四寶食堂 (已搬遷) 新店位置

【黃金醬炸雞脾煎蛋飯】 HKD62茶記有好多夠鑊氣嘅小炒，大家對干炒牛河，星洲炒米，梅菜扣肉依啲粉麵餸菜一定唔陌生🤓不過見到依間有啲比較新式嘅碟頭飯，咁岩我又係好鍾意咸蛋醬，對炸雞脾🍗更係情有獨鍾，所以一於試試佢🤩炸雞脾🍗通常都係冇死，依間都唔例外，外皮咬落咔咔聲，咬埋落裡面，肉汁四射💦而黃金醬亦都好重咸蛋味又唔會好咸😋雖然有別於黑椒汁，蒜蓉汁咁濕濕地易送飯，不過煎蛋🍳嘅蛋黃正正可以彌補乾身嘅弊處👍🏻

聽朋友介紹呢一間餐廳嘅叉燒滑蛋飯好出名，一直都想試試，咁啱今日同老公經過，就睇下係咪真係咁值得推介啦！叉燒滑蛋飯一上菜就睇得出呢一個滑蛋飯非常高質。叉燒是半肥瘦的，滑蛋真的很滑，熟的程度是剛剛好，配上叉燒飯豉油，一流呀！我哋食完一碗之後好想再叫多一碗招牌乳鴿乳鴿一開四件，調味不錯，烤得表皮很香脆，肉質juicy,性價比高黑醋豬扒估唔到呢一間冰室嘅豬扒肉質好柔嫩，絕對唔係冰鮮貨，黑醋很開胃，配上洋蔥，撈飯食就至啱啦蟲草花湯浸菜心蟲草花養顏，菜心鮮甜，新鮮熱杏霜凍檸蜜本身我哋想試埋呢度嘅招牌菠蘿包，因為覺得好創新，將西式漢堡包同菠蘿包融合埋一齊，但係晚市嘅菠蘿包已經賣晒啦，下次早啲再嚟試試

四寶食堂，這個名字都聽左好耐，今日難得出去北角開會，經過就決定入去試一試佢嘅晚餐。好多人都話一定要試佢嘅特色，滑蛋叉燒蓋飯，我一於點一份，睇下有咩咁特別。未黎之前，我會以為係一塊熟炒蛋，加叉燒嘅一碟飯，但黎到之後，我同個朋友真係喜出望外。蛋，係滑蛋，叉燒係半肥瘦，又佢地兩者撈埋一齊，每一啖，都有滑蛋、半肥瘦叉燒同飯痴埋一齊，令到滑蛋成為左口感嘅主軸、叉燒因為半肥瘦比重適中，不膩。一定要試！之後係小食水牛城雞翼，以前食水牛城雞翼都是在高級餐廳，但四寶食堂嘅質素絕對拍得住，62蚊一份，有四串，每串有2隻，絕對係抵食。外面係烤得熱烘烘、香脆嘅外皮、內裡係加重少辣嘅雞肉，肉汁豐富，雞肉嫩滑。最後朋友話見到乳鴿限量供應，所以要點一客來試，乳鴿肉外脆內軟，味道不太咸，適合健康人士。臨走時想食多個紫薯麥皮，但原來只係早餐先供應，下次有機會要再來幫襯。 DDD

今晚係炮台山附近經過見呢間餐廳嘅滑蛋蓋飯幾吸引，就同朋友入去試一試，唔洗等位就有得入。我就叫左個蜜汁叉燒滑蛋蓋飯，而我朋友就叫左個瑞士汁干炒牛河，另外加多個馬拉盞炒菜心同埋奶油脆豬，野飲方面就叫左兩杯凍檸茶，總共就$237。首先要讚嘅係佢個叉燒滑蛋蓋飯，蛋嘅分量好多，而且炒得真係好滑，仲有少少蛋漿，而且叉燒亦都唔會太肥。而個干炒牛河個汁亦都幾濃，河粉嘅硬度亦適中，而且份量好多，食完真係會好飽。個炒菜心亦唔錯，炒得好入味，而且唔會太軟。最好個奶油豬係新鮮出爐，十分之脆，奶油亦都好夠。

今日去吃咗佢既set lunch,  真係難食都嘔, 價錢唔平唔緊要, 但係食落肚一肚火先至影響心情, 對食物有要求既真係唔需要浪費quota黎食. 真係冇下次.  

在炮台山工作完畢，趁時間尚早，未到晚市高峰時段，無需等位，選擇了這間餐廳早點食晚飯🍽🥢這裡環境不錯，感覺好舒服！而且服務周到，一坐低就有店員攞水同餐牌比我地，上菜既時候又會主動幫我地執開枱面既餐具籃同調味料果d物品，清空位置放食物！👍🏻我地叫左個蜜汁叉燒滑蛋蓋飯、咕嚕肉、蟲草花湯浸菜芯同2杯凍檸樂！每一碟餸上枱時都係熱辣辣的，感覺係新鮮煮好，而且份量都好多！😋蜜汁叉燒滑蛋蓋飯既滑蛋真係好滑，飯既份量好多，叉燒好香，連埋蛋汁撈飯食真係好正，如果係半肥瘦叉燒會更正！🥰咕嚕肉真係啖啖肉，冇多餘既炸粉，肉質夠林，醬汁甜甜酸酸剛剛好，味道很好！😻蟲草花湯浸菜芯都好正，望落係好清翠既綠色，感覺好新鮮，食落好爽口，杞子好甜，湯唔會太咸，可以直接飲埋！😚特飲原價$24，但係加配只需要加$9，真係好抵！整體而言非常好，會再來幫襯！😁

每逢放星期日就好難諗食咩 因為半島冰室又冇開 近近地就入四寶試下以前佢係開係半島冰室隔離之後擴充搬左去前面街入去咁啱下午茶時間 叫咗個黑椒蘑菇汁雞髀飯同蔥油豬扒飯汁比較少 可能我本身中意多汁飯 雞髀小乾 飯比較爛而蔥油豬扒我男友話 一般 豬扒都係比較乾不過以茶餐廳同價錢嚟講 都可以食下 但唔好期望囉😂

樓下餐廳眾多，四寶卻是我真的寶藏餐廳。食物味道實在太好了，怎麼點都不會覺得「伏」。上次來吃過他的豬排飯驚為天人，今次晚餐和家人一起吃就多點一些。酸酸的蝦球，超好吃的，酸甜的汁液包裹著蝦蝦好好帶出了港廿它的鮮味，十級棒哦。然後就是這個牛舌吐司焗飯！我的天，入口即融的牛舌配合著鮮甜的茄飯真的顏值又高味道又好！！！！漢堡包肉汁爆炸芝士味美而且吃下去滿滿的肉汁真的太爽啦！這一家我覺得不是普通的香港茶餐，而是有用心去做而且有特別，拍起照上來也特別好看～好吃～

星期日要返工， 下午時間到舊公司附近的四寶食堂吃午餐， 餐廳的食物種類款式多 ， 有薄餅，小菜，磚頭焗飯，西式扒餐，炒粉麵飯，常餐和輕食，睇到花多眼亂 ， 到最後都是決定簡簡單單叫個蕃茄湯豬潤通粉＋ 炒蛋 多士＋ 凍咖啡$52。 蕃茄湯底濃郁香甜， 加上厚切大塊豬潤， 嫩滑有口感， 再食埋炒蛋多士份量剛剛好。 凍咖啡香濃好味， 甜度適中，用嚟提神一流。四寶食堂的食物質素中上，價錢抵吃， 但因為人多的關係坐位比較迫， 絕對是一間可以經常光顧的餐廳。

今晚近近地，去咗屋企附近嘅四寶食堂食晚飯。呢度好似開咗冇幾耐，裝修好新淨，走清新型格路線。雖然係茶餐廳，但係好年輕好新潮。點咗呢度嘅招牌菜香蔥豬扒煎蛋飯，好多蔥鋪滿整塊豬扒，超香。豬扒厚身，唔會炸得太乾，非常juicy，配煎蛋撈飯食正到爆。另外，我們還點了芝士肉餅菠蘿包 ，煙三文魚沙律，糯米釀雞翼同一隻乳鴿 。菠蘿包烤得香脆，夾著番茄，芝士同鬆軟嘅肉餅，成個大大的漢堡包 ，十分美味。估唔到呢度個餐牌幾西化有新意，連西式沙律都有。糯米釀雞翼幾得意，不過糯米辣辣地，所以囡囡食唔到。乳鴿烤得好香脆，入曬味，非常惹味。

平日黎四寶食下午茶多，最鍾意食黑松露鹹牛肉撈丁個個下午茶餐，今次第一次係四寶食晚餐。見到蜜汁叉燒滑蛋蓋飯係經典推介，果真如是，無介紹錯！一大片沾了豉油、灑了蔥花的滑蛋舖係白飯上面，賣相已經好吸引，先試一小口滑蛋，唔洗講都知滑蛋緊係滑，特別既係滑蛋中滲透了丁點碳燒味，究竟點樣做到？叉燒件件都夠曬厚，仲要好林，正！鮮果柚子伴蝦仁🍤啲蝦仁好大隻，上面的柚子醬好似韓式柚子茶嗰啲，以為「鮮果」只係幾粒罐頭生果，點知一啲都唔馬虎，真係咁新鮮，有大半隻火龍果切好曬，火龍果仲要好甜。出街食飯好少餐廳有菜食，四寶竟然有幾款菜，我地想食清清地，叫左蟲草花湯浸芥蘭。奶白色的湯淡淡地都幾好飲，個芥蘭唔會太硬，好爽口。沒想到四寶晚餐很不錯，2個人叫2碟肉、一碟蔬菜，份量剛好，有肉又有菜，營養豐富的一餐。

吃過銅鑼灣店一次，這次來到北角，原來餐牌有點不同。上次沒有吃到滑蛋叉燒飯，一直記著，怎料北角店晚市沒有供應。只有午餐和常餐供選擇。常餐的炒蛋多士，炒得漂亮。橙黃的蛋，表面濕滑，不過中間偏熟，銅鑼灣店炒得較滑。多士賣相一般，沒想到都脆。皮蛋豬潤米湯底偏甜，芫茜味都幾香。很足料，有足足五塊幾厚的豬潤、幾件皮蛋。豬潤不是我喜歡的爽口，不起沙，少少怪怪的。米粉吸滿湯，十分入味。奶茶香濃又滑，奶和茶的比例幾好。蟲草花蒸雞糙米飯賣相叫人驚喜，打開聞到荷葉香，吃到荷葉香更是意料之外。很多中菜的荷葉飯都沒有這水準。蒸飯保持乾身，又是另一亮點。不過，糙米只有幾粒，跟名字不符。百餘元的午飯，算是不錯。

炮台山都唔算多野食，平時帶飯嘅我，偶爾都會出下去食飯，已經聽過同事話四寶好多人排隊，好好食，今日終於第一次試四寶食堂。果然lunch hour勁多人排隊，好彩等得唔耐就有位。黎到當然試佢嘅招牌菜，勁好食。1.喜哥蔥油猪扒飯 -猪扒肥美香口👍香口到食完個味仲喺個口度，猪扒啖啖肉又夠稔，配上秘製蔥油，超美味呢，仲有隻煎太陽蛋，打爛佢撈飯認真滋味呢，絕對係頂級推介。2.xo醬滑蛋蝦球飯個蛋金黃色，而且又香滑，蝦肉新鮮爽口👍叫埋份炒芥蘭菜，炒得非常香口👍黎到茶記當然要試佢杯熱奶茶，仲要用黑白淡奶杯，夠traditional呢餐超滿足呢。個位仲可以望街景，一流。

星期日去探一探住北角既朋友，中午就去左附近既四寶食堂食飯，12點鬆d已經要係門口排隊，好彩好快就有位中午淨係做午市套餐，岩哂我呢d有選擇困難症既人，主餐餐牌既食物款式都幾多，而且好吸引，下次有機會一定係其他時段幫襯下其他野食。我同朋友都分別叫左喜哥蔥油豬扒煎蛋飯同瑞士雞翼撈下黎share飯個飯既份量都幾大，豬扒大大塊，肉質都幾腍，而且食落有油香，白飯都煮得唔錯，軟硬適中，而蛋係太陽蛋，蛋黃汁加上蔥油黎撈飯，味道更香雞翼撈丁我地選擇左加錢轉出前一丁，雞翼脹卜卜，肉質幾滑，而且夠入味，而撈丁口感有彈性，撈瑞士汁夠哂惹味撈丁仲會配埋炒蛋同多士，我地就加左錢轉脆豬包，個包烘到脆卜卜，充滿牛油香，而且面頭仲有煉奶，甜甜地好正。炒蛋炒得夠哂滑，生熟度岩岩好，重蛋香味，唔錯。食茶記點少得叫咸檸七同檸蜜，大大杯幾抵飲，而且夠哂凍，夏天消暑解渴

知道佢最近搬咗有翻新左，估唔到而家個設計好似幾靚咁喎餐牌啊枱啊門面我諗全部應該都係請過人專門設計中午時分過嚟試吓佢嗰啲飯先，豬扒超級厚真係令我覺得好誇張，只係講過返來講我覺得佢個質量已經超晒班。食落去啖啖肉咁樣好滿足呀。蔥油超級超級香！配上凍檸水實在係有一個肥美帶點清新嘅感覺放幅相嘅時候我再望吓個豬扒真係超級厚仲大過我個手掌真係好值得試下環境都好好，服務方面更加係冇得彈！我覺得如果你係附近住或者喺度返工嘅話，都好值得過嚟試一下