喜來稀肉 (登龍街)

營業中

休息中

喜歡韓燒大都應來過「喜來稀肉」，餐廳抽風系統非常好，座位寬敞最重要的是我很喜歡這裡的泡菜，比其他韓燒都好吃。喜來烤肉餐廳招牌，用脂肪較少的牛板腱薄片卷成玫瑰花型烤肉，只需兩面烤一烤，就可以開吃，口感十分軟嫰滑。豬辣護心肉護心肉脂肪較少，口感鮮嫩，肉質的彈牙，醃過韓式辣醬後，味道甜甜辣辣，醃過的肉烤的時候要多翻幾次，防止烤焦😅烤好的辣護心肉令人垂涎三尺。蟹籽紫菜飯團客人需要親手將蟹籽、紫菜、芝麻同蛋黃醬，撈埋一齊，搓成一個個小圓球。這道飯團不僅美味，而且十分有趣，非常適合和朋友一起品嚐。生牛肉伴飯新鮮的生牛肉為主角，搭配上韓式米飯和各種蔬菜，按個人口味，伴上韓式辣醬，讓人食指大動，口感豐富又惹味。

終於食到呢間銅鑼灣人氣燒肉店，5:30左右食唔使排隊，仲好多位。平時夜晚嗰啲好似成日都要排隊， 唔book位都好似冇乜機會食到。由韓國人主理，啲泡菜真係幾好食。不過就只限坐一個半鐘，如果一大班人食嘅話呢可能就唔多夠時間食。兩個人食咩就啱啱好。泡菜同埋啲生菜你都係任拎嘅，客人可以自己出去拎。泡菜有兩款，一款酸啲，另一款喜來稀泡菜就甜啲，個人就鍾意甜幾個款。醃蘿蔔都好好食一定要食。兩個人叫咗兩碟肉同一個雪濃湯都食到好飽。五花腩（$180）薄左少少🤏🏻但係燒起上嚟真係好香好正～good！喜來烤肉（$158）其實即係牛肉砌成一朵玫瑰花，係幾靚嘅，但係其實唔係幾夠食。爐邊蛋最鍾意韓式燒烤嘅爐邊蛋，一邊係芝士味泡菜味，不過個人就覺得芝士同泡菜都少咗啲，所以啲蛋都比較淡少少。雪濃湯睇韓劇啲人話呢飲醉酒就要飲雪濃湯，所以特登叫咗一碗嚟食。原來入面好多面，仲有兩大塊牛肉，個湯都幾好飲，本身唔夠飽嘅，食完碗麵就飽到不得了。柚子梳打超級甜，飲完一杯仲可以自己加水再飲。總結來講，算唔錯啦。

以前約朋友食韓燒都會黎喜來稀肉，冇黎一排水準依然ᴋᴇᴇᴘ到👍🏻最鍾意就係呢度嘅自助ʙᴀʀ，任食小食同生菜，好鍾意用生菜包住烤肉同啲泡菜一齊食🤤燒肉旁邊既蛋可以任添，一邊係芝士一邊係泡菜，啖啖都好足料🥰▪️喜來烤肉 $158牛肉片捲成一朵玫瑰花好精緻，唔好睇落卷埋一齊好似唔係好多咁，打開份量都唔少，肉質軟淋，醃得好入味，推薦一試👍🏻▪️牛護心肉 $160牛護心即牛既橫膈膜，食落幾有咬口，牛肉味濃郁▪️純豆腐湯 $85豆腐湯唔算好辣，豆腐好嫩滑▪️海鮮泡菜餅 $90一個份量都唔少，有足料嘅泡菜同唔同嘅海鮮，最愛嘅係魷魚，點埋個醬汁好滋味

半自助韓式燒烤 泡菜任食泡菜醬料生菜🥬任拎‼️但記得食得晒先幾多先好拎，唔好浪費食物😉叫左三款肉有真雪花牛肉（$228），牛護心（$160），牛頸肉（$218）。雪花牛比較淋，牛護心，牛頸肉比較有咬口🤩可以有唔同嘅口感旁邊仲有兩款唔同嘅焗蛋，有泡菜有芝士，雞蛋好香🥴店員好細心會主動幫你換塊鐵板💗用菜包住啲泡菜同肉👍🏻好好食我哋再叫咗個石鍋飯（$90），煮得好好，仲有飯焦🥰超級正😁📍銅鑼灣登龍街41-51號金龍大廈地下3號舖及1樓#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #香港必食 #假日好去處 #相機食先 #美食推薦 #食評分享 #美食博客 #美食分享 #美食しい #食左先講 #852ig #hkiger #hkkol #抵食 #winsomelai

介紹返💁🏻‍♀️。。🇰🇷 韓燒 在觀塘 🇰🇷。喜來稀肉 Seorae。金龍大廈地下3號舖及1樓。牛護心肉 Beef Outside Skirtmeat。HKD158 + 10%牛肋骨肉 Beef ribs。HKD158 + 10%豬護心肉 Seorae Special Pork Skirtmeat。HKD158 + 10%韓豚五花肉 Han-Don Pork Belly。HKD180 + 10%海鮮葱餅 Seafood & Green Onion Pancake。HKD90 + 10%🤫 以前講起食韓燒一定會諗起喜來稀..次次去親都係全場爆滿..諗吓諗吓..佢都大大話話喺香港開咗十幾年啦喎🤔Haha..講咁多廢話純粹想話你知..前晚口痕突然之間想食韓燒..所以好即興咁樣約咗朋友仔阿J喺銅鑼灣嗰間喜來稀食晚飯🤪🤫 我哋七點左右去到..全場九成滿..原來喜來稀都Keep得住人氣喎😲我哋被安排座位之後侍應姐姐就話俾我哋知..原來嗰啲韓式小碟..例如係白蘿蔔漬..各式泡菜..大蔥漬同埋燒烤醬汁調味料..仲有攞嚟包燒肉嘅生菜等等..而家都變成自助喺開放式Corner度隨便拎唔使客氣～🤫 QR co

過江龍正宗韓式烤肉 — 喜來稀肉出邊仲有自助前菜bar，可以無限任fill生菜泡菜、芽菜、酸蘿蔔片、醃青瓜、醬汁等，爐邊蛋都可以無限任添，有芝士同泡菜味😆護心肉($158)豬肉來講，最鍾意食呢一款！肉質軟淋，而且醬汁好入味！蛋拌生生肉($160)混合左雪梨條、青瓜條，配合醬汁一齊食，醬汁甜甜地喜來烤肉($158)卷成玫瑰花形上枱好靚🌹其實係少脂肪肉味濃嘅牛板腱，牛肉有醬汁浸住，但唔會醃得太甜太濃味，呢款必食！地址：喜來稀肉銅鑼灣登龍街41-51號金龍大廈地下3號舖及1樓。尖沙咀金巴利道79-81號金栢閣1樓連地下。旺角彌敦道628號瓊華中心7樓。

喜來稀肉，相當出名既韓燒，格局都非常韓式，銅鑼灣分店上二樓既，非常有氣氛，拎位後主持既係韓國人，係完全講韓文而唔係一句「안녕하세요」，未食先感受韓味🇰🇷燒烤主打豬、牛既多個唔同部位，當然雞肉、海洋、韓式主菜都有😇自助沙律吧同醬料吧，蒜片生菜任拎，個泡菜相當唔錯👍🏻食高質既韓燒不論豬牛首選都梗係護心肉，即係橫隔膜附近既肉🐂好珍貴，sell口感同肉味，今次就食佢既牛護心肉，上枱油花出奇地靚😍燒落牛油好香，燒到兩面微焦就食得，好特別肉香加埋幾好咬既口感，好正🤤有好多醬料選擇，推介三款，當然要食既就梗係包生菜，加蒜片同包肉醬，好韓又好滿足😌韓式辣椒醬就好惹味，另一個選擇係香草鹽，少少鹽味可以令肉味更濃👻爐邊蛋依度都有兩款，有泡菜係入面既爐邊蛋真係好味😋而食燒肉點可以無啤酒！依度仲有啤酒溝燒酒既Tower😮揀左Orion生啤，食燒肉飲生啤就係爽🍺試下佢料理既手勢，海鮮牛胸肉大醬湯，滾住上枱，一食驚喜😳好好味既大醬湯，味道好有層次，真係有海鮮同牛肉煲先做到，入面除咗牛胸肉，真係有海鮮，幾隻蜆仲有兩舊蟹而係有蟹肉既🤯讚讚讚💡燒肉店既料理都咁好味真係估唔到，整體既野食好味又好韓，相當唔錯既韓式燒肉店❣️

今日同男友兩個人來韓燒，呢度有個半自助嘅前菜區，好適合二人韓燒，否則平時去出邊嘅燒肉店，經常都只有一兩碟，無辦法試到咁多。呢度有兩款泡菜、蘿蔔、醃青瓜、新鮮生菜、蔥絲蒜頭等等，而且全部自家醃製品都好好食！如果喜歡韓式前菜不可錯過！我哋坐低後侍應立即送上蛋漿，都幾貼心周度，叫完嘢食再燒一陣肉，個蛋就已經食得。今次叫咗牛護心肉、豬護心肉，喜來烤肉，另加蟹籽紫菜飯團，估唔到豬護心肉係咁好食，肉質非常q彈！而兩份牛都非常靚仔好食，喜來烤肉預先已有醬汁，肉質嫩滑，燒30秒左右食，剛剛好！呢個飯團要自己用手撈，有幾好玩，各自搓完可以自己食返，紫菜飯果然係絕對冇得輸嘅！埋單五百幾蚊，喺銅鑼灣呢個地段，真係算好抵食！

同朋友睇完戲梗係要食飯直落啦！今晚一早book定位去喜來稀肉食正宗韓式燒肉🤤點完單之後，就出去自助區拎各種泡菜😜呢度嘅泡菜酸酸辣辣好爽口✨另外佢地嘅醃蘿蔔都好味架，味道酸酸甜甜✨至於爐邊蛋有芝士同埋泡菜兩款口味🍳今次叫咗以餐廳命名嘅喜來烤肉😉牛肉片捲成一朵玫瑰花🌹一大片牛肉口感軟腍，牛肉味濃郁😋牛肉浸泡住特製嘅醬汁，就咁食唔使落任何調味已經夠晒好味啦！另外叫嘅牛五花，油脂感十足但因為薄切嘅關係，食落都唔會過分肥膩😚調味帶點蒜蓉香同甜甜地，真係想食多幾碟🥰呢度嘅石鍋牛肉拌飯，石鍋夠晒熱辣辣，飯粒夠晒焦香✨餡料亦都好豐富，有菠菜、芽菜等！仲有好香口嘅牛肉啦，唔少得仲有一隻流心嘅太陽蛋所有材料攪拌埋一齊食，仲食到好香嘅麻油香🤩有幾隻青口同一隻大蝦嘅韓式海鮮拉麵🍜泡菜湯底香濃，韓式麵爽口彈牙，果然係我最鍾意食嘅即食麵😆喜來稀肉 (銅鑼灣)銅鑼灣登龍街41-51號金龍大廈地下3號舖及1樓

喜來稀肉呢個名絕對唔陌生😚😚係老字號韓式烤肉店🇰🇷有個無限食沙律吧🥗真係可以拎完再拎仲有香港人至愛嘅爐邊蛋🥚想頂住去韓國條癮 去喜來稀肉食返餐烤肉先🔥❣️護心肉 $158肉質真無冇得頂🐷🐷真係香港數一數二好味嘅韓燒護心肉啲肉肉都好軟😌入口即溶❣️牛肋骨肉 $150一口牛🐮大細size切得岩岩好一食完就諗起之前去韓國食嘅感覺😋🥹以後唔洗嘥錢為左去食燒肉先去韓國❣️豬肉泡菜湯 $75不嬲都好鍾意食燒肉要有湯🍲係好足料 又好夠味有好多泡菜同豆腐食🥬雖然係唔配白飯 但點都要整返個白飯先得✨想食就需要另加 $20 白飯🍚用金鐵碗放住飯飯夠曬熱 真係好地道 (⁎⁍̴̛ᴗ⁍̴̛⁎)❣️藍色檸檬梳打 $45食燒肉點可以淨係飲水！整返杯飲品先！藍色好靚靚💙最岩用黎打卡杯梳打解油膩一流 酸酸甜甜☺️

啱啱畢業出嚟做嘢嗰時，好興食韓國菜。好記得呢間過江龍當年喺香港開第一間時，拎籌等三個鐘先有得食前菜同醬料都喺自助bar自取，泡菜、酸蘿蔔片、醃青瓜、沙律菜、包肉食嘅生菜，全部都係任食。用QR code落單後好快就上齊晒每次嚟食必點嘅招牌菜-喜來烤肉，卷成玫瑰花形上枱好靚。其實係少脂肪肉味濃嘅牛板腱牛肉有醬汁浸住，但唔會醃得太甜太濃味。餐牌上最貴嘅一款牛肉就係呢個真雪花牛肉，係平時打邊爐成日食到嘅牛小排。油花超靚係完美嘅狀態，呢個都係必點！無預先醃過或者調味，適合燒完蘸海鹽同麻油食牛五花係切成薄片嘅半肥瘦牛肉片，落咗韓國醬油同梨蓉，每面燒幾秒就食得。味道甜甜地，夾生菜食一流石鍋牛肉拌飯份量多又足料，拌飯醬係另外上，想撈幾多食幾辣都得。鍋底有搽麻油所以完全無痴底，而且仲有飯焦食韓國菜泡菜都係主菜，有得任食泡菜真係好吸引，雖然唔會食到好多自助bar泡菜都有兩款，喜來泡菜同酸泡菜。喜來泡菜好似喺韓國食到嗰種，醃得唔耐，菜比較爽脆無咁酸。爐邊蛋都可以無限任添，有芝士同泡菜味。店員落芝士同泡菜都好慷慨，啖啖都足料，超正總括嚟講食物質素高，口味咁多年都保持到正宗，肉類選擇比一般韓燒餐廳多價錢又合理，

放假來食燒肉吧!一講到燒肉就自自然然諗起喜來稀肉~最喜歡佢有自助前菜區多款泡菜、蘿蔔、沙律、涼伴小菜、生菜、醬料都有想食咩食幾多, 自己決定~韓豚五花肉 $180一定一定一定要點既五花肉!燒到有少少脆邊,再包著生菜、加D泡菜、蔥花蒜片、韓式辣醬so yummy~~牛肋骨肉 $150好好食, 好有牛味, 而且仲好軟腍添!!海鮮泡菜餅 $90一份都好大碟, 多人時可以share食入便有埋泡菜、魷魚等, 不錯!同埋喜來稀肉既爐邊蛋係可以refill一邊加芝士, 一邊有泡菜,好好食架!!!要同朋友約定下次再來!

同舊同事傾開計，原來大家都好懷念上年一齊出trip食韓燒既日子，今晚一於即興來個韓燒Dinner啦，揀左呢間位於登龍街既喜來稀肉，平日夜晚未夠七點已經接近滿座，燒烤爐旁邊有芝士同泡菜兩個口味既蛋，而且仲係無限refill，超正～🌟喜來烤肉 ($158)呢個喜來烤肉係必食推介，店家將牛肉卷成一朵玫瑰花，啱哂打卡，每片牛肉好大片，薄薄地好快燒熟，用上佢地自家製既醬汁醃製而成，好入味，用生菜包住一齊食就唔怕heavy啦🌟牛肋骨肉 ($150)另一款肉我地就揀左牛肋骨肉，肉味就好濃郁，呢款肉相對比較厚，建議燒個陣剪開小件方便燒烤🌟海鮮蔥餅 ($90)主食我地就叫左個海鮮蔥餅，都幾多海鮮，蔥餅口感煙韌，兩個人share食就剛剛好🌟芒果汽水 ($45)🌟大麥茶 ($20)食左咁豐富既韓燒要叫返杯冰凍既飲品，我就揀左大麥茶，口感清爽解膩，同事就叫左杯芒果汽水，好滿足

今晚嚟到呢度食飯，6:30就到啦，所以唔使等位，限時個半鐘。地方坐得闊落，有個自助吧，Kimchi，蘿蔔同生菜全部任攞。今日食咗豬嘅五花肉，一份稀來牛肉，一份調味牛排同埋一個大醬牛排湯豬五花肉最好食，油淋淋燒到燶燶哋呢，特別香口而嗰份牛肉呢，我就覺得佢燒出嚟太過乾啊，燒到好似牛肉乾咁，因為佢好薄，所以特別容易燒到好熟調味牛排呢就應該係最好食呀，牛味好重，而佢個醬汁就係鹹鹹地，同個牛排呢好襯嘅！最後一個大醬牛排湯呢都好飲嘅至於價錢適中啊，大概三百零蚊一位，不過食韓國嘢，不嬲都係咁嘅價錢！

好耐未食過韓燒，記得登龍街有間韓燒店開了很耐很出名，一直都未試，行經又想食就試下。好多韓國餐廳都有餐前小食：泡菜，青瓜，蘿蔔，喜歡餐廳比客人任食，生菜也任客人任包燒肉吃👍記得食幾多拎幾多，唔好浪費石鍋牛肉拌飯：米軟硬適中，飯慢慢焦脆卜卜。配菜份量充足，再配辣味拌醬汁一絕👍牛五花：其實是靠近肋骨周邊的肉，也就是「牛肋肉」。入口同時品嚐到肉質的鮮味與脂肪的美味，不用點燒烤醬，本身肉質很有味道。爐邊芝士蛋和泡菜蛋：我的至愛，而且餐廳有舊肥膏出油，正😆電話落單，找員工，結帳，十分方便同朋友聚會