喜來稀肉 (登龍街)

營業中

休息中

同舊同事傾開計，原來大家都好懷念上年一齊出trip食韓燒既日子，今晚一於即興來個韓燒Dinner啦，揀左呢間位於登龍街既喜來稀肉，平日夜晚未夠七點已經接近滿座，燒烤爐旁邊有芝士同泡菜兩個口味既蛋，而且仲係無限refill，超正～🌟喜來烤肉 ($158)呢個喜來烤肉係必食推介，店家將牛肉卷成一朵玫瑰花，啱哂打卡，每片牛肉好大片，薄薄地好快燒熟，用上佢地自家製既醬汁醃製而成，好入味，用生菜包住一齊食就唔怕heavy啦🌟牛肋骨肉 ($150)另一款肉我地就揀左牛肋骨肉，肉味就好濃郁，呢款肉相對比較厚，建議燒個陣剪開小件方便燒烤🌟海鮮蔥餅 ($90)主食我地就叫左個海鮮蔥餅，都幾多海鮮，蔥餅口感煙韌，兩個人share食就剛剛好🌟芒果汽水 ($45)🌟大麥茶 ($20)食左咁豐富既韓燒要叫返杯冰凍既飲品，我就揀左大麥茶，口感清爽解膩，同事就叫左杯芒果汽水，好滿足

今晚嚟到呢度食飯，6:30就到啦，所以唔使等位，限時個半鐘。地方坐得闊落，有個自助吧，Kimchi，蘿蔔同生菜全部任攞。今日食咗豬嘅五花肉，一份稀來牛肉，一份調味牛排同埋一個大醬牛排湯豬五花肉最好食，油淋淋燒到燶燶哋呢，特別香口而嗰份牛肉呢，我就覺得佢燒出嚟太過乾啊，燒到好似牛肉乾咁，因為佢好薄，所以特別容易燒到好熟調味牛排呢就應該係最好食呀，牛味好重，而佢個醬汁就係鹹鹹地，同個牛排呢好襯嘅！最後一個大醬牛排湯呢都好飲嘅至於價錢適中啊，大概三百零蚊一位，不過食韓國嘢，不嬲都係咁嘅價錢！

好耐未食過韓燒，記得登龍街有間韓燒店開了很耐很出名，一直都未試，行經又想食就試下。好多韓國餐廳都有餐前小食：泡菜，青瓜，蘿蔔，喜歡餐廳比客人任食，生菜也任客人任包燒肉吃👍記得食幾多拎幾多，唔好浪費石鍋牛肉拌飯：米軟硬適中，飯慢慢焦脆卜卜。配菜份量充足，再配辣味拌醬汁一絕👍牛五花：其實是靠近肋骨周邊的肉，也就是「牛肋肉」。入口同時品嚐到肉質的鮮味與脂肪的美味，不用點燒烤醬，本身肉質很有味道。爐邊芝士蛋和泡菜蛋：我的至愛，而且餐廳有舊肥膏出油，正😆電話落單，找員工，結帳，十分方便同朋友聚會

講到燒肉 多數都走去喜來稀肉 一定正宗🤪🤪而且兩個人佢都俾咗個四人枱，相當闊落可以嗌勁多嘢食😋原來而家已經變咗前菜係自助形式，泡菜蘿蔔生菜醬料全部自己行出去任拎，都幾方便，唔使下下叫職員落單🥩喜來稀肉 $158見到個名就知道一定要叫🤣呢一碟係最啱打卡 因為上枱已經係卷成一朵花，而且肉質見到好新鮮食落口發現已經有醬料輕微醃製過，所以唔使點太多醬汁都好夠味🥩真雪花牛肉 $228相對呢一款雪花肥牛，入口更加Juice多肉汁，完全見到雪花分布分明，一燒已經出晒油 入口即溶🤩🥩韓豚五花肉 $180餐廳唔似一般好厚嗰啲五花肉上碟，而係幫你切開一半令你更加方便燒，好快就可以燒到兩邊甘香食落去脆卜卜好有口感🍲海鮮牛胸肉大醬湯 $85比想像中多配料，有蜆之餘，發現仲有隻蟹腳！比出面嘅餐廳都要更加抵食，同埋味道正宗，特登再叫咗一個飯團配埋呢個湯一齊係完美絕配🍙蟹籽紫菜飯團 $50職員會比手套你，方便你攪拌完所有醬汁同埋啲紫菜之後，放上手變成一個球狀，都幾過癮，而且配埋大醬湯一齊食非常好味🍹西柚汽水 $45唔係糖漿嘅Soda汽水，真係食到有西柚果蓉嘅口感同埋香甜味😋

I have always heard of the name 喜來稀肉 but never got the chance to visit so we decided to try it out today 🤤 The store was quite big and the seats were quite comfortable. 🙌🏻 Definitely a good place to go to for friends gatherings ! The staff were very helpful and they will come check on us from time to refill the egg and cheese 🧀👀 On a side note, the egg and cheese on the side are unlimited !! 🤤 We ordered one side dish and some meat platters. From the pictures you could see how large the portions

好耐冇嚟，原來已經變左前菜自助buffet，泡菜蘿蔔生菜醬料全部任攞，好方便。爐邊蛋都可以refill架！QR code 落單，簡單易用。調味牛排骨次次韓燒都必叫，肉好腍，醃得好夠味其實唔洗沾醬都好好味。韓豚五花肉肥瘦適中，油脂好香，豬味濃，夾埋泡菜食perfect!韓式豬皮本身已經切成細細舊，比較容易燒。小貼士，烤豬皮個陣成日會彈油，可以用生菜蓋住黎烤，咁就唔怕彈親自己架啦～ 記住沾黃豆粉食會無咁膩架。環境好乾淨，抽氣好好食完個人都冇燒烤味。

一向都鐘意黎呢度嘅氣氛好似去左首爾食韓燒咁，亦有好多韓國人黎食，店員仲會用韓文同你溝通，感覺真係去咗韓國一趟。店員係帶位個陣順便介紹有個自助區corner，可以夾沙律、涼伴小菜、醬汁配料等等。我同朋友夾咗其中兩款 — 喜來泡菜同醃蘿白都好好食。講返個烤爐，旁邊會有泡菜味和芝士味的爐邊蛋，而且可以refill，包你食到好滿足。韓豚五花肉通常都會用生菜包住再加上蒜片、辣醬、我特別鍾意加埋喜來泡菜，唔止去五花肉嘅油膩感，仲增加咗微酸微辣嘅層次感。喜來烤肉上枱時好似一朵玫瑰咁，肥瘦均勻，肉質鮮嫩多汁，唔加任何配料同調味料都好好食。牛護心肉油脂分佈不多，肉質腍軟牛味濃，蘸日式燒肉醬汁更好吃。蛋拌生牛肉份量十足，生牛肉肉質新鮮配上雪梨嘅清甜同青瓜嘅清新，朋友食到非常滿足。蟹籽紫菜飯團上檯個陣係一碗大飯連膠手套，要自己下落水整飯團，大概可以整5-6個小飯團。紫菜飯團有好香嘅麻油味，加上蟹籽口感爽口，係值得一試嘅菜色！

落完雨天氣涼涼哋突然間好想食烤肉就好自然諗到呢間喜來稀肉🔥🔥🔥好在7點都仲有位坐地面只係門面一樓先係食飯區位置好多～環境闊落裝修係地道韓國烤肉店每個位都有個大大嘅抽油煙管食完都唔會一身味👍🏻👍🏻👍🏻👍🏻👍🏻👍🏻👍🏻👍🏻👍🏻今晚食咗☀️牛護心肉 $160牛護心肉係招牌！燒完之後油分唔多，質感細嫩！☀️韓豚五花肉 $180五花肉反而最驚喜！肥瘦均勻，燒完之後食落口係爽口彈牙㗎！☀️牛五花 $158☀️海鮮牛胸肉大醬湯 $85大醬湯好足料！有蟹有蜆！鮮味十足！蟹籽紫菜飯團 $50可樂 $30 兩個人食到抱住個肚走🤣🤣唉我嘅減肥大計又被拖延🤣🤣🤣

好耐無食韓燒啦有d掛住爐邊蛋同泡菜放工約左朋友一齊去食😋入到去好似去左韓國咁呀就係簡簡單單傳統韓燒唔花巧呢度前菜沙律有自助bar想食幾多自己拎就得兩隻泡菜都有試 我鐘意喜來泡菜 覺得香d辣d個蔥絲係 菜絲芽菜同洋蔥絲撈埋就咁食都幾辣 配泡菜同肉就好好食見好多人叫護心肉$160 原來係招牌菜黎未試過叫黎試下先再叫左個真雪花牛肉$228同埋包生菜必食既濟洲五花肉$180用qr code落單好快有得食第一時間試護心肉 原來都幾有咬口同好夠肉味 包左泡菜蔥絲最好食 雪花牛肉就口感諗 淋d 就咁食都好食豬五花無想像中咁肥燒到d肥膏金金黃黃 配泡菜再清新d仲有d爐邊蛋 勁香蛋味 好好食啊雖然只係叫左三樣嘢 但我地兩個女仔食完已經好飽所以都幾抵食喜來稀肉 (銅鑼灣)銅鑼灣登龍街41-51號金龍大廈地下3號舖及1樓

在銅鑼灣行完街，就同妹妹入咗去食餐韓燒晚飯。來到喜來稀肉當然要食招牌的，所以點了喜來烤肉，即是烤牛肉，一上枱見到就覺得肉質好靚，雪花鮮明！有牛肉決定再來要一份豬肉吧，除了餐牌上單點類別，還有特別推介之選，有特價呢，所以要了一份特殊背花肉，一見到就覺得個樣好似豬頸肉，不過入口無豬頸肉般油膩，油脂感剛好！然後要了一碗海鮮牛胸肉大醬湯及水冷麵。海鮮大醬湯好多配料！除了牛肉海鮮都不少，有蜆還有四分之一蟹，令湯好鮮甜！水冷麵不但清涼而且湯底都好清新，食完燒肉解解油膩感最適合不過！

心血來潮好想食韓燒🫢就約左老公去登龍街既 #喜來稀肉 ，環境都唔錯。通風都幾好，起碼唔會好大煙👍🏻.入座後，第一時間去睇下自助吧有咩食🤭有泡菜、蘿蔔片、青瓜等等…而且宜家生菜係任食😍😍👍🏻👍🏻爐邊有兩款蛋，分別係芝士同泡菜口味。兩款味道各具特色-今次主要叫左個紫菜包飯比睿睿玩🫢佢自己可以「練」到佢波波飯咁，一粒粒咁食👍🏻👍🏻😍-🍖喜來稀肉銅鑼灣登龍街41-51號金龍大廈地下3號舖及1樓.#chingchingjaiii銅鑼灣篇 #喜來稀肉#登龍街 #銅鑼灣 #銅鑼灣美食 #韓式烤肉 #烤肉 #韓國菜 #韓國料理

想係銅鑼灣食韓式烤肉，唔知揀邊間好🤔？相信喜來稀肉係唔少香港人嘅選擇，每次晚飯時間過去，都幾爆場㗎！皆因佢嘅特色之一窩邊蛋🍳，係免費無限添加嘅，一次過可以試到芝士同泡菜兩款口味🤤，想食幾多都得，真心正啊👍🏻！自助沙律吧枱亦都係🆓無限任拎嘅，有生菜、蔥、泡菜、醬汁等等，配上燒肉一齊係超地道嘅韓式食法👍🏻！燒肉方面，今次我哋點咗餐廳必食推薦嘅喜來豬五花肉（$150）、牛護心肉（$160），同埋牛助骨肉（$150）😋！喜來豬五花肉油脂非常豐富，肉質柔嫩多汁，非常Juicy💦！至於另一個招牌菜，牛護心肉非常爽滑彈牙，肉質軟腍，絕對係必食之選‼️牛助骨肉肉味就好濃郁，同時油脂岩岩好，唔會太膩。熟食方面，我哋就叫咗炒年糕（$75），年糕同魚糕都煙韌軟糯，而且唔食得嘅朋友仔都岩食，完全唔辣！

好久沒食韓式燒烤，一於就去過江龍的喜來稀肉！喜來稀肉的前菜是自助形式，無限供應泡菜與醃漬物，食泡菜都可以吃飽！爐邊蛋熱熱嫩嫩的！五花腩薄薄的，很快就可以燒熟，油花被熱力迫出，吃起來不覺油膩，只剩咬勁，與生菜同吃，正！牛護心肉是牛的橫隔膜，略帶點油花，肉質軟腍，肉味濃郁。醬油雞吃起來甜甜的，口感軟腍。豬護心肉口感柔軟，愈吃愈香！西柚梳打很大一杯，西柚味道亦真實。場內抽風系統不錯，不會吃完一身油熱味，可以再訪！

今年無得去旅行，生日就選擇了韓國烤肉，好掛住韓國旅行既時間🥺事關平日時間去食，所以得三枱人😆呢間啲肉都幾新鮮，雪花牛好滑，中午時段仲有午餐，不過今次主要食燒肉，所以無叫午餐。包埋小小自助區，自助區提供有泡菜、酸蘿蔔、酸青瓜、生菜等。食韓燒最重要就係有無限量既菜提供，不過淨得生菜提供，無其他菜種類提供。濟洲五花肉 $180牛五花 $158真雪花牛肉 $228迷你海鮮泡菜餅 $40午餐時段，如叫午餐都可以享用到自助區，都算抵食。

淨係服務態度完全冇！大家都知道用餐時間係個半鐘，淨係個Menu揭來揭去都睇咗你幾分鐘，見個客仲未落order就走來話得個半鐘頭用餐時間, 吹個客人好快啲落order! 好啦落完order啦，食嘢啦，食到仲有半個鐘就走埋嚟同你講用餐時間個半鐘last order問有冇嘢要落啦，跟住15分鐘就喺你嗰個枱旁邊巡舖咁巡來巡去，好似睇吓你食完未，到仲有10分鐘就走埋嚟同你講就夠鐘，仲有5分鐘又走埋嚟同你講就夠鐘，仲有2分鐘食物都未食完就走埋嚟同你講已經夠鐘！食物都未食完，就同你講要走啦，嘢飲都未飲完，就行埋執枱啦！哇有冇咁離譜㗎！我俾咗錢架嘛唔使俾錢食㗎！？以後都唔會幫襯！疫情後就做好啲啦，唔係就快啲執笠啦。又唔係平，又唔係好食，仲要食到－肚氣，食物又未食完，你話如果我哋停晒手唔食，你就趕我哋走啫，個客仲食緊㗎嘛！真係未食嗰間咁差嘅餐廳㗎