喜多嬉牡蠣屋

營業中

休息中

🦪食回本😎日式餐廳任食生蠔!🦪佢有個$538特選生蠔放題(2小時)!!!我即刻仆去食😂佢個餐唔只任食生蠔同焗蠔，仲要任食時令串燒、炸物、小食，飲品任飲！一開始上餐會有海鮮湯、懷石八品，食生蠔之祭可以叫個牡蠣茶漬飯或手廷烏冬，最後仲有甜品添。佢啲生蠔好新鮮🥰OMG!!生蠔可以配唔同調料(柚子啫喱/ 辣椒蘿蔔蓉/ 蔥花/ 昆布漬/雞尾酒汁)，我自己就鍾意柚子啫喱，食落清新，柚子又可以提升到個生蠔鮮味👍如果唔想食咁多生嘅，又得！焗蠔絕對滿足到你，佢焗完唔會變咗蠔豉🫰焗蠔都可以配唔同嘅調味(清酒煮/ 蒜味/ 辣蒜/ 麻辣/ 芝士/ 冬陰功)。Joyfoodstop心動值：💓💓💓💓💓/5喜多嬉牡蠣屋(香港)地址: 香港中環些利街2-4號LL Tower3樓(港鐵香港站C出口，步行約9分鐘）電話: +852 60898740

今日屋企人訂咗枱嚟慶祝生日，本身係好抗拒套餐同埋放題嘅，但係屋企人話試過呢一間好正就訂咗枱，我哋最後訂咗套餐，首先食咗魚生拼盤同埋牛沙律，兩樣嘢都好有水準，啲牛睇嚟肥肥地，食落去都唔油膩，雞泡魚乾正常發揮，跟住落嚟就係戲肉了，可以揀生蠔或者係燒蠔，醬汁都有五六款你揀，我哋最後揀咗生蠔，其實熟蠔都好食，但係咁好味嘅生蠔整熟咗我哋覺得浪費咗，然後炸物都有好多款選擇，跟住落嚟揀串燒，好多款揀，亦都好好食，再落去係壽喜燒，正常味，跟他嘅飲品飲到咁上下我哋想繼續少酌，冇R個店員主動俾咗啲折扣我哋，香港喎，中環喎，令到我哋全程開心晒，最後有蟹肉魚子飯同鰻魚飯揀，已經食唔晒，所以我哋叫咗個魚卵飯幾個人分，好味，鰻魚飯外賣。最後想甜品亦都畫咗隻好得意嘅公仔，甜品係跟餐嘅，睇到真係覺得好有心，我成日po相唔寫食評，呢一間店真係令我改觀，服務食物價錢，全部都好滿意👍🏻

呢日lunch time，同同事相約去咗喜多嬉牡蠣屋。我點咗牛肉烏冬，烏冬粗身煙韌，咬落去好有口感。但牛肉就普普通通啦，有啲鞋口。同事嗌嘅醬油脆脆西冷定食要嘅五成熟，望落去就好吸引。西冷牛排切得均勻，表面煎到微微金黃，上面鋪滿香脆蒜粒同芝麻。試咗一啖，哇，真係好正！牛肉超級腍滑，熟度啱啱好，醬油香氣滲入肉中，每一口都好滋味，同我個牛肉烏冬相比，即刻好大分別。呢間餐廳環境舒適，服務也唔錯。下次再嚟，我一定要點同事嗰個醬油脆脆西冷定食，好好滿足一下味蕾！

同一班朋友琴日去咗呢間嘢度食生蠔自助餐,啲生蠔超大隻,超級肥美,除咗生蠔我哋仲加咗錢飲酒,佢有啤酒果酒燒酒梅酒,就算幾多…另外佢哋除咗生蠔亦都有其他串燒,啲串燒係好好食,特別係雞翼好味,仲有其他唔同種類嘅日式串燒值得推介

呢間店舖一早已經想試，襯有盛事慶祝，今次就決定嚟呢間食。餐廳分2種價錢，都係任飲任食，$438 （不包串燒）及 $538（包串燒），另加一服務費。環境舒適，職員有禮，全部食材新鮮美味，湯非常鮮味，八品擺盤好靚，生蠔超級無敵肥美 😍食了18隻, 大愛。 燒蠔也好味🤤 串燒及炸物也非常好食，飲品任飲（酒類除外），最後，飯和烏冬也非常好食，，上菜快，收碟快，又冇漏單。在 OpenRice 註明週年紀念，職員好細心提前一日問定，甜品要寫什麼字句，服務一流。值得推薦，愛蠔者，必須試試，我會再次去食。👍在 OpenRice 預訂，仲有九折添。 👏

喺自助餐任食生蠔就試得多，不過日式嘅生蠔屋任食就真係第一次試。呢間生蠔屋位置喺正中環行人扶手電梯旁邊非常方便，內部裝修都唔錯感覺光鮮乾淨。佢嘅120分鐘任食套餐有兩款價錢：$438或者$538，主要嘅分別就係$538可以食埋任食串燒。咁我一心嚟食生蠔所以就叫咗個$438算喇。落咗order佢首先會嚟一個懷石八品同海鮮湯，製作認真賣相唔錯，味道幾好。跟住就係主菜任食生蠔啦，佢啲生蠔真係好新鮮好有彈性又大隻，除咗生蠔亦有焗蠔選擇，不過結論都係食最簡單調味嘅生蠔就係最好！另外佢嘅炸物同小食選擇就真係唔多，不過質素都唔錯，對我嚟講呢啲都係配菜試少少就得啦！我見隔離枱叫啲串燒都食得好開心，如果你淨係食蠔會覺得悶，咁叫個貴啲嘅套餐可能會食得開心啲😁

我本身都好鐘意食生蠔又喺生蠔關注組見到好多group友都嚟呢度，仼食生蠔有兩個選擇，一個無串燒一個有係有，我就係太高估自己對蠔嘅喜愛揀咗無，老實講雖然都有其他小食，不過選擇少好多，真係食到有啲悶。食物質素同店員態度都幾好，如果下次再嚟我一定要食有串燒任食嗰個。呢壺海鮮湯除咗精緻仲奶鮮，好好味。時令懷石八品，好味，每款都刺激到味蕾。一開始店員會安排每人一隻唔同味道嘅生蠔，蠔係新鮮，不過其實食落每款分別唔大，我覺得食返原味最好。焗蠔，都係款款分別唔大。支豆。餃子都唔錯。炸蠔，炸雞翼。魚乾好味。生牛肉好味。每位一份主食，粥同粉。

平時酒店自助餐都未必有🦪生蠔任食, 而家中環有一間🏮居酒屋, 竟然有 兩小時任食「🇯🇵北木島直送生蠔」和「各款串燒」🎉餐廳推出嘅生蠔串燒放題超抵，逢星期一至日午市放題仲有9折優惠添！咁抵食真係要預先book位喇, 當日平日晚去都好滿座,仲有好幾枱都慶祝生日🎂添啊~勁有氣氛、好熱鬧🥳 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ喜多嬉懷石八品 $538/位 𓐎  時令海鮮湯海鮮湯以茶壺上菜, 有小蠟燭保存住海鮮湯的熱度，而湯入面用上蜆肉、蝦🦐, 非常鮮甜。 𓐎 味淋魚干佐酒小食的味淋魚干有沙律醬配搭。 𓐎 喜多嬉時令懷石八品懷石八品拼盤別賣相精緻，由淡味開始進食至濃味，松葉蟹肉凍、魷魚刺身、和牛沙律、免治雞肉棒、燒鰻魚、茶漬飯、三文魚子吞拿魚蓉等🇯🇵免治雞肉棒最鍾意，加上滿滿嘅蛋汁，而燒鰻魚口感香脆 𓐎 任食~喜多嬉生蠔🦪焗蠔餐廳採用牡蠣由日本🇯🇵北木島直送，比較Creamy又有濃郁海水味，除咗可加入檸檬汁進食，佢仲好特別，可選清酒煮, 蒜味, 辣味,麻辣味,芝士,雞尾酒汁，試盡晒佢啦😋 𓐎 任食~時令🍢串燒, 炸物,小食當中有雞中翼串、雞心、雞皮串、羊肉串、翠玉瓜、番薯

初頭見食評唔錯(後悔無睇晒。。。)即管去試吓，伏到無輪仲要價錢唔平。。。頂我講重點:生蠔好咸、好漏，室温口感，無鮮味串燒唔熱，超油膩🤮，雞心、豬頸肉有”益”味最後甜品係芝士蛋糕，味道樣貌最正常返屋企途中，肚痛，飛奔返去爆石。。。

前段時間有晚孖住大胃王嚟到食特選生蠔放題$538@位～兩小時可以任點任食🫶🏻🫶🏻真心覺得物有所值！！店內環境為日式風格🇯🇵而且店員服務殷勤細心～我哋都食得好暢快呢😋😋.柯打完坐低就會先上保住溫嘅✨海鮮湯 俾我哋享用～啖啖咸香鮮味～除咗有湯飲～連湯料(蝦&蜆)都可以食埋😝😝；跟住上枱嘅✨懷石八品 無敵適合打卡～會不時轉款嘅當季食材用料上乘且賣相勁精緻!!當中最鍾意嘅係🐟吞拿魚腩蓉x三文魚籽 及 免治雞肉棒👍🏻👍🏻；重頭戲係可以任食嘅 ✨生蠔 & ✨焗蠔🦪🦪可自選不同口味～無論鍾意生/熟嘅蠔都滿足到！重點係隻隻都非常高質素！淡淡海水味配以肥美肉質～令人食唔停口🤭；另外 連任食嘅✨串燒&炸物&小食都有好幾款🔥惹味又好食；食埋個✨手廷烏冬 咁就實夠飽飽；仲要包咗一客✨甜品🍰勁滿足！！差啲唔記得講飲品都係任飲架～多款無酒精飲品任揀唔嬲🥤(如果係酒鬼嘅話可追加+$58 SAPPORO 生啤放題/+$88 酒精盛宴(包括果酒/梅酒/燒耐)🍻🥂大大力推薦蠔迷嚟歎番餐😚😚

由經驗豐富廚師主理，融合傳統與現代風味，帶來獨特美食體驗餐廳環境舒適，裝潢典雅，營造出「現代居酒屋」嘅用餐環境現場見到有卡座掛咗生日慶祝氣球，氣氛好溫馨。另外想特別讚餐廳嘅店員都好nice，好用心介紹每道菜點食！！超級加分必食Items懷石八品作為頭盤已經充滿驚喜！每道菜都擺盤精緻，建議先食咗梅子漬車厘茄同醋漬青瓜伴蟹鉗9，酸酸甜甜咁好開胃～而當日嘅刺身係三文魚同帆立貝，超級新鮮！！另外最期待嘅主角生蠔🦪都絕對冇失望，可以選擇原味生蠔或其他味道，特別推薦柚子啫喱同辣味蘿蔔蓉，創新得黎又令生蠔口味提升，口感更豐富！原味生蠔亦新鮮多汁，質素超高，仲好食過唔少酒店自助餐，鍾意食生蠔嘅朋友請快啲去試！！！🫵🏻-懐石八品 ★★★★★し和牛西冷定食★★★★★ブ生蠔★★★★★超推薦！！串焼 ★★★★★放題價格：每人大約HKD$400-600客人可以選擇午/晚市放題，或選擇單叫，午市亦有特惠lunch set 提供非常推薦食生蠔又唔想選擇太單一嘅朋友！

預早係openrice買左餐飲劵，幫朋友慶生～ 本來係社交平台見到生蠔放題廣告已經好心動🤭但由於戰鬥力唔高，所以同朋友轉食2人餐。點知，以為完美結束既時候，主菜都未上🤣（冇留心睇菜單，食完生蠔已經滿足）推介生蠔的昆布漬！柚子味唔太出；雞尾酒汁少少似韓式甜辣味咁🫢焗蠔的蒜味好濃郁🥰冬陰功味都好驚喜！芝士就普通🫢串燒方面 燒得好好 本身有調味都夠味 另外會配埋4式粉可以（加料）😆雞腿肉推薦！五花肉加辣粉 完美🫢 其他串燒正常發揮啦…沙律，刺身杯，迷你鰻魚或魚生飯都正常🤭鰻魚個味有驚喜 燒得外脆內軟 好香口!!!!!!!套餐仲有2主菜 揀左西冷（唯一食唔哂的）好多肉食 加上凍左爛咬 放棄了 不過剛上枱時好味多肉汁 真心要趁熱食🤣🤣🤣會介紹朋友再一齊黎食！大食既可以揀放題 都幾有性價比!收碟同上菜速度都夠快～ 座位唔逼 有獨立洗手間 店員好友善如果要挑剔 可能係地點要上好多半山扶手梯only 🫢🤣 呢餐好滿足 唔洗食放題都好飽足快樂 冇人等枱 坐多左1個鐘唔會趕😢中環聚會好地方 收藏吧！！！！！！!♡

鋪頭寫明來自日本岡山縣北木島，雖然任食，不過一開始生蠔都會每款口味上一隻先左再reill每隻生蠔肥美飽滿脹卜卜，全部都有手掌咁大，爽甜帶海水味同朋友兩個人都覺得辣蘿蔔蓉，柚子啫哩口味會突別少少，會更加帶出鮮甜味，反而雞味酒酒味唔明顯焗蠔都有齊七款口味可以揀，不過見焗完之後縮得比較勁，所以當日都係主攻生蠔另外套餐仲有時令海鮮湯，懷石八品，杜蠣茶漬飯/烏冬懷石八品應該有部分定期會轉，當日有漬物蕃茄昆布，刺身，燒鰻魚，免治雞肉串配大根，明太子芝士焗薯，牛油果吞拿魚蓉，蟹肉羊羹，每一碟都做得好精緻，靚到唔捨得食裏面印象最深刻係羊羹，入口清爽，完全唔似傳統嗰種甜膩膩手延烏冬外觀上好似素麵，但入口幾彈牙，湯底用牡蠣高湯製成，仲有粒粒蠔肉，係幾鮮甜唔夠食仲可以揀串燒小食，一樣可以任食任飲，真係好容易食回本！最欣賞係餐廳提供埋熱飲，可以自欺欺人咁食多啲生冷嘢

好少有日本放題可以任食日本生蠔今次去咗中環同一個好鍾意食蠔嘅朋友喪食蠔。有$438 同$538。 個分別是加多$100就有串燒任食同甜品一份。一坐低就會準備海鮮湯俾我哋飲，初頭望到個茶壺以為係茶，點知飲落去鹹鹹地，原來係海鮮湯。餘下嘅湯材料蜆同蝦會俾你食返。懷石八品打卡必點，有漬了的車厘茄、青瓜、三文魚刺身、帶子刺身、鰻魚串燒、豬肉棒、明太子焗薯蓉、牛油瓜吞拿魚蓉。最後凍食蟹肉羊羹，鹹鹹地凍食嘅糕點。之後店員就會幫你上一打生蠔。生蠔上有蘿蔔蓉、昆布汁、昆布、柚子啫喱。佢哋嘅生蠔採用來自日本岡山縣北木島出產。生蠔非常大隻肥美，食完3隻已經好有飽肚感。魚干超好味，食落唔會好腥，甜甜地。有啲似雞泡魚乾味。串燒任點任食：多達16款選擇。雞翼、雞腎、雞腿肉、雞軟骨、雞皮、雞尾、翠玉瓜、豬頸肉、五花肉、茄子、冬菇。秋葵、大涌車厘茄等全部燒完都非常惹味，食到食物嘅真味蠔仔茶漬飯、蠔仔烏冬。飲品可以叫花茶、梳打。

已經唔知嚟過呢度幾多次🤣🤣對於鍾意食蠔嘅我嚟講覺得好抵食，而且絕對食得飽，今次都係叫左佢地既特選生蠔放題（$538）！😍🟢喜多嬉時令懷石八品賣相十分精緻，師傅會根據時令食材作出改變，打卡都好靚，店員叫我地順時針品嚐，我特別鍾意梅子漬車厘茄、時令刺身、燒白鰻、牛油果醬伴吞拿魚蓉😋🔵生蠔佢地呢度係用北木島既牡蠣😎夠晒肥美，又唔腥，上面搭配左唔同既醬，包括原味、柚子啫哩、辣椒蘿蔔蓉、昆布漬、雞尾酒汁、蔥花等等，總有一款岩心水。🟤焗蠔唔鍾意食生蠔既都有焗蠔既選擇架，例如有蒜味、麻辣味、清酒煮、辣蒜味、冬陰功、芝士，叫左麻辣味感覺都幾特別。🟣串燒串燒款式都唔少架，我就叫左雞皮、雞腎、五花肉串、大蔥車厘茄串等等，都好惹味🔴飯/烏冬呢個set 仲包左牡蠣茶漬飯或者手廷烏冬，我地兩款都有叫。唔好以為個碗好細，但係入面好多牡蠣，食完生蠔食啲暖笠笠既野，感覺好滿足。🟠飲品/甜品係menu上面既無酒精飲品都係任叫架，佢地既梳打都幾好飲，建議大家都可以order！隨餐仲有甜品送，芝士蛋糕個layer都幾靚，酸酸甜甜好開胃。