坐忘

營業中

休息中

呢間小店一早聽過啦~不過未親身試過!! 今日就有機會 一去到鋪頭已經好多人排隊, 好彩可以等左20MINS度就有位~主要嗌左兩個餐: 一日蔬菜&豬軟骨呢個包含左15種蔬菜, 有南瓜、薯仔、青椒、翠肉瓜、蓮藕、洋蔥等等, 而且咖哩甜甜地, 少少辣, 好惹味最令人意外係個飯呀, 個飯有粟米+蕃薯, 好甘甜, 勁LIKE!男朋友要食豬軟骨飯, 有沙律菜, 又係正呀!個豬軟骨好入味, 而且好鬆軟, D軟骨入口即溶,  但唔肥膩燉左7個鐘呀!唯一不足係個蘋果汁, 係果汁先生, 仲以為係即榨添~BTW 絕對要一試呀!!! 

今日好早就食晚飯六點幾好在周圍都未放工，唔使等位好快就坐低左，打開本Menu好多選擇，當然一心來諗住食咖喱點知最後叫咗豬軟骨定食、溏心蛋豬軟骨烏冬，青芥胡麻烤雞沙律，本來淨係諗住每人一個定食最後因為睇完Menu背後一番說話所以叫多個沙律，主廚話每人需要350克蔬菜，即刻心諗豬軟骨定食好似冇乜菜所以另外帶多個沙律，跟住就諗緊要飲咩嘅時候定食就送黎啦，本來仲喺度睇緊如果唔飲野可唔可以轉做湯呢睇來睇去本Menu都冇湯，點知原來豬軟骨定食係會跟埋蘿蔔清湯，yes!!!!一望，原來個定食除咗兩大片豬軟骨仲有好多沙律菜，跟住食食吓先發現豬軟骨下邊仲有椰菜，跟住望一望個沙律，嘩，全部都係菜，有排食.....可能好多人都唔會叫沙律但係呢一個青芥沙律真係要提一提，芥末麻醬好多人都食過好多地方都有甚至supermarket都有得買，但係呢個真係不得了，因為堅攻鼻，芥末醬真係唔講得少，我好肯定佢係自己整出邊都買唔到，仲有一樣，睇到廚師好細心就係佢會將沙律醬同埋蔬菜一齊撈勻先至上碟，而唔係放咗沙律先喺上面落醬料，所以差唔多每1快沙律菜都有芥茉醬，讚！仲有4雞扒真係食唔晒，雞扒一啲都唔鞋係雞俾肉，唔乾身，如果你

第一次食坐忘已是2，3年前了，那時印象非常良好，真的很少香港餐廳可有那麼多種類的菜。服務也很好，很窩心。最近忽然想起這間小店，專程再去試，結果非常失望。第一次去點了蕃茄烏冬，不過不失，但發覺好像差了點什麼。但很奇怪既係，係我差唔多食完既時候，我男朋友過黎搵我，個waitress一定要我男朋友嗌d野，我明白你出面有寫一定要嗌野 ，但我都唔駛5分鐘就走啦！個時6點半未到，加埋都唔夠3個客，做生意學下flexibility la。今晚又好想食好多菜，又去再試多次，試左個溫沙律定食。服務同樣一樣差 ，嗌完野食即刻問飲品，我男朋友問係唔係一定要飲，個waitress答："係呀！一定要飲! 要俾$3茶錢! 飲水都要收! " ok,明白!完來重點係一定要收錢!唔緊要。跟著有2個客入黎，阿姐叫佢搭我地枱。我望一望，其實有2張4人枱係空架，係咪真係咁需要坐我地隔離呢？可能阿姐太高估自己間店有太多客，想預留多d位做多d生意，可惜，到我地走時，個2張4人枱都係空的。餐廳食物很重要，所謂既溫沙律完來係煮唔熟既南乳齋，菜真的有很多種，但已沒有以前既鮮甜味，個salad sauce唔知係芝麻定腐乳，非常難食，由於

係坐忘主廚既理念🍆🥒無添加,無味精,多蔬菜,少油係佢煮食宗旨但一樣提煉出好味道 難怪未到1點已經有長長長長既人龍..今日黎到鰂魚涌總店...放假中既朋友12:40黎到 已經好多人排緊隊要攞籌 @0@!等左半小時左右, 終於到我地入去喇!!(今日仲要落緊大雨...竟然無損大家出黎食lunch既意慾!)唔知點解一見到menu上有一款寫住15種野菜就即刻衝左去叫呢款!🍆🥒🥕可能真係有d好奇...究竟會有邊15種野菜呢 XDD(除左咖喱飯, 佢都有提供烏冬同1-2款普通既丼飯)用木製品盛載餐具, 有好Raw既感覺 : D上網翻查資料, 先發現原來呢度連餐具都有落心思...餐具用上無害陶瓷加上天然樹脂而製, 令客人除左食得放心 係用餐具時亦用得安心...因為係門外排隊時已經order定野食, 所以坐低無耐食物就送上喇!!15種一日野菜350g!咖喱飯 $62憑記憶記起左12種野菜...剩低個三款諗唔起XDD蓮藕, 茄子, 荷蘭豆, 洋蔥, 南瓜, 蕃茄仔, 薯仔, 翠玉瓜, 西蘭花, 椰菜花, 蘿蔔, 西芹...員工一放低碟飯 我已經聞到好香好天然既咖喱味 (唔係平時會好大陣香料好供鼻個種味)

第二次嚟食依間 晚餐都要等半個鐘，溏心蛋豬骨咖哩烏冬 面頭有大量冇味嘅菜(店自稱的健康食材)， 豬軟骨最好食，好入味，軟硬適中，啲日式咖哩汁都唔錯好惹味，係醬汁唔係湯， 基本上一入間店就成陣咖哩味， 仲有隻糖心蛋都唔錯，所以叫多咗半隻，見到隔離嗰枱諗住加兩個糖心蛋，點知叫錯咗流心蛋小心叫錯 雜菇茄子牛肋咖哩飯試左牛肋幾入味唔錯，其他唔係我食都冇乜好講，分量都夠。飲品我哋叫咗杯英式紅茶同柚子蜜， 呢度用嘅係川寧茶包總之黎依度食咖喱係冇錯嘅

禮拜六同男朋友經過鰂魚涌，趕在2.45 p.m. last order前入座，明明有5+以上空檯，一定要我地同其他人搭檯（為了少抹張檯...）。男朋友唔識睇中文，我明明見到有英文menu，d服務員都費事麻煩，唔肯攞黎，態度好差。我叫佐個肥牛野菜咖哩飯，飯完全唔彈牙，超lum，薯仔配菜超硬，咖哩汁完全好似水咁，肥牛都overcooked，入口好硬，咀嚼幾下就變得似碎渣咁。男朋友叫佐個胡麻汁糖心蛋肥牛烏冬，烏冬係扁身烏冬，不過overcooked無嚼勁，超lum。湯頭都無咩特別。講真，唔明點解有咁多人特登走黎食呢間。我應該係絕對唔會再來幫襯啦，at least唔會在last order前入黎，得到的服務同食物質素都極差。

之前已經食過幾次，都覺得好味，可以再食咁岩撞今日冇帶lunch box，又晏左食lunch，於是近近地食公司附近的 坐忘必食真係 豬軟骨!!!!未食過豬軟骨可以咁林咁濃咁入味，入口即溶而且份量十足!至於咖哩，十分香濃，日式的關係，偏甜唔辣！菜方面，大半碟新鮮的野菜，有西蘭花，脆肉瓜，紅蘿蔔，可能balance番咖哩既濃味其實整體黎講都幾家常菜，感覺味精唔重！下次會食野菜豬軟骨咖哩烏冬，會再吸味d!

如果唔係朋友帶我黎,我都唔知原來呢條巷仔入面原來有咁多野食。尤其是呢間地方細細既日本餐廳，從食物佈置等方面睇得出真係好有心。雖然自己未去過日本, 但呢間小店真係好有深夜食堂feel;牆上既告示版、桌椅、職員衣著都令人好溫馨同舒服。Menu中有一大頁係素食烏冬，常人聽到都會唔開胃:菜同烏冬,最多加d湯,that’s it!但我可以話俾你地聽絕對唔係咁簡單。同樣係菜同烏冬,但呢味菜實在太精彩。先係店員留意到我食素,主動話幫我走蔥蒜,非常感謝佢,另外仲幫我走埋肉碎添。一上枱只見到色彩繽紛既烏冬放喺我面前,就咁睇落去已經有五種蔬菜咁多：椰菜、粟米、西蘭花、椰菜花同番茄。烏冬粗幼適中,非常滑嫩。開頭見到湯中有咁多黑椒都非常吃驚，但原來係提味重點。一來可以去除蔬菜的腥味、二來可以更突出番茄既鮮味,正😊!

最近開始响鰂魚涌返工，之前睇到一篇關於依間小店嘅文章，諗住黎度依邊返工可以試試，於是我同同事喺星期一下晝12:45 到該店， 門口已經有唔少人等緊，大概7-8鐘就入座。 同事就叫左烤雞野菜咖哩飯 ；而我就叫左溏心旦豬軟骨烏冬 。（野飲會送茶；應該係凍既麥茶）等餸尼嘅時候， 發現好多食客叫咖哩菜式。 餸尼時候： 嘩 ！超大碟喲！ 都幾難食得哂咁大碟 ...豬軟骨炆到好軟身 ；又入味 ，烏冬笨唔係嗰種平價貨色 ，無味精 ，食完唔口渴 讚！！！以呢個價錢同質素 ，完全值回票價啦！為食總結 ：附近返工嘅朋友要預早少少攞位 ，豬軟骨一定要試試！

Ordered takeaway chicken curry and beef curry, to both my colleague and I the chicken meat had a strange chemical taste and we couldn't eat it. We put the chicken curry in the bin. The beef one didn't have a chemical taste. The service was quick but can't be sure the food is safe here - at least avoid the chicken.

知道呢間餐廳係以健康食材作招徠，但餐牌上嘅食物。。。老實講都唔係真係咁健康😂😂😂😂，不過的確係加左好多蔬菜落去煮嘅~🍅🍆🍄🌴🌵🌳🌲🌱 (個人意見而已) 首先泥嘅，就係呢個野菜牛腩咖哩飯。咖哩味道好濃，而且都真係幾辣😖 牛腩件數都幾多，小件上，不過野菜就非常大件，呢個係喺外面較少見😛😛😛 配上溏心蛋，更加有日式嘅味道😆再來又係另一道咖哩飯，味道都係好濃，偏辣。今次係加左菇🍄🍄🍄🍄係好generous嘅份量，廣島蠔數量較少，同埋煮得有少少過左火，不過都係好味道的。同場加影煮左七個鐘嘅豬軟骨。初時都半信半疑，但係食落就知好心思。軟骨完全係溶化了，只餘下好多嘅膠質，入口即溶，完全唔洗咬😲😲😲 非常濃郁同入味，而且好大舊，都幾膩，試一次就好了😉😉😉 整體而言，對於日式家常菜同健康呢個標榜，個人有啲保留。唯一可見係煮野食嘅心思，同埋大量嘅蔬菜 😊

果日原本諗住去行山，點知同友人都遲左出門口，所就變左去搵食，經過聞到陣好香既咖哩味，係門口個menu睇左一睇，入面真係全部都賣咖喱，咁香，點都要試一試，tea time時間都等左陣位，我就叫左個溏心蛋豬軟骨咖喱烏冬，友人就叫左個軟煮牛肋黑芝麻咖喱飯。講左我個溏心蛋豬軟骨咖喱烏冬先，好好好好食，個咖喱真係好香，個咖喱既黏度岩岩好，岩岩好痴住個烏冬，烏冬又好彈性彈性，豬軟骨好林好入味，又唔會煮到似湯渣Good~宜家再講下個軟煮牛肋黑芝麻咖喱飯，呢個幾得意，成個咖喱入面都有一粒粒磨成粉既黑芝麻，個咖喱好似都係無咁重，對比咖喱烏冬，我個人會比較喜歡咖喱烏冬。

前陣子覺得自己的思緒十分凌亂，總是在胡思亂想，在學習瑜伽之後，喜歡和導師們一起打坐，學習着"坐着…忘記…"。"忘"了，不是真的忘了，有時想起也許還會哭，畢竟他早已融入血液裏，成為了我身體的一部份。"坐忘"… 我真的很喜歡這個名字，上次經過濱海街，不是朋友提醒我也看不到這店，說真的，它的門面外牆有點殘舊，大概因為近大街沙塵滾滾的緣故，令本來嫩綠色的"Camper's坐忘"招牌，在街上已變得不太突出。相反店內非常乾淨整齊，深木色的枱椅配襯着淺木色的地板，還有親切友善的服務員，令客人感覺舒服。看着餐牌既簡單又特別，手寫着日文，中文和英文，提醒着我這是一間日式食店，有着馳名的咖喱飯，可惜的是，我不太好咖喱，但就非常喜愛吃烏冬麵，於是我就點了一份糖心蛋豬軟骨烏冬＄69，另加了＄8轉鮮榨西柚橙汁。等了大約10分鐘，我的糖心蛋豬軟骨烏冬上枱，兩大件豬軟骨外表已經非常吸引，一咬開肉質香腍軟嫩，肥瘦適中，炆煮功夫將軟骨與肉質有著層次感，葉制入味之餘又不會太鹹，非常出色。糖心蛋有香甜流心的效果；而烏冬麵質軟硬度適中，口感有如稻庭烏冬一樣美味，薄身通透，口感軟彈煙靭好味，而且分量十足，非常飽肚，再配合爽口的

6時入坐不久已坐滿真名不虛傳•咖哩豬軟骨野菜飯份量很足 足足有兩大塊可說是豬軟骨扒了豬軟骨煮得很淋很軟熟軟骨亦煮得軟身 有入口即溶的感覺 骨的膠質很重 有點黏著漿着的感覺❤️豬軟骨的甜加入香濃的咖哩亦很合襯旁邊亦有足夠的野菜相伴加上粟米南瓜蕃薯飯健康又飽肚絕對會吃飽 大滿足•十七種一日野菜咖哩飯聽說是因爲碟中已有一日應吃的蔬菜份量正合打工仔平日少吃蔬菜的需要一共有十七種的蔬菜 每天不同我看到的有西蘭花 花椰菜 南瓜 豆 紅蘿蔔 薯仔 蓮藕 洋蔥 西芹 紅椒 青椒 黃椒 蕃茄 茄子份量很足很足正合對愛吃蔬菜的我 大大大滿足加上微辣咖哩 十分野味❤️亦時配上粟米南瓜蕃薯飯整碟也很健康不用怕會吃不飽份量大得我也吃得很飽很飽有需要可以叫小飯喔•七小時慢煮豬軟骨定食同樣是兩大塊大大的豬軟骨朳經過七小時慢煮很淋很軟熟很入味加上甜甜的醬汁 ✨必試必試定食亦同時配有沙律及蔬菜湯•西柚橙汁加$8便有鮮榨的西柚橙汁雖然細細杯但全是精華所在喝完有西柚回甘的感覺•手寫的餐牌很特別喔食物各樣也很好唯獨收錢的那個女人好像全世界得罪了她般打算改掉原先所嗌的茶轉橙汁她一副黑臉🙄🙄🙄🙄🙄🙄🙄叫她也不願走過來般🙄停一幾秒才黑

坐忘是我放工無飯腳時喜歡去的地方地點就腳，坐得舒服，食物好味，服務態度親切，價錢亦不算太貴～今日又係放工屋企無煮飯，自己一個人去坐忘一下點了招牌 野菜牛油咖哩雞肉飯本身鐘愛無印cafe的牛油咖哩，因為十分香濃呢到既咖哩亦不枉多讓，香料味濃，主打無味精煮食，偏甘甜不辣，仲有大半碟新鮮的足料野菜，西蘭花，脆肉瓜，紅蘿蔔，薯仔😍雞扒就先煎香再放入咖哩，沒有雪藏味，一點不馬夫配白飯簡直係完美又滿足的一餐之前亦試過轉烏冬，一樣美味!!!(細胃人士可以order少飯, 咪浪費😁)跟餐送細細杯蘋果汁，可轉其他熱飲：)期待下次再黎坐忘一下!