四姐川菜

營業中

休息中

有私房菜感覺經朋友介紹一間，應該係由正宗四川人開嘅川菜店。店面簡約，舒服。呢間店嘅店菜形式有啲唔同，佢係視乎你幾多人食，而固定要你叫幾多款餸菜我今次二人食，就要點兩款涼菜加三款熱菜二人安排坐四人枱，坐得舒服。每枱有壺茶可以任添。每碟份量好大，一定唔會唔夠飽。講返菜式。涼菜點左重慶口水雞。辣度適中，雞肉唔會煮過耐。份量比預計多。涼麵。同內地味道相似！辣度較強嘅一道菜。用嚟拌餸就最好不過。熱菜點左炒牛肉。辣度同其他菜一樣，不太辣。牛肉同芹菜炒得入味！水煮魚。比較特別係佢用左魚塊，就唔會怕有骨呢個問題。魚塊下有粗薯粉同大豆芽襯托。薯粉口感煙un,唔會煮得太淋！螞蟻上樹。同外面餐廳用粉絲相比，佢係用上幼薯粉加上肉碎炒。新嘅嘗試！最後，重送上一碟炒菜(非辣)呢度嘅茶係無限加，唔洗擔心太辣，飲品要加錢🤪留意返！呢度係只收現金，所以如果想去食，就要準備現金喇！☺️

呢晚同朋友到四姐私房菜食飯。已經是我第二次吃四姐了。我喜歡它的選擇多、份量足，而且味道亦夠地道。我們兩人可點兩樣前菜，三樣熱菜，另外四姐仲會送一碟炒油麥菜。餐牌選擇非常多，有辣有唔辣。餐廳是樓上店，比較清靜，但講野大聲少少就會全部人都聽到。口水雞係前菜，但係係熱既，辣度小辣，可能要符合番香港人口味。雞肉嫩滑，但不夠入味。雖然係二人份既前菜，但係份量都好多件。香蒜西芹好重蒜香味，配合西芹夠清爽開胃，不過味道就過咸。椒鹽蝦好正！大大碟有八隻蝦！而且好香牛油味，又炸得夠穌脆，我連殻都食落肚呀！上次試左水煮魚，今次就試下水煮牛肉。水煮類睇得出四姐既川菜功夫，非常夠味，集香麻辣於一身！同樣足料！大大碗好多牛肉片、芽菜、寬粉。食到停唔到口呀。螞蟻上樹，見個名咁特別就試下。味道都唔錯喎！拿起薯粉既時候有肉碎同蔥粘著上黎，係咪好似螞蟻爬緊上樹？！少少酸少少辣，味道岩岩好又開胃。最後仲有送既油麥菜。知佢會送菜，特登無叫其他菜。清清淡淡夠解膩。四姐真係百食不厭，下次想食辣都仲係會搵四姐！

呢度第一下入去嘅感覺係幾高級同乾淨，跟住成晚老闆娘就滿場飛，好好客咁同每一枱人傾計、飲酒，連韓國客人都一齊飲，氣氛幾好！收費係按人頭的，每位$340， 我地兩個人可以點2款涼菜、3款熱菜，老闆娘再送一碟菜俾我地。涼菜：我揀咗夫妻肺片同埋招牌四川涼麵夫妻肺片：有牛展同埋豬肚，少少香辣，幾開胃的四川涼麵，老闆娘會即場幫你撈好，份量好多涼麵幾清爽，有椒麻感覺。總括來講我覺得呢度嘅辣都係大眾可接受嘅程度，唔會辣得好刺脷，係舒服的、溫溫的， 如果要辣d就要同店員講啦！熱菜：糖醋里脊外皮都幾脆口，好岩配飯食川式回鍋肉半肥瘦的豬肉，有點邪惡，幾有鑊氣酸菜魚呢盤酸菜魚真係好多！！勁足料！ 酸菜好多，魚肉都好多，滿滿的。味道唔會太酸，就算冇飯都食到，好味！炒菜：蒜香味夠兩人餐已經係滿滿一枱，好飽好飽，食唔晒！

平時比較少機會食川菜，今次食過這間在灣仔既四姐川菜之後，覺得一定要分享比大家知。因為覺得實在幾正！這裡晚市沒有散叫型式，今晚我和朋友2人就是選了2道涼菜，3道熱菜。如果一班朋友來就可以食到更多唔同款式既餸！變相更吸引！但今次既餸菜都足以令我回味無窮！涼伴既蒜泥青瓜，清身爽口既青瓜吸哂蒜香味，味道非常入味！越食越開胃呢。招牌重慶水煮魚非常香麻辣惹味，麻麻辣辣既香料令到成件事變得好好味！用左龍脷柳既魚塊！真的沒有挎張，是入口即溶的！沒牙都食到！口感嫩滑無骨。超正！還有配角日是薯粉，超級Q彈有咬口！係我食過最好味的！因為比較粗身，所以口感豐富。大讚這味餸！！川式椒鹽蝦煎炒到金黃！特別一讚係椒鹽味唔會太咸，蝦肉新鮮爽彈~整體好正！糖醋裏脊就應該是港版既咕嚕肉，這個味道剛剛好，唔會太酸！醬汁控制調得不錯，幾有鑊氣。so far每味餸我都好鐘意！！必定再回頭！

我係一個好鍾意食辣但又唔係好食得辣嘅人。但係食辣，特別係麻辣條癮真係好大，今晩拉左個比我更加唔食得辣嘅朋友黎呢間好評如潮嘅川菜私房菜！三百四十蚊一位。兩個人可叫兩款涼菜三款熱菜！招牌四川涼麵，好好味！麵本身夠干身，硬度適中，一干撈個秘製汁，不得了！好惹味，好香，唔太辣，好正！❤️❤️蒜泥白肉，唔會比勁多蒜泥搶曬啲味，白肉大大塊薄切，肉質靚，少許爽口，食唔停囗！招牌重慶水煮魚，個朋友一見咁多辣椒即刻驚左但其實個麻辣是enjoyable,可接受！啲魚好多舊，好嫩滑，加埋啲寛粉係底下吸曬個湯汁，又係必叫冇得輸為左個朋友叫番兩樣唔辣嘅先，西芹炒牛肉，看似簡單，但牛肉同西芹炒得同樣嫩滑！清清地咁中和番啲麻辣！黃燜雞，朋友好鍾意，雞嫩肉滑！最後送多碟蒜炒油麥菜，又真係清甜好味，完全顯功架！好有水準，十分滿意的一個川菜晚上

太耐我都無食川菜啦，因為平時老公唔食得辣，但今日老公竟然主動話要食辣，所以我即刻打電話去book左呢間，朋友介紹話好好食去到見到已經有好多人坐左係度，好多都好似預先book左位呢碟麵好大碟，上到台已經閒到陣陣嘅辣椒香味，老公首先試左唔撈辣椒就食，但都有辣油，佢話唔辣，好食！因為麻香味好香五香牛展，呢個食落去好香鹵水味，煮到好 ‘淋’牛展會配咪個辣椒粉一齊食好正！但我就唔覺辣，只有微辣，反而我覺得好香，好食！招牌水煮魚，呢個好好食吖，因為魚超級滑，無骨！辣嘅程度可以接受魚嘅份量多，而芽菜都有好多水煮魚入面仲有薯粉，我中意五香牛展配個辣香粉，用來撈粉食一流泡椒牛肉，呢個我覺得勁惹味，有小小酸辣的味道，好開胃牛肉炒得剛剛好，食落去唔鞋黃炆雞，用好多杏茹落去炒，呢個係唔辣嘅菜式，味道有少少甜甜地，雞夠滑！唔錯呢個菜係送架，有驚喜！用蒜去炒，好清

<私房菜>可說是高質又隱世的代名詞。從小不太能吃辣的我自從愛上麻辣菜式後，川菜可說是會令我心癢癢的菜式。朋友介紹下今天來到告士打道的<四姐川菜>，在商業大廈的一樓，地點比較隱蔽。上到去就是一般私房菜的格局，沒有花巧的裝修，賣的絕對是真材實料的廚藝。💪💪💪店內採取套餐形式，根據人數而決定有多少款涼菜配搭熱菜和份量，收費為每位$340。我們共二人光顧，所以有兩款涼菜加三款熱菜。<蒜泥青瓜>冰冰涼涼的青瓜夠爽脆入味，加上蒜泥，清爽又開胃。<蒜泥白肉>同樣是用上蒜泥和川式醬料作調味，白肉帶有小許的脂肪層，所以吃起來更香滑更有豬肉和油脂的香味，不會死死實實的。<重慶辣子雞>這個是我最喜歡的熱菜，一炒好就熱辣辣的送上來。別以為這麼多辣椒就會超級辣，作為平時在<阿哥米線>中也只能吃十小辣的我也能應付。而且是川式的辣香多過刺激的辛辣，所以越吃越過癮。當中的雞粒經過走油後卜卜脆非常香口，整道菜非常香口惹味，用來送飯一流。<干煸四季豆>加上肉粒和辣椒段一起炒，味道濃郁。但如果可以再爽脆一點會更

灣仔有間私房菜，有朋友之前去過返嚟話於是我就搵咗一日放工同一位喜歡食辣嘅朋友一齊去試吓。間店都算幾隱蔽因為如果你唔知道佢地址，應該都幾難搵到佢，事關佢都唔係點樣做宣傳。正正係因為咁食物質素可以保持很高水準。店裏邊人唔多，我哋坐低左老闆娘就很熱情給我們上個前菜—涼拌木耳，很香很美味。我哋之後點左炒鱔，水煮魚，尖椒皮蛋，通通都係家常便菜。但是平凡中往往就係不平凡。個炒鱔第一碟上已經充滿驚喜，味道好鮮美，芹菜好爽甜，而且冇骨冇渣👍🏻尖椒皮蛋上的椒醬同樣辣、鮮，集於一身，我同朋友連醬都食埋！炒完兩碟菜後，便是我地最期待的水煮魚！個魚望上去似好辣，但是食落唔係，細問之下先知原來坊間水煮魚之白所以辣係因為放了辣精！呢間店堅持用食物原味所以唔似出面咁辣！店老闆娘人好好好健談，真的好似同阿媽傾計咁！咁好的地方，點可能唔介紹呀😁

作為好辣食家，對四川菜是有份獨特既愛好，但要做到夠香，夠麻，食材夠鮮，四姊可以話係我的至愛。今晚點了二人餐，有六道菜，食物份量相當驚人，性價比相當高。前菜係最有驚喜的一環。當中的四川伴麵，麵質有口感，配上麻辣椒粒，又香又麻，但辣道不算太強，令舌頭還可品評其他菜。主菜方面，水煮魚不過不失，魚片相當鮮味，但建議可試用桂花魚片，味道更佳。反而辣子雞粒非常出色，雞粒細細，一口一粒，配上啤酒一流。提一提四姐好受歡迎，要預早訂位。

按人頭收費的每位$340，二人餐可點兩款涼菜和三款熱菜免收加一。熱菜款式有好多種包括水煮類、泡椒類、辣子類、干煸類、家常類和湯類。涼菜點了招牌四川涼麵及夫妻肺片，夫妻肺片餸料包括牛肚、牛舌和牛肺仲有花生和芫茜。辣度很易接受，醬汁中有大量辣椒碎，層次豐富。牛肺彈牙帶嚼勁，醒神開胃。涼麵係用幼麵煙煙韌韌，除了辣味，還帶點蒜香，吃後少少麻痹的感覺，醬汁中也有同樣的辣椒碎，好高分。重慶水煮魚上枱已香氣四溢，大大的一鍋，味道帶麻辣的湯和大量雪白魚肉，魚肉每塊煮得柔軟。底部還有芽菜和紅薯粉，吸收了湯底精華，紅薯粉，入囗順滑。重慶辣子雞炸到​細細粒​金黃色脆卜卜，跟大量辣椒、葱、花椒和薑等乾炒。還有清菜一盤，油菜鮮綠脆口，​可以中和一下口腔，清新​美味​。​

上次食過一次四姐之後，發現忘記唔到呢間川菜既味道。呢晚同朋友去開灣仔果邊，突然醒起四姐係灣仔都有分店，決定帶呢個朋友試下灣仔呢間四姐，地理位置google map完之後發現個位唔易搵到，都花左小小時間搵。餐廳環境:餐廳內在環境唔算大，大概只有30人既位左右，環境算舒服，私房菜既感覺，裝飾唔算grand，環境係有小小屋企既感覺。餐廳餐牌:餐廳餐牌只有一張紙，佢係因應你人數再決定你叫幾多款菜，人頭費就固定左每人收300幾蚊，好似我地兩個人咁就包兩款凍盤、三款熱既小菜，再加一碟菜，姐係總共兩個人係會有六碟野食，價錢尚算可以。蒜茸肚絲:呢個涼菜蒜茸味好重，肚絲份量幾多，我覺得兩個人食真係份量算多得滯，不過味道真係好唔錯，同埋絲既大細份量都OK，幾幼。青椒皮蛋:另一款涼菜青椒皮蛋味道幾好，呢兩款涼菜都唔辣，皮蛋唔算好熟，果種半熟融融地既狀態好好味，呢個皮蛋係加分既涼菜！川式椒鹽蝦:川式椒鹽蝦係全晚最期待，其實我個人覺得呢個川式椒鹽蝦真係呢間四姐既招牌菜，因為真係好好味，除左蝦頭之後基本上我成全蝦係放入口食，個殼炸過之後係可以食埋，拎黎撈飯真係好好味，一級推介！糖醋里脊:我同朋友本身都好鍾意果種酸

今次係我第一次食私房菜，仲要食四川菜，但係我第一次覺得食辣係一件好滿足嘅事情。餐廳以人數決定前菜和主菜的數量。今次我同我女朋友去，所以可以選擇兩個涼菜同三個熱菜。四川涼麵一試難忘，麵條較幼身，與花生、花椒和䓤花拌勻後令口感更豐富。食第一啖時最先覺得不太辣，但辣油後勁淩勵，非常過癮，可謂最難忘的一道菜。蒜泥白肉蒜味好重，但係唔會好似譚仔咁好多蒜泥鋪係白肉上面，我認為以上做法幾好因為我不太喜歡蒜泥嘅口感。川式椒鹽蝦非常乾身，可以連穀食，非常惹味。第一眼見到鍋水煮魚有啲嚇親，原來有咁多辣椒。魚非常軟嫩而且分量多，最先感受「麻」的感覺，然後香辣隨之而來，層次分明。大豆芽及紅薯粉吸收晒辣汁嘅精華，令我越辣越想食，犬其是紅薯粉，非常彈牙滑溜。糖醋里脊酸酸甜甜，同咕嚕肉十分相似。唯一分別在於里脊肉身比較瘦，里脊外皮炸得脆口，做到外脆內嫩既效果，加上甜酸汁更加惹味。套餐更會附送炒青菜，非常清新，稍為平衡以上菜式既辣，為今餐畫上一個完美嘅句號。每位$340但可以食到五道好味份量又夠嘅菜式，真係超值。

一煮就是10多年了🎉，由當年的灣仔道麵館🍜，到現在的上樓私房菜🏠，四姐依舊堅持以來自重慶的辣椒🌶及香料炮製傳統四川菜😋。而人妻🐷對於四姐當然也不陌生💝，畢竟四姐位於銅鑼灣的分店，是人妻🐷跟一眾豬朋狗友舉行嚐辣派對🌶的地方。今晚特意跟老公🍋來了灣仔的分店，而這也是人妻🐷與四姐第一次於灣仔的約會💘。沒有過於華麗的裝潢😌，但店內卻充滿著各種中國氣息的裝飾🌟，踏實中又不失品味。招牌四川涼麵🍜：作為前菜，它的份量絕對是非常足夠😲。味道不會太辣🌶，麵質爽滑，很有嚼頭，醬汁亦很香濃👍🏻。重慶口水雞🐣：雞件有不同部位，有人妻🐷最愛的腿肉，也有老公🍋愛的胸肉，一碟涼菜滿足了兩個人的喜好💘！辣味不算太重，不太能食辣的也可一試😌。川式椒鹽蝦🦐：蝦殼炸至酥脆🔥，椒鹽味香濃，蝦肉爽口彈牙，難怪會成為推介之一✨。泡椒嫩牛肉🐮：用上了兩種辣椒🌶再加上芹菜及香蔥煮成，牛肉🥩肉質非常鮮嫩，吸收了醬料的味道，更為滋味🤤。重慶辣子雞🐔：四川菜的鼻祖，以乾辣椒、花椒🌶等炒成。雞塊炸至外焦內酥🔥，整碟菜由辣椒把雞件蓋著，色澤紅潤搶眼❤️，完全是稱得上是色香味俱全👍🏻！蒜蓉炒時蔬🥦：隨餐附贈，油麥菜清甜爽口😋，解辣解膩一流！總結：

阿頭預先請食生日飯，放左工帶我去食私房菜。佢深知老納愛重口味，所以帶我去食重口味既辣味川菜，打通我任督二脈，通通我既胃筯。放工搭地鐵來，跟住阿頭行兩過街口，入左去商業大廈搭𨋢，果然夠隱世既私房菜。阿頭之前幫襯過，食過番尋味番點左3個佢覺覺正既餸俾我試，另外兩個俾我點。點左涼盤小吃:夫妻肺片，阿頭夫妻肺片川菜名小吃，牛肚牛雜等切成片用卤汁再加上红油辣椒、花椒拌埋一齊，味濃而不辣，牛雜片狀好入味，口感帶嚼勁。蒜茸肚絲牛肚切成絲狀，拌埋蒜茸一起食，肚絲又香又爽脆，好香蒜味川式椒鹽蝦呢個超正，食到係新鮮用油爆開，成隻蝦油泡脆度，係可以連殼入口既蝦，殼脆肉爽 四川既椒鹽味夠香口 ， 且充滿花椒、八角香，超惹味 。水煮牛肉牛肉係辣油既湯煮熟，牛肉味道香濃，肉質幾嫩滑，撈起望到個辣湯用左花椒和乾辣椒來突出川菜麻辣味。煮好出黎顏色好紅亮，好似好辣咁，但其實辣味屬於初級辣(因我落單時點了少辣)，且辣味唔係嘴裡面停留太久，由是少辣所以幾惹味惹濃而不辣。份量好足料，有多牛肉片同大量大豆芽川式回鍋肉京葱爆香既回鍋肉，讓人又愛又恨既半肥瘦腩肉，好爽口唔會有太肥膩既感覺，濃郁惹味，呢個送飯一流。食左幾道辣菜，所以

「除咗辣, 就是辣。」這是一貫人對四川菜的看法。事車並非如此！正宗四川菜, 菜式烹調工序繁多, 單單「辣味」亦可分為多個層次。第一次食到如此正宗的四川菜, 在香港而言。溫馨提示: 用餐前請提早預約。環境寬躺舒適。紅油豬耳打頭陣的飯前小菜。豬耳口感爽脆有咬口。先來辣油的油香, 繼而是辣味進攻味蕾。非常醒胃。五香滷牛展牛味濃郁, 入口後慢慢溶化味道停留於口腔中。不久只剩下碟子了。調味粉－由多種香料混合而成。香辣的同時帶點甘甜, 卻不搶原有的味道。酸辣土豆絲越是簡單餸菜, 越是困難烹調。口感爽脆不油膩, 型狀大小恰好, 足見廚師對餸菜的心思。重慶辣子雞非常考功夫的菜式, 味道極之正宗。鮮有在港嘗到如此正宗的味道。必選推介！雞丁大小與辣椒相約, 皮肉連骨炸到脆身。多種辣椒香味混合滲於雞肉內, 味道難以言喻。干扁炒四季豆四季豆爽脆味濃, 送飯的不二之選。總結: 無辣不歡的我可謂嘗盡大江南北的川菜。當然味道正宗與否因人而異, 但如果「味道」及「正宗」只能選其一, 無不是選前者的理由, 更何況是兩者兼備。