更多
2023-06-01
52 瀏覽
介紹返💁🏻♀️。。🇰🇷 韓燒 在觀塘 🇰🇷。喜來稀肉 Seorae。金龍大廈地下3號舖及1樓。牛護心肉 Beef Outside Skirtmeat。HKD158 + 10%牛肋骨肉 Beef ribs。HKD158 + 10%豬護心肉 Seorae Special Pork Skirtmeat。HKD158 + 10%韓豚五花肉 Han-Don Pork Belly。HKD180 + 10%海鮮葱餅 Seafood & Green Onion Pancake。HKD90 + 10%🤫 以前講起食韓燒一定會諗起喜來稀..次次去親都係全場爆滿..諗吓諗吓..佢都大大話話喺香港開咗十幾年啦喎🤔Haha..講咁多廢話純粹想話你知..前晚口痕突然之間想食韓燒..所以好即興咁樣約咗朋友仔阿J喺銅鑼灣嗰間喜來稀食晚飯🤪🤫 我哋七點左右去到..全場九成滿..原來喜來稀都Keep得住人氣喎😲我哋被安排座位之後侍應姐姐就話俾我哋知..原來嗰啲韓式小碟..例如係白蘿蔔漬..各式泡菜..大蔥漬同埋燒烤醬汁調味料..仲有攞嚟包燒肉嘅生菜等等..而家都變成自助喺開放式Corner度隨便拎唔使客氣~🤫 QR co
。
。
🇰🇷 韓燒 在觀塘 🇰🇷
。喜來稀肉 Seorae
。金龍大廈地下3號舖及1樓
。
牛護心肉 Beef Outside Skirtmeat
。HKD158 + 10%
牛肋骨肉 Beef ribs
。HKD158 + 10%
豬護心肉 Seorae Special Pork Skirtmeat
。HKD158 + 10%
韓豚五花肉 Han-Don Pork Belly
。HKD180 + 10%
海鮮葱餅 Seafood & Green Onion Pancake
。HKD90 + 10%
🤫 以前講起食韓燒一定會諗起喜來稀..次次去親都係全場爆滿..諗吓諗吓..佢都大大話話喺香港開咗十幾年啦喎🤔Haha..講咁多廢話純粹想話你知..前晚口痕突然之間想食韓燒..所以好即興咁樣約咗朋友仔阿J喺銅鑼灣嗰間喜來稀食晚飯🤪
🤫 我哋七點左右去到..全場九成滿..原來喜來稀都Keep得住人氣喎😲我哋被安排座位之後侍應姐姐就話俾我哋知..原來嗰啲韓式小碟..例如係白蘿蔔漬..各式泡菜..大蔥漬同埋燒烤醬汁調味料..仲有攞嚟包燒肉嘅生菜等等..而家都變成自助喺開放式Corner度隨便拎唔使客氣~
🤫 QR code落單之後..侍應姐姐就會過嚟開爐同埋喺個爐上邊放上必食嘅芝士蛋漿同埋Kimchi蛋漿..然後再隔一陣..我哋點嘅所有烤肉都一一嚟齊
🤫 我哋揀咗兩款牛肉兩款豬肉..我最欣賞嘅就係韓豚五花肉..烤起嚟特別香特別好味..然後豬護心肉肉味重有口感..將嚿肉放喺生菜上邊再加一片酸蘿蔔同埋一片生蒜..揸住係咁咬..Haha..咁就最滋味㗎啦
🤫 至於牛方面呢..我哋揀咗牛護心肉同埋牛肋骨肉..護心肉真係無論係豬定牛口感都係咁彈牙好咬口..而且味道調味都相當唔錯..牛肋骨肉全部都係薄薄一片..兩三下手勢就可以放入口食啦..口感柔嫩滑溜..唯一可惜嘅就係發現有幾片牛肋骨肉冇順住肉紋去切片..所以令到有啲咬唔開嘅情況出現
🤫 肉類雖然全部都細細碟咁樣..但係燒吓燒吓發現份量其實係非常之充足嘅..尤其是當你每一嚿肉都會包塊菜嚟食嘅時候..好似我哋咁..我哋食唔晒啲肉啊最後🤭下次都係唔好眼闊肚窄
🤫 除咗肉類之外..我哋仲另外叫多咗一個海鮮煎餅..煎餅都幾大塊㗎..魷魚蜆肉小帆立貝魚肉樣樣有啲..亦都分配得好平均..配埋佢哋自家製嘅醬汁就更加惹味啦
🤫 最後想輕輕講吓配菜醬汁..燒烤醬韓式辣醬海鹽都非常之充足.. 醃蘿蔔酸味適中..開胃得嚟唔會過分酸..泡菜亦都有兩三個選擇..我唔食辣..不過聽阿J話啲泡菜都幾好食..最重要係職員們都勤於添加..所以配菜Keep住相當充足
🤫 銅鑼灣分店地方都幾闊落..係一貫喜來稀Style..細細張圓枱有韓國街邊燒肉舖嘅氛圍..亦都有好幾張大枱俾三五知己一齊享用美食..之前睇OpenRice見到啲人話呢度啲職員態度差..今次幫襯又唔係太覺有啲咩太大問題..都勤於幫手換鐵板或者添水添蛋..Any肥..食完呢一餐搞到我好想快啲飛轉韓國添🤪
。。
翻兜指數:🙆🏻♀️ (5個🙆🏻♀️為翻兜爆燈)
💮已翻兜次數:6次💮
。。
張貼