喜來稀肉 (登龍街)

營業中

休息中

喜來稀肉係香港開業左咁多年，人氣依然有增無減，見到有唔少韓國人同遊客都黎食。牛護心肉 $160牛肉好鮮嫩，啲肉質軟綿綿，入口即化。每啖牛肉都好多汁，滋味濃郁。燒嘅過程令牛肉表面有啲焦香嘅味道，令佢更加美味。喜來烤肉 $158招牌喜來烤肉肥瘦相間，配特製烤肉醬汁，層次口感遞增，好搭味。蔘雞湯 $125湯底好濃郁，有啲藥材香氣。人蔘同雞湯嘅結合，令湯嘅味道更加鮮美同滋補暖胃。雞肉裡面仲有滋補糯米飯，每粒飯都餵滿雞湯，非常飽滿。不得不提，爐邊蛋同自助區嘅配菜都係任食！泡菜蛋嘅泡菜微甜微辣，非常開胃，而芝士蛋微咸帶奶香，兩款都食唔停口。用生菜包住烤肉同大蒜黎食，可以去油膩感。除咗烤肉醬汁，點蜜糖芥末醬味道都好夾，值得一試。