唐宮小聚 (荃新天地)

營業中

休息中

之前食過“唐宮小聚”都覺得啲野食幾唔錯，所以今次特登訂枱同屋企人慶祝生日，等左陣就好快可以入去。今次就叫左好多野食，因為依間餐廳既野份量都唔係好多，細細碟。之前冇試到佢地出名既乳鴿，所以今次特登叫，燒得好靚，細細隻，不過好有肉汁。佢地既前菜同點心，整得好精緻，賣相好吸引，好多你估佢唔到既野，幾有驚喜，例如竹碳流沙包，好好食，好似爆漿咁勁流心。另外仲叫左猛虎咬豬、椰皇燉雞、擔擔拉麵、脆蝦多士、火焰菠蘿、冰皮壽桃。每碟菜都好有水準，又香。仲配埋茶，所以都唔會覺得油膩。樣樣都好好食，價錢都唔平。因為生日飯食貴少少都冇所謂，食生日飯唔一定要食西餐，依間中菜都食得我地好滿足。