喜來稀肉 (登龍街)

營業中

休息中

呢間嘢雖然分店少，但喺香港韓式燒肉界嚟講都幾出名！平時放工行過都見到排晒長龍，想食嘅話，真係少番啲毅力都唔得。早幾日遲咗放lunch，例牌去到登龍街搵食，見到《喜來稀肉》竟然冇打蛇餅，即使唔夠時間食燒肉，但係食個set lunch都開心🥳。進入店舖之後見到其他食客食緊一個擺盤都幾幾靚嘅lunch set，於是照板煮碗叫返一個，就係Jung-Chan Box 📦 中午定食，包啲咩呢？牛、豬、雞三款肉擇其一。然後6款拌菜：芽菜、菠菜、泡菜、青瓜、蘿蔔同埋醃魷魚🦑。當然仲有飯同湯。咪睇佢樣樣都好似細細碟，其實未食晒都已經開始飽。六款半才當中，蘿蔔辣得嚟最好食；醃魷魚就平時經開韓國街都會買，係我鍾意食嘅；青瓜酸酸地，好開胃。同事叫咗個嫩豆腐湯配白飯，上菜嘅時候發現成碗湯都幾紅噹噹。我試咗淡，唔算好辣，啱啱好都幾開胃，一啖湯一啖飯食都幾易入口。仲叫咗個迷你海鮮泡菜餅share食，泡菜味唔算龍，但勝在啲海鮮餡料幾彈牙，材料相當實在👍🏾。成餐飯有個可惜位，就係嚟到都幾出名嘅《喜來稀肉》，仲要難得唔使排隊，但係放lunch唔夠時間食燒肉，一定要搵次機會補償番。