影片
更多
2019-11-10
123 瀏覽
四寶食堂，這個名字都聽左好耐，今日難得出去北角開會，經過就決定入去試一試佢嘅晚餐。好多人都話一定要試佢嘅特色，滑蛋叉燒蓋飯，我一於點一份，睇下有咩咁特別。未黎之前，我會以為係一塊熟炒蛋，加叉燒嘅一碟飯，但黎到之後，我同個朋友真係喜出望外。蛋，係滑蛋，叉燒係半肥瘦，又佢地兩者撈埋一齊，每一啖，都有滑蛋、半肥瘦叉燒同飯痴埋一齊，令到滑蛋成為左口感嘅主軸、叉燒因為半肥瘦比重適中，不膩。一定要試！之後係小食水牛城雞翼，以前食水牛城雞翼都是在高級餐廳，但四寶食堂嘅質素絕對拍得住，62蚊一份，有四串，每串有2隻，絕對係抵食。外面係烤得熱烘烘、香脆嘅外皮、內裡係加重少辣嘅雞肉，肉汁豐富，雞肉嫩滑。最後朋友話見到乳鴿限量供應，所以要點一客來試，乳鴿肉外脆內軟，味道不太咸，適合健康人士。臨走時想食多個紫薯麥皮，但原來只係早餐先供應，下次有機會要再來幫襯。 DDD
四寶食堂，這個名字都聽左好耐，今日難得出去北角開會，經過就決定入去試一試佢嘅晚餐。
好多人都話一定要試佢嘅特色，滑蛋叉燒蓋飯，我一於點一份，睇下有咩咁特別。
未黎之前，我會以為係一塊熟炒蛋，加叉燒嘅一碟飯，但黎到之後，我同個朋友真係喜出望外。
蛋，係滑蛋，叉燒係半肥瘦，又佢地兩者撈埋一齊，每一啖，都有滑蛋、半肥瘦叉燒同飯痴埋一齊，令到滑蛋成為左口感嘅主軸、叉燒因為半肥瘦比重適中，不膩。一定要試！
之後係小食水牛城雞翼，以前食水牛城雞翼都是在高級餐廳，但四寶食堂嘅質素絕對拍得住，62蚊一份，有四串，每串有2隻，絕對係抵食。外面係烤得熱烘烘、香脆嘅外皮、內裡係加重少辣嘅雞肉，肉汁豐富，雞肉嫩滑。
最後朋友話見到乳鴿限量供應，所以要點一客來試，乳鴿肉外脆內軟，味道不太咸，適合健康人士。
臨走時想食多個紫薯麥皮，但原來只係早餐先供應，下次有機會要再來幫襯。 DDD
張貼
