喜來稀肉 (登龍街)

營業中

休息中

入去間餐廳，見到佢地嘅衛生情況好乾淨，令我哋感到放心。我哋一共叫咗三樣招牌菜：石鍋牛肉拌飯、牛護心肉同喜來烤肉。個心情好興奮，期待佢地帶嚟嘅驚喜。先上嚟嘅係石鍋牛肉拌飯，一打開蓋，熱氣嚟晒，真係開胃。啲牛肉色澤好吸引人，入口即化，肉質嫩滑多汁，同白飯配得好岩味！拌飯時，牛肉嘅鮮味同飯粒嘅香味完美結合，真係味蕾大滿足。跟住係牛護心肉，呢道菜煮法好特別，牛肉片包住新鮮蔬菜，色彩好靚。每一口都有唔同嘅口感，肉嘅鮮嫩同蔬菜嘅清爽，食落真係好享受。呢道菜真係感受到廚師對食材嘅用心烹調，令人好感動。最後上場嘅喜來烤肉，满桌嘅香氣叫人垂涎欲滴。肉質鮮嫩多汁，一咬落肉汁四溢，真係讚不絕口。呢份烤肉啱啱好去酒，我哋個個都食得好開心。食嘢嘅同時，我哋亦開始傾計，講下最近啲趣事，分享生活點滴，喜來稀肉就成咗我哋傾偈嘅寶貴場所。

銅鑼灣登龍街有一間韓國烤肉店，烤肉店有任食韓式小菜，例如泡菜，醃蘿蔔，青瓜等等，而且用來包肉的生菜都是任食。最鍾意傳統韓式烤肉店就係爐邊有得食蛋🤭冇錯係蛋漿任加任食，勁開心🤭✌🏻美食推介：💛蟹籽紫菜飯糰：蟹籽紫菜非常多，配上麻油，再用手搓成波波，好玩又好食😋💛牛肋骨肉：非常好食，肉質鮮嫩，牛味足夠👍🏻份量也足夠2人食👍🏻加上包飯醬泡菜生菜包在一起吃，清新而不油膩☺️💛豬護心肉：護心肉必食之一，烤了很久肉質也非常嫩，而且沾上包飯醬及燒肉醬汁一起食，勁滿足☺️💛水冷麵：冰凍的水冷麵，麵質煙韌，湯汁喝一口非常清爽，加上肉及辣醬一起食，真心無得輸👍🏻韓烤必點👍🏻👍🏻

🥢 Hong Kong｜銅鑼灣｜喜來稀肉最喜愛的韓燒店 非常地道 性價比高而家有韓式小菜及多款醬料提供可以自己選擇 生菜 生蒜都可以refill 泡菜超級好食😋爽口帶點酸辣 最懷念的味道非常適合配肉和生菜食當然唔少得嫩滑的爐邊蛋有泡菜蛋同原味牛護心肉護心肉是橫隔膜與肝之間的部分 吃起來有彈性厚實的口感 燒完之後柔軟多汁 滿足!喜來烤肉招牌菜的喜來烤肉 卷成玫瑰花 經過特制醬料腌製肉質鮮嫩多汁牛舌份量超多！燒完香脆爽口薄片口感十足 水冷麵天氣炎熱 要點冷麵吃吧酸酸甜甜又冰爽 非常開胃

本來訂佐去北角嘅咩咩咩濟州燒肉 但係人地粒聲唔出去到先話無得燒 即刻轉場銅鑼灣 地方唔難聞 已經餓到神智不清 即刻去摞泡菜 酸蘿蔔 辣白菜 酸青瓜全部都好好食 無限摞 只要你食得落 爐邊蛋有芝士同泡菜兩款風味 燒肉都好新鮮 雞好滑 護心肉厚但唔韌 生菜都可以無限摞 炒年糕好食 唔會太辣 味道適中 而且裡面有魚糕 魚糕好好味啊 豆腐湯還可以 雖然唔算驚艷 但係豆腐都好滑 裡面會有個雞蛋 兩個人食佐大概600 食到好飽好飽 服務都好好 所以總體黎講體驗感唔錯 五星好評

自己超鐘意食爐邊蛋 所以揀韓燒餐廳必需要有爐邊蛋🤣爐邊蛋可以refill 可以加泡菜、芝士或者淨蛋都可以自己係蛋未熟既時候加左小小香草鹽提味壹頭豬見到menu樣樣都想試 索性叫個豬肉套裝樣樣都試到 價錢又抵d有護心肉、五花肉、豬頸肉、醬油烤韓豚、韓式烤豬皮，共5款護心肉口感最好最有肉香五花肉係必食推薦 燒到兩邊焦香 再用生菜包住加蒜片 香口唔油膩😋傳統食法最正豬皮事先已經醃左味道甜口既醬汁食落好有膠質 充滿骨膠原但係一定要小心火候我地一小心就燒燶左🤣

銅鑼灣食肆林立，中西薈萃，今次同朋友嚟登龍街搵食，就揀咗呢間韓國過江龍「喜來稀肉」。餐廳走 Loft 風路線，店內面積頗大，環境寬敞，採光明亮，加上座位闊落舒服，圍爐圓桌、散座方檯都有，不覺擠迫。一坐低店員就隨即送上幾款韓式小碟，有韓國酸泡菜、醃漬蘿蔔、青瓜同魷魚等，食完仲可以出去自助區無限 refill 。石鍋牛肉拌飯 ($75)：個拌飯用料好豐富，有牛肉、煎蛋，鮮菇、紅蘿蔔絲同紫菜等。把蛋黃戳破，再將餸料、蛋汁與辣醬拌勻，牛肉腍身入味，配上鍋底嘅飯焦，更覺香口惹味。至於呢客蔘雞湯 ($100)  用料亦不欺場，雞隻好嫩口又多肉，入邊仲釀咗糯米，湯頭蔘味好濃郁，帶藥材鮮香，有回甘滋味，夾埋嫩滑嘅雞肉一齊食，滋補又養生。另外仲點咗份迷你薯仔餅 ($40) 同 一罐桃子汁 (+$8)，薯仔餅煎至外脆內軟，無油膩感，沾少許辣汁吃，味道更加出色。

Traditional K-BBQ🥩🇰🇷✨喜來烤肉 Grilled Beef Seorae Style牛肉切成薄片以香濃秘製醬汁醃製，肉質嫩滑，油花均勻入口即融。 ✨牛護心肉Beef Outside Skirtmeat略帶點油花的護心肉入口既柔嫩又軟腍，肉味濃郁，不會過分油膩。 ✨韓豚五花肉Han-don Pork Belly五花肉油脂豐富，嫩滑多汁。沾上醬汁，再以生菜包上蒜頭和泡菜一併食用，非常香口惹味。 ✨水冷麵Buckwheat Noodle with Cold Broth麵質爽彈，冰涼的湯汁帶點微酸，再按個人喜好加入芥末醬和食醋，非常酸爽開胃，亦十分解膩。 ✨爐邊蛋🍳爐邊的滑蛋漿一邊加入泡菜，另一邊加入芝士，可無限添加。 P.S. 自助沙律吧有包烤肉的生菜，泡菜、涼拌小菜和多款調味醬料，可無限添加🥗🥬🧂

上排喺尖沙咀食完韓燒，心癢癢仲想食，喺港島我只諗起「 喜來稀肉 」，因為真係去過好多次～銅鑼灣分店比較寬敞同開揚朋友7點去攞枱唔使一陣已經滿座韓式嘅燒烤爐，爐邊蛋一邊係芝士味，另一邊係泡菜味，上面就有啲蒜頭。爐中央放咗肥肉用作油～餐廳頭尾兩邊係自助區自取，有泡菜、生菜絲、洋蔥、酸瓜同醬料今日一行二人點咗兩款燒肉及兩款主食：《 牛舌 💲158 》一碟多片，片片薄身唔韌，入口肉汁多～《 調味醬油雞肉💲130 》除咗牛同豬肉，雞肉都好味～調得入味，肉質又滑嫩～《 蟹籽紫菜飯團💲50 》 一碗白碗$20，咁叫呢個比較化算，有得食又有得玩～ 撈勻飯素之後就可以搓成飯球，入口好香又夠味道～《 水冷麵💲95 》湯底冰凍帶酸，麵條煙韌彈牙，開胃減膩～入面仲有蕃茄，青瓜同烚蛋～《 大麥茶💲20 （凍）》每枱都已放有一樽水，但想飲啲凍野降降溫、消消滯～好滿足～

作為燒肉控既我🥩，通常都係食牛角呢啲日式燒肉，朋友話我食得太多日本野，所以帶我黎食韓燒😂。用inline.app上網book定好方便📱。店內幾乾淨企理，油煙味唔算好重。肉係單點形式，qr code自己落單好方便。另外自助吧有泡菜、醃蘿蔔、生菜、蒜片等等任拎🤤。爐邊蛋亦有芝士同泡菜2款口味😚，可以無限加🥺。🔅真雪花牛肉  ($228/150g)雪花牛肉真係唔同啲🥺～牛肉油花好靚，肉質嫩滑👍🏻，無醃定所以牛味零舍香濃。🔅豬護心肉 ($158/150g)唔講唔知原來護心肉係位於橫隔膜和肝之間既肉，每隻豬只有200~300g，非常矜貴🥺。雖然望落一般，但食落好嫩好爽口，一啲都唔鞋唔油膩，好啱女仔食😝。🔅蟹籽紫菜飯團 ($50)見人可以自己整飯糰所以又叫黎試下，廢事淨係食肉咁dry 😚。好貼心有附上手套，自己搓飯糰波波幾過癮，食埋飯糰就好飽🤭。🔅大麥茶 ($20)💬呢餐2個人食左約$500，比日式放題抵🤫，偶然轉下口味又唔錯🥰。

心血來潮想吃韓國燒肉，第一時間想到的便是登龍街來自韓國的過江烤肉店，多年來深受港人的熱捧餐廳環境闊落，不論是家庭還是朋友聚會都非常適合自助前菜區多款泡菜、醃蘿蔔、沙律、生菜、醬料等爐邊蛋可以免費添加，有芝士及泡菜味，伴上烤肉一起吃更為美味牛護心肉油脂豐厚，肉香濃郁，肉質有咬口蛋拌生牛肉入口嫩滑，配搭水梨及青瓜一起吃超滿足享受燒肉過後來一碗冰凍的水冷麵，可消解熱氣與油膩感藍色檸檬汽水夢幻的高顏值令人心心眼，直接飲用夠暢快

喜來稀肉相信大家都唔會陌生，依間餐廳之前已經食過一次，今次約左另一個朋友黎食多次，餐廳位於時代廣場附近嘅燈籠街附近，地點非常方便。行樓梯上一層就可以到達餐廳，餐廳有沙律吧任食，都幾抵食，而且仲有生菜（泡菜，瓜，菜等等）同蒜頭可以夾燒肉食，另外餐廳每個爐都有個吸油煙機，可以減低油煙，醬料亦都有幾款選擇，我揀左醬油，鹽同埋芥末醬。餐廳可以用QR code落單非常方便：我地豬牛雞都叫齊，喜來烤肉（＄158）：砌左個好似花嘅形狀，非常美觀，打卡一流，另外亦都會有醬油醃左個肉，牛肉味很香，而且醬汁亦都帶有甜味，牛肉亦都非常柔軟。醬油烤韓豚（＄150）：豬肉帶有甜味，而且醬油很美味，豬肉肥瘦適中，口感柔軟，最鍾意食烤豬肉時夾生菜同蒜頭，增加口感之餘亦都可以去除油膩感，而且配上生蒜。非常香口。蔘雞湯（＄125）：呢個都幾抵食，有一隻雞，很足料，中間有糯米，紅棗同菇，雞肉嫩滑，而且湯亦都唔油膩，糯米很甜，湯嘅份量都好多。食韓燒最期待就係爐邊燒蛋，泡菜辣得很香口，芝士亦都很香，蛋味濃郁。我地叫左凍嘅麥茶（＄20），茶味香濃，食韓燒配冰茶好正，本身餐廳亦都有提供水俾客人。

成日見到呢間都好多人食，一定係有咁上下水準，先吸引到咁多人嚟食，今日朋友話想食燒肉我就順便試下呢間燒肉店🥰-佢係用QR code落單，外面有醬料同埋生菜，泡菜醃蘿蔔等等嗰啲比你自助拎幾好～佢嘅泡菜除咗有普通泡菜之外，仲有喜來泡菜，有少少唔同，但我覺得好食啲😆-佢地一開始已經幫我哋落左爐邊蛋～一邊係泡菜蛋一邊係芝士蛋🥰兩邊都好好食好夠味-牛護心肉 $160我地開始燒肉啦我去韓國燒肉店都好鍾意食牛護心肉因為呢個部位好珍貴肉質軟嫩得來又好重肉味仲要勁juicy!有啲油脂既香味岩岩好🥰推薦推薦😋-海鮮牛胸肉大醬湯 $85、米飯🍚 $20我自己好鍾意喺韓國店度叫湯因為夠濃味熱騰騰咁好正😚入邊有豆腐、蜆、金菇同蟹仔隻蟹仔都幾鮮甜-水冷麵 $95除咗水冷麵，佢仲配左一支醋同黃芥末汁比我地撈黎食我好中意加埋黃芥末汁一齊食刺激得黎又好fresh😳冷麵亦都好彈牙爽口👍🏻-慢活村韓國米酒 $95唔知幾時我愛上咗米酒米酒果種淡淡的香味生米酒就冇咁甜，我哋呢款就甜少少但好易入口上網睇米酒仲健康啲添🤣-呢度整體嚟講，性價比都幾高唔算太貴但到好多野🥰

很久沒吃韓式燒肉，如果要吃就要來有任吃爐邊蛋的喜來稀肉。-現在的前菜同醬料換成自助bar供客人選擇。喜來泡菜、酸蘿蔔片、醃青瓜、蒜頭、蔥絲還有包肉食的生菜，全部也是任吃。-HK$228真雪花牛肉~原來是油脂像雲石花漂亮牛小排，放在生菜上伴著我愛吃的甜甜的的喜來泡菜、蔥絲及蒜頭一起吃，釋懷了對烤肉的相思之極 😌。-HK$188特殊背花肉～在韓國直運到香港兼受當地人喜愛豬特殊部位。吃起來像豬頸肉質地，但是沒有豬頸肉那麼油膩。-$110生牛肉拌飯～牛味濃郁的生牛肉配上生雞蛋、配菜及甜辣醬拌來吃，好有滿足感。-HK$95水冷麵～吃過熱辣辣的燒肉，便要來一碗冰凍的水冷麵降溫。-由於晚餐時間有限，我們不能和好友盡情聊天，有些遺憾。

好耐冇去韓國啦 一想食韓國菜我就會嚟呢間餐廳 可以狂食燒肉同埋泡菜 呢度舖位位置好大地點又方便 有時都好full 餐牌上面嘅選擇好多 有好多肉類做燒肉 另外亦有好多丼飯 呢度有一個自助區可以攞泡菜 醃蘿蔔蔬菜等等好方便今日點咗個石鍋豬肉拌飯豬肉量好多 石鍋上熱辣辣 仲有大量紫菜蔬菜同煎蛋感覺好健康 另外點咗個農湯奶 白色好creamy裏面 仲有幾塊牛肉 牛骨味好重 仲有麵底夠曬飽肚飲飲品揀咗個無糖嘅大麥茶 下下火麥味好濃厚 下火啱曬呢度坐得好舒服 環境幾好 食物種類豐富 而且價錢唔算好貴啱曬我呢啲後生仔女呢

好耐無食過喜來稀肉啦，環境通風比較好，唔會食完好大浸油煙，而且店員細心會比圍裙我地，係聚會好地方🔸蔘雞湯🔸蔘雞湯味道濃郁，雞肉鮮嫩，裏面仲有蔘味。蔘係一種好有營養嘅東西，有助於提升免疫力，補氣養血，係一個好健康嘅選擇。呢道蔘雞湯有原隻雞加上裡面糯米，好味道🔸護心肉150g🔸護心肉係豬既橫隔膜這款肉含豐富的纖維，又略帶點油花，肉味濃郁，肉質更加鮮嫩🔸喜來烤肉150g🔸喜來烤肉厚度適中，配以板燒嘅味道更加突出，帶點甜甜既牛味，配埋生菜包住一齊食，口感豐富🔸牛舌150g🔸牛舌經過煮熟之後，味道更加突出，唔會太膩口同腥🔸喜來泡菜🔸最後要提一提佢哋嘅自製泡菜，係出面salad bar可以拎同普通泡菜偏酸味唔同，味道更加鮮美，而且唔會太辣，讓人一試難忘