坐忘

營業中

休息中

大部份係太古坊附近的食肆都係做 office 生意，一到假日就好難搵到好野食。好彩還有坐忘，已幫襯了好幾次，佢地主打多菜少肉、無添加，最啱注重健康既人。主打菜係日式咖喱及豬軟骨定食，今晚就點了豚肉茄子炒白味噌定食。白味噌汁味道濃郁不會太咸，配白飯非常開食。豬肉不會太肥，茄子吸收了醬汁的精華，加上新鮮的蔬菜，下次可 encore.

有麝自然香，何必當風颺。不用花巧的賣相，不用賣廣告宣傳，簡單的賣個日式家庭料理都可以門庭若市。小店開業四年，一直安守本分、不忘初衷的做好自己以咖喱和蔬菜作主打的健康料理。外邊吹一會停一會的潮物從沒在餐牌裡出現過，也不會聯乘什麼卡通人物招徠。不用問鼎什麼十強、一百強，做好自己，自有留客處。雖為半個港島人，我的遊歷版圖彷彿越不過北角以東的地方，鰂魚涌這商廈林立、沒什麼遊玩好去處的地方就更少涉足了。看到店名「濱海街」，腦海中一直幻想著臨海的寫意風，原來是一條同時容納了街市、食店、五金舖的街道。見到比一個人還要高的石造地台（去下文提及的bagel 店的話需要攀上地台），始知我幻想的景象的確存在過，以前有工業，有太古水塘，有水道，淡水的確會從水塘經這街道流向海，街道因至得名。現在海已填，而這條幾百米的街道，容下了地區小店，包括坐忘。平日中午時分的濱海街，到處都是在等位的人。本打算到盡頭一家吃bagel 的店，看過了餐牌還是打了退堂鼓，怕男友人吃不飽會碎碎念。平實的小店，沒有什麼訂位服務，乾脆向店員拿個號碼票便可，站在門前等候。店面不大，可坐上40人左右。午餐人流快來快去，如果有一個小時的午飯時間

太古坊係一個上班熱點，今日竟然安排左係果度上堂，姐係要同果度既上班族一齊搵食。上堂立即睇下呢個地方有咩好食，見到"坐忘"呢個名夠特別，就揀左呢間。地方唔難搵，成條街都係餐廳，由於食飯時間，所以都要等位，幸好只等十分鐘內就有位了。餐廳地方都幾迫，不過午飯時間都可以接受。餐排都幾多套餐揀，有飯又有麵。揀左牛肉丼套餐，比吉野家的吸引好多，中間有溫泉蛋，自己習慣篤穿蛋再撈勻牛肉飯。牛肉既份量都幾多，蛋汁令牛肉食起嚟更滑，入口更舒服，而牛肉本身煮得夠腍，飯亦一樣腍，午餐有呢個水準真係絕對收貨。套餐還有一碗湯跟前菜和熱茶，夠晒豐富。嚟緊下個月又要嚟呢度上堂，到時再試試其他食物先。

之前在天后試過一次後一吃難忘，今次到鰂魚涌當然要再食多次😋今晚試的是最普通的野菜咖哩雞飯，但識食一定係食呢樣（當晚坐我隔離嗰位人兄一定都係識食之人hehe）飯唔係普通既白飯，而係番薯/南瓜蓉飯（如果我無記錯的話），同咖哩超match！不過份量對男仔黎講會比較少，所以記得要加大。如果另外叫飯係要十幾蚊一碗架野菜同雞肉都係超足料，食極都仲有，而且咖哩一啲都唔辣，好快就KO左半碟下次想食咖哩一定會再去（btw杯西柚橙汁同我拳頭一樣大，都幾肯定係鮮榨😂）

係鰂魚涌返工之後，發現好多朋友都係呢頭做野，於是去左朋友推介嘅日本餐廳食咖哩飯！ 去到門口，一大班人係度等，係留人數同姓氏之後再係門口等！原本以為咁多人，應該唔夠時間，隨時預備走人，點知又叫得幾快！未入去之前就會俾menu 你揀定食咩最後叫左個牛肋咖哩呢個咖哩飯，係我食過咁多咖哩飯，最多菜嘅，感覺好健康！肉其實都唔少，不過唔知係咪平時食開嘅日本咖哩有一個既定嘅感覺係應該甜甜地嘅，呢個反而同平時食嘅好唔同，冇乜咖哩味！個飯唔係淨白飯，係加左蕃薯入去，我食左一半已經好飽！午餐個飯包左一杯茶，聽到隔離枱叫們加水，個姐姐話加水要加3蚊最後，人地梗係冇加啦！我覺得可以再試嘅，不過唔會再食牛，試下其他嘅咖哩汁係咪都係咁嘅味先！

坐忘者，物我兩忘也。踏入鰂魚涌的商業區，無意發現這悠閒小店，忽然想起很久以前聽聞過，不妨一試。店內裝飾有登山露營的感覺，正回應了英文店名Camper's。日本人開的店特別有日本氣氛，是那種溫暖的家的感覺。點了招牌豬軟骨咖喱，豬軟骨份量較大，幾乎有碟的一半大小，絕不吝惜，慢煮七小時後的醬汁濃郁十分，但又保持到入口即溶的質感。另外店裏提倡健康飲食，提供大量新鮮蔬菜伴碟，入口清甜，更添飽肚感。坐著坐著，不經不覺又過了一個多小時，配上一杯鮮搾西柚汁，實在是享受。

坐忘自開業以來便是太古/鰂魚涌區備受歡迎的食肆，即使在天后開了分店，顧客對本店的熱情不減。今天午飯時間一個人候位，也要等候十五分鐘才可入座。我想，坐忘受歡迎之處在於它的日式咖喱飯除了肉類，還有大量各式各樣的蔬菜吧。平常的咖喱飯都只會有小得快要溶到咖喱中的薯仔粒和紅蘿蔔粒，坐忘卻是大方的用上西蘭花、椰菜花、紅蘿蔔、西芹、薯仔、翠玉瓜等多款蔬菜，每款都切得大大塊，蔬菜比飯還要多。而且坐忘標榜不使用味精、雞粉、少油，感覺健康。今天選擇牛肋咖喱飯（$63），加熱茶不另收費。咖喱帶日式咖喱的香，卻只有丁點辣，是很溫和的咖喱。牛肋炆得很腍，同時保持牛肉的咬口，不會被咖喱蓋過本身的牛肉味。蔬菜的份量比飯還多，全都切得有坑紋，有點可愛。今天的飯混有粟米、蕃薯、南瓜，整碟飯真的有很多蔬菜，營養滿分。物超所值的一餐。

平時Lunch超多排隊，今日OT終於食到！不過去到都坐滿囇！啲同事話呢度啲野菜咖哩飯好好食，終於食到啦！等左一陣個菜就黎到，個咖哩飯超豐富，有15種蔬菜，有蕃薯，椰菜花，西蘭花，茄子，蕃茄仔，羅白。雖然成個食都係蔬菜，不過每種蔬菜質感好唔同，一齊食好有層次! 感覺好好!60幾蚊，都唔算好貴呀！

心血來潮想吃咖喱飯，進「坐忘」後望過餐牌，改變主意，選了馬蘭奴至愛碟頭飯--豬軟骨飯。按店家特色，它的蔬菜量明顯較一般食肆為多。沙律菜沒有添加過量醬汁，綻放的青綠紫紅色彩，伴在深褐色的豬軟骨旁，份外搶眼，視效不俗，入口清爽涼快，感覺新鮮。豬軟骨，實際上沒有骨，而是大大件的豬肉。肉藏肥膏，油光閃閃，給煮得超軟身，不需多花氣力便可輕易用它解體。食落有點像吃梅菜扣肉的豬肉，但它的肉質更林、更嫩，脂肪亦較多，一口一口吃下來，慢慢會感到油膩，非常飽肚。味道中規中矩，未見驚喜，不致討厭。喝下店方提供的熱茶，頗能消滯。白飯，水份下多了，煮得爛身，與軟棉棉的豬肉同吃，嚼感欠奉，改配硬身帶嚼勁的白飯會更理想。肚腹之慾滿足過後，向禮貌周周的店員結帳。推門而出，見附近尚有不少食店，下次一定會試新。

平時返工唔想食乜丸物丸雪藏雜扒，都會去 Camper's 食lunch，現在Camper's 週末、日都有開，今次 weekend 去，兩人叫了：1. 豬軟骨定食：豬軟骨燉煮得鬆軟，咬落多汁，拌碟的新鮮蔬菜沙律減少了豬軟骨的肥膩感。跟餐的雜菜味噌湯好清甜，唔似出面的味噌湯死咸，大大份好抵食！2. 一日野菜拉麵 (我轉咗做烏冬): 我最鍾意 ❤️蔬菜很新鮮鮮甜爽口，只係食菜都已經非常飽肚，注意有肉碎，非素食。

想黎好耐. 印象中以前早關門所以就唔到時間原來只係中場會休息, 晚市係開既! 點左西班牙黑豬豬頸肉咖哩飯. Menu話咖哩配蕃薯南瓜飯. 我以為係指咖哩薯仔/ 咖哩紅蘿蔔果d配菜la... 原來... 係撈左落d 飯度架!! Woo~~ 舊蕃薯好大舊好甜. 正! 南瓜就溶左d, 食完都feel唔到.豬頸肉比平時泰式既軟和易咬. 咖哩就是日式甜咖哩. 聞落香噴噴食落唔辣唔會嗆喉亮點係超多野菜!!!! 野菜比飯多兩倍!! 而且七彩繽紛好開心~Keep fit 女仔都岩食! 店外重標榜*no msg*. Yuhoo~~ 重口味野都可以是healthy diet!!! Like!友人點左廣島蠔野菌咖哩飯咖哩汁都有蠔味, texture稀過我果個. 鍾意食蠔既就叫鮮味, 唔食蠔如我就麻麻地. 呢個冇野菜但就大量菇. 同樣執著大家有冇攝取一日所需既蔬菜呢~

有朋友啱啱開始喺鰂魚涌返工，我哋就約埋一齊食lunch。我最鍾意帶人去食呢間咖喱店，喺其他地方都搵唔到咁多種類而且份量咁足嘅蔬菜！食完感覺好健康😆雖然好多人喺門口等位，不過等15分鐘度已經可以入座。今日我又再點咗「一日野菜咖喱」，全碟得蔬菜，包括南瓜、紅蘿蔔、翠肉瓜、蓮藕、茄子等，真係一粒肉都無架，正合我心意😍日式咖喱味較甜，雖然唔多汁，但都好夠送飯；而飯方面，每個飯已加咗南瓜蓉同粟米粒，獨特而且好match，可以叫少飯，咁就唔會食唔哂啦！跟餐配凍或熱焙茶，味偏苦，但清好沖淡口中濃郁嘅咖喱味😋朋友叫咗7小時煮豬軟骨咖喱，佢鍾意食辣咖喱，所以加咗辣。我試咗加辣後嘅咖喱，個辣係慢慢滲出黎，雖然同呢個較甜嘅咖喱有啲唔夾，但我個人覺得可以接受，不過朋友就覺得味道偏酸，我諗唔加辣應該會較好。呢個係正常飯size，都係有幾款唔同嘅蔬菜。

午餐時間，又要喺擠逼既太古坊附近搵位食飯。今日同事帶左我黎呢間日本餐廳。入到去，裝修幾特別，幾有東洋味。不過幾逼，你知la，土地問題ma...我叫左咖哩牛肋肉飯，日本咖哩，甜甜地，唔辣，standard 味道，夠多汁夠你撈飯; 牛肋肉夠淋; 配大量蔬菜，感覺比平時外出用膳健康;個飯唔係白飯，橙橙黃黃，應該係南瓜飯，不過食唔出南瓜味。飯配一小杯麥茶，叫做有野飲，好過無。講真，七八十蚊食個碟頭飯，我覺得好貴lor~

最深刻印象是這裡的服務員態度非常不好。我們問關於餐牌上的一些問題時，服務員會黑面及用很差的態度與我們說話。我叫了一碗白汁野菌雞肉拉麵(65hkd)，湯味太淡，味道像奶同水混在一起。我朋友點的咖喱豬軟骨拉麵(hkd79)水平比較高，咖喱汁夠濃，與拉麵是不錯的配合，豬軟骨也很軟熟。

Lunch Menu 蕃茄牛腩野菜咖哩飯 (something like that) 蕃茄味好重 好似食緊蕃牛飯多過咖哩飯咁lol唔係唔好味既 幾獨特下啦 哈哈哈 上菜快 但見隔離枱想要多杯清水都話要另加3蚊 哈哈 唔飲囉 小心唔好撞正office lunch time period 好好好多人等位