四寶食堂 (已搬遷) 新店位置

今晚近近地，去咗屋企附近嘅四寶食堂食晚飯。呢度好似開咗冇幾耐，裝修好新淨，走清新型格路線。雖然係茶餐廳，但係好年輕好新潮。點咗呢度嘅招牌菜香蔥豬扒煎蛋飯，好多蔥鋪滿整塊豬扒，超香。豬扒厚身，唔會炸得太乾，非常juicy，配煎蛋撈飯食正到爆。另外，我們還點了芝士肉餅菠蘿包 ，煙三文魚沙律，糯米釀雞翼同一隻乳鴿 。菠蘿包烤得香脆，夾著番茄，芝士同鬆軟嘅肉餅，成個大大的漢堡包 ，十分美味。估唔到呢度個餐牌幾西化有新意，連西式沙律都有。糯米釀雞翼幾得意，不過糯米辣辣地，所以囡囡食唔到。乳鴿烤得好香脆，入曬味，非常惹味。