唐宮小聚 (荃新天地)

營業中

休息中

原本是以愉快的心情到店內用餐吃了送的乳鴿，不過不失價值尚可接受魚亦新鮮就是結賬等了15分鐘，沒有人理侍應只説了句柜台很忙柜台很忙關我什麼事？最後等了15分鐘，隔離台沒叫埋单的卻被埋单，也沒到自己沒有下次

大家千其唔好去，琴日仲打電話嚟confirm booking，諗住今日高高興興一家人去食團年飯，六點枱，已經早十五分鐘去到，去到一陣又話老闆訂左，一陣又話譚校長訂左，無大枱俾，仲要唔知係米老闆定譚校長已經坐左喺張枱度，理解大時大節，安排混亂，但一個電話通知都無，這種錯完全不可接受，D野幾好食都無用，服務態度極差，完全冇誠信，🏻大時大節個幾月前訂咗枱一家人坐，冇大枱唔預早講。

Bel Bel 素來都不喜歡中式飲茶，因為茶樓往往十分嘈雜，茶客講嘢大大聲的，加上食物又油膩，對於我這位向來注重健康的高貴大小姐，對於飲茶可免則免。不過早前我和朋友相約來到荃新天地的唐宮小聚，發現這裡的中菜設計精緻新穎，而且色香味俱全，一改過往我對中菜老土的觀感。近餐廳門口處有一張大乒乓球桌，牆上有貌似毛主席和英女皇兩位在打乒乓球，他們姿勢迫真鬼馬，差點還以為這裡正在上演外交乒乓球交表演。餐廳的選址就在空中花園旁邊，在商場地下便望到唐宮小聚的招牌，搶眼易認。首先經過層層叠叠的蒸籠架，這裡亦是半開放式廚房，看見廚房裡面很整齊企理，感覺都相當放心。這邊放了許多中式調味料，感覺就像一個大廚房。這裡一碟又一碟的豬仔熊仔包，造型相當可愛，我的肚子未食東西，相機卻說想食先。餐廳的座位以清新的白色及 Tiffany Blue 為主，設計及裝飾均融入中菜館及西餐廳的元素，加上座椅寬敞舒適，感覺雅緻明亮不俗套，猶如置身高級西式 High Tea 餐廳，讓人忘掉了傳統茶樓的擠迫嘈吵的印象。碗上的蒼蠅，不是自己飛來，而是早已印在碗上，各位不用驚呀！陳釀醉蟹 (熟醉蟹)，原隻大蟹一來到便聞到陣陣酒香。蟹肉和蟹

Kawai 對於中式飲茶的文化一向都不甚了了，想起一踏入門口嘈吵似去了街市就怕怕。但另一邊廂，每次台灣同學來香港玩都不約而同說要去飲港茶食叉燒包（汗）。不過，當我在台灣飲過台式港茶後，終於明白為何每次都要求，台式的實在太出神！這次與朋友來了 荃新天地 的 唐宮小聚 喝一個港式新派中茶～一入門口就牆上手繪卡通吸引了，是穿著球衣的毛主席和英女皇拿著球拍對打。餐廳有落地玻璃及四人卡位，配合柔和的Tiffany Blue 作主要色調，景觀開揚舒服，打破酒樓白布大圓桌再配上破舊的木椅的故有模式。陳釀醉蟹 $69切開已聞到濃濃的酒香，蟹肉肉質肥美且爆膏的。吃著有啖啖酒香甜甜地好吸引，平時少食醉蟹的都覺得好正！無咁簡蛋 $99其實就是我們吃的辣子雞，雞粒炸得金黃通透，配上幾款不同辣椒令辣度更顯層次，雖然我不吃太辣，但偏偏地愈辣愈想食。旁邊形神俱似的蛋黃，它的真正身份是芒果汁，除了要讚師傅的巧手外，甜甜的果香令到辣味更為突出，雞肉更嫩滑！形神俱似的蛋黃，其實它是芒果汁麥片鳳尾（$99）呢個是新加坡的名菜，早前去新加坡臨上飛機前忽然皮膚敏感所以無緣一試，是旅程中的小小遺憾吧！麥片、砂糖及奶粉製成了這道菜

第一次來這裡食，可能新開張不久，每人有半隻乳鴿送，味道也不錯的。共叫了幾樣食物，8點左右已沒有了荷葉飯，唯有轉叫了雲吞擔擔麪，有點辡，味道只屬一般，相比下沒有上海婆婆擔擔麪好吃 !其他食物尚算可以，但份量不算多，二百幾元埋單，一男一女，其實不太飽。埋單才谷氣，同了一個矮矮哋的男員工講埋單，等咗好耐再同佢講多次，再等，之後發覺唔對路，想與另一員工講，又等咗好幾分鐘後才有另一員工理我們，之後才成功埋到單😡

好多人等位，但餐廳都好大寬敞好多位，坐得算舒適，食物好特別，除左賣相精緻好得意，味道都好好！每個人仲送半隻白玉乳鴿添！先嚟幾個小食沙薑豬手：豬手切到一口大小好方便，略嫌唔夠入味，如果無骨就更好！橙汁准山：好特別，第一次試呢個配搭，有驚喜！貢菜海蜇、江南千張：呢2個都無咩特別，但味道係不錯嘅。火焰菠蘿：呢個真係有gimmick！一上枱侍應就幫個菠蘿點火，菠蘿啲釘閃下閃下咁，好靚，好似睇緊燈飾，周圍啲人都一齊欣賞入面係鮮菠蘿同牛肉，帶少少辣，好味！小小蘋果：最鍾意呢個，其實就係蘋果包，入面係蘋果同肉桂餡，同麥當當嘅蘋果批味好似，但好好食！

這次唐宮小聚於荃灣開設了分店，便與朋友來到一試。當天不是週末，大約七點多到達，但也要等候了五分鐘才可入座，如果想週末來的話恐怕要早一點來到。裝潢方面很用心，用的色調很美麗，環境及坐位也是舒適。食物方便十分有創意，像以冬菇做包子的外型，入面則是黑松露蘑菇，黑松露味道濃郁，但也沒有蓋過冬菇的味道。又或者是蘋果包，其實入面是蘋果批餡料但換了成包子，而且包上“頂”是用了真蘋果上的“頂”做裝飾。蘋果包子吃下去有陣陣的肉桂粉味，亦不乏蘋果肉，連我這個不喜歡吃蘋果批的人也覺得可以一試。另外點了酒醃鵝肝，超濃酒味，但也不完全覆蓋鵝肝的味道，惟當你吃到後尾發現鵝肝竟然有鴨的味道，不禁使我有點懷疑究竟是鵝肝還是鴨肝，不過如果只論好吃與否，我還是會答你好吃。還有點了一個類似台灣的刈包，入面用了一大片腩肉，有些酸菜和酸辣醬，口感豐富，而且很開胃。美中不足的是這裏的小蠔煎餅，其實是似雞蛋仔形狀的炸蠔吧，蠔很新鮮但整個炸蠔太散亂，這樣子反而浪費了這樣新鮮的蠔，還是用蠔來炒蛋或者清煮更好吃呢。總括而言，是會再次來惠顧的餐廳。

新店一定要去試，operation 有少少亂，取票，等左45 分鐘，不過好好味，有驚喜份量少，可以試多D，有好多新款小食點心，仲有D 懷舊小食，估唔到咁好食，正，又多一個食飯好場～

約齊五位朋友， 好耐冇見，想搵個靚啲好啲嘅地方，坐低傾計食晚飯，荃灣唐宮小聚睇相覺得都幾靚環境，以為會舒適，不過嚟到先知，原來坐得唔舒服，枱櫈有點擠迫，有焗促感，燈光比較昏暗，不過book咗位，都照試下啲食物喇。靠背椅擺放得比較擠迫，每枱之間空間不夠，而且每張枱都是細張的。餐具方面，他的特色就是碟上面會有烏蠅或螞蟻圖案，令你感覺吃一驚，然後破涕為笑，並且會提供膠手套，因為這裏賣點就是特價乳鴿$29/隻，方便你戴手套吃乳鴿。食物選擇方面，餐牌就是這兩頁，比較少選擇，而且很大部分都是飲茶點心和特色小食，有上海菜、川菜等，主菜方面見他圖片的分量都是細細碟的，感覺主菜也像小食，所以本來好肚餓，但見食物方面不太適合做晚餐，只點了少許，然後再轉場吃過吧！不過他的優惠是讚好facebook, 可以每個人頭送半隻乳鴿，我們五位總共送兩隻半乳鴿，很多人排隊等位就是為了吃這乳鴨吧！先來冷盤蒜泥白肉$59，賣相十分精緻而且小巧，豬肉是切片的，像打邊爐的肥牛片那樣薄切，然後裏面捲著青瓜片，上面灑上辣椒絲、辣椒醬、和蒜蓉，林上辣椒油就是，味道方面，冷盤來說不錯，咸咸地，輕微辣而已，就是分量細小，只有八片。擔擔拉

向來覺得唐宮集團出品有水準，得悉唐宮小聚在荃新天地開設分店，離我工作地方很近，一於相約一班同事好友同行甫踏進餐廳便被這幅有趣的「乒乓外交」吸引 - 毛主席與英女王對打分店位置相當寬敞，裝潢亦很有格調，午後陽光從窗外滲透，和煦的光線讓人在冬日倍添暖意全開放式廚房讓客人飽覽無遺，員工做足衛生措施，大可吃得安心棗已心軟看名字已感受到甜絲絲的情意，以天津大棗包裹著糯米蒸軟，再加上桂花蜜，甜度恰到好處眾所周知紅棗是女士恩物，能補氣養血，使面色紅潤，如此精緻滋潤小吃怎能錯過小小蘋果 $33唐宮小聚的點心精緻得來沒太多花巧，不似坊間的新派點心店以趣怪卡通作招徠，反以真材實料，做出可愛別緻的蒸點。這個綠色的蘋果其實是fusion版的apple crumble，內餡是清爽香甜的蘋果和玉桂，中西合璧，有創意黑金流沙 $39此乃唐宮小聚名物，包身糅合竹炭粉呈現神秘的黑色，一抹金更添型格。內裡流沙效果非常澎湃，軟熟包身加上濃郁蛋黃香，不愧是招牌菜黑胡椒炒巨蟹 $199選用菲律賓大肉蟹，師傅以大火快炒，用黑胡椒把蟹的鮮味帶出，微辣惹味，一般人也能接受，肉質鮮甜，抵食! 餐廳更提供膠手套方便客人享用菜式，細心麥片

一行十幾人，初嘗荃新天地新開張既唐宮小聚。甫行入門口就被新裝潢而成（舊底係北京人家）既門面所吸引！我地一行人被安排坐至近門面既一張大枱，大枱前正正有一幅大既卡通圖，而當中主角竟然係毛澤東同英女皇打乒乓波！？而我地食飯用既枱正正就係一張乒乓波枱，整件事玩味十足，實在係一個同親朋戚友打卡既好地方！可能係因為新開張優惠，只要like 一like唐宮小聚既 Facebook page，每人就可以獲贈半邊乳鴿，喜歡食乳鴿既朋友唔好錯過（事關優惠期唔知幾時完了xdd）正正因為呢間餐廳主打特色點心，所以當晚都order左唔少必食之選。當中令我最印象深刻既係一款叫《紫蓉豬豬》既點心，外形討好可愛，食落芋蓉唔會太甜，豬仔包個皮亦做得幾好！另外就係一款叫做《黑金流沙》既包，表層聽侍應講係用上左竹炭去整，食落幾有驚喜，個流心真心好香而且餡料足，一啖咬落去真係流出黎！omg！黎到甜品環節，我地order左 一款叫做 《 十三么麻雀》既甜品，雖然等既時間比較長但上到枱見到外形精緻，都算值得。試問平時食糊就食得多，食麻雀啦喎，你又食過未？係出邊實在難啲遇到玩味重既點心甜品！總結：全晚晚餐時間氣氛都十分歡愉，無論餐

經朋友推介，黎試下呢間新開既餐廳個碗好特別，個底有螞蟻🐜同烏英圖案🤣叫左醉蟹，係大閘蟹黎既$69一隻，個紹酒味好香新開張每人送半隻乳鴿，都好香脆叫左小食拼盤，$69三款，$99五款江南千張 - 腐皮卷包住豬肉碎，有啲普通拌蟲草花 - 撈左麻油，有啲啲微辣棗已心軟 - 紅棗包住糯米，有桂花汁浸住貢菜海蜇 - 都係麻油撈，正常上海燻魚 - 麻麻地黑金流沙 $39，3件呢個值得推介，個流沙好香仲要個流心餡好多，食既時候要睇熱呀🤣紫蓉豬豬豬豬包個皮都係好正，餡都唔算太甜，但個芋蓉有點假，唔太似自家磨小小蘋果個皮做得好鬆軟，裡面就好似蘋果批個餡蘿蔔蒸糕，好特別，佢係紅油的蟹粉麻球幾特別，雖然唔太多蟹粉環境都唔錯雲吞擔擔麵就比較重麻味清湯會好食啲，麵質都好彈牙另外見到隔離枱有個火焰菠蘿🍍係咖哩牛腩，幾特別，都幾大火下下次有機會環再試下店員服務態度都好好

唐宮小聚，呢個名你會聯想起咩既食物/菜式? 可能你會覺得都係平平無奇，但係如果食過之後，你會發覺佢係驚喜處處呢? 位於荃灣荃新天地既佢，原來已經係餐廳既第三分店了，早前已於中環及尖沙咀進駐，小編既朋友去食過，佢地都一致好評一齊黎睇下荃灣呢間分店又有咩驚喜先先唔講餐廳環境，佢地既食具都唔馬虎，除左基本用具齊全，每位客人都有一杯熱茶，有濕紙巾及手套提供外，客人既碗都可以係一個打卡位一坐低如果唔望真D，你可能真係以為有幾隻 "蟻" 係個碗度囉...餐廳佔地都幾大，環境寬闊，設計可謂中西合壁，就好似之後介紹既菜式咁，有傳統風味得黎，亦有新穎元素 留意多少少就會發現，原來用餐環境都係呢間餐廳所注重既其中一個要素，絕對係一個加分位黎緊就同大家介紹下真係好有特色既幾款食物啦棗已心軟食完真係包你心軟好有特式既佢，將糯米被已經去核的紅棗包裹住一齊蒸，直至變軟，最後再加上桂花蜜，又有口感之餘，果種清清地，又唔會太甜既味道，絕對係一道幾開胃既小菜成粒製成品既賣相都幾優雅，暖暖地咁成粒放入口，真係口感絕佳的養生甜品，因為紅棗其實對身體都有唔錯既功效 ; 就例如: 肝臟排毒、保肝護肝、護膚美容、補氣養血等等，所

星期六去飲午茶，citywalk開左間新餐廳--唐宮小聚好多人係門口等位，以為有排等，點知好快入到去！一入到去原來入面好大環境裝修都唔錯，好光猛！門口附近就係好大個半開放廚房同埋整包點我地4個人食，食左$300，價錢合理紫蓉豬豬$19/個 個包係一大個上，女仔拳頭既size幾好食，唔會太甜～豬仔包黎講個樣係幾可愛🐷🐷🐷小小蘋果$33/3個幾特別，個餡好似M記蘋果批個餡中意蘋果批既會好中意我自己就麻麻地，不過咬落去戈下幾surprise呢樣我就唔會再叫，不過可以一試黑金流沙$39/3個黑金顏色幾靚～好金！✨流沙包，蛋黃味好香！個包唔會癡牙，好有咬口😋見到都幾多人叫呢個包點來聚聚$69我地每粒都分4份😂😂😂因爲想試多啲野墨魚汁餃（黑色）：好香松露味，好大隻蝦酒釀棗糕（白心）：睇menu係棗紅色，以為係棗皇糕，黎到係白色，不過食落個質感似白糕糖，但係！好食過白糖糕，又唔會太甜芋蓉流沙（白波）：係小豬紫蓉包既味～唔多講賽螃蟹餃（透明水晶皮）：好飽滿既餡，不過不失，都係好食既柚子蝦餃（橙色）：咬落好香柚子味，幾特別，平時既柚子食品個柚子味可能會唔出，呢個一咬好柚子香，但係唔會太勁味太假～脆蝦雲吞

見佢新開張 所以專登入荃灣試下食物份量少 3個人食左$500 完全唔飽 食左陣風咁蝦多士成$80 但又腥又唔夠熱炸尤魚蘇又淋之之 唔脆 尤魚唔新鮮擔擔面得個辣字 乜味都冇 完全冇花生味得兩啖乳鴿雖然唔夠熱 但算唔錯！茄子一般 冇乜特別職員態度差 問佢"唔該 想問下每日燉湯係乜野湯?""魚湯"頭也都回咁走左 仲以為佢幫我問下係咩魚湯點知一去冇回頭可能我要求高講環境其實唔錯 都有特式但員工做野真係好慢 埋左單都等左超過15分鐘 個個都西口西面 冇禮貌一個字 差！