唐宮小聚 (荃新天地)

營業中

休息中

位於Tsuen Wan既唐宮小聚 (Social Place)食過3次了，每次都很滿意它的出品及質素。難怪每次都很多人很早就等位。今日就叫了乳鴿，三小併 (窩筍 加花螺) ，肉鬆抓餅，腐乳花蛤，葱油伴麵，醬汁鴨舌。乳鴿 - juice兼皮脆仲要係優惠價，無得輸三小併- 我愛食窩筍所以叫了兩樣同款，窩筍ok但如果再加少少蒜會更好味。花螺口感也很爽脆。肉鬆抓餅-老公話ok腐乳花蛤-這個配搭第一次食，食落普通。仲有兩隻有臭味，應該係壞左，海鮮實有這些情況，可體諒。不過自己小心d食，有臭味就不能吃了。葱油伴麵好味鴨舌就有少少靭，唔夠爽但味道ok

去過2次5個人去，5點去拎飛排第一拎c飛5-6位都要迫係4人抬，但係在場去到6點幾都係大把位冇人坐，完全唔夠位擺野去過尖沙咀分店7個人去都會拍4張2人抬唔會比3張2人抬加多個位係側邊咁核凸講返食物乳鴿必點，熱辣辣，略為鹹左小小黑金流沙，黑飽加金色賣相吸引，夠流心，不錯火焰菠蘿上枱時點火純粹影相好睇，入面牛肉唔夠淋，失敗其他食物就普普通通不過不失今次劣評完全係因為係大把位冇人等位嘅情況下要5人要迫係4人抬

其實想試呢間好耐, 見佢中環個D分店係openrice好似都幾多好評,仲以為要幾遠水路去到港島 search search下先知原來tw都有 聽講佢個乳鴿係招牌就梗係唔可以放過啦 (其實去到見到每枱都有叫咁濟)叫左兩隻試 佢係開2咁上枱 個人覺得如果開4就更user friendly佢上枱係熱辣辣 應該岩岩炸好, 每隻都炸到金黃色岩岩好 佢有配埋檸檬但我都係中意原汁原味味道食落醃得唔太鹹幾香口, d皮係脆卜卜既, 肉好嫩唔會太鞋, 最重點係唔似出面燒味店個d咁油膩, 食完直頭想損埋手指haha, 食完之後就感覺到佢點解係招牌菜yummy

唔洗點等位~D碗都幾搞笑架...有D『蟻』同『蒼蠅』內入面白玉乳鴿（只限堂食，限每人一隻）當然係一人一隻啦~$33@1 好食,夠味又有肉地我的最愛- 秋葵淮山,兩樣都係健康食物,老公唔食我一個人都K.O到一碟~正!松露香菇包,一蒸好熱到出煙,索一索,勁大陣黑松露味,都幾新穎幾驚喜不過相對松露香菇包,我更愛黑金流沙~ 連老公都大讚呀麻辣燒賣有小小失望啦不過都係幾食既,失望係估佢唔到係糯米飯黎 因為我地都叫左個荷花蒸飯真係飽上飽呀~講返個蒸飯真係一流, 雞肉夠滑,又有鮮蝦,又有瑤柱,好夠味老公叫既肥牛燒又係另一個意外驚喜,好好食,好夠蜜汁,食洛十足十係,但事實上佢係肥牛~ 今日最滿分係呢個星洲骨茶, 老公係肉骨茶超級愛好者黎佢飲第一下個反應係超誇張,我都唔執輸飲一啖,真係整體好食+食得開心有驚喜加一服務費; 茶位$8/個比個點心紙大家望下,不能盡錄啦~要靠大家自己去啦~

第一試來試是三人慶祝生日，因為同長輩，所以突登選間中式餐廳，見依間咁多好評，所以一試。本身諗住訂枱，但原來八人以上先可以訂，七點半左右去到，等正大約一個鐘。由於係自己係張紙度寫，所以未入去之前我已經選好曬叫咩菜式其實好多款都想試，不過一定要叫乳鴿，因為只係$30蚊隻，好抵，我見隔離枱真係一人一隻，但我由於想試多幾款菜式，所以叫左一只三人分，佢唔算係燒乳鴿，不過味道幾特別同抵叫。叫左兩款菜，龍蘇芥蘭同西蘭花，普普通通再叫麻滑石班，成條比你，而且起埋骨，好滑又靚又食得方便，依味不錯仲叫荷葉飯同埋火焰菠蘿荷葉飯不過不失，但係真係份量好少，火焰牛柳菠蘿就好壯觀，燒完成個菠蘿先再食，牛都好淋小息仲叫埋蒜泥白肉，味道不錯最後叫佢介紹但梅酒，味道真係不錯而生日我叫左個好似壽桃包甜品，入面係榴槤，我以為佢見甜品所以會最尾先上，點知佢一上就上依款，我真係呆左。不過整體來講味道幾好同菜色好新，但份量真係唔多，多人可能叫得麻煩點

等位服務好好，因為有限時間，所以佢比你等齊先入座。菜式方面，雖然同港式茶樓菜式唔同，但都好多好特別嘅款式。*乳鴿，我好鐘意，熱辣辣好味，桐姐唔鐘意 (損骨)都食左半隻，可想而知真好味。*雲吞麵，麵好彈牙，湯底唔味精，雲吞好味*紅菜頭蝦餃，唔太驚喜，但都好味*點心 拼盤，有六款點心，可以試試，唔會失望講講個茶，我飲到係好似玄米茶味。2老2小2大食左700幾。嫲嫲話簡中試下特色野都好好。另外門口啲可愛點心係冇得點的。只供觀賞，小孩有點失望

如果想飲茶，又想試下新穎既點心，試下呢間唐官小聚就最好不過。入到去，修好新好特別，環境乾淨，菜式嘅名都好得意，野食賣相全部都好精緻。試左個白玉王鴿，非常入味。幾個點心也合乎水準！

之前中環同尖沙咀都試過，現在荃灣開咗當然要試吓啦。星期日，六點鐘等位的人唔係太多，好快安排入座，用餐時間90分鐘有點趕。乳鴿$33，每人限點一隻，乳鴿熱辣辣，外皮香脆，肉汁嫰滑，非常入味，個個都讚點來聚聚 五種不同的點心，有墨魚汁鮫、芋蓉流沙包、柚子蝦餃、賽螃蟹餃、蜂巢糕，熱辣辣幾好味 肉鬆抓餅 手抓餅好酥脆，內裏放肉鬆同樣好味鳯梨咕嚕 酸酸甜甜的咕嚕肉，外脆內軟，燒過的菠蘿，但凍的如果菠蘿熱的會更好必食之選 荷花蒸飯 最無驚喜的雲吞湯麵

出品ok,叫了幾過前菜也很好吃，個包包好freshing feel, 叫了2技手工啤，$29@,幾好味。花膠也叫大片，撈麵就油左d. 他們的碗中圖案，個人不懂欣賞，比他🤮。我們去得晏，門口姐姐說可以食到10:30，結果10:00 已經吹我們快d吃和收工🤣😫。出品vs份量vs價格是不低吃。食品吃了後很口乾。

都好多個月無黎唐宮, 今次係因為有個英國返黎既中學best friend返黎放假,佢話想食d有香港特色d既野食wor, 咁我即刻梗係諗起點心,但普通茶樓點心佢係china town都好易食到, 所以我就帶左佢黎呢度! 唐宮一直都好有創意, 對於d出面周街都有得賣既菜式佢都會加一分特別就好似今次試左既黑金流沙包流沙包大家都應該唔陌生, 但今次特別之處在於佢個包係黑色之餘上面畫左d金箔, 成件事即刻upgrade左~但樣幾靚都假, 味道先係最重要! 佢上枱係熱辣辣, 應該係即叫即蒸,不過建議大家攤凍少少先食, 因為佢d餡都幾豐富, 一咬就爆漿! 一唔小心就會辣親條利><佢個餡係好濃郁充滿蛋黃粒粒得黎又唔會太膩, 我個frd都讚口不絕,  jeng ah!!!!

同媽爸特意黎試呢間晩飯，因為經常見到人山人海，所以特意下午五時去攞飛，等到5點半入座！入座後，覺得好特別，例如天花板上的乓乓波枱仲有碗內的小昆蟲除此之外，啲餸都好好味又特別“非常山竹”, 入面有蟹肉，好味！仲有肥肥的豬腩肉用饅頭包住食，一流當然仲有又平又好味的鴿子👍同埋椰子雞湯，細細個味道好清又有椰香味！最好味係脆脆估魯肉，真正係外脆內軟，👍👍👍仲有好juicy嘅真菠蘿最後介紹一個特別餸火焰菠蘿牛肉，上菜時用火燒熱菠蘿令入面牛肉更出味三個人都食到飽飽飽....

你間餐廳所有嘅食物都非常之有心思成個蘑菇嘅形狀嘅包裏邊真係好多菇類嘅餡，乳鴿皮脆肉嫩，黑松露炒飯，荷葉飯必食之選，芝士蝦春卷非常好食。不過如果想食就一定要早啲預約因為佢真係好爆滿。

今日黎試食依間餐廳嘅創意小菜😁😁好彩有app 可以提早攞定飛，唔係真係有排排隊🙈餐廳裡面嘅裝修都比較得意，一張大檯居然型似一張乒乓波檯🙈🙈🙈餐廳嘅菜名都好有創意，餐單上都有好多有趣嘅菜名。今次我地叫左荷葉蒸飯、黑金流沙同埋十三么麻雀。荷葉蒸飯好有荷葉味，好足料👍🏻黑金流沙，其實係流心奶皇包。流心奶皇食落唔太膩，唔會好杰身又或者好水，幾好味😋十三么麻雀，其實係椰汁糕。嘛雀上嘅字，其實係一張紙貼上去，無咩特別。總括黎講，依餐飯都唔錯。

荃灣荃新天地呢一間晚市長期咁多人，但冇得打電話book位、有啲麻煩乳鴿$28.1隻 ，好平但好細隻過吓引都幾好奶皇包好出名，的確個皮幾鬆軟但係厭奶黃流沙鹹香味不足麻辣青椒魚片$199呢個味道幾好，主要係麻而不太辣但其實份量好少成碟可能都係得10零塊魚片，不過起咗骨都幾方便隻蟹呢就真係麻麻啦。$300冇肉食😂😂仲叫咗個菠蘿燒牛肉上枱點晒火點知入邊太辣，唔多啱食。反而有個墨汁炒飯，飯粒好有咬口。出面幾少見

放假的指定動作就係去飲茶但係次次都係酒樓飲有D悶悶地後來親戚介紹戶唐宮幾好所以就黎試下黎到仲未開門門口就已經好多人係度等啦我估應該都好好味大家一邊等一邊係度劃單了樣樣點心都好得意好有特色之後叫號碼入座環境好正呀落地後來位置坐得好舒服而且有BB凳餐具好有創意第一次見到咁有創意的餐廳然後上菜 D包做到真係蘋果一樣仲有陣陣玉桂的清香乳鴿最抵食所以叫多左不過都清曬擔擔麵好滑好好食流沙包好夠熱D料一開溜曬出黎糯米飯一流好足料