四寶食堂 (已搬遷) 新店位置

今日一心黎食滑蛋叉飯，點知原來係每星期輪住出，最後都係無緣。可能人手關係，而家既午餐內容都簡化左做一張過。晏晝唔食飯真係唔夠飽，先黎個雞扒拼腸飯。塊雞扒果然夠晒big, 有香草又有蜜糖味。條法蘭克褔腸夠晒長，雖然幼左d,但帶點煙燻味，係特別d~~配埋個牛肝菌燒汁好快就爬晒飯。友人食既澳洲M5 和牛漢堡煎蛋飯， 望落幾吸引。個黑椒汁幾惹味，和牛都好厚身，肉質軟腍同埋幾有牛味我呢個大胃王食完都未夠喉，唔叫多個餐真係對唔住自己。呢隻瑞士汁雞脾真係勁大，睇見都興奮。雖然食落未夠嫩，但係啖啖肉幾夠味。個公仔麵先正，蔥油加埋甜甜地既瑞士汁真係好開胃。不過原來最好食係個牛角包，食落鬆脆加埋芝士火腿真係好咸香。

近排疫情嚴重， 但打工仔都係要返工的， 中午時段在北角開完會， 自己一個人求其入四寶食堂吃午餐，蕃茄牛扒牛肉醬意粉配脆朱＋ 凍咖啡$48。✨入到餐廳裏店員送上一張消毒紙巾， 茶餐廳都有這個服務值得加分！ 午餐份量好多， 牛扒質感偏薄， 入口軟腍， 蕃茄肉醬意粉味道正常， 但又不算突出，脆朱香口脆卜卜， 凍咖啡反而有驚喜， 咖啡味香濃。食完午餐又要繼續工作， 四寶食堂食物質素都可以接受， 下次會再來。😉四寶食堂地址: 北角電氣道183號友邦廣場地下3至4號舖

皇太后係屋企煮左好多餐， 要佢再煮就「罷工」😂。 今晚唯有出去食， 雖然出街食， 但好想食到家既小炒味道🤪。 行下行下比我地搵到尼間好正既餐廳。 連皇太后都比個like 經過我地一番商議之後， 有4款必食爆like 推介1. 糯米釀雞翼大家一定好掛著台灣美食之一， 糯米釀雞翼疫情下都可以係香港食到。 店員仲好有禮貌同我地講， 尼個有少少🤏辣。 （食落係微辣， 可以接受到）。超好食，一試食上癮🤤2. 黑松露大蝦拌麪尼個係一個冷麵， 恰巧運用黑松露甘香， 食落去除咗有甘香既黑松露之外， 仲有小小沙律菜，延長左松露既香味 ，好味到無得輸。 3. 蜜椒金薯安格斯一口牛👍🏻尼個真係要重點推介， 一口牛食落唔會因過火老左，薯仔又唔會煮得太耐而林曬。 加上佢地既秘製醬汁。 真係廣告對白「一試難忘」😋最後一個要推介係..... 咸蛋黃炸髀煎蛋飯一粒小小的咸蛋黃， 加上少少鼓油， 跟埋太陽蛋，當你加一匙羹飯（每次分量不可以多）。嘩🤤， 而你加埋一塊肥肥的髀肉， 嘩... 嘩.. 🤤🤤。 別忘記哪炸得黃金色的皮。 嘩.. 嘩..嘩.. 🤤🤤🤤⋯⋯好味的食物要嘩三次🤤。 大家一定要試下。

約咗屋企人喺砲台山這間［四寶食堂］晚飯， 內籠裝修新淨， 除一般茶餐廳經典食品， 也有西式東南亞美食和中式小炒， 相當多元化！👍金沙蝦仁非常邪惡 的一款小菜， 金黃嘅鹹蛋黃炒至乾身 薄薄的又唔會太厚包住蝦仁，唔油膩又唔會太鹹，蝦殼都唔使剝啖啖肉。👍喜哥蔥油豬扒煎蛋飯成张餐牌最吸引就係依個喜哥蔥油豬扒煎蛋飯～ 鹹香嘅蔥油配襯流心煎蛋， 飯香軟熟， 平凡得嚟香味極之誘人。 豬扒選用带骨嘅會更有肉香， 醃得入味且帶少少煎得脆边的筋和肥膏👍😋 ， 豬扒切得極厚但煎得好香仲有肉汁！ 超水準嘅好味！蟲草花上湯浸菜心上湯夠熱， 菜心清甜加上蟲草花和杞子， 夠曬健康美味！蜜椒甘薯安格斯一囗牛番薯粒香甜軟熟襯托出安格斯一口牛特別惹味。一口牛有些比較韌 考驗牙力。糯米釀雞翼這款小食很花功夫， 釀入嘅糯米辣辣地 配合蜜味嘅炸雞翼外皮香脆， 極滋味！炸乳鴿雖然比較細隻， 肉質嫩滑皮亦炸得香脆！估唔到一間茶餐廳都可以做出多款中式小炒， 绝不比酒樓遜色， 有鑊氣味道又唔差， 最妙係食飽飽之後可以飲杯港式甘香奶茶，爽呀！

今日嚟到我哋熟悉嘅地方北角.同行嘅人係Crystal，講起清泉呢一間都算係！我剛入去嘅時候我發覺只係裝修靚啲都係茶餐廳嚟㗎啦？咁我冇乜嘢就開始叫餐，餐嚟到食咗乜大家睇相就可以，但我想講水準係比原本茶餐廳高。我哋未食飯之前就叫隻乳鴿食下先，再叫咗碟水牛雞翼，非常好食！大盤我叫咗牛扒，女士就食餐廳最出名嘅蔥油豬扒蛋飯！仲叫咗碟蟲草花菜！健康抵讚！仲叫咗牛仔粒！非常好食！飲品方面呢就茶餐廳啦！如果出少少特飲呢咁就完美啊！服務方面非常好！其實我都好鍾意譚仔阿姐！最重要佢係有熱誠！非常值得推介！#銅鑼灣食神causeway_bay_eat_god@gmail.com

已經聽過呢間野好多次，今日放lunch排左陣隊終於食到。唔好意為係普通冰室就會坐得唔好，點知呢到環境好舒服，樓底夠高，比人感覺係高級版既冰室。做左一個朝早工作食飯點可以對自己差呢。今日本身想嗌滑蛋叉燒飯，原來佢會定期轉下餐牌，所以嗌左另一個招牌蔥油豬。首先佢塊豬排係物超所值，又厚又大塊，煎得好香，有咬口唔係死肉粉團咁樣，加上佢自己整既蔥油，令到每口飯都好甘香對於蔥油愛好者黎講，當然係愈多蔥愈正，下次再去要提自己多蔥先得！！而我另外兩個朋友就嗌左常餐，番茄豬潤通同麻辣撈麵，都唔差，撈麵係要讚下，佢有四川麻辣個陣香味，食落又麻又香，幾好。另外佢配個塊雞排都係超巨型，食極都仲有。就算係常餐都可以食到好飽好飽，唔洗擔心。個人覺得佢價錢合理，地方舒適，不過佢早餐午餐下午茶等等都係有各自既餐牌，所以選擇會比較少，可能主要做番工人士既生意，簡單直接，唔洗諗咁耐，都有佢既好處。最後，下次想黎食既時候如果撞正放飯時候既話，就要等一陣啦，不過冰室等既時候都唔算耐，係附近番工既人真係可以當佢係飯堂。

係鰂魚涌返工，冇諗過食晏都要排隊，不過條隊去得好快！好快佢就安排到座位俾我。首先講下佢都係有特選午餐同午餐常餐揀 ，所以就試左兩個最出名嘅滑蛋叉燒飯同招牌沙嗲牛肉麵！首先講咗滑蛋叉燒飯先，佢個蛋份量好多，好滑，蛋亦都好綿密，最緊要係夠流心。叉燒份量都唔少，不過我自己鍾意食肥小小嘅叉燒，而呢個大部份都係瘦嘅叉燒，豉油汁都好出色，下次都會再食！另外仲有沙嗲牛肉麵，佢個湯底好濃，又稠身，面質爽彈 ，沙嗲汁好出！另外仲有炒蛋同奶油豬，奶油豬一食停唔到口，熱辣辣最好食。而炒蛋係個個人都有叫咁制！下次食晏都會再黎，推薦！

老闆有啲野心😏，中西式食物乜都有，食物款式多到呢。。。澳洲A5和牛漢堡蛋蓋飯伴北海道日式咖哩汁：聽個名都覺得一定要叫！聽個名都覺得一定好食！呢個價錢食到和牛絕對抵玩，好一個四寶食堂！將貴價食物平民化。牛肉漢堡好Juicy! 一切就有好多汁，面頭煎到微脆，師父有心思！蛋好大塊，蓋住咗飯。咖喱屬甜咖喱，有蘿蔔洋蔥，好好食！水牛城雞翼驚個飯唔飽所以加咗小食😅，但個飯好大份差啲食唔哂🙈，雞翼微辣，不過唔係好水牛城味道🤔，一般吧

貌似Tiffany blue嘅餐廳顏色令人嚮往，食唔起真嘅，食返個似樣嘅餐廳滿足下自己😂 食物中西合壁，除咗炒粉麵飯（而且仲係有啲特色），有意粉都正常，竟然仲有pizza，真係非一般冰室~ 喜哥蔥油豬扒煎蛋飯Search過下有唔少人推薦，所以試下啦，俾個名呃咗，以為普通嘢，原來有驚喜！豬扒勁厚又大塊，好足份量，但唔難切開，咬落好有質感，“蔥油”並唔油，搭埋豬扒食一流，送飯更加唔會漏！蛋煎到半生熟，配鼓油撈飯，好有家常味~另外叫咗個小菜，蜜椒金薯安格斯一口牛，最初唔明金薯係咩種類，食落先知係蕃薯，每一舊蕃薯都爆過，外層都有小小脆，蜜糖分佈均勻，淨係蕃薯都覺得正，牛柳加蜜糖炒原來係幾好食！以一口嚟講佢牛柳粒都算大粒，不過呢個餸食小小就好易飽XD兩樣餸食完覺得唔簡單，老闆好有誠意設計所有菜式，冰室食到呢種質素，抵佢愈開愈多分店！

朋友推薦四寶食堂，今日相約好姊妹一齊去北角分店試試，果然無介紹錯。中午時段，選擇不多，只有精選午餐 (5款選擇) 和午市常餐 (6款選擇)，我們各點一款。🅰️午市常餐~~黑蒜蔥油喜哥豬扒撈公仔麵+芝士火腿牛角包⛾蔥油撈公仔麵，食材非常簡約，但融合在一起的香濃蔥油，讓平凡的公仔麵有了不平凡的美味，口齒留香。⛾厚厚的香煎豬扒，入口鬆化，肉汁豐盛，配上新鮮沙律菜，減去油膩感。⛾芝士火腿牛角包，牛角包外表張卜卜，中間夾住芝士火腿，加起來一齊食口感豐富。🅱️精選午餐~~招牌瑞士汁炒牛河⛾河粉條條分明，炒得乾爽而濃味，美味而不黏口。⛾牛肉大大片。地方乾淨整潔，座位寬敞，坐得舒服，服務態度誠懇有禮，真係要比個like。

上個月在銅鑼灣食完四寶食堂之後感覺好好食價錢又經濟。與好朋友剛好要去北角辦事，行經電器道見到有一間，二話不說即刻走入去食個lunch。入內餐廳見到唔少人。裝修走新派中西路線，帶點港式又有少少歐陸風味，地方滿大座位舒服，燈光光猛整潔。午餐時段餐牌有午市常餐6款和精選午餐5款選擇，我們分別各叫一樣。招牌瑞士汁炒牛河上台熱辣辣味道還算不錯，但有點油膩，牛肉嫩香就少了點得四片。黑蒜蔥油喜哥豬扒撈公仔麵+芝士火腿牛角包上菜速度非常快，豬扒多汁香口肉質軟腍，不愧為招牌，黑蒜蔥油撈公仔麵好惹味，蒜香濃郁撲鼻好好食牛角包酥酥脆脆味道岩岩好。

今日去咗炮台山探朋友，之後一齊食晚餐。朋友建議去友邦廣場地下的「四寶食堂」，佢話嗰度價錢平、款式又多，不一定要去小菜館！原來餐廳地方頗大，門面光鮮整潔，選用了我喜愛的寶藍色，色調柔和，令人感覺清新舒服。至於店內佈置亦甚具特色，以蘋果綠牆身配湖水藍座椅，非常醒目，裝潢似足 Café。先細看餐牌，選擇果然不少，由港式美食、沙律、精選小食、脆脆薄餅、粉麵飯、滑蛋蓋飯、精選小菜、特色拌麵，以至精選晚餐等，一應俱全。我哋揀咗經典香蔥滑蛋叉燒飯 ($65) 配熱飲 (+$5)、兩隻乳鴿同一客精選晚餐。估唔到個叉燒飯碟頭咁大，蛋漿完全遮蓋住整個飯面，蛋色鮮黃吸引，入口滑溜又富蛋香。飯粒粒分明、軟硬適中。叉燒大塊薄切，而且份量超多，下得很慷慨，食落軟腍香甜，充滿肉香。以金黃蛋汁包圍著每粒米飯，再加埋啖啖肉嘅半肥瘦叉燒，簡直是貼地的幸福！食堂乳鴿 ($58@)：兩隻乳鴿的外形雖然唔算大，但賣相挺不錯，炸得色澤均勻，入口新鮮熱辣。外皮超級香口，唔油膩，夠薄脆之餘仲肉嫩多汁，唔會炸到乾曾曾，加上乳鴿用滷水汁浸過先至炸，所以特別入味，絕對是水準之作。精選晚餐一共有 8 款，我哋揀咗潮式沙茶芥蘭炒牛肉 ($78

在oil street art space參觀後要醫肚，去隔離AIA tower的四寶搵食就啱晒，這裡裝潢很新也很光猛。💛極黑安格斯西冷 (黑椒汁) 配田園沙律 (跟白湯) $148 + $10💛A5和牛漢堡滑蛋蓋飯伴日式咖喱 (轉餐) $98 + $5💛糯米釀雞翼 $68💛鴛鴦及柑桔 $0 + $4和牛漢堡賣相不錯，肉質也很好，加上了咖喱吃上來有很香口。西冷7成熟，切上來需要用多點力，吃上口也有點韌。但蕃薯🍠有驚喜，初時吃外層覺得蜜糖太燶，但吃到內面甜度很適合很喜歡。我最推介是糯米釀雞翼🍗，去了骨換上糯米而且有少許辣，味道和口感都很好。職員態度親切，地方很大但人很少，是個聚餐聊天的好去處，而且吃得相當豐富，人均只是$150，性價比高。留意這家北角分店的菜色跟銅鑼灣不一樣，晚市沒甜品但多了中菜。

今日晏晝要去炮台山睇牙順便食埋lunch咁啱見到一間好多人排隊嘅茶餐廳😃多人排隊通常都唔差🤣所以就等咗大約十分鐘入到去坐底見到唔少人 order叉燒滑蛋飯我哋都跟人嗌左一個✨另外嗌埋另一個招牌蔥油太陽蛋豬扒飯碟飯嗌左冇幾耐就到即使全湯爆滿 上菜速度依然非常快食物方面 大份又好食😋滑蛋夠滑溜 叉燒唔會韌至於蔥油太陽蛋豬扒飯蔥油夠撈飯 咸香又惹味🤩太陽蛋唔會好熟 仲有流心效果豬扒厚薄適中完全唔韌之餘 又大塊總括而言 想搵一間抵食又食得飽嘅茶餐廳四寶食堂係唔錯嘅選擇！

今日兩口子經過北角電氣道，周圍搜索食乜嘢醫肚嘅時候就見到呢間四寶食堂，餐廳外已經見到常餐款式多多，價錢都算實惠，大家都搵到自己想食嘅餐就入座。松露煙肉卡邦尼烏冬配他他醬吉列深海魚柳：賣相吸引，卡邦尼意粉滲透煙肉和黑松露味道非常夾。另外，魚柳香脆可口。呢個常餐仲配有芝士火腿牛角包🥐：芝士火腿分量十足，食完整個牛角包之後非常飽肚。黑蒜蔥油拌麵配香煎喜哥豬扒：拌麵醬汁惹味，而招牌煎豬扒咬口十足，啖啖肉，最出色就是蔥油是整個麵的靈魂，愛吃香蔥的人不可錯過！呢個常餐仲配有冰火菠蘿油：菠蘿油外皮香甜脆口，加上大片牛油配搭一流。