囍囍小廚

營業中

休息中

年初五同屋企人行林村市集感受新年氣氛，玩完已經入夜了，決定大埔區內dinner，一定要食中菜先岩feel，佢地裝潢滿滿港式玩味 是有心思的，枱凳都係大排檔格局 不過有圓枱有卡位，牆上每一張菜式poster都design得好吸引可能8點半先到埗關係 等左5分鐘就入得菠蘿鮮果咕嚕肉 $128實物賣相比圖片更吸引，除咗菠蘿之外 鮮果仲有藍莓+青提子+車厘茄入饌，成道菜顏色好豐富 勾起晒食慾，咕嚕肉啖啖肉冇骨 口感鬆化，菜式放入了冰塊 不過咕嚕肉表面做唔到冰鎮效果 其實可以省略冰塊流沙黃金炸鮮魷 $148魷魚上粉後炸得香脆可口 包裹上鹹香蛋黃 滋味十足，略嫌流沙部份做得唔夠乾身 口味稍稍偏鹹白灼肥牛拼鵝腸 $118以芡汁把肥牛同鵝腸一併炒勻，再放大量芽菜墊底，肥牛嫩滑而牛味濃，鵝腸爽口不過欠彈牙，整體來說不俗 不過同想像中嘅白灼唔似同一回事？豉椒炒花甲 $108花甲鮮甜肥美無沙無泥味，豉椒爆得夠香口 味道都好到位，唯醬料質地開得較杰 掛上花甲有啲似埋芡蠔仔泡飯 $78上湯鮮味十足 蠔仔隻隻飽滿，呢個有驚喜！下次幫襯會再點生力清啤 $34走大排檔風豈能無啤酒，仲要兩支*全程QR code落單*新

平時覺得大埔唔係好多野食，估唔到有一間咁地道大排檔小炒。今次點左下面啲菜式，都好吸引，有兩款真心必點既 ‼️：酥炸時令台山生蠔 $198 🦪必點既！好鐘意食蠔🦪既我，一上菜就俾啲生蠔既尺寸驚訝左，尺寸超大隻✴️，而且生蠔炸得岩岩好，唔會過熟，仲食到生蠔既汁，另外啲粉漿唔會淋哂，厚度非常適中。生炸芝麻湯圓 $58 🍡竟然成為我必推既菜式！估唔到非常之好食，因為本身都好鐘意食芝麻湯圓，但炸左之後仲驚喜，好煙韌，食落完全唔會好油，呢個真係食唔停口。流沙黃金大海蝦 $188🍤每隻蝦都沾滿哂咸蛋黃醬，而啲蝦都會切開少少令啲蝦更加入味，配啤酒真係一流🍻菠蘿鮮果咕嚕肉 $128🧆🍍鋪滿左好新鮮既水果，估唔到係用超巨型青提去配搭，咕嚕肉外皮做得唔錯，生果令咕嚕肉更鮮甜。蟹粉扒豆苗 $148🥬🦀蟹粉多到好似瀑布咁，豆苗非常細嫰，夾埋一齊食鮮味得黎好清甜。沙茶芥蘭炒豬頸肉 $88🐷🥬超惹味嘅沙茶醬配搭超軟嫰既豬頸肉，食唔停，芥蘭清甜爽口！呢到好適合一大班人既聚會，大家一齊用戰鬥碗飲酒一生一大樂趣！🎉😎🍻

🕰️🕰️🕰️ 好耐好耐好耐… 冇去大排檔食鑊氣小炒👨🏻‍🍳👨🏻‍🍳👨🏻‍🍳，今晚終於的起心肝去咗一間位於大埔大明里附近嘅摩登大排檔 （近以前陳漢記對面） 👀👀👀 店面設計用好多（危）虹燈裝飾🧪🌡️🧪 令整體modern得嚟仍保留港式風格，而環境衞生方面就較傳統大排檔乾淨企理好多👍👍👍 而不失大排檔feel~ 😇😇 菜式方面就沿用返大排檔鑊氣小炒，再加入新式食材，覺得幾好呀！但係我哋都係食個幾味😂😂😂 用QR code落單📲📲📲 ：1.） 豉椒炒花甲 🐚🐚🐚 d花甲都幾大隻肥美，炒得好好味 ⭐️ 推介2.）流沙黃金大蝦 🦐🦐🦐 d蝦肉厚彈牙, 夠新鮮👍👍3.）沙嗲豬頸肉炒芥蘭 🥬🥬🥬 中規中矩👌 呢味餸應該改牛肉會正d，不過呢排食得太多牛改食豬，my fault~ 😃4.) 配白飯🍚 食完點甜品🍮🍮🍮 ：唯一一款 炸芝麻湯圓 都俾我哋叫咗，1碟有10粒，好抵食！外香中帶軟 + 內黑芝麻香，等於雙重香口 😋最surprise有別於一般大牌檔 😱😱😱 嘅係少油少鹽而不失鑊氣，食完特別健康舒服～

去完旅行返到嚟香港，想食返啲香港嘢，大排檔就真係走唔甩㗎啦。見到呢間裝修得幾新潮，又可以涼住冷氣，一於四個人坐低食返夠本。天氣開始轉涼，已經有羊腩煲可以食，但係叫返個嚟補一補先啦。佢啲牛腩好夠腍，最重要係夠晒入味，佢啲腐乳真係不得了。不過食耐咗一個湯就會變得有啲咸，呢個時候攞嚟烚埋啲菜就岩岩好。然後我哋叫咗個霸王薑蔥雞，佢啲蔥真係超級多，成件事好澎湃。而佢啲薑蓉就會另外上，唔會太辣，清清地。最重要嘅係啲雞真係好滑好嫩，隻雞都唔會太肥冇乜肥膏，連皮食時罪惡感都少啲啦。然後叫咗個豉油王鵝腸，佢啲鵝腸都好爽脆，不過我就嫌佢有啲唔夠鹹，如果可以再行少少咁就更加好啦。另外一個小食係椒麻魚皮，一個整法比較似大陸嘅做法，係我鍾意嘅爽脆同埋酸辣，做餐前小食同埋送酒都一流。最後仲叫咗個瑤柱扒豆苗，佢啲豆苗啱啱好唔會太老，瑤柱絲嘅份量都好多，基本上會夾起一處都會沾到。講咗佢呢度好新潮，連飲啤酒都可以有戰鬥碗，幾個人一齊開心share，啤一啤佢。佢呢度嘅價錢唔貴，但係每一份嘅份量都好足，確實係好抵食。

想吃港風大排檔朋友大力推薦我來這家大埔的囍囍小廚一踏進門就愛上這種滿滿香港情懷的風格沒有了大排檔市井感反而多了些既時尚又懷舊魅力呢而朋友推薦我的主要原因是這裡除了環境舒適外食物可稱得上 "大件夾抵食"就看我們的大龍蝦有多誇張張便可得知簡直大大碟性價比好高呢另外我私心推薦的一定是花膠雪耳燉湯真心喜出望外😍誰想到"大排檔"會有花膠燉湯可以點?而且花膠還要是大大隻真材實料啊！而今天我最期待的應該是這個羊煲了一上檯而且是香氣撲鼻羊肉份量還要非常多一直吃一直撈撈底還能撈出羊肉最後一道要推薦的必定是德國脆皮鹹豬手同樣都是大大份皮脆肉軟超好吃總之今餐相當滿足建議人多過來因為每碟份量真是特多😂

以前大排檔一定係好街邊好地攤feel ，無冷氣衛生又麻麻地，無乜女仔人家鍾意去。現今大排檔已經唔同晒，走晒乾淨企理路線，客路一定多左，我呢種潔癖人士都可以品嚐到小炒鑊氣風味美食！地址在大埔，平日晚市去人都唔少，菜種都幾多，一時間都簡到眼花花！我不嬲都係肉肉愛好者，辣野又係我心頭好，個人認為可以安哥的一定係個麻辣雞腳，麻香同辣味恰如其份，大家都無搶晒大家鏡，味道恰到好處，跟啤酒飲就真係一流！龍蝦伊麵就係我由細到大之至愛，略嫌麵有DD太淋，龍蝦份量都算OK多。仲有個懷舊欖角冰梅骨，聽個名就好吸引幾特別，個汁係少少咸咸甜甜，好食，但呢個小菜就一定要跟飯食先得。再黎叫埋個川味水煮肥牛，滿足晒我辣野同肉按ge願望！炒多個芥蘭，仲有一兩個小菜咁，結尾係飽到上心口咁走。大致上呢到D食物都屬中上，環企企理，下次想試下個菠蘿鮮果咕嚕肉，賣相好colorful好靚，不過今次真係太飽了🤪

屋企人生日，又唔想佢哋行咁遠。建議佢哋過嚟呢度食晚飯，呢餐就我作東。呢間餐廳前身已經試過下午茶好好食，不過之前搬咗舖試過佢啲下午茶有少少走樣，咁唔可以以偏概全，所以今次就試埋去晚飯。款式超多，有少少眼花撩亂。表弟表妹喺度就叫啲香口嘢。黃金鮮魷相當口肉，真係估佢唔到，竟然食到魷魚嘅鮮味。個薯仔牛柳粒都唔韌，又入味。另外個豬頸肉用冬陰公醬嚟炒，同埋個雞煲用參巴醬嚟撈勻，風味幾特別出邊啲小菜館又真係少呢個做法。忍唔住潷咗啲雞煲汁，第二日攞嚟帶飯食。另外當中最出色就係個欖角骨，個汁㗎味道較得啱啱好，同埋包住啲骨一啲都唔乾，外面啲餐廳都未必食到呢個效果。唯一有少少失望係個炒飯，師傅好似漏咗落鹽。同埋屋企人生日要食伊麵，咁就嗌咗個海蝦伊麵，啲蝦肉真係爽，但係就冇蝦味。另外個豆苗啲金菇就比瑤柱多左少少。不過整體用餐都係唔錯嘅都有驚喜。

昨晚同，同事落去食晚飯慶祝生日，冇唸過會食到一肚氣，員工不停落錯單，問完又問，都係整錯，對於食市的失望經歷.我希望藉此機會向你們反映我最近在你們店裡的用餐體驗，這次經歷讓我非常失望。首先，我在點菜時，明確要求了幾道菜品，但最終上桌的卻是完全不同的選擇。這不僅令我感到困惑，也影響了我和朋友的用餐體驗。當我們向服務員反映這一情況時，卻沒有得到滿意的解釋或解決方案，當刻某老闆態度欠缺，亦非常沒耐性了解事情。此外，食物的質量也未達到我對食市的預期。一些菜品的味道平平，與我之前的印象相差甚遠。我相信你們一直以來都致力於提供高品質的食物，但這次卻讓我感到失望。

食物也算不錯。喜歡那個花膠雞煲很嫩滑。只可惜其中有店員態度差劣。因為帶着老人家，想換一張比較方便夾餸的枱。我有禮地問他可否換一張枱，那位店員立即表現不悅。其實客人有要求好平常，也是天天發生吧。能否安排也好，亦吾需要咁急燥。幸好另一位職員解釋會盡量安排。最後亦安排了換張枱。仲有，臨走前更有意無意的推撞我一野。如果不是故意的話，男人碰到女人總會說句唔好意思吧。😤我就是不想做潑婦，而且帶着老人家，所以先冇出聲忍了。

從來未寫過食評，估唔到第一個係分享一肚氣嘅經驗☹️2024年12月17日下午7時26分，我家人到達門外攞咗紙仔等位，紙仔上寫我地排第2，等4個人位。下午7時58分，我地喺寒風中凍冰冰咁等咗30分鐘，見到有人出黎，以為食咗啲食客嘅二食煙咁耐我地終於有嘢食落肚！仲開心咗一陣！個老闆(!?)叫咗後面6個人入去。我同屋企人呆咗，因為嗰6個人啱啱5分鐘前先到，從佢地嘅言談知道佢地無訂枱亦唔識間餐廳。我地問個老闆/員工「請問唔係我地4個人到先咩？我哋2號飛 等咗半個鐘喇 😢」佢話「6人枱咪比6個人坐囉，你地等吓先啦」我同屋企人嬲到即刻走咗理解經濟唔好，餐廳想做多啲客人生意，但如果你地嘅排隊制度形同虛似，咁可以一早同我地講黎緊張6人枱你會比「遲我地25分鐘先到嗰6個人」，咁我地4個人可以一早走去食其他嘢，唔使凍冰冰食二手煙食足半個鐘 🥲

今日約咗屋企人喺大埔食飯長輩們鍾意食中餐特登搵咗呢間專食中菜小炒嘅餐廳侍應們好親民，服務好好，有好多好多多款小菜揀，啱晒每個人嘅口味👍🏻係大埔想食中式小菜，呢間絕對係一個好嘅選擇！我哋每人揀一樣餸，大滿足！囍囍小炒皇 ($128)蜜椒金薯安格斯牛柳粒 ($128)豉油皇鵝腸 ($118)芥菜鹹蛋肉片湯 ($98)芥蘭煲 ($88)魚香茄子煲 ($98)椒鹽白飯魚 ($98)什燴炒麵 ($68) 食物味道夠香夠有鑊氣，而且價錢合理👍🏻 送飯一流🍚😋一睇個餐牌，實在太多選擇，仲有好多餸都好想試！期待下次再嚟食過❤️

好中意食大排檔 最近天氣凍左又落雨🥶朋友推介去大埔呢間新式大排檔可以係室內食粵菜 唔駛受風吹雨打 難怪平日都座無虛席☺️以後食中菜又多一個好選擇😎囍囍小廚 係大埔墟火車站行去10分鐘之內內裡裝修好有港式風情 好多霓虹燈既裝飾📸環境寬敞明亮 亦比傳統大排檔乾淨衛生食物選擇多元化 中菜為主湯品 雞牛豬海鮮各式小菜 煲仔菜都有價錢實惠又足料 飽到上心口 勁滿足😋💥胡椒豬肚花甲煲 天氣凍左咁多 叫左個煲仔菜大大煲熱辣辣上枱 胡椒味濃郁 好暖胃豬肚處理得好好 爽口彈牙仲有好多花甲 大隻又肥美個湯飲落更鮮甜😍💥菠蘿鮮果咕嚕肉 招牌菜之一 必點賣相吸睛 色彩繽紛冰鎮 水果同咕嚕肉水果新鮮清甜 咕嚕肉冇骨啖啖肉成道菜酸酸甜甜 好開胃☺️💥啫啫芥蘭煲都係原煲上 熱辣辣芥蘭新鮮爽脆 加左蝦乾肉碎辣椒個調味好惹味😋仲要一煲入面都幾多菜😆💥生炒臘味糯米飯冬天好岩食生炒糯米飯好香好有鑊氣 糯米飯粒粒分明口感軟糯仲有好多臘味 唔會話好咸 推介😆💥生炸芝麻湯圓 好少見既生炸湯圓1碟有成10粒 湯圓炸得金黃食落外脆內裡有濃香芝麻醬 大愛☺️💥青島啤酒凍凍地飲啤酒好爽😆😆

大埔是有名的美食勝地，最開心的是小店林立，但必須要走出火車站外圍才能發掘到，是新舊交雜的驚喜地。這次從火車站走十分鐘核到運頭街，這條小巷雖短，卻一口氣密集了許多人氣食肆。平日晚上還是個下雨天，☔️人們下班後撐著傘陸陸續續走進店，到八時餐廳都已滿了！要不是朋友介紹並預先訂座，也不懂得這裡有家人氣大排檔！🥢新式大排檔是室內有冷氣，有舒服卡座以及霓虹燈裝飾，無論是年輕人還是上年紀的也融入到。餐牌選擇十分之多，由熱辣辣煲仔菜、鑊氣小炒，到椒鹽炸物，全部大排檔的拿手好菜都有，外出吃飯當然要吃些平常在家吃不到的東西🤤 最讚的是我們點的五道菜煎炸炆炒都有，但上菜極速，而道道端上來都是熱烘烘的，可以同時吃實在加分！💯薯仔牛柳粒是我每次到大排檔必點的菜，輕炸過的薯粒外脆內綿🥔，切成同樣大小的牛柳粒則被蜜糖包裹著🍯，加上刺激的黑胡椒粒很是惹味🥩另一必點是椒鹽菜式，比較常見是鮮魷，但這次我們選的九肚魚更有驚喜：粉漿超薄身，炸得香酥乾身；而內裡九肚魚肉飽滿鮮嫩，口感形成強烈對比，而且椒鹽調味剛好而不過於鹹辣，可帶出魚肉自身的味道西檸雞需要先炸雞扒後煮汁，多步驟的菜也是在街外吃較好 雞扒炸得乾身，再拌入酸酸甜甜的

充滿港式風味嘅「囍囍小廚」，餐廳環境簡潔而溫馨，牆上掛著傳統港式藝術品，搭配寬敞明亮嘅環境，好適合一大班朋友飯聚。🥢蒜蓉粉絲蒸鮮魷鮮甜魷魚與蒜蓉香氣完美結合，粉絲索滿蒜蓉及鮮魷香，好快就比我地清哂成碟。🥢白菜豆腐魚雲湯湯底清甜，滑嫩豆腐配搭鮮香魚雲好夾，呢幾日天氣涼涼地，飲返碗夠哂暖胃。🥢西蘭花炒牛肉牛肉嫩滑，西蘭花鮮綠爽脆，醬汁調味剛好，即叫即炒香氣十足。🥢冬菇雲耳蟲草花蒸雞鮮嫩雞肉啖啖肉，醃得相當入味，配搭清香冬菇、爽滑雲耳，口感層次豐富，十分滋補。🥢潮式炸蠔餅炸至外脆內嫩，微微香脆口感，加埋大大粒蠔肉，實在令人停唔到口。🥢香菇肉絲炒麵肉絲又嫩又軟，麵氣炒得夠乾身，食落爽滑口感佳。🥢蜜椒金薯安格斯牛柳粒牛柳粒鮮嫩多汁，金薯蜜汁更添風味，送飯一流。

位於大埔運頭街嘅囍囍小廚✨裝潢甚具特色、環境寬敞舒適，提供多款充滿港式風味嘅菜式，好適合同朋友、家人一齊嚟享受美食😋😋🔹潮式炸蠔餅蠔餅外層脆口，內裡鮮嫩多汁，蠔味濃郁，即叫即炸熱辣辣上枱，香氣撲鼻。🔹蒜蓉粉絲蒸鮮魷鮮魷爽口彈牙，蒜蓉香氣撲鼻，粉絲吸盡魷魚鮮味同蒜香，非常惹味。🔹白菜豆腐魚雲湯湯底清甜，魚雲滑嫩，白菜同豆腐都煮得啱啱好，簡單得黎充滿暖意。🔹西蘭花炒牛肉嫩滑牛肉配爽脆西蘭花，整體味道鮮美。🔹冬菇雲耳蟲草花蒸雞冬菇同雲耳帶有獨特香氣，加入蟲草花同蒸，令雞肉更加嫩滑香甜，同時增加菜式嘅營養價值。🔹香菇肉絲炒麵麵條炒得乾身，唔會太油，香菇味道濃郁，肉絲又夠嫩滑，大大碟份量十足。🔹蜜椒金薯安格斯牛柳粒牛柳粒煎得外脆內嫩，蜜椒帶出微微甜味，金薯份外香甜，絕對係色香味俱全。🔹蝦米肉碎蒸水蛋水蛋滑如豆腐，蝦米同肉碎增添鹹香味，口感非常細膩。🔹藍妹啤酒冰凍啤酒清爽解渴，配搭惹味嘅小菜，令人食指大動。總括而言，囍囍小廚以簡單而精緻嘅家常菜吸引顧客，每一道菜都帶出濃厚嘅人情味，值得一試！囍囍小廚✨📍大埔運頭街20號廣安大廈地舖