四寶食堂 (已搬遷) 新店位置

炮台山都唔算多野食，平時帶飯嘅我，偶爾都會出下去食飯，已經聽過同事話四寶好多人排隊，好好食，今日終於第一次試四寶食堂。果然lunch hour勁多人排隊，好彩等得唔耐就有位。黎到當然試佢嘅招牌菜，勁好食。1.喜哥蔥油猪扒飯 -猪扒肥美香口👍香口到食完個味仲喺個口度，猪扒啖啖肉又夠稔，配上秘製蔥油，超美味呢，仲有隻煎太陽蛋，打爛佢撈飯認真滋味呢，絕對係頂級推介。2.xo醬滑蛋蝦球飯個蛋金黃色，而且又香滑，蝦肉新鮮爽口👍叫埋份炒芥蘭菜，炒得非常香口👍黎到茶記當然要試佢杯熱奶茶，仲要用黑白淡奶杯，夠traditional呢餐超滿足呢。個位仲可以望街景，一流。