15分鐘就有枱。舖頭唔係好大但都應該坐到二十幾人。個設計唔錯，啲枱枱凳凳都係木造，好襯日式咖喱。首先見到Menu係手寫嘅特別有親切感，仲有玉敏翻譯。甘啱隔離枱係日本人，感覺上好地道。我地2個人，叫左一個牛肉雜菜咖哩飯，一個豬軟骨烏冬，仲有個炒豬肉。等左冇耐就食得個飯賣相十分唔錯，好熱，睇得出唔係煮定齋盛出黎。咖哩唔係一般的甜咖哩，係咸多過甜嘅。仲有好多雜菜，茄子，雜菌，好好味！啲汁好多，但又未至於過多，啱啱好，可以撈曬啲飯食。豬軟骨烏冬係清湯，豬軟骨夠淋，唔會好似其他拉麵館嗰啲咁乾硬。仲有個溫泉蛋！仲有個炒豬肉，有用sake清酒炒，酸酸地嘅味，有大量椰菜同芽菜，好開胃非常值得支持嘅小店！

 行完山,肚子餓得大叫,知道這間小店很有特色,於是就決定一試!聽說是日本人開的店,難怪氣氛都有日式家庭的感覺。餐牌有定食,有咖喱飯,但最吸睛的是慢煮七小時的招牌豬軟骨咖喱份量多到傻了眼睛,有翠肉瓜,紅蘿蔔,西蘭花,西芹等大量蔬菜伴碟,十分的健康。而豬軟骨有整整兩大塊,非常入味,煮得入口即溶,誠意滿分呀~~飯中有粟米粒,咖喱汁有少少辣,但都好惹味。飲品方面，柚加橙汁幾特別,而且味道清新,不過就細杯D,幾啖就飲完。以性價比來說,算是非常合理,絕對有下次!!

餐廳注重無味精無添加多菜少油健康均衡為主所有餐都會配上蔬菜 唔係伴碟個啲喎真係同肉的份量一比一仲要有好多唔同類的菜👍🏻呢度最出名就係慢煮7小時的豬軟骨豬軟骨真係好入味但肉質唔算好淋不過真係超大份! 再配珍珠米 夠哂飽肚另外咖哩都係呢度的招牌黑芝麻咖哩好重黑芝麻香味 咖哩唔會好似其他日式咖哩咁甜真係有返香咖哩味 撈飯真係啱哂唔覺唔覺就會食哂成碟飯🙈野菜唔係得一兩嚿菜 而係有好多唔同蔬菜有椰菜西蘭花椰菜花紅蘿蔔翠玉瓜好豐富啱哂我牛肋煮得好淋好有牛味 不過份量就相對少d除左飯都有烏冬 係扁身個隻 韌度剛好爽口彈牙 但湯底就食唔出白芝麻味 同普通的豬骨湯底分別不大溏心蛋好食 有煙燻的味道 同樣地比起其他烏冬店 呢度的蔬菜比例好多食極都仲有菜食 好滿足最緊要好食價錢又唔貴又唔收加一絕對係午餐好地方!

星期六就係一個忙碌O既日子, 有時要上堂, 有時又要返工, 有時又要返工又要上堂今日上完堂, 個人好攰, 想搵個地方抖下, 叉下電,,,,,,,,朋友介紹左我去坐忘食下野, 食個SIMPLE LUNCH第一次去, 望左好耐, 諗唔到食乜, 又唔想食佢個招牌咖哩, 比個白汁忌廉湯鳥冬吸引左, 就嗌黎試試佢!朋友就嗌左個最普通O既豚肉生薑燒, 試下日本家庭菜,同朋友傾下計, D野食就上到黎啦.....賣相唔差, 睇真D 其實仲幾靚TIM....D 鳥冬都幾彈牙, 有淡淡O既白汁味...唔傑 係牛奶湯的感覺 但黑椒都幾多 烏冬都幾多 雞扒好大塊,又好多配菜, 好似是極都有朋友覺得個豚肉 正正常常 份量中上!下次可以再試!!!!!!

坐忘一向標榜食材新鮮、多菜少肉，原本是注重健康飲食的人士理想的食堂。最近一次，於午飯時段吃了豬軟骨烏冬後，便覺得非常口渴，以往在坐忘吃同一款食品沒有此口渴的感覺。可能加了很多味精！為了顧客的健康著想，請不要添加味精！坦白說，坐忘的食材、味道都不錯，其實不用再加味精。希望情況有所改善！

同朋友兩個人去食晚餐即日可以打定電話去留名留位入到去店舖唔算大 算岩岩好環境都OK喔 但其實最正都係食物🤤🤤🤤諗番起都忍唔住流口水❤️😋💦 呢個蕃茄野菜蘑菇烏冬好大碗最緊要係D蕃茄湯她濃又入味 🍅不過朋友食唔哂 因為真係好大所以細食既朋友可以考慮同人share一碗 哇!!!而呢個豬軟骨野菜咖哩飯真係不得了!!!豬軟骨既味道好正而且有口感😍😍👍🏻👍🏻👍🏻D野菜都好正好多呀❤️❤️❤️總之 已經好想食多次啦!!! 呢個黑豚生薑燒都好好味呀🤤仲有沙律伴碟timmmm💚 總括黎講呢間日式店既食物真係好好味呀❤️❤️家庭式既食物家庭式既感覺而且好多野菜感覺清新又好味💚

呢間想食好耐，但次次都話好多人好少位而令人卻步，今日同友人話早少少去等，希望試一試佢。去到的確已經有起碼10個人等緊，要齊人先入得，所以我都要快快腳去會合友人。坐低前會叫你落order先，咁坐低就好快有得食，多人食有咁的安排都唔錯，你又快時我又唔駛等咁耐。 據聞7小時豬軟骨係必食，所以試一試。午餐餐牌唔見有豬軟骨拉面，只係見到定食同烏冬，唔通我睇錯？ anyway飯都要試有兩大件豬軟骨，好淋好好味，拌飯食一流(雖然我都係好想食拉面), 大大碟我食得晒，因為真係好好味友人叫左野菜咖喱牛肋骨定食，好多瓜菜，好健康，咖哩都係日式唔辣的，相對豬軟骨無咁濃味，都好食。兩碟的價錢$64 & $65, 無加一，算係幾抵食。下次真係要黎食拉面

Camper's is an interesting concept restaurant, even more interesting that it is "Japanese". The food often is rather tasty with a wholesome home style taste about it and often served with some salad. The service as with most Hong Kong eateries is rather average though. They have a policy which I feel is somewhat deceptive, is that you are not only forced to purchase a minimum spend, you additionally have to purchase a drink (whether you want one or not) so it is therefore added to the total pric