影片
更多
2020-02-14
965 瀏覽
今日去咗炮台山探朋友，之後一齊食晚餐。朋友建議去友邦廣場地下的「四寶食堂」，佢話嗰度價錢平、款式又多，不一定要去小菜館！原來餐廳地方頗大，門面光鮮整潔，選用了我喜愛的寶藍色，色調柔和，令人感覺清新舒服。至於店內佈置亦甚具特色，以蘋果綠牆身配湖水藍座椅，非常醒目，裝潢似足 Café。先細看餐牌，選擇果然不少，由港式美食、沙律、精選小食、脆脆薄餅、粉麵飯、滑蛋蓋飯、精選小菜、特色拌麵，以至精選晚餐等，一應俱全。我哋揀咗經典香蔥滑蛋叉燒飯 ($65) 配熱飲 (+$5)、兩隻乳鴿同一客精選晚餐。估唔到個叉燒飯碟頭咁大，蛋漿完全遮蓋住整個飯面，蛋色鮮黃吸引，入口滑溜又富蛋香。飯粒粒分明、軟硬適中。叉燒大塊薄切，而且份量超多，下得很慷慨，食落軟腍香甜，充滿肉香。以金黃蛋汁包圍著每粒米飯，再加埋啖啖肉嘅半肥瘦叉燒，簡直是貼地的幸福！食堂乳鴿 ($58@)：兩隻乳鴿的外形雖然唔算大，但賣相挺不錯，炸得色澤均勻，入口新鮮熱辣。外皮超級香口，唔油膩，夠薄脆之餘仲肉嫩多汁，唔會炸到乾曾曾，加上乳鴿用滷水汁浸過先至炸，所以特別入味，絕對是水準之作。精選晚餐一共有 8 款，我哋揀咗潮式沙茶芥蘭炒牛肉 ($78
今日去咗炮台山探朋友，之後一齊食晚餐。朋友建議去友邦廣場地下的「四寶食堂」，佢話嗰度價錢平、款式又多，不一定要去小菜館！
原來餐廳地方頗大，門面光鮮整潔，選用了我喜愛的寶藍色，色調柔和，令人感覺清新舒服。至於店內佈置亦甚具特色，以蘋果綠牆身配湖水藍座椅，非常醒目，裝潢似足 Café。
先細看餐牌，選擇果然不少，由港式美食、沙律、精選小食、脆脆薄餅、粉麵飯、滑蛋蓋飯、精選小菜、特色拌麵，以至精選晚餐等，一應俱全。
我哋揀咗經典香蔥滑蛋叉燒飯 ($65) 配熱飲 (+$5)、兩隻乳鴿同一客精選晚餐。估唔到個叉燒飯碟頭咁大，蛋漿完全遮蓋住整個飯面，蛋色鮮黃吸引，入口滑溜又富蛋香。飯粒粒分明、軟硬適中。叉燒大塊薄切，而且份量超多，下得很慷慨，食落軟腍香甜，充滿肉香。以金黃蛋汁包圍著每粒米飯，再加埋啖啖肉嘅半肥瘦叉燒，簡直是貼地的幸福！
食堂乳鴿 ($58@)：兩隻乳鴿的外形雖然唔算大，但賣相挺不錯，炸得色澤均勻，入口新鮮熱辣。外皮超級香口，唔油膩，夠薄脆之餘仲肉嫩多汁，唔會炸到乾曾曾，加上乳鴿用滷水汁浸過先至炸，所以特別入味，絕對是水準之作。
精選晚餐一共有 8 款，我哋揀咗潮式沙茶芥蘭炒牛肉 ($78)，套餐奉送餐湯、白飯、咖啡或茶。餐湯可以揀羅宋湯或洋蔥湯，個洋蔥湯非常足料，入口充滿洋蔥嘅甘甜。
碟芥蘭上桌時仍熱辣辣，香氣十足，而且炒得剛好，完全無過火，仲好青綠爽脆。牛肉保持嫩滑，入口一點也不韌；沙茶味唔會遮蓋咗牛肉味，同芥蘭配合得天衣無縫，用來佐飯一流！
餐飲我哋點咗柚子蜜同柑桔蜜，每款要再另 +$4。兩款味道都唔錯，入口甜甜酸酸，好好飲，夠曬潤喉。
張貼
