唐宮小聚 (荃新天地)

營業中

休息中

以往很喜歡在這裡吃飯。但是近來食物質素跟服務都愈來會差。餐牌更改了之外，味道變咸了，最期待的乳鴿也沒有了以往的脆皮。服務也變差了很多，服務員好像失焦了一樣，還沒有結賬便突然把枱面的東西全收走，而事實只是旁邊那張枱要結賬...很無言.... 應該不會再想來了。

今日相約友人到荃灣廣場行街，到食飯時間就撞下運氣，結果好lucky 不用排隊就入到座了✌️友人極力推薦👍🏻點餐時心花怒放，樣樣點心小菜都好精美，每樣都好想試$99 5款前菜，冷盤，味道都不錯，如果個蝸牛大粒d就好啦椰子雞湯，一打開已有濃濃的椰子香，雞湯好鮮甜呢個流沙包必叫呀，要襯熱食，個包好軟！要食兩個先夠😆相比之下呢隻豬就一般啦，但外表好cute最鐘意黑色果粒黑松露餃，咬開好香，如果有得單點就good la南乳聖子，隻隻聖子都好肥美因為荷葉飯冇晒，所以點左呢個芝士飯，凍左會唔好食，所以都要襯熱食😂總結呢間餐廳我都會推薦朋友食，唔止味道好，外表都好，可以狂呃like，好可惜當日乳鴿賣晒，下次要再試丫👏

星期日去同老豆食生日飯，有老有嫩，要照顧曬所人嘅口味，去左唐宮小聚試新野。啲炸野我地一定啱食，於是叫左個蠔餅。個外皮炸到好鬆脆，但係又唔會太乾，不過份量太少同蠔唔夠多囉，每人食幾啖就冇曬。

之前有朋友介紹過呢間野食味道唔錯 就特登過嚟睇下 不過位置有啲難搵🤔 舖頭裝修幾別緻 同埋俾佢舖外個牌介紹嘅$29乳鴿所吸引 就即刻入咗去坐🤤 本身侍應問我地介唔介意坐bar枱 但我想坐卡位或者圓枱多啲 菜式選擇都算多 有好多精緻點心 又有擔擔麵嗰啲 都唔知叫咩食好🤧 最後嗌咗白玉王鴿一人一隻 肉鬆抓餅 同埋炒蝦腸粉😗 乳鴿都幾大隻 半隻差不多一隻手掌咁大 上枱時仲係暖嘅 而皮唔算好脆 但肉質仲係好juicy好幼嫩👍🏻 而肉鬆抓餅 肉鬆份量多 而且抓餅食落口好脆 又熱辣辣⭐️ 最後嘅炒蝦腸粉 份量較少 但味道幾好 炒得幾香 腸粉幾滑😛兩個人食 計埋茶錢八蚊一位同加一 都係二百蚊到 都Okay既😋 以一間用特平乳鴿招來嘅餐廳嚟講 咁嘅價錢食到隻乳鴿都算可以接受 但係下次再嚟必定會嗌肉鬆抓餅👍🏻👍🏻

呢排日日落雨，好影響出街心情，加上小病初癒，盡量去d 落雨都唔會好影響既地方，所以就揀左黎天空之城—荃灣！岩岩病好，honey 話凍野/煎炸野都唔比食，所以就揀左食呢間唐宮小聚嘞，係商場入面，唔洗淋雨都去到！Perfect!入到去，我感覺好似去左另一間新式茶樓「X茶」咁，我仲以為係同一個集團，搵搵雨又好似唔係🤔Anyway, 好食最緊要！裝修、環境都係靚既，睇落乾淨企理。座位都好寬敞，坐得舒服。隻碗上面竟然印左 d 大螞蟻係度！個人而言，我是覺得唔討好的。可能餐廳想表達自己d 食物好食到連小動物都忍唔住掛🧐又係落完單先記得影menu🙃 由於小病初癒，胃口一般，所以只係叫左4樣野。先黎既係—- 松露香菇，麻辣燒賣。係一個菇形既包夾住d 雜菇+微量黑松露做餡。食落新鮮熱辣，菇味香，黑松露味唔算重，唔算濃味，不錯。至於麻辣燒賣，係由糯米，豬肉，少量麻辣醬料制成。食左一粒，我覺得有d 辣，冇再食了，Honey 包底🤣 普通野，不過不失啦。粉墨登場，白玉王鴿都到了個乳鴿出乎意料地好味外脆內熱，咬落有肉汁，肉質鮮嫩易咬，好好味！仲好抵添，$29.9 咋！（每人限叫一份，左右兩邊為之一份）而個墨魚炒

每次經過唐宮小聚都好多人，今天卻發現冇人圍住，即刻行上去拎飛，結果話已派晒，要等2點先再繼續派飛，真的勁好生意吖！等到2點真的有很多人埋單出來，終於可以試下呢間點心了！原來呢間店好大，入面好多位！裝修都好優雅，我地坐到卡位，不過系單邊卡位。黑金流沙，差不多枱枱都點呢個。賣相好靚，咬一啖奶黃流晒出來，真的超好味！非常山竹：我地仲以為這是一款甜品，問過先知，呢個系龍蝦汁整成的小點心，好得意！沙姜豬腳，清清爽爽不油膩。榴槤味的小壽桃，一口一個，冰冰的榴槤好吸引！

一入到去，不少食客都不禁注視店內的乒乓球台亦其實就係一張適合多人聚餐的大長台身後配合左一幅大型中英乒乓外交的漫畫肖像旁邊兩牆掛滿了乒乓球拍，甚有特色講回正題食物較的骰，份量較少但味道真係好好推介醉蟹、鴨肝、酸菜魚、乳鴿、蔥拌拉麵仲有以火焰菠蘿造型出場嘅咖哩牛腩但注意係比較辣甜品方面好岩用來氹長輩一族例如麻雀椰汁糕、冰皮榴連壽桃當日用來慶祝媽媽生日都非常滿意仲要唔係得個樣，連味道都好好為呢餐劃上圓滿句號

好耐無試過一家人飲茶，傳統酒樓略嫌嘈吵，大家又想試下新派點心，就一於一早起床去唐宮小聚取位，由於平時太多人排隊，所以我們特意在店舖開門前到店拎籌取位，再行一陣街，於開門前十分鐘等候安排入座。店內環境優雅，像置身於酒店中品嚐英式下午茶般，唯一美中不足的是有90分鐘時間限制，不然就可更悠閒一些。白玉王鴿乳鴨醃得入味，上枱時非常熱辣辣香噴噴，而且皮脆內嫩很juicy，果然是此店的皇牌。雞絲拉皮拉皮很透薄很滑，配上紅蘿蔔絲、青瓜絲及雞絲再加上香濃的麻醬，有水準。糟滷醉蝦蝦爽口彈牙，酒味入晒蝦裏面，配上少許菜苗，好清新。黑金流沙軟綿綿的竹炭包配上熱辣辣流沙奶黃餡，絶對睇得又食得。松露香菇外型有質感十足十花菇般，一咬開松露的香味撲鼻，然後熱辣辣的松露菇菌滿滿流出。麻辣燒賣非一般的燒賣，內餡是麻辣糯米，麻辣味不錯，糯米亦軟熟。但我們對傳統豬肉燒賣的味道太根深柢固，若它改叫另一名字，或許令這道菜式加回不少分數。珍珠蝦餃一口一粒，皮薄蝦彈牙。若然每粒可以大多少少，更貼合我的口形，更佳。 麻醬抄手賣相像外賣腸粉般，麻醬香滑，配上芝麻及葱花，唔錯。鳳梨咕嚕咕嚕肉外脆內嫩，酸汁調配得剛好，配上燒到有格紋的菠蘿

一班人午聚 ，去了剛在荃新天地新開的唐宮小聚，當然要點最抵食既白玉王鴿大大隻，有肉食，味道香,肉質鮮美多汁，只售$29.9 ，勝過食bb鴿炒蝦腸粉有原隻蝦食，真爽😉雞絲拉皮醬汁多，撈完成碟重有餘沙薑豬手比較出眾，不單配料豐富，豬手也非常入味，可以一試至於鳯梨咕嚕也非常可口，酸甜度適中，而咕嚕肉也頗為多，入口鬆化有汁可能沒有食巨地既得意和別緻的點心，所以菜餃和蝦餃都是一般，下次再去一定會食兼且試埋巨地創意甜品

最近男朋友生日喎 咁我就同佢同埋佢屋企人一齊食飯慶祝 佢地話想食一啲有特色嘅中菜 咁我地就去左食荃新天地有間叫 唐宮小聚 到食啦 好過成日飲茶嘛一入到去就覺得啲佈置幾骨緻幾特別 有好多乒乓球拍掛哂係牆上 而啲碗上面有啲昆虫嚇下你依啲未黎過嘅人xd 咁因為有兩個大食男嘅關係 我地叫左好多野食：1. 白玉王鴿黎到唔可以唔食依到嘅乳鴿 只需要$29.9 咋一隻 而佢依到都好貼心幫你分左一隻一半比你易食啲 仲有兩隻手套比你揸住佢黎食 佢熱辣辣咬落仲有啲熱油係啲油上面 而且都ok多肉食 係一級嘅享受2. 猛虎咬豬佢係一個包 裏面夾住一大舊肥豬肉 仲有少少酸菜少少辣嘅番茄醬 食落都幾好味 個包鬆較舊豬肉夠大~3. 皮蛋豆腐佢啲豆腐涼涼的 好滑 夾埋中間嘅皮蛋同埋芝麻醬一齊食就好有口感同好味道4. 肉鬆抓餅佢個手抓餅好鬆化 一咬即爛 好似食緊酥皮咁 裏面啲肉鬆都幾多 成個食落去唔乾 甜甜地 口感豐富5. 非常山竹（本身有三粒）本身以為係咩甜品 望落去似士多啤梨 但點知食落去係咸嘅 但個皮係甜嘅 好似食緊咸水角咁 但佢裏面係龍蝦汁同蟹肉 正！6. 蟹粥雖然唔係好大碗 但勝在有水準 好足料而且好有質感

星期日黎飲茶! 11:30 才開門 , 醒目地15 分鐘前攞飛 唔使點等就入得，餐廳佈置好靚呀, 個碟有D蚊仔好得意呀 ..擔擔拉麵是朋友的, 她說不錯! 大家最期待嘅黑金流沙 $39/3隻, 個包身軟熟唔厚皮, 唔會好似某D酒樓咁好粉, 流心黃雖則唔夠蛋黃香但都好好食.. 而小小蘋果 $39/3隻籃上真係做得好神似, 望到都食指大動 .. 入面嘅蘋果蓉唔會好甜 ,同個包一齊都幾清新呀之後怕大家唔夠飽叫個荷花蒸飯$89 撐下胃 , 入面有鮮蝦, 火鴨, 雞丁, 瑤柱，份量都算多可以分到三四碗, 飯粒乾身味道不錯 👍🏻 依間茶館裝潢新穎有別於一般舊式酒樓, 而且點心有趣精緻味道唔錯 , 比到新鮮感唔會悶新大人細佬哥，最緊要係坐得舒服, 非常推薦 👍🏻

星期日最好同屋企人飲下茶食個包, 荃新天地依間見開左一排都未有機會試, 今日十一點幾去到門口已經人山人海, 等左半個鐘九個字先入到坐入坐後我地近落地玻璃, 有自然光透入, 環境舒服, d碗碟都好靚仲設有一個人既坐位, 好欣賞依點, 有時一個人唔想搭枱, 唔使你眼望我眼, 冇咁尷尬嘛 落order 紙, 好多樣點心都好可愛, 不過今次人少少試唔到咁多可愛到唔捨得食呀唔好以為睇得唔食得, 食落都好好味呀雖然好多人排隊, 但有機會我一定會再唻試, 仲有好多點心都好吸引呀！

「唐宮小聚」之前已久仰大名，朋友說是中環不錯的中菜，今天來到荃新天地，驚見此店，當然心動一試。門外等候的人不少，我也加入行列。終於等到了，店內人不少，位子算舒適。看到碟子甚具玩味看到周圍擺設也很可愛，挺適合年青一代的味。乍看菜單，乳鴿正值推廣，不妨一試。惜肉汁及鮮嫩度稍遜。包點是必點的，造型點心乃其主打，不能放過。味道還好，若是喜好香口食物的你是不俗的，拍照也好看。這手抓餅加上肉鬆是還好，略嫌單調。總體，一試無妨，有其創意，打卡好去處。

以為好食嘅粵菜一定係一間好古典、好嚴肅感覺的老舊餐廳？呢間店就話你知其實可以感覺好輕鬆、Casual又有格調呢間店佈置比較似一間西式小cafe，讓人坐得好舒服，啱哂年輕人乳鴿固然是必食之選，肉質軟滑可口，我地成枱人分，好快就比人拎到得返幾隻啦呢個墨魚飯，食都成口黑哂都唔可以唔食，太好食啦!鹹鹹嘅墨魚汁好引呢個蠔餅又係無得輸，feel到D蠔起入面嘅軟滑在口中溜動嘅感覺，好正呢個好似個袋咁，唔記得左叫咩名，總之好食啦，入面有D野彈彈下食下食下就食完一餐啦，幾特別嘅一餐享受

抱著期待與家人一起試試這家食店。晚上七點左右外面已經人頭湧湧，幸好等了十五分鐘就能入座。餐廳裝修是別出心裁，大廳用兵乓外交坐背景。我們看看菜單，菜名也是非常吸引人。我們點了一隻乳鴿。這隻乳鴿只需三十元，味道不錯。另外點了一隻醉蟹，原來是小小隻的大閘蟹，很重的酒味，還算可以。冷菜點了三個：芥末木耳、涼拌萵筍和辣味煮螺。味道不錯，其實辣螺比較合胃口。可是後來的菜味道不怎樣，腐乳炒聖子，聖子好像偏生。辣子雞裡的雞塊太少，花生也不脆，實在不值那個價錢。最後叫的甜點：冰皮壽桃，裡面是榴槤，味道不錯，但份量太小。總體來說，我覺得這家食店味道平平，沒有評價的那麼好。