四寶食堂 (已搬遷) 新店位置

這一年在這區part time 上課，又人生路不熟，見到四寶食堂其實是一大福音! 已經慣性來吃午飯了，今日選了午餐的Carbonara Spaghetti 卡邦尼意粉。凍飲加2元。之前也來吃下午茶，然後坐一個下午溫書，準備晚上考試。餐廳沒有趕人，確實要說聲謝謝!只是…… 希望四寶食堂可改善一下抽風系統，我每次都滿身油煙地走，呀，無奈呢！明明食物款式多，又美味。

一直都好少嚟炮台山，咁啱黎開附近嘅景點參觀，順便就諗住喺呢頭食埋晚餐，見到友邦廣場地下有幾間裝修唔錯嘅餐廳，最後見到四寶食堂嘅選擇都幾多，所以就試一試啦。雖然係冰室，但係裝修好有格局，風格上應該係走新派路線，菜式方面亦都係港式混合埋中西元素，幾特別。《黑松露手撕雞拌麵》$78出奇地好食！黑松露嘅味道好出，落得幾重手，食起嚟十分香，而且麵條好彈牙，手撕雞嘅份量都好多。《蜜汁叉燒滑蛋蓋飯》$62好出色，滑蛋嘅紋路清晰，色澤金黃，蛋汁好多，食起嚟蛋味夠濃，入口好嫩滑，而叉燒大大塊，份量好足，食起嚟又唔會好鞋，難怪係招牌之一👍🏻如果飯既醬油可以多少少會好更好。《沙拉豬扒》$78豬扒輕輕炸過，表面沾滿酸甜汁，配埋沙律醬真係好好食，而且豬扒肉質好鬆軟，不錯👍🏻《XO醬萵筍炒牛肉》$72份量好足！無論係萵筍同牛肉嘅份量都好多，萵筍雖然唔係切成片狀，但係都煮得啱啱好，口感好爽脆👍🏻牛肉都好軟稔入味！ 總括嚟講，呢間新派冰室份量、味道方面都好唔錯，價錢又唔貴，性價比好高，下次一定會再嚟。

行行下街又黎到炮台山感覺有d餓所以又係時間搵下食因為今日想食下炒蛋多士所以決定食呢間主要係見佢光猛得黎又裝修得幾骨緻入到黎都坐得算舒服(應該係因為樓底夠高所以有空間感)Menu一目了然有常餐有推介仲有d特色菜式要注意既係佢有d菜式係期間限定(不過係用小時計)既，譬如我地好想食既黑松露手撕雞意粉就要下晝5點半之後先有得食不過招牌常餐係梗係常常有得用餐啦佢有幾道招牌推介，本身想食滑蛋叉燒飯不過今日咁岩無得食，唯有下次先叫最後決定食常餐！加多個蔥油豬扒飯港式得黎又帶少少歐陸風味既裝潢有助增加食欲(好似係)食常餐就梗係要配奶茶！一冷一熱試試佢先凍奶茶唔太多冰所以飲到尾都仲好有味，溫馨提示可能係因為有冰既關係飲落都幾甜，如果想茶味多d既朋友仔可能可以試下叫少甜熱奶茶入口好滑好香，唔錯唔錯等左一陣個炒蛋多士終於黎到啦炒蛋既火喉控制得相當唔錯，食落去滑得黎又保留到一定份量既蛋汁話說沙嗲牛肉麵係我兒時最愛所以一定要試下！個麵一上既感覺係好！足！料！好多餐廳可能因為要控制成本個牛麵可能會多汁少肉，不過呢個沙嗲牛肉麵絕對無欺場個汁濃得黎d牛肉份量都相當足夠，食既時候唔洗就住就住招牌既蔥油豬扒飯，d蔥油好香

在北角內街找到這家新開的食堂，室內有點西式牆身設計，道地的港式食物，配搭起來雖份外適合。用上黑白淡奶的茶杯，令奶茶的吸引性增加，多了份貼地的熟悉感。凍朱古力，甜度剛剛好，完全沒有茶澀味。餐肉蛋三分治，蛋炒得軟滑，三文治即製不會過濕。餐肉亦煎得剛剛好，不會過乾，這厚度亦令三文治不會過咸。咸蛋黃雞脾太陽蛋飯，炸雞脾一向是罪惡但滿足感十分的食物，再配上咸蛋黃醬，今日又要去做運動啦 太陽蛋煎得適中，和蔥花配飯十分開胃。

今日同老公去咗北角食一間茶餐廳，聽講呢度嘅蔥油豬扒煎蛋飯好出名，一直都好想來試一次入到黎，我覺得呢一間茶餐廳環境舒適，而且侍應服務態度幾好。首先，我哋叫咗一個蜜汁叉燒滑蛋蓋飯呢度嘅滑蛋炒得好滑，好高質，叉燒嘅肥瘦程度亦都剛剛好，配上甜豉油，估唔到咁普通嘅叉燒滑蛋飯都可以煮得咁好食！之後，我哋叫咗一個蔥油豬扒煎蛋飯，亦都係招牌推介之一。呢度嘅豬扒非常大塊，仲大過我隻手掌！而且外皮炸得非常香脆，肉質柔嫩，外脆內軟，配上太陽蛋，唔錯唔錯！另外，我哋叫咗兩隻招牌乳鴿，烤得很香脆，有酒樓的水準最後，叫咗一碟馬拉盞炒芥蘭，很有鑊氣，不錯！由於係晚市嘅關係，菠蘿包已經賣晒啦！如果下次再嚟，就早少少嚟可以試一試呢度嘅菠蘿包，款式幾新穎

今日去左北角做野，順便約個friend食lunch。佢話帶我去間冇得輸嘅茶餐廳，嘩嘩嘩，真係冇得頂！個menu有勁多選擇，中式有炒粉麵飯，燒乳鴿，炒小菜； 西式有意粉，risotto, burger, pizza, 麵包焗飯， 扒餐， 炸薯角， 炸洋蔥圈， 水牛城雞翼， 芝士焗原隻龍蝦 ($128)； 西式甜品有窩夫， 蛋糕， 梳孚厘， 等等等等， 超級勁多，不能盡錄。我地兩個人叫左係signature dish: 黃金醬炸雞脾煎蛋飯同叉燒蛋飯, 大家睇下張相就可以睇到有幾咁多嘅叉燒同蛋，叉燒係好味個隻，唔係又乾又廋，係淋身而且有肉汁，D蛋好滑好滑，夾埋叉燒同飯一齊食真係世界級好食，返唔到轉頭，唔會再去其他茶餐廳食叉燒蛋飯，呢度嘅叉燒蛋飯絕對係我食過最好食嘅。黃金醬炸雞脾煎蛋飯個炸雞脾真係冇得輸，外皮炸到脆卜卜，雞肉仲好嫩滑, 黃金醬夠晒邪惡，夠晒濃味，嘩，真係一路食，一路係咁讚，實在太好食，雖然好飽，但都叫左個窩夫伴雪糕，窩夫嘅蛋味夠香濃，估唔到間茶餐廳連西式甜品都整得咁好食。一定要再encore!!!

幫朋友搬屋，搬去北角城市花園，忙左一整天，朋友說附近有一間四寶食堂，是港式茶餐廳，請我去食晚餐。餐廳裝修雅緻，很有歐陸式格調。招牌乳鴿是限量供應，慶幸還未沽清，即叫即作，熱辣辣的乳鴿皮脆肉嫩，沾些椒鹽特別惹味！蔥油豬扒煎旦反，煎蛋是半熟，蛋黃流心，大大塊豬扒厚切半煎炸至金黃色，肉質軟嫩入味，配合蔥油特別美味。菠蘿咕嚕肉，咕噜肉質外脆肉軟多汁，汁醬酸甜的開胃，菠蘿香甜！星州炒米，足料有穫氣，咖哩香氣噗鼻，蝦仁大隻爽口，义燒惹味，蛋絲香滑，銀芽和米粉爽口。鹹檸七，冰凍解渴。西洋菜蜜清心潤肺，夠滋潤！

今時今日港式冰室裝修光潔明亮，食物種類選擇又多，最重要是即叫即煮，入口熱辣，價錢又抵，確是平日開餐好選擇。炮台山四寶食堂很近港鐵站，由英皇道經油街一轉入即見。餐牌選擇確是很多，有不少中式小菜，可以叫餸食飯。蜜汁叉燒滑蛋蓋飯餐牌有八大推介菜式，第一樣入眼就是蜜汁叉燒滑蛋蓋飯。叉燒厚切，用了半肥瘦部位，肉質鬆化軟熟。滑蛋不太生，亦未煮到全熟，入口尚有蛋汁，蛋色金黃，蛋味香濃。水牛城雞翼串水牛城雞翼串共有四串八隻，看來很多，不過不算大隻，兩人最快KO此碟。水牛雞翼不算正宗，辣味與Tabasco不同，亦嘗不到酸味，不過入口乾身熱辣，皮脆肉嫩，味道不俗。蟲草花湯浸芥蘭芥蘭斜切，粗大爽脆，菜有菜味，上湯浸著不油不膩。鮮果柚子伴蝦仁蝦仁炸熟後再伴上柚子醬，蝦仁爽口彈牙，柚子醬酸酸甜甜，一口一隻，再吃一口火龍果，熱氣全消。薑檸樂叉燒蛋飯加四蚊即可叫原價二十二蚊的薑檸樂。薑切成絲，更容易出味，熱飲甜酸微辣。

招牌沙嗲牛肉出前一丁．HK$46常餐是港人最愛到茶記order的餐類，加埋嫩滑炒蛋同牛油多士，冇得輸lo真係!沙嗲牛肉的醬汁幾濃，而且牛肉唔韌又入味，撈勻成碗出前一丁真係幾正；嫩滑炒蛋亦唔係浪得虛名，好滑身又有蛋香味；牛油多士夠哂脆，再放埋炒蛋一齊食，好味唷!

收工後想同老公去北角新開間一田行下，沿途經過四寶食堂，見裝修好新，茶餐廳格局但走華麗風格，睇過門口餐牌嘅菜式又幾特別，就入去試下。有別於一般茶餐廳，空間寬敞，坐得舒服，仲有埋靚裝，仲有唔少fusion 菜式。例如呢個熱熔芝士肉餅菠蘿包，老公好想試，我本身有d保留，但既然佢咁想試就試下啦，點知出奇有驚喜！菠蘿包皮好香脆，塊肉餅煎過，食落似鹹魚肉餅，好香好鬆化，配埋蕃茄同沙律醬，咁食法真係新奇又特別。水牛城雞翼串外層香辣，咬落juicy，越食越想食👍🏻黑松露手撕雞拌麵涼拌冷麵，麵質彈牙，仲撈埋勁多黑松露同香蔥，好香，入口啖啖黑松露味。香蔥豬扒煎蛋飯豬扒厚身得黎又鬆化，外層煎得香脆，好入味。戳穿蛋黃黎撈飯食，正😋😋😋

今晚同老公來炮台山搵保險agent，之後就喺附近食嘢。行過見到有間叫四寶食堂，就入去試吓。門面望落都幾四正，而且見到我最喜歡吃的叉燒蛋飯，係呢間食店嘅signature dish。我哋七點幾嚟到都算多人，而且都算係坐得幾舒服嘅茶記一坐低當然係叫我最鍾意食嘅叉燒蛋飯啦。啲叉燒出奇地好味，成個飯都好多汁。賣相都好靚，非常值得推介鮮果有柚子伴蝦仁呢個係我老公嘅至愛，蝦做到脆卜卜， 的確野味，加埋側邊啲水果簡直冇得彈水牛城雞翼串調味好，而且是剛剛炸好的，熱辣辣香噴噴，非常吸引。下一次來幫襯都會再點這碟雞翼馬拉盞炒菜心不過不失，不會過份鹹及油，不錯天氣涼飲杯熱朱古力暖胃非常重要。正呀兩個人吃了$288，不貴下次會再光顧

接fd放工，佢帶左我黎食，好近佢公司，佢話食過幾好味，唔想行太遠就入左黎食。初初睇以為係食中餐之類，估唔到打開餐牌，發現中式、西式都有，勁wor!香煎喜哥蔥油豬扒配炒蛋 冰火菠蘿油 $62哩個我推介呀！塊豬扒好林，多蔥好香，炒滑蛋真係堅滑，蛋汁好濃郁。最期待係冰火菠蘿油，俾哩2隻字吸引到，原來係塊牛油擺喺冰粒上面，保持牛油唔咁易溶化，夾住個菠蘿包食增添口感。咁樣食菠蘿油我係第一次，帶俾我新鮮感，菠蘿包脆皮好香，新鮮製，正呀！阿華田雪山 跟常餐加$10賣相好吸引呀！凍華田上面加左cream，口感更滑身。沙嗲牛併牛餐肉出前一丁麵 $40忍唔住叫多碗麵黎食，太香喇！二塊厚餐肉加埋沙嗲牛肉，邪惡又好味。咸蛋醬忌廉雞肉燉飯 $78叫左哩款西式燉飯試下，忌廉汁令個飯好creamy，都幾多料，加入咸蛋黃醬幾特別，特別香。影幾版餐牌俾大家參考一下，去開附近都可以試下！

呢間茶餐廳基本上每個星期或每兩個星期都會食一次，每次見到是日午餐有邪惡鹹蛋雞髀飯，都會忍唔住嗌，好邪惡但真係好好味。個雞髀係半煎炸唔算好熱氣，加左鹹蛋醬好香，雞髀肉唔會好鞋，另外再加埋個半生熟雞蛋同埋蔥油，撈飯食一流。除左呢個飯，另一個必食既係星洲炒米，微微辣好香好足料！環境方面，呢度都算多枱同新淨，係坐近廚房油煙味會大啲，坐近門口會好啲。同埋餐廳侍應個個都好好人好有禮貌，價錢又合理，所以會成日黎食。

經常食開返工同屋企附近的餐廳，這次要來懷念下其他地方的美食~~~在心中一直都有打了卡的餐廳list，之前出job來到北角食過這餐廳朝聖，與同事來這裡食好多人都話一定要試佢嘅特色，滑蛋叉燒蓋飯><又真心幾好味，滑蛋紋路很不錯，所以覺得這裡CP值都幾高。~~~~~~~事隔一段時間當然要來回味下，嘗試下這裡的其他美食拉！茶餐廳的完美配搭個人就覺得是For2個人：一飯+一包+一小食+一小菜^^除了感覺什麽都能食到而滿足，都感受到香港的味道呢！ 1）喜哥蔥油豬扒煎蛋飯 蔥同莞茜一樣，喜歡它的人就會十分迷戀^^wa~看圖片就知道 蔥花多到鋪滿曬成件豬扒，不用怕食到一半不夠沾料，加上蔥油又香又熱，好有茶記的感覺。2）水牛城雞翼串order一份有成4串的燒雞翼啊！最特別是廚師會把雞翼切開一半，再雙面燒至金黃色。食得到廚師的用心之餘還真的很入味呢！3）家常小菜 - 黑醋豬扒份量是很大的，2個人以上一齊share食最好^^黑醋以及甜酸漿一齊混合的汁~~味道甜得來帶酸味，總得來説酸味出一點，是很開胃及送飯食的味道><4）黑松露炒蛋午餐肉菠蘿包一上來半熟的炒蛋熱呼呼的，在上面配

今日一心想試滑蛋蓋飯，在門口已見有張poster好吸引，入座後餐牌都有介紹，只可惜下午17:30才有供應😭😭😭非常失望之下唯有食下午茶餐啦！黑松露卡箅邦尼咸牛肉公仔麵 $38~其實係午餐肉公仔麵，個汁超咸日式芝士咖哩豬扒飯 $40~完全冇芝士味，咖哩汁好稀，塊豬扒好薄，好難食普通茶餐廳好過佢，真心冇下次😔😔