影片
更多
2022-07-02
485 瀏覽
今日晚餐唔知食啲乜嘢好, 屋企人突然想食中式點心, 大食妹突然諗起嚐囍點心部好似有做晚市淨係食點心怕唔夠飽, 所以我哋點心數量嗌得比較多<豉汁蒸排骨>豉汁蒸排骨爽口彈牙, 調味咸咸辣辣<咖喱金錢肚>金錢肚比較厚身, 咖喱有少少死辣, 濃味但欠缺少少層次<棉花雞>雞肉幾嫩滑, 但食到少少雪味, 雖然已經落咗薑辟味, 依然覺得麻麻地<四寶紮>嗌錯咗個同棉花雞差唔多嘅四寶紮, 餡料都係差唔多, 唔特別講<豉汁蒸鳳爪>鳳爪份量幾多, 但咸而不辣, 少失望<香煎蓮藕餅>反而係冇乜期望嘅香煎蓮藕餅幾好食蓮藕餅外皮又薄又脆, 裏面嘅豬肉混合蓮藕粒, 幾特別<流沙千層糕>好耐冇見過千層糕, 沙沙嘅奶黃配搭鬆軟嘅千層糕, 帶有淡淡嘅甜味<鮮蝦燒賣皇>經典嘅燒賣味道普普通通, 純粹過下口癮<香煎韭菜粿>雖然韭菜味濃烈, 但係點都抵唔過佢超厚嘅外皮<嚐囍瑤柱珍珠雞>本身以為帶有店名嘅點心一定係餐廳招牌今次真係跌晒眼鏡, 珍珠雞主要係一舊糯米飯, 餡料
今日晚餐唔知食啲乜嘢好, 屋企人突然想食中式點心, 大食妹突然諗起嚐囍點心部好似有做晚市淨係食點心怕唔夠飽, 所以我哋點心數量嗌得比較多
<豉汁蒸排骨>豉汁蒸排骨爽口彈牙, 調味咸咸辣辣
<咖喱金錢肚>金錢肚比較厚身, 咖喱有少少死辣, 濃味但欠缺少少層次
<棉花雞>雞肉幾嫩滑, 但食到少少雪味, 雖然已經落咗薑辟味, 依然覺得麻麻地
<四寶紮>嗌錯咗個同棉花雞差唔多嘅四寶紮, 餡料都係差唔多, 唔特別講
<豉汁蒸鳳爪>鳳爪份量幾多, 但咸而不辣, 少失望
<香煎蓮藕餅>反而係冇乜期望嘅香煎蓮藕餅幾好食蓮藕餅外皮又薄又脆, 裏面嘅豬肉混合蓮藕粒, 幾特別
<流沙千層糕>好耐冇見過千層糕, 沙沙嘅奶黃配搭鬆軟嘅千層糕, 帶有淡淡嘅甜味
<鮮蝦燒賣皇>經典嘅燒賣味道普普通通, 純粹過下口癮
<香煎韭菜粿>雖然韭菜味濃烈, 但係點都抵唔過佢超厚嘅外皮
<嚐囍瑤柱珍珠雞>本身以為帶有店名嘅點心一定係餐廳招牌今次真係跌晒眼鏡, 珍珠雞主要係一舊糯米飯, 餡料超少
張貼
