唐宮小聚 (荃新天地)

營業中

休息中

今日同屋企人食飯佢地話有張現金券所以要去試下喎所以今日就出咗去荃新天地食唐宮小聚啦佢係正個廣場中間 行天橋入去就係同一層 唔駛上落所以唔會難搵嘅屋企人等咗九十分鐘先入到去都幾多人等位下雖然門口好細間望入去但原來可以行到好入嘅門口好大塊牌嘅白玉玉鴿 但佢話賣晒啲碟幾得意佢有兩款有蟻 或者 烏繩雞絲拉皮細細碟嘅粉皮 味道ok粉皮唔算太入味黑金流沙上枱時見佢熱辣辣咁出晒煙有流沙 甜甜嘅奶黃流沙 熱辣辣嘅流沙 好食嘅有個拼盤咁嘅嘢 食賣相 食物一般其中個包 一般唔特出 芥蘭呢個芥蘭都唔錯 味道幾好幾甜嘅但價錢好貴 我諗因為佢手工貴手抓餅 味道豐富而好食皮脆 生蔥生蔥望落好多 但蔥味唔算太濃烈肉鬆反而幾濃味 呢個算好食泡菜年糕我覺得唔係太好食 味道有少少泡菜味 但好似好淡咁擔擔拉麵味道幾濃烈肉碎唔多 但辣度十足 整體黎講 食下佢手工裝修唔錯嘢食比較的色 份量比較細少

Outlook of dishes are quite meticulous, but none of their flavour impress my family, not to mention some are below standard. Services cannot help with the food quality as well. It takes us three times to urge them for a pot of water, lasted 15 minutes. I guess staff have already worked hard but there arent sufficient staff in the hall.Seats are comfortable and spacious.To conclude, feels like price are paid for the rent more than the food. Highly unlikely for me to come again.

記住呢間，千期唔好嚟，第一冇得訂枱。即場20:01取票，20:56只得4人位要加一坐位在路邊，坐低就話21:15 截單，嗰D侍應遞上一張食品暫停指引，有13樣係暫停。話可以食到10点喎。搞Q錯。食物方便: 全晚至得黑金流沙(黑皮流沙包)，擔擔拉麵(得麻辣冇麻醬香)，芝士蝦飯(冇芝士送㗎喱，不如改名叫㗎喱蝦炒飯)，仲有個粉墨登場(墨魚汁、薄荷葉炒飯)，貨不對辦，menu上係鮮墨魚仔，但嚟到係日式墨魚仔，失望到底点。埋單又有驚喜喎，我哋埋單$520 ，竟然送100 coupon 4張, 原來喺四月份，凡惠顧滿200，就可用100 coupon一張。咁大家惗吓佢哋嘅食物資素啦。

星期日同朋友食飯，朋友提議不如試吓“唐宮小聚“，但朋友知是很多人的，當然即時打去訂位，但因此時已是下午兩點了， 所以已沒有得訂了只可以walk in， 那我們大概六點半到， 原來真的很多人等位， 我們大概都等到七點半才有位呀！ 我們入到店鋪最特別引人的是一張可坐12人的標準乒乓球枱，如果坐在這張枱分享美食，增添視覺趣味，整體感覺不錯“脆蝦多士“好鬆脆的蝦多士“白玉王鴿“果然名不虛傳, 以秘制滷水汁炮製，咬落皮脆肉嫩, 肉質鮮味, 值得一試“黑金流沙“ 這店所有的包都是一件藝術品， 流沙包 以竹炭所製的黑色包子面上還掃了可食用的金粉， 麵包不單鬆軟而且裏面滿滿的流沙奶皇餡， 充滿陣陣蛋黃香味， 難怪一試難忘“ 黑醋爆雞花“ 一上桌便聞到香氣逼人的糖醋口感的雞小腿， 上頭灑落白芝麻增加風味， 搭配旁邊的鳳梨跟金桔，吃起來清爽解油膩，正跟趣緻小豬同樣可愛，紫蓉餡做得不錯，顏色看來很天然，味道不會很甜。

早兩日同屋企人係荃灣飲茶閒聊 無意中物識到呢間非常好食既唐宮小聚❤入去坐低一打開餐牌 睇到好多好精美既點心令到我好驚訝 各式各樣既點心我都無食過 就求其叫左少少試下😂味道最吸引我既係個蝦多士🍤佢炸得唔會好油 個味道岩岩好 上面隻蝦亦都非常新鮮 最後仲encore多兩碟！！！而外貌最吸引我既係個"豬仔"包 佢個樣得意到令我唔捨得食佢 佢入黎食紫薯 無論係外觀同口味 都好適合少女們黎打下卡 試一試😄至於其他食物 都算高質 對於中意食特色點心既人黎講 呢間絕對係必食之選👍

唐宮小聚 星期六 6pm外面出現人龍等左5mins 安排左坐bar枱Not bad 不過卡位睇落好舒服😂😂😂1️⃣燒乳鴿 $29 必食每人只限一只 😂😂😂BB鴿 熱辣辣 好多肉汁!! 肉質嫩滑2️⃣蔬薺菜餃 $39足料 不過淨薺菜有少少dry 🙈🙈食落口感太實 一般般3️⃣麥皮鳳尾 $99 必食牛油味好香 麥片再加上檸檬葉炒 做法出色蝦🦐 食落似新鮮蝦 一碟有7隻 好味！4️⃣陳皮燩梨 $39Good !! 滋潤之選 🤗🤗🤗有少少桂花香 梨燩得入面 香甜 😌

食物份量確實很細，我女兩歲也可一個人完成一碗雲吞麵和豬仔外形包（忘記名了）。價錢也貴得很，一個豬仔外形的包要$19一件,其實普通到唔普通，皮很厚，裡面是椰香紫薯，我老公都堅持叫，無計，為博紅顏（阿女）一笑。仲有嗰個猛虎咬豬，$33一件係粉團夾肥豬肉，味道可以，但試想兩個人一人叫一個，$66其實可以叫碟飯/面。我地呢餐仲食咗磨菇包（最正常），開蔥伴面（好油），蒜泥白肉，炒蝦腸粉（呢個超伏，$6x 好好好細碟）。最伏係，你以為俾咁多錢啲食物係好高質？離開餐廳不夠30分鐘，我已經感覺很渴，我女一上車就飲咗半樽水，呢種渴的感覺至我寫呢篇文章4小時都不散，我不得不記下這感覺，俾咁多錢買味精食物。

因為吃遍荃灣無敵手的關係，碰巧又遇女人最愛的唐宮小聚，又好久沒有在荃新天地吃飯，又不是等位時間，就半推半撞之間入了去。不要看門面只得十幾呎空間，原來唐宮小聚真的像唐英年的唐宮一樣深不可測，只有侍應帶我們入去的時候，才發現這裡九曲十三彎，須揼油加速再Chok幾下才到我們的座位。其實不止吃一次唐宮小聚，尖沙咀也有一間，女人已吃過多次，一直念念在茲，念念不忘，碎碎念念，說要再吃多次這裡的乳鴿，我也沒有辦法，係無法子不叫多次，那麼，大家就再同乳鴿妹妹say hello吧(雖然我到現在還未必分得清乳鴿是男是女)...白玉王鴿$29：王鴿原名皇鴿，是目前世界上最著名的肉用鴿品種，不知其它餐廳是否也用王鴿，乳鴿妹妹被燒得滿面都是油，色澤光鮮，肉質鮮嫰，記是我第一次吃的時候，還吃到瓜瓜叫，可是可能已是多次吃，現在條脷已有點麻目。他們還附送一個吐骨杯，十分方便，話晒我都是一個十分注重餐桌禮儀的人，以前都是吐骨在枱面，一直令我感到十分不雅，現在正在重塑我注重清潔的美好形象。椰皇燉雞$49：一聽椰皇，就知清甜，一聽燉雞，就知超補的，結論就是清甜超補。蒽油樹雞$59：以強烈的蒽油帶出雞味，反而有點掩蓋了本身的

荃灣開咗唐宮小聚，終於都唔駛去中環食，擔擔麵係我食過最好味的，平時擔擔麵好多花生醬，好漏，我鍾意呢度湯底夠香辣之餘無落花生醬，白玉乳鴿炸得剛剛好，一點也不油膩。每人有一對手套食，好乾淨，不過店員要提先記得俾手套。但埋單時好彩有睇單，發覺計多了兩碗白飯。

上個星期去了中環唐宮小聚和舊同學飯聚，餐廳牆身畫上壁畫，又設有ｂａｒ檯般的座位，非常有別於一般中菜廳！我們先是點了道鳳尾蝦球，賣相金黃色已好吸引，食落外面香脆可口，入面蝦肉彈牙。然後再來水煮魚片和辣口水雞，水煮魚片不過不失，　辣口水雞是水準之作，非常惹味。重頭戲當然是招牌菜烤白玉王鴿，外皮焦脆，鴿肉鮮嫩。最後點了滋補的　‘最喜歡梨’做甜品，算是為這次飯聚完美作結

食物精緻，味道ok，座位舒適，侍應態度一般：因叫加水，每次都要等好耐或者忘記，時常問食物要唔要，好像想叫你早點走。乳鴿~夠入味，正！併盆~有特色，但知薰魚較多骨。荷葉飯~濕濕地，有夠味，但就食唔到佢所話既餸係入邊（因切得太細）雲吞擔擔麵~一般，雲吞皮厚，湯底唔夠味蠔餅~差，少蠔，多粉沖薑雞~夠味，正！

想去尖咀或中環嘅唐宫小聚好耐，但一直未成行。最近聽朋友講荃灣citywalk開左就立刻想去試試，都算就腳所以帶埋老人家（有輪椅）去。由於無得訂枱所以都等左好耐下，成一個鐘...不過帶位service好好，過黎關心老人家驚佢等得耐，服務態度嘉玲一。由於等嘅時候已經劃好食乜，好快已有得食。兩個大人一個老人叫左7樣野，每一樣都好nice presented。荷葉飯:份量充足、可以3-4人每人一碗。料適中，飯香而不膩。29蚊一隻乳鴿： 叫左兩仔，好juicy、肥瘦適中。招牌黑金流沙包：包軟熟密度啱啱好有咬口、奶皇流沙夠哂滑無渣。蟹肉煎堆：入面有少少湯，蟹肉口感個豬肉，炸得好挺身，唔知係咪即叫即炸。味道都quite good! 葱油樹雞: 唯一冷盤，葱油雞無葱反而好多蒜。唔會太凍，有啲冷盤會凍到敏感牙齒發作。但味道不是太出色，早知叫酒埕醉雞。肉骨茶： 49蚊都幾大盅，辣味足夠，飲落夠燥，贊！ 椰子燉雞： 飲落好似無味精，較清新唔會燥。餐牌同yumcha異曲同工，唔知係咪有“la lun”，可能同一f&b公司operate。唐宫較多點心同偏粤式, yumcha係更廣泛嘅中菜帶少少fusion，但個

新年去邊度食飯好？咁多飯局真係諗到頭都大埋~ 唔通真係晚晚都去酒店自助餐，日日都去茶樓飲茶？人多人少都係去打邊爐？今晚決定去試下吃新派中菜，有新春氣氛之餘又有D新意。雖然加多少少錢去已經可以去吃平價自助餐，但是一齊坐定定吃飯傾計是不同的呢～ 很喜歡唐宮小聚的英文名，“Social Place”，真係一個可以social 的地方~餐廳裝潢精緻，佈置還有新春氣氛呢～仲估唔到有counter枱添！即係好似bar枱咁望住個廚房食飯。食具設計有新意，可以嚇下長輩啊～小聚併盤 social combo任選三款 （any 3 below）$69選了：棗已心軟 jujube with glutinos rice：（圖的右下方）味道有點失望，粒棗沒有棗的甜味。中間的糯米糕雖然滑但也冇味。總之，成粒都冇味。貢菜海蜇 ivy mosses with jellyfish：（圖的上方）貢菜非常好味，海蜇也好。但真係好細碟，一啖冇晒。上海燻魚 Shanghaiese smoked fish：（圖的左下方）不硬，好吃！貢菜海蜇上的伴碟也很美。白玉王鴿 signature roasted white king pig

今日晏晝去食 一早去拎位。 入到去首先叫兩個點心同兩隻乳鴿。 之後我哋叫多五碟野食 (我係俾張叫野食紙個女經理)。 我哋等咗三個字黎咗頭兩碟點心， 跟住有人俾返我哋張order單我哋， 我見張單得我哋頭個兩碟點心， 無乳鴿 無個五碟小食 所以同個男經理講聲叫佢跟一跟。等呀等。。。等呀等。。。 都無野黎 所以我哋問個女經理 叫佢check下我哋個d五碟野有無落單， 佢問我哋邊個同我哋落， 我話係佢。 佢即刻話 “我無!” 我都平心靜氣話真係佢 得佢一個著牛仔衫既女侍應。 佢勁大反應話佢無 實唔係佢。 我都呆咗。 係唔係佢唔緊要， 但係我真係好肚餓， 係唔係應該同我跟下d野食 唔係喺度研究邊個入單。 講咗陣佢先肯去check, 話我哋淨係落咗兩個點心 同 兩隻乳鴿。 我地都俾佢激傻咗。 話咁同我埋單， 乳鴿都唔等啦。 佢去咗拎單俾我哋。 點知無cancel隻乳鴿， 我同佢講返， 佢竟然係問邊個同我哋落隻乳鴿。 我哋想走咋，我唔想理邊個同我哋落乳鴿。 搞咗好耐都係自己去cashier俾錢快d走算。佢個流沙包好好味。 好流心。 如果唔係咁嘅service同咁亂我真係會返去再食過。

繼上年去左唐宮小聚X Jacky Yu個晚飯活動之後，今次係第二次去，不過今次係lunch去，同埋係去荃灣分店。唔知係咪仲係年初六，仲有d人放緊假，所以d食肆lunch hour好似少左人！雖然新年已經飲左好多餐茶，食左好多點心，肥左好多磅，但係無阻我同同事去試《唐宮小聚》嘅點心！我地兩個人唔係食左好多野，同埋唔係碟碟都有影相，淨係影左兩碟我覺得最特別嘅。橙汁淮山平時淮山有d苦苦地，但佢呢個加左橙汁落去係癖左陣苦味！有好濃嘅橙味，酸酸甜甜。淮山仍然保持到佢嘅爽脆，正！因為我最怕食唔爽脆嘅淮山！呢個點心食左都唔會覺得有罪惡感，好似好健康哈哈。冰皮壽桃就咁睇你一定俾佢嘅外表呃到，以為係普通嘅蓮蓉蛋黃壽包。但你錯喇！佢入面係榴蓮餡！！！冇錯，係榴蓮！！我唔係話超鍾意食榴蓮，但唔覺得佢臭，有時會食一兩舊。但榴蓮果肉加埋一d cream整成榴蓮餡真係完全無平時人地覺得難頂嘅榴蓮味，反而係多左陣香味！榴蓮餡好柔滑，入口即溶。同埋佢個皮唔係普通壽包個皮，係軟好多，o係幅相可以見到呀！我朋友係榴蓮迷，佢食左兩個，都話唔夠喉呀。如果之後都唔多人排隊嘅話，應該會再黎食lunch，因為個同事太掛住佢個榴蓮壽