坐忘

營業中

休息中

鰂魚涌有很多好吃小店，坐位亦夠寬闊。今敞第二次去坐忘，因為假日正午時分，人流不太多，點了一客沙律四個套飯，$400有找，但若要來一杯清水或熱茶，就要每位另加$3茶錢。四處木色裝潢，牆上簡單掛上一些露營用品，想是要親近大自然忘卻煩憂，所以店名才叫"坐忘"吧!?點了咖哩飯，肉和汁都很多，家庭式賣相，沒有刻意堆砌華麗，很有家的味道。只是服務不太好，有些扣分了。

坐忘無論係午飯定係晚飯時間都一樣係要等位，好彩等咗5分鐘已可入座。晚餐想食得light 啲，於是點咗14種一日野菜溫沙律，野菜包括西蘭花、翠玉瓜、車厘茄、薯仔、南瓜、蓮藕等。蔬菜全部都煮熟咗，微溫，冇西式沙律咁生冷。醬汁係日式芝麻醬，酸酸地好開胃。朋友點左西班牙黑豚豬頸肉野菜咖喱飯豬頸肉幾彈牙，野菜有微微烤過，偏酸嘅咖喱汁配搭大量配料非常下飯。平時出街食飯多數都係多肉少菜，好難得食得咁健康。總括嚟講，係非常滿意嘅一餐！

打完兩次風後，終於又出太陽，咁好天當然要出去食個靚lunch ! 我之前既一個POST有講因為都係轉黎鰂魚涌番工冇耐，所以唔知有咩好地方食lunch，所以最近都係用openrice做下research咁. 今次就俾我搵到呢間離公司相當近既日本食店 – 坐忘，見網上讚好既comments高達至少100，所以決定今日係你喇. 由於今日食早lunch (11:30)，入到去只有一位客人，令我可以好好咁影低以木色為主非常日系既環境。 鐘意食牛牛既本人，見到menu有黑芝麻軟煮牛肋野菜咖哩飯+凍日本焙茶，二話不說就選擇左佢，職員姐姐好細心咁提醒番有落芝麻(可能驚有人對芝麻敏感?) 個飯一黎到，第一個反應係”咁香既! ”，個咖哩汁係熱辣辣地香噴噴地撲埋黎。而第二個反應係”咁多既!”個飯好飽滿之餘，配菜同汁都非常多。絕對係男仕們新寵兒。美女們如果唔係好似我咁大食既話，應該未必食得哂。 味道方面，我其實係一個咀都有點挑挑剔剔既人，但係今次都出自真心地覺得真係好好好好食。 先講個飯，佢唔係普通既白飯而係帶黃，原來入面係有番薯、粟米同南瓜既，成件事已經感到好正。 配菜方面，唔知係咪因為鄰近街市定係日式超市

Lunch好多排隊，等左20幾分鐘先入到去。裏面位置不多。吃左日式咖喱豬軟骨飯，69元。咖喱很日式 ，正。豬軟骨甜甜的，很開胃。飯更加是出色！裏面有南瓜同蕃薯，很特別。朋友食左青芥汁沙律鷄扒烏冬，75元。肉同烏冬都好食，但個汁略嫌太辣。

老實講我比較少喺鰂魚涌食晏，但有朋友知道我喺附近返工，就介紹我來吃鰂魚涌最強碟頭飯今次我係同三位同事一齊來嘅，我哋嚟到大約12:40，人多到排晒出餐廳外面我哋等左20分鐘先有位，比我想像中快喎我哋👀餐牌就點左以下午餐，午餐係有跟嘢飲不過只有凍茶或熱茶好喜歡!牛肋粒好淋好入味，加埋冇得輸嘅咖喱汁，簡直係絕配蔬菜夠多，個飯仲要有南瓜粟米粒夠晒健康！賣相已經好吸引，豬軟骨亦好入味，份量亦相當大食完會好飽賣相令我增加食慾，稻庭烏冬好正，份量好足夠。整體都非常好，不過烤雞就冇乜雞味喺鰂魚涌可以六七十蚊食一個午餐，仲要係咁大嘅份量，我覺得超抵食總結: 喺附近返工返左咁耐先知道有個咁正嘅食lunch地方😅下次黎會早啲出門口，相信可以減省排隊時間咁多人排隊食個lunch當然有佢原因份量大仲好好味會再幫襯

有晚夜媽媽去完大酒店，打算食埋飯先返屋企。鰂魚涌呢頭人生路不熟，見到邊間個樣好啲就入去食個便飯。行去坐忘門口，見到貼左好多介紹，標榜健康日式咖喱，又好多蔬菜配菜，咁就入去試下。入面舖仔細細，好似日式家庭小店咁，加上過晒晚市冇咩人，坐得好舒服。睇完餐牌點左個黑芝麻咖哩牛肋飯。上菜見到份量都唔細，有好多雜菜，平日出去食咖哩飯係冇咩機會食到咁多菜，即刻自覺健康左！講返個飯，飯入面加左粟米，個汁有淡淡芝麻味，少少辣，唔係平時甘口日式咖哩。牛都幾淋同埋好大舊，食到尾有點漏得濟，下次會去試下十五種雜菜咖哩飯！

豬軟骨野菜咖喱飯：燉煮了7小時的豬軟骨充滿著甜醬油的甜味，盤子上面滿滿的兩大塊讓人驚訝，胃口小的朋友要記得叫少飯啊！豬軟骨的軟骨和肉融為一體，吃起來就有油脂香，不費吹灰之力就可以咀嚼的豬軟骨還是第一次吃得到呢。店舖到底另一個招牌就是新鮮的野菜，店家不吝嗇的在盤子上面鋪滿了茄子，西芹，翠玉瓜，薯仔，蘿蔔等蔬菜，附近的食肉獸來這裡吃菜就可以清一下腸胃。順道一提咖喱也恨惹味，但是有點熱氣～看了雜誌和不同的介紹，知道餐廳日籍夫婦所開，想為香港人帶來多菜少肉的選擇。誰知道很受歡迎，餐廳越做越大。午飯時候這家是最受歡迎的食店之一，人龍不減，但是敏捷的阿姨熟練地計人數，很快就可以進去了！

星期六係附近上完堂, 又係時候搵午餐食, 諗唔到食D 乜, 行下行下又去到坐忘附近,  既然又諗唔到食乜今次再比多次機會佢啦!上次都係星期六, 又係差唔多時間,出面已經有三四個人排隊, 但今次竟然冇人排! 仲要一入去就有位坐, 唔使等執台!今次做足準備, 就嗌左個招牌菜, 有足一日蔬菜份量O既一日野菜咖哩飯, 入面號稱有15種蔬菜, 我其實又冇認真數, 不過好似有好多款雖然係日式咖哩, 其實都有少少辣, 加埋跟餐O既蘋果汁, 食落幾舒服, 健康又有營養人少D, 坐得舒服D, 食野都開心D! 希望下次黎到都可以輕輕鬆鬆食餐飯, 唔使趕頭趕命

上次友人介紹左呢間餐廳俾我,一試難忘,於是今次係專登過海再幫襯番。係鋪頭外睇到鋪頭上了報紙的報導,原來這對日本夫婦原意係想自己的小朋友食得健康些,於是特別加了很多野菜在菜式上,原來是出於父母對小孩的愛才有的菜式,使呢間食台更加故事。我兩次都order了咖喱豬軟骨飯, 最鍾意日式咖哩不是太辣，又相當開胃,伴碟的野菜都有幾種,好味又不沉悶。豬軟骨又腍又入味又大件,ichiban~~~價錢約70蚊,以性價比來說,算是非常合理。

好耐之前有同學帶過我黎呢到食咖哩飯，覺得幾好食，於是帶左男朋友去試。七點左右，店內都唔算太多人，唔洗擔心要排隊。我嗌左椰香烤雞野菜咖喱飯，加左椰汁嘅咖喱香好多：）啲烤雞唔會太硬，份量多，我一個都食唔完。男朋友嗌茄子牛肋咖喱飯，牛肋好軟，我好鐘意啲茄子同野菌。但個咖喱就有椰汁會甜啲，所以都係推介我個飯👍🏻餐廳鼓勵客人多食菜，所以飯都有唔少菜，感覺幾健康，啲瓜菜煮得幾好食，薯仔就一般。飲品方面，柚加橙汁幾特別。

呢間店舖都算係鰂魚涌OL聚集地標榜健康食品，唔用味精，特多蔬菜平時都大排長龍，可能因為是日落大雨，所以等位時間唔算長同行朋友經過我大力推介後都叫咗豬軟骨咖哩烏冬烏冬係手打烏冬，爽口彈牙，加埋咖哩汁簡直係一絕，上面嘅椰菜非常多同烏冬加埋一齊食口感非常出色豬軟骨份量都係好多足足有四大舊，食極都仲有，煮得好夠味有少少焦糖香味，煮嘅時間充足，一咬就鬆開另一同事食嘅仲吸引咖哩煮牛肋條由圖所見，蔬菜份量非常出色果然係健康食肆

'坐忘'係鰂魚涌區一向略有名氣，也難怪，出品有質素夠穩定價錢又相宜，所以一向超多人等位。平時lunch time因爲太多人都知等得黎都食唔切，所以即使同事們都好鍾意食，但都係一年食到五至十次到。今日有朋友來可以先等位，可以叫我最愛嘅七小時豬軟骨定食，定食包一杯熱或凍茶同埋蘿蔔清湯，入味鬆軟嘅豬軟骨加好新鮮嘅沙律伴菜。先講沙律，出面通常都好少同唔新鮮，但如果你對菜有要求，呢度可以滿到你，我本人好鍾意佢呢個伴菜，食落真係有'索索'聲，呢個係我食過最好嘅伴菜！豬軟骨經過七小時慢煮，入面平時食唔到個舊軟骨會呈小小牛筋咁嘅狀態，好好味。食完個定食，咀邊會黏黏地，應該好補骨膠原

今日同朋友去左一間日式餐廳食飯。而尼間餐廳係我無意中係Open Rice都搵到😂見到佢地有十五款菜嘅咖哩飯就想去試下。去到餐廳大約係中午一點鐘，因為係放飯時間，所以排隊等候嘅人都好多。大約等左十五分鐘就入到去。餐廳入面唔算大，位置亦唔多。但都常算舒適我就叫左個原本係十五款野菜咖哩飯，但我就轉左烏冬。而轉烏冬係要另外加$10。不得不提嘅係咖哩好濃郁🤤尼到嘅咖哩係偏甜同埋辣度適中，對於我尼個唔係好食得辣嘅人黎講都ok👍🏻😬重點係啲菜，真係好多款，而且份量都幾多。我好中意個南瓜，好甜😻蓮藕睇黎係有炸過，所以好脆👍🏻其他都好好味，配埋啲咖喱汁更加好味😆另外，烏冬好彈牙🤤👍🏻同咖哩簡直係絕配而朋友就叫左野菜咖哩雞肉飯👍🏻再加隻溫泉蛋$8朋友亦都係讚不絕口😈😆

今日晚餐要解開呢間整天人潮不斷既食堂🤔，主打日式咖哩，出名健康為主，主張多菜少肉，我叫左一個@椰汁烤雞雜菜咖哩飯，咖哩好濃和好滑👍，烤雞本身有黑椒夠味，加上咖哩汁會偏咸，雜菜係隨機分配，人地有粟米，有茄子，我都冇🙄，隨左一般配菜有兩個小驚喜，😍第一就係佢放左西芹伴著咖哩味食應該令人容易接受了草青味；😳第二就係飯係放左蕃薯係裡面一齊蒸很特別。咖哩味道好經典還不錯，不過如果有下次應該會試其實淡味的既選擇😁

本來一家人在星期天親子樂, 開開心心,去吃日本料理. 來到年頭來過的坐忘. 可惜這次是超級掃慶的離開！這間小店位於濱海街小巷上, 理應都做街坊生意, 看到無人排隊, 還有2張空檯, 進門後向女職員(長髮馬尾)示意 我們2大1小 , 3位 。那位女職員皺一皺眉頭, 說: "3位呀?! 等陣"。 其實年頭來過, 都認得她態度有問題, 亦知道這裹會要求小朋友點都要叫一杯飲品 (就算茶都要收錢!)坐低之後, menu都唔畀一個, 跟住問咗短頭髮阿姐, 叫左2次, 先畀份menu, 叫了2set +3杯飲品。　佢埋機計下，佢話仲要叫多＄３Ｘ　先可以下單，　小朋友都要當大人叫１ｓｅｔ．　短頭髮阿姐仲話，　＂你唔叫多個，　就唔該你哋三個人，坐埋兩個位！　＂態度極之不屑，　好似趕客咁！！這是什麼日本餐廳？未見過如此服務差的日本餐廳！　其實隔離仲有張空枱，　何必要難為一家３口！？　況且，之前又沒有提及過，　反問她，＂以前都沒有這個要求＂，她說：＂實行咗好耐啦！上年已經係咁＂。　聽到這裏，我已經不想和她爭論。　這裏每一個職員的態度，都是這樣的差！　還記得上一次，都無咁離譜！這間小店已幫襯了三年，他們的豬軟