嚐囍煲仔小菜

營業中

休息中

朋友上次食完話幾好食，特登帶我嚟試吓，嚟到冇book位果然超多人🤯等咗都一段時間，最後仲要搭枱，面對面咁食真係尷尬到一個點🥲不過呢度真係多客嘅，令我都好期待🤣=====================🍚臘味滑雞飯 $98呢間煲仔飯入選米芝蓮指南，認真犀利！今次第一次嚟食，入口都覺得名不虛傳🤤煲仔飯粒粒分明，充滿炭香，飯焦都好香口🤩最驚喜係佢個滑雞，真係好嫩滑，而且有蘸過唔會冇味，真係幾好食😋🍆魚香茄子煲 $82呢個茄子煲對比煲仔飯相對普通，茄子唔夠腍唔夠入味🤔咸魚亦唔夠咸香，令整體唔夠重口味，同埋都幾油膩🥲🧄蒜蓉粉絲蒸娃娃菜 $78友人話呢個係必食🤣娃娃菜上面鋪滿粉絲同蒜蓉，蒜蓉應該有炸過(?)好濃蒜香！配搭埋娃娃菜嘅清甜，非常唔錯～粉絲亦索晒啲汁，幾好食🤤=====================總體嚟講，真心推薦呢度嘅煲仔飯👍🏻炭香味十足，配料亦好豐富，蒜蓉粉絲蒸娃娃菜都唔錯！不過呢度嘅服務就麻麻啦😅同埋兩個人嚟食要有心理準備搭枱🥲

嚐囍在西環都好多年，排隊是常理，不過唔過份，等半小時左右。這小店有煲仔飯、小菜，仲有點心，當然最好食係…煲仔飯！白鱔排骨飯：白鱔3大件，但好滑；排骨剛剛熟一啲都唔老，一咬脫骨，好正👍🏻臘味飯：餸有臘腸、潤腸和臘肉，真係好多年無食過臘肉，但係臘味一套怎能缺它呢！一開煲蓋臘味嘅香味真係忍唔到阿姐仲教我哋食煲仔飯一來先加鼓油焗五分鐘，然後先食煲中間嘅飯，咁個底先夠時間再香脆乾食，我哋依足程序一步步食。嘩，嗰底飯焦真係脆卜卜，正正正😋😋椒鹽九肚魚：去小炒店點可以唔叫呢個餸㗎，外脆內嫩，椒鹽又惹味，好快又清碟喇其實唔係好想寫，因為寫完可能又多啲食客，咁我咪要排耐啲囉，但係呢啲小店真係好值得支持，好食、價錢又公道，仲要大大碟喎，好過那些酒樓多多聲，一定要支持吓💪🏻

夜晚去食，見佢好似好出名，就去嗌咗兩個煲仔飯試下叫咗一個窩打牛肉餅飯，一個臘味田雞飯點知嚟咗臘味油鴨飯嚟錯咗唔緊要，你咪換番啱嘅或者取消囉兩個阿姐重聲大大話：你要對單嫁嘛！你唔對，整多個飯要成半個鐘有多嫁（好似係我錯咁）傳菜嗰個講完都算啦，我知唔關傳菜姐姐事落單嗰個又嚟講多次，你落錯單，重聲大夾惡咁，我嚟食飯，唔係幫你對單！！！你落錯單態度重咁差唔會再幫襯，雖然佢客似雲來對面枱都落錯單，唔係淨係單一事件，提下會去嘅食客記得要對單啦，你唔對一係就要你硬食，重要被人話你唔啱嫁，等多半個鐘啦

窩蛋牛肉餅飯上枱時候變成熟蛋牛肉片飯，窩蛋同熟蛋係兩回事，牛肉同豉油無味，侍應服務態度非常惡劣，下午5:00 進店全場有8成吉位，但就不理疫情風險强制要客人拼桌，令人不安！

平時唔多過香港,所以就諗住睇下香港有咩嘢好食見到網上講堅尼地城有間煲仔飯好好食同埋呢間餐廳下晝都有得食煲仔飯所以就走去試一試去到出面都等咗大約九個字先至入到去除咗食煲仔飯之外仲有點心食睇落好似平平無奇,不過有時可能臥虎藏龍睇下個餐牌都幾多款式選擇最後叫咗個窩蛋牛肉煲仔飯同埋白鱔煲仔飯(白鱔煲仔飯)嚟都個煲仔飯有聲,落咗啲豉油焗一焗,開蓋見到飯粒,粒粒分明就知道真功夫啲白鱔好肥啖啖肉加埋啲飯一齊食好好味飯有飯焦唔似出面成日煮到好濕同埋都算足料足足有八嚿白鱔!(窩蛋牛肉煲仔飯)窩蛋牛方面牛肉好夠滑同入味不過可能食過白鱔煲啲蛋撈咗飯之後有小小濕但一樣都係有飯焦建議唔好撈勻佢另一方面豉油都好好味應該自己秘製總括嚟講非常滿意,好耐冇食過咁好味嘅煲仔飯呢間舖頭咁出名係有原因會再帶啲朋友嚟試!推介菜式:白鱔煲仔飯#煲仔飯#飯焦#香港好嘢食#真功夫

4/5Pot rice is legend, rice is the best part, also the crispy bottom. Spareribs is nicely marinated too, texture and flavour perfect, not feeling greasy even some got the fatty patty. Eel wish the have less bone, but is as good as always.Dim sum I like the prawn dumplings, skin and fillings on point and is huge. Siu Mai is a little too much fat meat, otherwise flavour n texture would be lovely. Pan fried chives dumplings wish they could fired a little more, and fillings a little mushy. Salty egg

我嗌網上外賣平台等咗成個鐘個狀態都仲係‘餐廳準備緊’，打電話去問吓，問我訂單編號，我讀網上外賣平台個訂單編號俾佢聽，然後個阿姐大夾惡講‘ 我哋網上外賣平台啲訂單編號冇咁長嫁喎‘，問我嗌咗乜嘢，講完之後去check，大大聲講，你1830落單，邊度有一個鐘？我講而家已經係1930，仲唔係一個鐘？跟住佢當聽唔到只係咁講話個咖喱牛腩仲未得，然後cut線，屋企個小朋友一齊等成個幾兩個鐘（結果8:15收到，唔關網上外賣平台事，係餐廳一路都冇出餐），態度衰成咁嘅餐廳，幾好都冇下次！

煲仔飯耐唔耐都會掛住🤭今日又想食就揾到嚟厘到🥰窩蛋牛飯必食！今日有啲餓所以加埋鐘意又唔係成日食嘅臘腸😋😋😋，去到邊都要求蛋另上，費事隻蛋變老蛋啦！上枱開蓋打蛋加一圈豉油冚蓋聽住D豉油滋滋聲焗一分鐘之後先搞食得😍😍😍（煲仔飯正路最基本係熱辣辣出爐有飯焦，唔知點解有啲鋪頭飯焦要加錢‼️）🤨🧐🤔牛肉係一片片滑嘅，臘腸肥瘦適中正呀！😍😍😍食嘢永遠都係味道行先，其次加埋環境服務都正正常常，會再嚟啦‼️

嚐囍我食過好多次, 不過裝修咗之後就第一次去。翻新過之後乾淨咗好多!起碼地下唔係又濕又滑!燈光亦都光猛咗。👍🏻夜晚去到都九點幾, 嗰日又唔想食點心喎, 之後就食個煲仔飯!其實第一次喺度食煲仔飯, 我今次專登叫「白鱔滑雞加潤腸煲仔飯」。等咗三十分鐘阿姐拎咗煲仔飯嚟,佢仲幫我落豉油,跟住叫我焗多三十秒先好食。啲雞都好滑 ,size ok, 都係用雞髀雞翼位。啲鱔都幾彈牙,魚味都有👍🏻潤腸就麻麻地🤡啲飯就上半部分比較濕 , 個底啲飯焦就好好食!純粹煲仔飯嚟講我會畀四粒星👌🏻好食過好多地方!另外佢夜晚仲有點心叫, 又可以嗌檸茶奶茶嗰啲飲品!配搭都幾豐富!👍🏻不過我早排响西營盤坤記食同一樣嘅煲仔飯,坤記嘅煲仔飯係再高少少!!❤️

呢間野有小小過份，一開頭問我地: 搭唔搭枱？我地話: 吾搭。之後，姐姐拎票叫我地等下。最後，等左30分鐘，俾左張同人地 “拼枱” 。原來，姐姐對搭枱定義同我地ge 定義吾同。btw, 當時得我同我男朋友等。仲要等左咁耐，係咪都識做小小？講翻野食，坦白講。吾好食。無特別驚喜，仲話咩米芝蓮。當時，我地點左: 蝦餃，粉果 ，排骨，馬拉糕同咸水角。最好食都係蝦餃。呢間野試完一次都係算數。

呢間喺西環嘅煲仔飯店 真係好出色！難怪係米芝蓮推介💕💕白鱔滑雞煲仔飯真係好正 白膳食落肥美甘香～滑雞好嫩滑 仲好有酒香味🐔🥃最正一定係我個飯焦底 非常香脆 充滿焦香🔥加埋甜甜地嘅醬汁 真係超正！

今日晚餐唔知食啲乜嘢好, 屋企人突然想食中式點心, 大食妹突然諗起嚐囍點心部好似有做晚市淨係食點心怕唔夠飽, 所以我哋點心數量嗌得比較多<豉汁蒸排骨>豉汁蒸排骨爽口彈牙, 調味咸咸辣辣<咖喱金錢肚>金錢肚比較厚身, 咖喱有少少死辣, 濃味但欠缺少少層次<棉花雞>雞肉幾嫩滑, 但食到少少雪味, 雖然已經落咗薑辟味, 依然覺得麻麻地<四寶紮>嗌錯咗個同棉花雞差唔多嘅四寶紮, 餡料都係差唔多, 唔特別講<豉汁蒸鳳爪>鳳爪份量幾多, 但咸而不辣, 少失望<香煎蓮藕餅>反而係冇乜期望嘅香煎蓮藕餅幾好食蓮藕餅外皮又薄又脆, 裏面嘅豬肉混合蓮藕粒, 幾特別<流沙千層糕>好耐冇見過千層糕, 沙沙嘅奶黃配搭鬆軟嘅千層糕, 帶有淡淡嘅甜味<鮮蝦燒賣皇>經典嘅燒賣味道普普通通, 純粹過下口癮<香煎韭菜粿>雖然韭菜味濃烈, 但係點都抵唔過佢超厚嘅外皮<嚐囍瑤柱珍珠雞>本身以為帶有店名嘅點心一定係餐廳招牌今次真係跌晒眼鏡, 珍珠雞主要係一舊糯米飯, 餡料

終於可以嚟試試呢間西環人氣街坊小菜館，嚐囍煲仔小菜一直深受街坊歡迎，，更入選米芝蓮指南，即使住喺唔同區都要特登嚟試試！難得假日都等一陣就可入座，當然必試佢嘅名物煲仔飯同小炒啦！臘味飯加蛋餐廳嘅煲仔飯可以咁出名，係因為佢以炭火煮煲仔飯，臘味油分滲入飯粒令煲仔飯更香軟，火喉控制得剛剛好，最緊要嘅煲仔飯飯焦亦非常出色又香口，再加埋窩蛋啖啖滋味！食客可自由選擇落幾多甜豉油，香味撲鼻～椒鹽鮮魷街坊小菜館必食爽脆小炒，惹味椒鹽配上炸至酥香肉質彈牙嘅鮮魷，配合蒜頭、乾蔥、指天椒嘅微微香辣味道，推介！點心：水晶鮮蝦餃、流沙千層糕難得嚟到當然要試埋店內嘅點心，鮮蝦餃皮薄唔易散，蝦肉鮮香，加埋甜度適中嘅流沙千層糕，口感鬆軟蛋黃味香～

聽聞嚐囍既煲仔小菜好出名，而且午餐主要以小菜為主，有一杯飲品同一碗例湯送，性價比還好。午餐去食但係都超級多人，要等大概5-10分鐘先入到去，呢個可以話係一個飲茶+小菜既組合，有唔少人都會去飲茶，不過小K就當然係食小菜啦。小菜既價格唔算貴，大約$48-53，唔同小菜又有唔同價錢💰，叫左個翠玉瓜肉片，整理黎講都幾好食，如果可以少d油會更加理想XD。

好耐無黎嚐囍食，今次食過之後都唔會再黎，個牛栢葉完全俾生粉漿住晒，夾完對筷子好似有好多粉漿痴住左。個九肚魚炸得唔夠，連炸蒜都唔脆個煲仔飯無幫佢影相，係有一層飯焦，但無飯香，又無咩臘味既香味，相當唔吸引，一定唔會回頭！成餐個奶黃包最正常。