嚐囍煲仔小菜

營業中

休息中

呢排雖然天氣熱翻，但香港人食煲仔飯真係冇分季節😂早排企鵝妹就嚟到呢間米芝蓮推介嘅煲仔飯試下⭐️白鱔排骨煲仔飯 $90 (8/10)係嚐囍其中一個出名嘅煲仔飯，雖然企鵝妹本身唔太鍾意食鱔，但呢個煲仔飯嘅調味唔錯，白鱔肥美唔腥，排骨入味😋特別一提如果大家鍾意食飯焦，食呢個煲仔飯一定會好滿足，因為食到最尾係可以將煲底飯焦原個鏟起，脆卜卜，正👍🏻👍🏻唯一要挑剔係d餸再多d 就好啦😂⭐️椒鹽九肚魚 $85 (8/10)椒鹽九肚魚炸得外脆內軟，椒鹽惹味香口，食下食下就可以清晒成碟⭐️啫啫滑雞煲 $78 (7/10)佢地有好多款煲仔小菜，味道就正正常常La~🐧企鵝妹食後感:佢地嘅煲仔飯真係幾出色，好少喺其他地方食到原整嘅飯焦，見到師傅的確有一定功力👍🏻。另外食物種類好多，除左煲仔小菜，仲有好多款點心，味道都幾好架ʕ•ᴥ•ʔ🐧企鵝妹推介指數: 7.8/10

食物味道合格，但問題係員工。喺門口等位嘅時候，阿姐已經問邊台唔介意搭枱，因為唔想搭枱，所以已經等多咗幾個號碼。但入到場嘅時候最後都係要搭枱，見到有一台面壁位，問吓姐可唔可以坐嗰邊，但阿姐話嗰台有人坐，最後都錯咗搭枱張枱。點知一路食咗大約20分鐘，都唔見面壁張枱有人坐，而且仲有兩張四人枱吉咗出嚟，阿姐留啲枱想做多啲生意係無可厚非，但唔使擘大眼講大話呀話，進場時已經過咗兩點，已經過咗佢嘅繁忙時間，其實越食越多吉枱，佢哋嘅員工都一路放飯，早知係唔係都要搭枱就一早入咗場啦。因為上菜非常慢，食到差唔多三點先走得，見到有一枱二人枱因為唔想搭枱而自己搬咗去四人枱坐，又係同一個阿姐一定要佢哋搬返去搭枱嗰張枱，其實嗰個時間已經越來越多吉枱。同埋全程有某幾個阿姐都係對啲客呼呼喝喝。另外樓面同埋廚房好多員工都唔戴口罩或者將個口罩拉落下巴度，就算喺門口買點心嗰個位望入去都會見到有嗰啲員工冇戴口罩，防疫意識完全係零。餐具都幾污糟下，明天見到有污跡，雖然碗同筷子都有熱水浸住先上比客，但幻想下其他裝飾物嘅碗都係咁污糟，食完一次都唔想再返轉頭啦。所以真係試過就算，而且食物質素真係普普通通，都肯定係米芝蓮夾硬搵一啲本地

真係垃圾！叫外賣話叫我預4個字就得，留左電話號碼ok 左會打電話俾你，結果等到1個半鐘都無人打黎！打去問！佢話你黎拎得當人係狗！再好食都永遠唔會再幫襯！無良店一肚火！

趁未夏天出左篇煲仔飯先(´-ι_-｀)上個冬天無乜晚市堂食既日子搵左個平日晏晝去排呢間有米芝蓮推介既嚐囍一個月前米紙有條片邀請左佢地老細去神還原系列每個過程同技巧都教哂覺得對自己出品好有信心先會咁大方分享！（反正你跟住都整唔到咁好食既意思）想講佢個黃金臘味撈飯見食評無咩人叫但我又幾有興趣 膽粗粗試左佢係將啲臘腸 潤腸切到勁細粒仲有驚喜既席前服務上菜時店員即刻先加豉油同蔥係你面前撈香到爆炸(*'▽'*)我覺得佢比一般臘味煲仔飯好食！應該因為臘味變哂粒粒 啲油標哂出黎撈哂落每粒飯度✶然後每啖飯都有臘味粒同飯焦送個煲仔飯豉油都非常出色如果講飯焦叫番傳統款會更加感受到佢厲害之處佢係可以成個完整飯焦底拎起好滿足 脆卜卜～～記得當日平日下晝黎大部分都係黎飲茶既老一輩啦我地同一個姨姨搭枱 佢等緊佢朋友係咁聊我地傾計 超吹得佢住筲箕灣 佢話佢成日都特登搭車黎嚐囍飲茶 |ﾟДﾟ)))✿✿✿✿✿✿✿✿✿✿✿Follow @lastbitematters for more

難得堂食人數上限放寬左，今次就約多啲朋友嚟一齊食嘢，多啲人可以嗌多啲嘢食咁就可以試多啲款啦！今次total嗌咗七樣嘢，食完後我就比較鍾意呢度啲點心多啲煲仔飯有飯焦係佢嘅精髓白鱔同雞肉都算係幾嫩滑，但整體就無咩特別蝦餃都算皮薄餡靚，熱辣辣，外皮煙韌蝦肉彈牙炸鮮奶就唔推薦大家叫，外皮食落有啲油膩，麻麻地黃金糕口感唔錯，但我自己就覺得偏甜咗少少燒賣肉質彈牙，外皮夠薄，唔錯茄子我本身唔係好好，所以冇食到椒鹽九肚魚椒鹽味香，不過不失

假日去的時候，遠處便看到很多人都在門口等位，仲需要搭枱，原本有一絲想放棄，但最後系因為特登為咗佢嚟所以最後都攞咗飛，好彩有食，吾系會後悔😂我哋2個人叫咗兩三個點心同埋一個白鱔煲仔飯。先講煲仔飯，原本攞過嚟嘅時候有少少失望因為個煲偏細，打開裏面嘅料又唔算好爆。但係加豉油冚蓋後，再真系擺落口嘅時候，就無失望，因為真係好香好食，尤其是佢啲豉油今成煲飯香味生色不少。😍一煲真係一人份量，所以我哋都叫多咗幾個點心。點心就中規中矩，唔係太驚艷，不過都係足料嘅。啲姐姐雖然好忙但都有善,對我哋好有街feel.環境因為我嗰日好多人所以迫啲，唔肯定平日系點。總結係我好想去試多次佢唔同嘅煲仔飯，可以唔使叫點心,留番個肚食兩煲hahaha

估唔到係初級版嘅預約困難店當日下晝四點打電話去book位佢話只有晚上6:00有位遲半個鐘到已經冇位了，咁唯有6:00去食晚飯座位都幾迫㗎，兩個人一張枱仔我諗只可以容納到兩個煲仔飯，加多一個小菜已經唔夠位擺不過估唔到餐牌會有咁多嘢食，有唔同嘅煲仔飯，唔同嘅配搭，仲有好多小菜海鮮最後我哋每人叫咗一個煲仔飯一個係田雞加白鱔一個係臘味滑雞始終整煲仔飯都要時間，等咗25分鐘真正嘅生米煮成熟飯份量啱啱好，有機會去西環都想再食

嚐囍煲仔小菜是知名煲仔飯名店-坤記師父出來開的，並於2018年獲選米其林必比登推薦名單牆上掛著米其林貼紙。剛到門口，已經看到人好多在等位。等了大概15分鍾坐下，店裏麵幾乎都是回頭客，跟夥計都特別熟悉，也是住附近的老街坊。聽朋友說這家店香港本地人超級愛，非常有名氣。店裏的裝修非常港風，除了有各種煲仔飯，還有各式各樣的點心。我們點了最最出名的煲仔飯，因為煲仔飯現做需要30分鍾，所以我們立刻點了兩份。煲仔飯有許多不同搭配，我點了鯰魚雞煲仔飯，還有一份牛肉臘味。另外點了一份椒鹽魷魚。先說說椒鹽魷魚吧，真的非常非常的好吃，魷魚很有彈性，量很足，椒鹽味道剛剛好，配上蘸醬絕了。不到10分鍾已經清盤了。嚐囍煲仔小菜煲仔飯配了醬油，煲仔飯火喉控製得宜，有飯焦之餘，亦不會過火。豉油加入爆香的臘味，更加香口。我們按照自己的口味去加，味道很棒，但是，最最最要表揚的是，鍋巴超多，這鍋巴也太銷魂的！據說，鍋巴是這個煲仔飯的一大特色，我是那種超愛鍋巴的人！店家強調不加味精，難怪吃完無負擔，不用擔心太鹹有別於其他煲仔飯名店，另外還提供多樣粵菜和港點。嚐囍點心皇香港西環北街25號堅尼地城站走路5分鐘

上星期拜完山同屋企人飲茶，等咗20分鐘食西環呢間米芝蓮。等位期間，啲人堆晒喺出面個門口掃安心出行同入面個門口自己掃打針記錄，對自動門又成日自動關上，結果夾到啲人；負責安排入座個阿姐又燥底🤷🏻‍♀️好彩老闆好有禮貌加返分！終於有位，佢比張枱係一張二人枱同一張中間隔住條路嘅六人枱。因為而家堂食只可以坐二人，然後佢張六人枱又唔加隔板；呀哥話見到有一個呀婆獨佔六人枱tim。總之成程飯我同阿哥將啲點心搬來搬去；呢間嘢成個operation好差，好彩嘢食幾平靚正🙂🍚臘味排骨煲仔飯 $98 有齊臘腸、膶腸、臘味、排骨，非常足料；啲飯仲要一粒粒唔會黐立立，飯焦好香脆😋💛燒賣皇 $30 特別大粒，啖啖肉👍🏻👍🏻🦆鴨腳扎 $23 最入味係舊芋頭同肉👍🏻👍🏻🤎牛柏葉 $25 整體好食，但個頭有啲韌🐂香茜牛肉腸 $23 腸粉皮都幾薄，足料嘅🧡流沙千層糕 $34 必點，啲鹹蛋黃夾心好好食👍🏻👍🏻

前兩日嘅天氣又涼番少少，氣溫跌到得16、17度加上落毛毛雨，因為咁就激發咗我想食煲仔飯嘅念頭。餐牌紙上煲仔飯有N咁多款，仲可以加料添(當然要加錢啦🤣)。今次嚟主要係食煲仔飯+點心，其他煲仔小菜就食唔到喇，我個胃一次過消化唔到咁多食物😩 煲仔飯即叫即製等咗大約25分鐘先有得食。可能好耐冇食過煲仔飯嘅關係，我覺得呢鍋飯特別惹味😋😂尤其係啲飯焦呀。牛肉餅雖然厚身但都質地唔會硬。肚餓嘅話可以叫點心食住先，款色都幾多同埋上菜都幾快。▫️窩蛋牛肉餅飯 (HKD98) 加臘腸 $22▫️馬拉糕 (小點 $20）▫️鹹水角 (小點 $20）▫️沙律蝦角 (大點 $25)⭐️只收現金⭐️不設加一

很多打著米芝蓮旗號的餐廳，一向給我的感覺都是有名無實。試過一家又一家的米芝蓮，佔一半都總是失望而回。但是嚐囍，應該是我認為在試過的眾多米芝蓮餐廳有高性價比的一家。因為某日突然好想吃煲仔飯，就在網上找尋一下大家的推介，有好幾家在港島區的煲仔飯店都被外間捧得火熱，最後決定到西環的嚐囍試試。根據開X網寫的營業時間，是晚上6時開始供應煲仔飯。我們大約5:50pm到達，心想早點吃完便回家。但少年我們實在太年輕，去到餐廳附近，已經見到有幾十人在門口等待，心想：今次仆X了。我們完全少看了這家店的威力，足足等了差不多2小時才有位置。而且在場的有不少是婆婆級食客，我想應該是非常非常好吃婆婆才會等吧⋯⋯雖然餐牌內的選擇多，但因為今次只有我和另一個朋友，所以只點了一個煲仔飯和一款小菜，都是店家的招牌菜。先來的椒鹽九肚魚拼鮮魷，是朋友要求必須點的菜。其實我對九肚魚一點好感都沒有，本身我就不太喜歡很多骨的食物，而以前吃過的椒鹽九肚魚永遠都是「超•多•骨🦴」。但是，這家的真的超好吃，骨是脆的，魚肉極細滑，外層的炸粉也沒有過厚，顛覆了我對九肚魚一直的鄙視😂。鮮魷也是出色的，只是與九肚魚相比之下就失色了。等了大約30

秋風起，除咗食臘味之外，仲係食煲仔飯嘅季節，上次介紹咗新界荃灣嘅煲仔飯代表，今次就介紹港島嘅代表，其實港島有唔少好出名嘅煲仔飯，今次介紹呢間仲要有米芝蓮必比登推介，除咗煲仔飯出名，佢嘅小菜同點心都係必食。嚐囍係西環區人氣既街坊小菜館，舖頭連續三年得到米芝蓮推介，受到各大傳媒報道，晚市未開始已經見人龍，係港島煲仔飯必食嘅餐廳之一，深受街坊歡迎，同一樣攞到米芝蓮推介既坤記一樣喺西環，近排仲喺樂富開咗新分店。餐廳主打煲仔飯，因為知道香港人講求健康、少油少納，所以佢哋嘅煲仔飯同小菜標榜冇落味精，同坤記一樣係以火山石炮製煲仔飯 ，以前佢哋係用炭火，不過始終用炭嘅成本比較高，攞牌就要用好多錢同時間，而且對控制大小細火嘅技巧要求好高，而且會令到成間餐廳都係炭味，最後就用菲律賓火山石放喺特別訂造嘅爐灶，可以有穩定而且高溫嘅火力，食客都唔會成身炭味。而且師傅會混合泰國新舊米，多次嘗試邊一種米比較吸水，加上幾滴豬油，令到香味加倍。師傅一次過可以同時處理15個煲仔飯，高峰期可以一日賣300個煲仔飯。煲仔飯約有30款，好似有白鱔滑雞冬菇煲仔飯、臘味排骨煲仔飯、臘味滑雞飯、有創意既日式鰻魚煲仔飯等。因為小菜隔離

冬天除咗打邊爐🍲之外，仲有係食煲仔飯嘅季節！今次同朋友仔一齊挑戰係1個鐘頭內係米芝蓮餐廳食飽還枱😆😆😆(因為我哋係walk-in,有book 到就唔使咁趕嘅)呢間出名煲仔飯，仲攞埋米芝蓮。我哋除咗叫咗個飯之外，因為朋友鍾意食點心，我哋都叫咗兩籠試試佢。兩籠一上，嘩～🤩🤩🤩size 係平時嘅加大版！！！- 臘味排骨煲仔飯 $90呢個正呀！有飯焦呀🤩啲飯粒粒分明，口感唔太淋唔太乾，啱啱好😋😋- 鮮蝦燒賣皇 $30佢喺平時XL size，諗住咁大，口感同味道可能麻麻架啦…..點知唔係！🤩🤩食到好多蝦，爽口彈牙推🙌🏻- 綿花雞 $30呢個真驚喜🤩🤩🤩啲綿花係魚肚，口感真係好似食緊綿花糖咁，好淋，吸晒啲汁，但唔咸同唔腥。呢種口感之前未試過！！！啲雞肉嫩滑嘅，但「綿花」太好食啦大推🙌🏻- 四寶紮 $30L size，入面嘅魚肚同綿花雞啲綿花一樣，好正！好足料😋

農曆新年氣溫急降，真係超想食返煲熱到岀晒煙嘅煲仔飯。今次一嚐獲米芝蓮必比登推介嘅嚐囍。晏就黎到，除左傳統煲仔飯、創意日式鰻魚煲仔飯，仲有多款點心供選擇！▪️臘味滑雞飯 加蛋 $98 +$9煲仔飯粒粒分明唔會過硬，滲透住淡淡臘味嘅油香。底部一整塊嘅飯焦超正呀！好脆身，唔會太燶，略嫌有少少唔夠焦香。臘腸一咬，油脂大爆發，唔會過鹹。臘肉肥膏位軟腍，不過人地大讚嘅潤腸就得一舊，仲要比對面個個食左。滑雞唔柴唔乾，但只有一兩塊比較滑，可以唔嗌~ 豉油偏甜，有少少奇怪嘅香味，個人就麻麻啦。整體黎講，好鍾意佢飯嘅口感，不過調味就偏清淡，重口味人士有少少唔滿足。▪️咖哩金錢肚 $25/大點金錢肚超入味！軟韌有彈性，又唔會咬唔爛。咖哩汁微辣惹味，底下仲有軟腍多汁嘅蘿蔔。▪️黃金糕 $23/中點蜂窩組織幾靚喎！煙韌控超鍾意佢個質地！好Q彈！對面嗰嗰就嫌佢太過煙韌，不過椰香味就唔算好突岀。▪️小籠包 $30/特點小籠包嘅皮唔會太厚，肉汁都算多，但味道上硬係差咁啲，唔太推薦。

近排睇到各路英雄講煲仔飯，於是同靚靚老婆，重回嗜囍幫襯，等咗10 幾分鐘就可以入座，每位姐姐服侍態度都唔錯，但係落單就求求期期，我叫咗個白鱔田雞飯加克腸，結果係白鱔滑雞加紅腸，落單嗰陣時佢問我另外一個鳳爪排骨飯加唔加，我用好正統嘅本地話話俾佢聽唔需要加，結果佢冇落個鳳爪排骨飯（圖未加番，不過要重新等多半個鐘，喂唔緊要我仲叫點心，蝦餃、牛柏葉（正）鹹水角嚟到嗰時，個呀姐話：有嘢食啦，小心熱啊，但係個鹹水角係凍㗎喂🤪，臨走我去去洗手間，我習慣望一望嗰廚房，竟然發現阿肥師父，無戴口罩仲擔住口煙做嘢，疫情呀師父！講返個煲仔飯，可能因為下晝，趕時間，冇乜心機整，啲飯唔夠乾身，飯面嘅餸亂咁放，唔美觀，整體合格，但要做煲仔飯一哥，唔好意思，輸咗少少就係輸咗少少！可能名氣大咗，本心就小咗，如果只顅商業社會⋯⋯⋯唉！淨做聞名訪客，咁樣就不如見面啦。