與友共享高質海鮮西餐 今日放工去元朗約咗個朋友一齊食晚飯，朋友係呢到嘅地膽，佢就帶左我去一間西餐廳食飯。 入到餐廳餐廳已經差唔多滿座，見咁多人幫襯，真係都想試吓呢一間，環境都幾好，有一種浪漫嘅感覺，所以等一陣都係絕對值得。 龍蝦尾 賣相認真夠哂吸引，原隻龍蝦尾呈現眼前，而且已經幫我地起左肉，方便大家食到啖啖肉嘅龍蝦，擺碟都非常之精美，好高級，鮮甜彈牙！配料就有薯仔，都非常之新鮮淸甜，又重薯味，整個配搭，perfect！ 蕃茄肉醬闊麵 蕃茄肉醬鋪滿闊麵，蕃茄味好香濃，加上芝士碎做點綴，加強牛肉醬嘅香味，芝士加牛肉醬係非常配合，呢個闊麵好彈牙又有口感，非常好食，讚! 熱朱古力 朱古力味好濃，入口好香滑，個拉花好靚好專業，我都忍唔住相機食先👍🏻 整體餐廳環境非常好，又大又寬敞，好適合女仔girls talk，侍應服務而且食物質素超高，一定會再黎食。

同朋友打完羽球，夏日炎炎，見到商場都忍唔住行入去食番個下午茶 有次係度食過晚飯，食評不俗，今次黎打抖抖食D凍野消一消暑 餐廳裝修舒服，有泰國夏日風情，黎呢度歇一歇吹吓水唔錯 朋友點既呢一杯芒果冰特飲，表面鋪左粒粒芒果，芒果夠新鮮，香香甜甜帶少少微酸，D冰沙打得好均勻，入口好綿順，夠晒醒胃同冰涼，飲落透心涼真係碞晒夏天飲，消暑之選, 正！ 我點左-芒果椰西米羨斯$42 頭先杯芒果特飲重芒果味，呢杯好重椰香味 有真香芒既清甜，加有濃濃既椰子奶香，上面D CREAM好爆，碞晒鐘意爆醬既我 42蚊唔貴，連鎖手調飲品店賣既大杯裝都39，但呢杯水準一定係連鎖手調飲品店之上，容量多但生果既鮮甜融合洽到好處，雖然無得飛去泰國旅行，但真係有泰國芒果飲品既素質 超級芒果狂熱 $68 呢個款有幾種口感個人認為幾抵食 除咗有芒果糯米飯，仲有布甸、芒果雪糕，仲有芒果醬，同椰汁，我將啲忌廉、椰汁同芒果汁撈落去食糯米, 個食糯米好軟糯, 有泰國食既芒果糯米飯水準 半邊切粒方便食，芒果啱啱好熟透，好香甜多汁 布甸質甜甜地又帶點微酸，唔錯！  呢一餐價錢合理，唔貴，但環境仲要靚D同坐得舒服，下次會再嚟
Menu:

友人生日，因為疫情關係無出到去MK, CWB, TST人特別多既地區 特登去左朋友住果區到同佢食生日飯, 餐廳裝修唔錯，夠大枱同枱之間亦夠闊， 睇完menu價錢幾都幾大眾化唔貴，望入餐廳晚飯期間都幾多人食，仲比佢明門口個每日$1優惠吸引左。 餐廳上菜速度亦迅速 嗌左一蚊雞優惠當前菜，泰式炸蝦餅食到新鮮炸起, 炸蝦餅外層帶脆，內裡蝦膠口感夠彈牙，一碟六件，口感幾實在，不油不膩。 慣左咩都點醬，沾一下附上既調味醬,入口巳經熱辣辣既蝦餅+沾醬，沾醬後更提味 話雖一蚊雞，但係無馬虎，同比錢點既質素一樣，抵 主菜點左辣膏炒蜆 未食已聞到好香，蜆都幾多，仲係痴住個殼，蜆肉彈牙夠鮮甜，再黎係個泰式調味汁，帶點香辣+帶甜，好惹味，呢個送飯一流 另外再點左個大頭蝦粉絲煲，呢個係重頭戲 兩隻大頭蝦開邊，每隻蝦有兩呎長 用左花椒八角做醃料墊左係煲底，D粉絲吸索晒D醃料既香同蝦既鮮味 大蝦新鮮，調味夠香，好邪惡，大蝦爆得好脆好惹味，肉秒好彈牙啖啖肉 天時暑熱，點左芒果冰特飲，唔會酸，甜度恰好, 幾夠香芒味，沙冰碎得好形均，口感帶幼滑，消暑一流既夏日特飲，推廌。 整體來說，位置處商場，環境夠寬敞舒適，同朋友相聚傾計都唔錯！ 價錢黎講，仲有個一蚊雞優惠，真係算好抵食，環境乾淨利落，服務迅速，價格實惠，味道不錯，值得回頭。

我係5月生日既金牛座， 朋友知我鍾意食烤肉， 平時都係食放題形式任燒嘅烤肉多， 見我生日就帶我去食不一樣 嘅烤牛肉，帶左我去食靚牛肉。 先講下裝修， 坐位幾舒服唔迫， 間隔 坐得好自在， 幾闊落 我哋一人嗌咗一個set 朋友點嗰個 特上烤肉午餐 ，有牛舌牛肋肉同牛赤肉 牛肋肉口感比較軟稔， 肉質入口嫩且多汁， 肉質 亦都好滑， 呢個餐既肉質絕對對得住個價錢 牛舌烤完 好好食 ，好爽口香濃牛味，點鹽食一流 枱上面有鹽 同埋柚子醬汁， 建議落啲鹽配烤好嘅牛肉食， 可以 食到牛肉本身嘅香同濃未， 一塊牛肉配一口白飯味道嘅中和 十分好。 我嗰個set ，和牛盛盒烤肉午餐 有曬朋友個餐嗰三隻牛肉外 ， 仲有 牛扒粒同牛後腿肉 我呢個餐啖啖靚肉， 特別係 牛後腿肉 ，食落去油滋味 好香， 而且脂肪分佈均勻， 牛肉燒完後有好重 牛味， 汁好juicy, 好厚切, 完全冇肥肉,雪花非常均勻， 呢塊肉燒完去沾雞蛋汁食 真係好好味 跟餐 仲有 湯，沙律同日式蒸 蛋， 裏面嘅材料好豐富， 蛋好細滑，味道不錯 仲有餐飲有飲品，揀咗凍檸茶 同奶茶 實在 食過 有回味無窮嘅感覺， 平時食開都係 任食嘅烤肉， 但肉汁嘅味道同口感真係 冇得比， 一分錢 果然一分貨， 牛味好香。 牛肉配白飯食完會好飽， 呢餐嘅生日飯 貴精不貴多， 食到靚嘅雪花 分佈 均勻嘅牛肉， 生日一年一次 值得。

同朋友係元朗附近行完山，人多就梗係食任食放題先夠盡興 裝修，比我好舒服既感覺，座位夠寬，地方空間好大，唔使會坐/行得迫，仲有冷氣好充足唔會焗到成身味。 食物種類方面，好多選擇，有燒烤+火煱，可以同步滿足，仲有熟食提供。 食物種類真係好多，有中式點心包括牛栢葉，燒賣及粉果等 當然，仲有我至愛刺身，三文魚好新鮮，口感十分肥美，仲有壽司可以自行夾，有沙律可以自己MIX & MATCH。 黎得校長燒肉最愛當然係燒烤，燒既食物種類選擇一枱都係，牛肉、香腸、雞中翼、雞軟骨粒，豬柳漢堡等必燒 一口牛+秘制叉燒+鴨胸。個人特別推介是鴨胸，又香又新鮮，烤完之後好入味。 食到咁上下輪到打邊爐，湯底有日式豬骨湯、韓風辣湯、壽喜燒，丸類都好多款，包括三角魚蛋，貢丸，芝心丸和黃金魚片頭等，蔬菜冬姑，粟米，金姑等，粟米特別甜，好味道。 飲品款色也很多選擇，，利賓納，蜂蜜軸子同清熱下火既飲品，個人推薦自己沖花茶果茶，有成個沖飲櫃可以自行調制，甘甘微甜好飲。 甜品都好豐富，賣相又靚，有雪糕好多款口味，有雲呢拿，海鹽和奶茶。個人認為海鹽味+奶茶最好味，不太甜但味道好濃，呢款雪糕超市無得賣，口味好特別，推薦。 總的來說，170蚊左右連烤肉又有得打邊爐任飲任食兩個鐘，真係好抵，食物種類多，味道唔錯，值

今日同朋友去沙田行街，都係行新城市廣埸涼下冷氣, 見到呢間車仔麵冰室。 記得之前係灣仔食過，餐廳帶d懷舊feel，食物味道亦都幾吸引 沙田呢間就第一次食，埸好大，坐位夠寬闊 呢間點餐有d特別，第一次食車仔麵係要掃纸上QRcode點餐，又方便快捷，可以自己慢慢揀唔使比人催，亦都可以免卻落錯單既情況 原來掃纸上QRcode點餐, 全單仲折的說 入面餐牌，食物款式好多 點咗永年招牌既男祌車仔麵，入面既食物料配搭都有唔同種類選擇， 叫咗油麵再配豬手，流心蛋和腸仔，份量真係好碗，係會非常飽肚果隻份量，油麵好食，麵質口感十分好，流心蛋真係流心效果好juicy，豬手好淋帶點入口即化。 牛筋好食, 好"張"口 牛腩好厚切，啖啖肉得黎亦都入味 另外, 朋友就叫咗碗永年大碗麵，麵類選粗麵配清湯，再配陳皮魚蛋、鳳爪和豆卜。豆卜索晒車仔麵既湯汁 ，鳳爪好入味道 小食就揀左懷舊蝦多士炸物同香脆南乳雞翼。蝦多士炸得好脆好鬆化，炸到效果唔油膩，個人認為係必點, 黎到一定要必食蝦多士 南乳雞翼都係即炸，熱辣辣無得輸，雞翼外面好脆同真係有南乳味。 飲品方面我點左樽仔奶茶，好滑奶茶味濃，朋友就點左抹茶紅豆冰, 大大杯，红豆又多又軟。 整體來說，車仔麵食物用料新鮮煮得入味，份量大碗，車仔麵湯底真心出色，會令人一路食麵一路啜埋個湯底 飽到反艇，味道唔錯，車仔麵食估唔到小食都咁好味/

星期日同朋友食飯，想去間有得坐低慢慢食慢慢傾計嘅地方，朋友提議食呢間，食過話抵食又幾好味，於是一行人就熱鬧打邊爐

一坐底就黎左個雞先，點左少辣，好入味，雞件份量好足，啖啖肉，重點原來雞煲食完係可以REFILL，VERY抵

打邊爐既其他配料就出去自助BAR到自取

有蝦有魷魚有青口

菜都多選擇

仲有D熟食既小食，薯條、麥樂雞、鳳爪

仲有好多款肉，打邊爐食肥牛係指定動作，但張枱食完雞煲同打邊爐既同時，仲有一個爐可以燒野食，我地係咁烤肉、午餐肉同菠蘿，雙重享受，同時可以嘆兩種唔同口感

飲品仼飲，都好多款式揀，拍得住放題既飲品種類，竟然有啤酒都係任飲

甜品有雀巢雪糕4隻味，仲有啫喱

價錢已經唔貴 仲有好幾款海鮮可以任打, 同雞煲既雞件可以REFILL仼食
埋單一個人都係180左右

整體值得黎食，咁既價錢同質素同食物選擇，地方又大，坐得舒服，張枱D位完空間好闊唔使迫住食，屬性價比好高

平時出開旺角都會間中走人女人街巷仔食野，比我發現到間新開無耐既石燒牛，係門口見到入面坐得唔迫，一直都想試吓，呢日星期五放工同朋友黎食。 坐位OK舒服唔使同隔離迫，對手要夾住先係到，OK闊絡，無話就飄黎陣陣煙霧瀰漫，唔會沾到一身都係味 半放題咁可以自己出去扲飯湯前菜, 仲有著條、蝦片同自制沙律，個人鐘意沙律，好多唔同配菜，仲有醬油款式都多，可以自己落份量調味 我整左個沙律好正，沙律前菜最緊要多胡麻醬，前後食左3碗 白飯都係任裝，我夾左大大撮紫菜配飯, 建議咁食個飯味好出 今次同朋友各自嗌咗一份牛，我地都係揀最基本既120g，分別係西冷扒同牛柳。 我既係西冷牛 真係幾大塊下 想食啖啖都係肉既可選呢種，側邊有少少筋位，食落去油脂味道都幾重，而已脂肪分佈係怡到，入口有JUICY口感， 重牛味汁亦多，勝在啖啖肉夠大塊，無咩肥肉位肥瘦適中最岩食肉獸，非常好咬 呢個係朋友點既牛柳, 價錢比西冷貴D 牛柳比較西冷更重肉味，牛肉味更家香同出， 口感比較軟稔, 入口嫩同好多汁 肉質有口感, 肉質較為滑，呢個肉質對得住個價錢 重點係，即燒KEEP住咁熱辣，食到尾段舊石無再熱到出煙我又食得慢，店員幫我再換舊燒石，呢個要讚一下 枱上有仲配有喜馬拉亞粉紅岩鹽同黑胡椒又或者可以點跟餐送既醬汁，建議落D喜馬拉亞粉紅岩鹽，好正既嘗試 個人覺得西冷同牛柳各有所長，睇各人口味，鐘意爆汁挺身口感可揀西冷牛, 鐘意牛味出肉身比較軟稔就揀牛柳，兩者同樣好食 仲有可以放D九菜上燒石上面燒，好正 有飯+沙律+麵豉湯+薯條+蝦片, 仲要唔係擺放左好耐淋晒，薯條+蝦片係熱，沙律係爽身, 半放題咁任食真係性價比值高得很  整體唔錯，價錢算得上抵食，味道實在唔錯，會再番兜

男友呢個星期都係VWALK呢頭開工，放工黎接佢收工，順手係附近食飯, 呢頭我唔識地型, 見到呢間日式嘅裝修都好有和風居酒屋嘅感覺，又係星期五，所以想放肆一下。 七味炸魷魚圈 出面嗰層炸粉厚度適中  冇咁厚重既炸漿感覺 炸到香脆口感  入面既魷魚好新鮮 夠哂彈牙魷魚味濃  醬油濃雞白湯拉麵有水準 個湯底好濃雞湯味 叉燒好大塊X2, 肥瘦適中, 燒得幾好成塊入口都唔覺會肥膩, 夠哂厚啖啖肉，入味得黎唔會太咸,  拉麵比較粗身幾彈口, 質地煙煙靭靭既爽口, 滑捋捋嘅麵條掛汁力高吸到個雞湯汁 e流心蛋都好正，個黃仲係流貿狀態，入口滑 每次食放題都會點一個雪花牛肉鍋自隊， 想知居酒屋既味道會咪不一樣 甜豉油呢個汁真係令人好開胃，會令人無遺和感，真係食到飲左2/3個湯 鍋內有菜+豆腐+菇，量多，肉一碟，無咩肥肉，肥瘦適中牛肉味都OK重，兩個人食都好飽，鍋係不錯的說既選擇 仲有點左炸墨魚咀同天婦羅, 香口惹即炸係無得輸

整體來說，環境舒服，食物有水準，每樣既份量都幾多，一定要大大力錫佢個拉麵，呢個超水準
兩個人都飽到反左艇

朋友帶路食咖哩，第一次黎重慶大廈，感覺有d似今宵大廈feel, 好正

上到黎一入到去都幾多香港人同外國人，要講英文點餐，餐牌有圖，一目了然無咩溝通障礙

坐低會送烤餅，咬口好脆，帶點胡椒味。枱面有水可以自己倒，幾方便

薄餅就叫左芝士nann，入面d芝士係一粒粒超重咸香味

味道好香，食落咸咸地，d芝士係一粒粒擺入面，所以唔會有拉絲效果但個味同口感都好正, 入口好鬆軟，唔太油，好軟口感好特別，好食

叫左個雞肉咖哩，唔記得邊款咖哩，但係偏甜辣而辣度好容易接受。雞肉幾大塊，雞肉易咬亦滑，重點個咖哩真係好味。

烤雞真係炸炸聲上枱好熱，好香，香料味唔會太重，雞肉入口都軟嫩

另外叫左lasi，我記憶中好似係乳酪既一種，但口感好特別又似奶又似果汁，酸酸甜甜咁唔錯，個人偏向鐘意白色呢杯，酸乳味比較出，朋友就鐘愛芒果味口味帶點微甜同果味出D。

埋單價錢係尖沙咀黎講算相宜，地點都就腳，整體食物亦都唔錯。