囍囍小廚

營業中

休息中

一大班朋友最好就去食大排檔🔥大埔墟新開咗一間「囍囍小廚」。由大埔Ben哥主理🥰有好多款中式菜餚可以選擇🥢⭐️ 蜜椒金薯安格斯牛柳粒牛柳粒烹調得剛剛好，肉質嫩滑，搭配著蜜椒的調味。金薯炸過後再沾滿蜜汁，外酥內軟。⭐️ 菠蘿鮮果咕嚕肉咕嚕肉的肉質鮮嫩多汁，配上菠蘿和鮮果的清新口感，酸甜可口的感覺，令人感覺開胃。⭐️ 德國脆皮咸豬手豬手烤至外皮酥脆，肉質鮮嫩多汁。份量好多。⭐️ 金銀蛋莧菜這道菜清淡而又有營養價值。⭐️ 懷舊欖角冰梅骨好耐無食過呢個菜式！冰梅骨的酸甜味道，好惹味。⭐️ 秘製沙薑雞雞肉有著嫩滑的口感。沙薑汁的獨特香氣提升雞肉的味道層次。⭐️ 招牌老檀酸菜魚滑嫩的魚肉搭配上老檀酸菜和辣椒，帶來了一種酸辣可口的滋味。⭐️ 椒鹽鮮魷鮮嫩的魷魚經過椒鹽的炸製，表面酥脆，咬落有彈性。非常適合作為下酒菜。📍囍囍小廚 大埔運頭街20號廣安大廈地舖

位於大埔的「囍囍小廚」隱藏在一個小巷裡，讓大家津津樂道的中式餐廳。這裡的菜品味道出色，而且價格實惠，深受大埔友的青睞。今次造訪點了幾道招牌菜品，讓我一嚐這裡獨特大排檔的風味。首先點了「椒鹽鮮魷」好適合送酒。魷魚口感Q彈，外層酥脆可口，讓人忍不住一口接一口。「蜜椒金薯安格斯牛柳粒」Q彈可口，配上金黃酥脆的薯角，淋上濃郁的蜜椒醬汁，令人回味無窮。「菠蘿鮮果咕嚕肉」用冰鎮方式上碟，冰凍加上酸甜可口的滋味。咕嚕肉質鮮嫩多汁。加上新鮮菠蘿的清香，好美味。我還品嚐了「懷舊欖角冰梅骨」，骨肉相連，肉質軟嫩，配上酸酸甜甜的醬料，非常開胃。另一道「秘製沙薑雞」也必點之選，雞肉鮮嫩多汁，沙薑的獨特香氣恰到好處，讓人胃口大開。【囍囍小廚】📌大埔運頭街20號廣安大廈地舖

#20240413 💛📍 囍囍小廚 大埔運頭街20號廣安大廈地舖➖➖➖➖➖➖➖➖➖➖➖➖➖➖➖➖➖#菠蘿鮮果咕嚕肉 $128💭 係佢既十大名菜之一，梗係要叫尼試下，同出面啲冰鎮咕嚕肉有啲唔同，佢啲冰唔同墊係底而係同啲咕嚕肉撈埋一齊，食落舊肉會有機會一面凍一面熱幾得意，但要同時間競賽，如果唔係啲冰溶左就浸住左啲肉🧊另外佢除左菠蘿🍍仲有藍莓🫐提子🍇士多啤梨🍓色彩十分繽紛.#潮式炸蠔餅 $128💭 另一款十大名菜之一😎呢個好似以前叫Ben哥廚房果陣已經有既主打菜，半煎炸得香口，蠔仔份量好多，幾乎每夾一下都會夾到🦪個餅底食得出鴨蛋香味係好難得🥚點埋魚露食無得頂！.#蜜椒金薯安格斯牛柳粒 $128#沙茶芥蘭炒豬頸肉 $88#椒絲腐乳通菜 $78💭 食大排檔點都要食返啲鑊氣野，牛柳粒同豬頸肉都帶啲啲甜味，就咁食都唔會話重口味，總括三樣味道都不過不失啦，無乜邊樣話特別有記憶點，但係好味既😋.#蒜蓉粉絲蒸鮮魷 $158💭 睇落白雪雪唔多吸引咁，但唔可以以貌取餸架嘛😂其實魷魚幾鮮味，同平時啲蒜蓉粉絲蒸扇貝一樣，底果啲粉絲先係精華，夾埋一齊食好好味，如果豉油多啲仲正🦑.#魚香茄子煲 $98#懷舊粟米石斑塊

菜式好多款選擇 餐廳環境都好靚 食物質素唔差！正！由其係海鮮都好新鮮😍😍😍😍 豬骨湯都勁好飲 ！ 環境寬敞，坐得都舒服！ 未試過嘅朋友一定要試下😍😍😍😍😍😍😍😍😍

成日經過都見到好旺場，趁住屋企人生日過黎試下，坐出面好有大排檔feel,大埔已經好難搵到，入面裝修重好新干淨企利，一到去比抵個蛋糕老細幫我雪，老細見我地慶生送左支香賓比我地😳好驚喜，重會幫你播生日歌🤣菜式好豐富，基本你想係大排檔食到既小菜都有，我地叫左個羊腩煲幾個小菜人均都係200蚊左右，超抵食，食到好飽。老細好有人情味同埋d樓面伙計都好有禮貌，羊腩煲好夠味，椒鹽鮮魷超好食，蜜椒薯仔牛柳粒勁香，回頭之選👍

今日去完東平洲，朋友話直落食埋晚飯，咁就 whatsapp Ben 哥訂檯，Ben 哥覆 “VIP 區”，我以為佢話安排我坐嗰區，就答 "😆" 點知原來佢等我答 OK 😅😅😅 ，去到無位話我無覆，我話佢無問號唔知係問題，咁行完山攰打咗去第 2 間有位就同 Ben 哥講聲下次再幫襯。行行吓八掛友話想返轉頭問嘢，其餘人就行住先，點知八掛友跟手打嚟話有位，咁我哋返轉頭之際打返去餐廳取消留檯 😅😅全部人去到又晴天霹靂，原本 Ben 哥揾唔到檯訂檯客諗住比張檯我哋，佢哋就偏偏呢個時候嚟到 😱😱😱😱 我哋照講啱啱取消咗第 2 度個訂檯， Ben 哥即刻諗計安排張檯比我哋坐底。緣分嚟到擋都擋唔住 🤭🤭 始終都係食到 🤣🤣正經講返食物啦，我哋 6 個人叫咗：椒鹽鮮魷：非常可口，夠椒鹽味，新鮮熱辣，咬一口入面仲出緊煙。白灼蝦：大大隻爆膏兼爽口，無嘢可以投訴。鮮果咕嚕肉：全部生果都係新鮮嘅，抵讚，但咕嚕肉唔係脆口差咗小小，但都係好味嘅。雞油豆苗：好味無渣。脆皮豬手：皮煙靭小脆，肉一啲都唔鞋口 👍👍臘味糯米飯：臘味一啲都唔慳，乾身仲有花生添。真係想問句：想點呀，樣樣都咁好味，點減肥啫？我哋都好識做，快快食完

偶爾經過這街坊小館，喜出望外！砵仔蒸飯燉湯套餐：1.花菇雲耳蒸鮮雞係鮮雞唔係雪雞，肉嫩飯香。2.蟲草花海螺片花膠燉豬展湯：真材實料，夠火喉！3.簡單蒜蓉炒時菜：一個字，香！價錢相宜，性價比高，值得再來！

一行12人已一早訂枱(19:00)，其中一飯腳大約18:30到場，詢問可否早點入坐，因眼見仲有枱，個場未爆，但巴閉老闆霸氣地話，你擺低張500咪比坐囉，好～算數，反正未齊人，忍你，等夠鐘，到接近19:00，再問，老闆：我點知，6點第一輪都未起身，我點比枱你，人地起身咪有囉，原來你呢度咁玩法！咁你就咪差接受訂枱，你好生意唔憂做，你千其唔好執笠呀！

前身邊間餐廳，熟路人不必多講。再道歸來，舖頭寛敞了很多。去大埔街市買餸前，特意來試下下午茶。今日可惜炸脾中午已沽清。朋友又想食薯條同西多士，最後叫咗炸魚薯條同埋西多士。西多士望落去色澤金黃無油膉味，如果可以多d花生醬就更完美。其實好怕食炸魚薯條，因為啲炸魚好多時候都會有嗱個嘅味，唔理佢自己上粉定係交貨嚟，呢個魚都比其他店好，可惜薯條比較乾，同埋包裝茄汁比較稀，但整體表現唔錯。下次唔買餸，一定要試埋d小炒。

屋企人生日，見佢新開光猛整潔，所以就去試吓。一入到去，安排咗卡位坐。前面係一台老人家，疑似老細嘅人，不停勁大聲咁講粗口同啲客傾偈。我其中一位屋企人因為有耳鳴，所以係咁同我講過疑似老細嘅人好嘈。到咗落單，係需要用QR code ，不過都唔緊要，因為可以好快就落到單。叫咗椒鹽鮮魷，好咸同埋唔熱。薑蔥雞半隻，份量夠，不過都係唔熱同埋有幾舊唔係好熟。小炒王，韭菜老到要吐返出嚟，蝦乾直情咬唔開。大魚頭煲，都係唔係好熱，不過味道幾好。啫啫芥蘭煲，呢個最熱，不過都係有啲咸。最後聽到燉湯好足料，所以叫咗一個試吓，好好飲。最後埋單嘅時候，我拎咗張單出去叫唔該，個收銀既女仔冇望過我繼續玩電話，我靜侯後睇佢幾時玩完幫我埋單，點知佢好似冇諗住要埋單咁，所以我都再講多次唔該。啲野食希望可以整返熱啲先出比客啦仲有因為坐係出餐隔離張卡位，見到樓面個員工執返起跌左落枱到條菜落碟餸到。唔好咁咸啦，因為唔係個個人都飲酒疑似老細個個人唔好咁大聲講粗口啦，其實都幾反感。反而要讚一讚個後生男仔，態度好好。

見新開左間小店，就去左試吓，啲海鮮🦞🦞🦀食得出好鮮甜好好食，蠔仔煎蛋🦪🍳🍳係唔會太鹹，成個都好脆口，個日有叫嘅炸豬大腸蜆介鯪魚球同德國鹹豬手🍖🍖調味都啱啱好，份量好足，不得不提及佢哋嘅例湯唔係味精湯，啱啱再去食佢哋嘅羊腩煲🥘🥘，水準依然都維持到，好足料🥰🥰，同一般嘅羊腩煲有啲分別。飲品選擇都偏多，一般飲開嘅都有，仲有生啤可以飲🍻🍻🍺🍺環境好闊落唔會迫，都幾舒服，啲員工都好nice🫡🫡🥳

喺大埔群組見到呢間嘢新開張，人氣又夠，食評又唔錯，決定過嚟試吓我自己帶咗海鮮加工，鋪面員工客氣咁話，白灼清蒸$80斤，其他$100斤，咁嘅價錢算係咁啦，就試試佢避風塘瀨尿蝦，蒜蓉夠乾身，蝦肉夠Juicy，薑蔥蟹都炒得幾好，有鑊氣之餘食到蟹嘅鮮味，其他小菜都合格，最後老闆推介一個燉湯，非常之清甜，飲到好多原材料嘅味道，我估係響螺瑤柱同埋一啲菇菌混合嘅鮮甜味，仲食到有嚿花膠添最後埋單冇茶界冇加一，咁我下次又點唔再來呢？但係要提醒吓，雖然播音樂好氣氛，音量係咪可以收細返啲呢

係巷仔入面新開既茶餐廳式小廚，中午特登去試一試。有午餐，常餐等等，不過黎試食就緊係試下廚房野。一個叫左咸魚雞粒炒飯，另外一個叫左乾炒牛河。以午餐黎講份量都好足，乾炒牛河唔會太油，又唔會太濕，味道唔會過份太重手，連配料都非常充足。咸魚雞粒炒飯都可以食到啖啖咸魚香，同埋d 雞粒份量都唔少，加埋少少生菜搭夠。野飲叫左茶走，係稍為澀味既茶底，未算好滑，不過以茶餐廳黎講，絕對收貨。坐位都好闊落，地方乾淨企理。部份待應應該係新黎既，睇得出比較生手。

大埔開咗間新式大排檔，等我試吓佢咩料先。。。佢哋嘅菜單好豐富，有好多經典嘅茶餐廳招牌菜。我首先叫咗一份菠蘿咕嚕肉，呢個係一道好受歡迎嘅菜式。啲咕嚕肉整得剛剛好，外脆內嫩，配埋醬汁香氣四溢，令人回味無窮🤤🤤除咗咕嚕肉之外，椒鹽瀨尿蝦同埋德國豬手，我都極度推介！識食嘅我梗係唔會食冰鮮瀨尿蝦啦，呢到一食就食得出係用新鮮游水瀨尿蝦，啲肉特別鮮甜，連啲辣椒同埋炸蒜我都拎晒嚟撈飯啊！德國豬手都勁好食，用嚟送啤酒一流，啲皮燒得外脆內軟，一切開，啲肉汁流晒出嚟🤤🤤拍得住我之前喺德國食嘅正宗德國豬手！最後，我要講下呢間大排檔嘅服務。佢哋非常細心地為客人提供服務，即時上菜，確保客人嘅需求得到滿足。搞咩啊？唔係大排檔嚟嘅咩？😋😛