四寶食堂 (已搬遷) 新店位置

收工後想同老公去北角新開間一田行下，沿途經過四寶食堂，見裝修好新，茶餐廳格局但走華麗風格，睇過門口餐牌嘅菜式又幾特別，就入去試下。有別於一般茶餐廳，空間寬敞，坐得舒服，仲有埋靚裝，仲有唔少fusion 菜式。例如呢個熱熔芝士肉餅菠蘿包，老公好想試，我本身有d保留，但既然佢咁想試就試下啦，點知出奇有驚喜！菠蘿包皮好香脆，塊肉餅煎過，食落似鹹魚肉餅，好香好鬆化，配埋蕃茄同沙律醬，咁食法真係新奇又特別。水牛城雞翼串外層香辣，咬落juicy，越食越想食👍🏻黑松露手撕雞拌麵涼拌冷麵，麵質彈牙，仲撈埋勁多黑松露同香蔥，好香，入口啖啖黑松露味。香蔥豬扒煎蛋飯豬扒厚身得黎又鬆化，外層煎得香脆，好入味。戳穿蛋黃黎撈飯食，正😋😋😋