唐宮小聚 (荃新天地)

營業中

休息中

原來荃灣開左呀😊我緊係要黎食佢地d  得意點心啦我朋友話食過佢地既乳鴿之後，一試難忘👀講到有d 誇張呀😂 所以我地就叫左白玉王鴿（$29)🤤🤤🤤🤤皮超香bue超多肉汁呀！！！唔好睇佢鴿仔細細呀！好有肉地！名副其實係必食law!!!👍🏻👍🏻👍🏻👍🏻👍🏻👍🏻👍🏻話梅石榴（$49)作為前菜，真係好高質呀！酸酸甜甜做得到！兩粒話梅，配上梅汁浸住既石榴😌 本身都話石榴會唔會好硬身，我d 牙真係好弱的，但係估唔到石榴係軟身既！一咬勁多梅汁同本身果汁😌有驚喜wor 喂！腐乳聖子（$99)嘩！又辣椒又腐乳炒聖子！唔係好辣既，小辣人士都岩食呀😌！而且估唔到聖子隻隻都咁肥美！而且好入味！咬落超級juicy!🙀 好岩送飯呀！喂！👍🏻👍🏻👍🏻👍🏻👍🏻推介呀！！！！haha 除左腐乳炒菜，原來腐乳配聖子一樣咁正！食落有一陣幸福感呀！！棗蓉合桃 睇佢地ig 見係新野又係午市限定！試試試！外面係朱古力酥皮入面有合桃！呃like 又得意！有3 粒！下面既係plating! 翡翠鮮蝦 又係新野同午市限定wor😂我又點會錯過😊🤭外面係蝦餃既皮，上面有蟹子，入面有韭菜！幾有心思既點心，係佢地唐宮既特色😌小小蘋果（$39)外

上個月慶祝父親節，帶咗爸爸去唐宮小聚食晚飯。我地一家三口叫咗三小碟(涼拌萵筍、涼拌蟲草花同熏魚)、沙薑豬手、燒乳鴿、蝦多士、蜜汁燒牛腩、鮮蝦炒腸粉同炒番薯葉。涼拌萵筍同涼拌蟲草花味道都非常清爽，熏魚都夠入味。不過前菜黎講，我比較鍾意食沙薑豬手，因爲非常惹味，而且豬手肉質爽口彈牙。燒乳鴿係餐廳嘅招牌菜，外皮炸得夠脆，而且調味做得都唔錯，食落鹹鹹香香，一咬落去，肉汁四濺，鴿肉夠嫩滑，唔會過老。蝦多士炸得鬆脆，上面仲放咗少少黑松露醬，令多士更加惹味。蜜汁燒牛腩係我最鍾意嘅菜式，牛腩外層燒到焦香，蜜糖香濃，肉質軟腍。鮮蝦炒腸粉同炒番薯葉雖然唔算特別，但係味道總算唔錯。整體黎講，我覺得呢間餐廳嘅菜式都幾特別，而且味道不俗，值得一試！

朋友話見到呢間野好得意，所以去試試啦，不過我一路理論都係，呢種新派嘅餐廳，我真係比較麻麻，因為原本嘅野食已經改良得太緊要，無左原本應該有嘅風味。首先，不得不提，一入去，環境好舒服，裝修都令人舒服，好寬闊。第一味：小聚拼盤$69三款 雷椒茄子 ：冷盤，四川風味，唔會太辣，好輕微嘅麻，茄子入味，調味都做得恰當麻辣香腸：其實係普通辣腸，有啲似意大利辣腸咁，無咩特別好味唔好味，可以唔洗叫辣汁花螺：都係四川風味，不過有酒香，麻同辣都好適當，螺都完全入味第二味，白玉王鴿：賣相好好，但望落比較偏瘦， 不過咬落肉鮮嫩多汁，只係調味差左啲啲（所以得唔到五星），不過都算好味道。第三味，棗蓉合桃：其實只有3粒可以食，下面嗰啲合桃係裝飾，最初一黎到以為真係一粒合桃，成個人，我就咁拎起膽粗粗咁咬，原來係糕點。第一口，好有驚喜，咬落有小小咬口，個皮整得好似合桃，不過佢只係呃人，裡面個feel好似軟嘅雞仔餅一樣。合桃同紅棗嘅味道係個完美配合，我好怕食得太甜，而呢個嘅甜味好恰當。第四味，紅油抄手：新派做法，有啲固體嘅醬配餛飩，醬有小小麻辣味道，唔係唔好食，但又唔係好出色最後一味，黑金流沙：軟，香，甜味剛好，唔會太膩，

今日，我同老公來到荃新天地，決定食呢間唐宮小聚。其實，我之前同朋友都係尖沙咀食過，覺得幾好味，所以知道這裏有這間餐廳，就決定同老公嚟試下啦！👫嗰日都幾肚餓，所以我們二人都叫左幾多嘢食。當然我哋呢每人叫咗一隻白玉王鴿（每人限叫一隻），再叫咗精緻龜包🐢、火焰菠蘿🍍🔥、荷花蒸飯 和脆炸多士。好快精緻龜包就上台了，佢嘅味道係好似叉燒包咁嘅，但外面脆脆地，好好食(^o^)😉而白玉王鴿可以話係來唐宮小聚必食嘅食品之一。 $29食一隻乳鴿真係非常便宜，就算你在街市都買不到吧。乳鴿嘅肉非常之鮮嫩，又多汁，真的十分好吃。😋😋😋另外，我哋仲叫咗個火焰菠蘿🍍🔥$99，我哋今次要手機先食，因為個火焰菠蘿外層塗咗一層酒精膏，上枱嘅時候係著火🔥㗎，真係好特別！😎而入面就係有牛腩🐮和菠蘿🍍，味道中規中矩， 如果配碗白飯🍚，可能會更加好味。脆炸多士$79，上面有隻蝦，口感脆脆的，都幾香口，不錯！只是略嫌有啲貴。🤗最後，荷花蒸飯$89來了，呢個荷葉飯真係好 香，好好味，我地都食到荷葉嘅香味，唔會太鹹，真係令人食指大動！ （曾經試過太夜到達餐廳，約8:30p.m，這荷葉飯已經售罄了） 不過，由於我哋只係得兩個人，所以都食

荃灣店質素一如其他店，但價錢好似比其他店平啲，正！佢樣樣嘢都幾好食，每次嚟都會揀兩三樣未食過嘅試下，而家已存了一個"必叫"小清單好味(黑金流沙)，但減肥時會選擇skip外皮鬆軟，流心奶皇有淡淡咸蛋王香味必叫(乳鸽)，好BB, 肉質軟滑呢個新試(腐乳聖子)，正正正，下次都會叫聖子好肥美，個腐乳汁好好味必叫(松露冬茹)好香松露味必叫(沙薑豬手)個沙薑汁勁好食，豬手仔好爽好彈牙必叫(肉鬆抓餅)(就選減肥時，都唔捨得cut)好脆，配上肉鬆新試(蟹粉麻球)，普普通通無乜蟹粉味，有點滯好味(粉墨登場)，人多幾個時必叫望落去黑媽媽，其實好多餸，唔係淨係得飯㗎OK(火焰菠蘿)， 得意(同未嚟過嘅朋友嚟時會叫)啲牛肉好淋，咖哩味都好出，不太辣

同家人來晚飯點了限定一人一隻的乳鴿小蠔煎餅脆蝦多士紅油抄手自家雲吞火焰菠蘿黑金流沙鳳梨咕嚕好多都好味印象較深嘅係鳳梨咕嚕炸得好香脆，酸酸甜甜好開胃火焰菠蘿就相當搶眼菠蘿灑上酒精再點火夠晒gimmick內裏原來係牛肉片少少辣，都好惹味黑金流沙比一般的流沙金更特別亦更流沙，不錯！

之前食過“唐宮小聚”都覺得啲野食幾唔錯，所以今次特登訂枱同屋企人慶祝生日，等左陣就好快可以入去。今次就叫左好多野食，因為依間餐廳既野份量都唔係好多，細細碟。之前冇試到佢地出名既乳鴿，所以今次特登叫，燒得好靚，細細隻，不過好有肉汁。佢地既前菜同點心，整得好精緻，賣相好吸引，好多你估佢唔到既野，幾有驚喜，例如竹碳流沙包，好好食，好似爆漿咁勁流心。另外仲叫左猛虎咬豬、椰皇燉雞、擔擔拉麵、脆蝦多士、火焰菠蘿、冰皮壽桃。每碟菜都好有水準，又香。仲配埋茶，所以都唔會覺得油膩。樣樣都好好食，價錢都唔平。因為生日飯食貴少少都冇所謂，食生日飯唔一定要食西餐，依間中菜都食得我地好滿足。

今日適逢一家人放假順道補祝母親節同預早食父親節飯，姐夫一早已經黎過呢間餐廳，大讚呢度嘅乳鴿是暫時來說最好吃，要再食，所以今次就一行六人試試呢間餐廳小聚一下。店舖門面裝潢幾好，好有清新感，好大嘅舖面，都坐得幾舒服！是日係一家人食飯， 所以都叫左好多野食，整體黎講啲野都幾好食，賣相都好得意，幾有心思，不過叫得太多野食，我都唔係全部試哂，我試左菠蘿牛腩，感覺幾新穎，但味道我就覺得一般，乳鴿一人限食一隻，無得叫多，幾脆口，幾入味，係我暫時覺得最好嘅乳鴿，之後仲有芝士炸雲吞，我覺得呢個好食，但如果佢有個醬點下就更好。炸魷魚鬚就普普通通，唔係話超班，不過如果一家人黎食，其實呢間都唔錯，泊車又方便👍🏻👍🏻

點心精美，最喜愛食非常山竹外面個皮似咸水角，內裏就係龍蝦仔加濃湯！味道濃郁！出名的乳鴿，亦都香口，一人限叫一隻，抵食仲食左炸𤐶餅，好脆好香口，大份亦有唔少既蠔！外表似粒冬菇既包，嗯。。。個人並有不太欣賞，菇味係濃，不過略嫌有d 苦。

首先推介的是燒乳鴿，店內將燒好的乳鴿一分為二，方便客人乳鴿肉質細嫩，每口帶有juice的感覺，沒有太多的調味，反而品嘗到乳鴿的鮮味，實屬不錯點心方面更是一絕，雖然體積細小，但十分精巧，而且味道更為不錯更可以影相呃like當中最為推介的是黑色的流沙包，外形非常酷，黑色的包配上三道金痕，十分瀟甜品方面，也相當不俗，外形有趣的麻雀形狀的椰汁糕，原隻燉陳皮雪梨，花籃盛裝的草莓甜品最後，店員的服務態度也很好，當我們品嚐完整個晚餐後，非常有禮貌徵詢我們對食物的意見，此等熱誠，十分贊許

相約舊同事午飯試下新嘢，去了荃灣唐宮小聚。店舖裝修新穎雅致，我們被安排窗邊卡座十分舒服。我們二人叫了點心及小吃，當然不少得每人一隻乳鴿。乳鴿炸得香脆，內裏肉汁嫰滑，十分好吃。小吃要了三小吃：红棗、蟲草花及淮山，非常清新開胃，點心要了出名的黑金奶黃包，流沙奶黃餡一絕，要襯熱食。甜品要了椰汁糕，外型已經好有趣，麻雀一樣，十分趣緻。整體來說，點心小吃不裕，下次可以試一試晚飯小菜。

內地餐飲業如日中天，千奇百趣的排隊店吸引到不少港人北上「搵食」。而當中許多餐廳的菜式價格之便宜，實在令人驚訝，想不到唐宮小聚也能成功仿效其經營策略，擴展分店一間又一間，甚至開至海外。到店已八時，竟然還有8張枱要等候，幸好餐廳地方大、桌數多，大約15分鐘便可入座。翻開點餐紙，被價錢意外了一下，竟能如此抵食，不過還要看質數能否過關。醉滷鵝肝 $59涼菜先上有鵝肝，比預期中份量要少和薄，果然是一分錢一分貨。鵝肝的酒味異常地濃，到酒味散去後才能嚐到些肝味，實屬一般。小聚拼盤 $69拼盤能選三款，69元的價錢可說是十分划算，我們點的是桂花車喱、上海燻魚及麻辣豬耳。車喱茄去皮浸在桂花水中，花香有但蕃茄本身太酸，吃不了幾顆；上海燻魚最好，不會太過乾身，咸甜到位；麻辣豬耳爽口，調味則見普通。荷花蒸飯 $89主食荷花蒸飯份量足夠3-4人分吃，價錢不過百，值得一點。荷葉香不至完全沒有，只是較淡，飯粒中吃得出咸蛋香氣，蝦仁落得足，其他材料反而不見蹤影。正評的是飯粒先炒過，選材正常，所以吃時是粒粒分明、有嚼口。白玉王鴿 $29/隻來到唐宮小聚，必要點其噱頭菜白玉王鴿，價錢之便宜，已要追溯幾年前物價。當然，賣這

有一日同屋企人係荃灣行街 突然好想係中餐 係好多選擇低下我地就揀左呢間唐宮小聚 果然無令我地失望😍相中都可以見到間餐廳都有好多人等 我地起碼等左15分鐘先有位😓一坐低 我地即刻叫左好多籠點心 仲叫左三隻乳鴿 乳鴿既味道最令我地驚喜 因為佢個皮烤得非常脆 肉質都非常嫰 上菜個陣仲有一個鐵盤幫佢保緊溫 非常好認真！😍因為當日既優惠 仲送左一碟三份既蝦多士比我地 亦尚算高質👍整體黎講味道都好大眾化 好岩大家口味 唯一缺點就係太貴 大家可以當佢係一間高級既酒樓去試一試😂😍

今日假期剛好係屋企人生日，咁就出街食下飯慶祝下，一行人決定去唐宮小聚試下😛😝菜式都幾特別嘅，不過所有餸都偏鹹，重口味😱個人都係鍾意清淡d⋯黑金流沙($39)其實係奶黃流沙飽，夠流沙幾好食。粉墨登場($89)墨魚汁配珍珠米，口感都唔錯😁☺️麥片鳳尾（$99）蝦上面有啲麥片甜甜地！但係蝦偏鹹😞黑胡椒蟹（$239)呢個真係非常䶢！！胡椒味太重🤨😖😱食完要係咁飲水😰環境都唔錯裝修幾特別的😎

之前帶住囡囡新港中心食過，俾佢個的精美點心吸引住，個時BB未夠1歲 爭係睇我地食，囡囡 就來兩歲，近近地去荃灣分店食多次。款款點心都好好，紫蓉豬豬好鬆軟，囡囡都食左兩個。環境坐得舒服，唔迫。下次同朋友聚會，都會再試多次。