唐宮小聚 (荃新天地)

營業中

休息中

同男朋友媽咪食生日飯，第一次食呢間。假日都比較多人，需要等一段時間先入得，亦都有限用餐時間。店舖空間夠大夠整潔，坐得好舒服。可惜個日坐正風口位，吹到個人頭都痛4個人食，叫咗乳鴿、荷葉飯、雞絲粉皮、豬仔包、脆蝦雲吞同流沙包。乳鴿真係招牌菜，好香好Juicy食嘅時候會有啲油，唔好嘥，可以撈飯一齊食，哈哈！荷葉飯炒得好香，都有唔少料係入面：雞肉、蝦、瑤柱，所以食落啱啱好，唔會覺得好咸或好淡。個人覺得包類麻麻地，但豬仔包同流沙包打卡一流。豬仔包入面係紫薯，食落又唔會太甜，流沙包就正正常常。因為啲包落比較實啲同痴牙，所以就覺得普普通通。雞絲粉皮都係正正常常，無咩太大驚喜。脆蝦雲吞唔錯，可以一試。唔知係咪假日太多人，叫職員叫咗幾次，應完之後又無蹤影，連續好幾次都咁咁上下職員見我地食完拿拿聲收晒嘢，企係隔離望住，又催我地賣單，感覺唔太好整體嚟講食物質素都唔錯，都叫算得上個價錢，但就唔好假日去食，態度認真一般。

趁放工又去左附近商場開飯順便品嚐美食，今次就去左呢間中式餐廳，食下中式料理又坐得舒服咁先最係餐單上有一系列特色美食，點啱心水食物就開始慢慢品嚐，先來有蒜泥白肉，賣相唔錯唔知味道如何，食落唔算辣，腩肉帶點半肥瘦連生蒜蓉同青瓜片一齊食咁先至惹味到另一款係白玉王鴿，入口肉質夠香嫩啖啖肉汁係口中滲出正再來係荷花蒸飯估唔到咁足料，而且飯味濃郁越食越滋味飯後唔少得有甜品陳皮燉梨，食到燉梨肉質清甜又爽口水準之作

聽聞係荃灣荃新天地有一間好有特色嘅新派菜館唐宮小聚，今晚就同朋友去試下，一入門望去，裝修擺設好特別，由於己是晚上9點多，點左幾樣野都沽清，最後隨便叫左幾個輕食試下。白玉乳鴿，肉嫩皮脆，食到吮手指。薑汁炒西蘭花苗，爽脆，味道適中。黑白無雙鷄包（3個），有特色，鬆軟，第一次食包食到停唔到口。甜品拼盤，揀咗黑糖冰粉，得意小豬，小聚盆栽。三樣都食得睇得，打卡不停，得意小豬~令到我成晚開心到笑不合攏，心情極靚。所以話食野雖然食味道，但係令到你食到成晚開心不已，貫D都值下次要早去食試多幾款。

睇人先睇樣。食野梗係講賣相。如果有間餐廳環境賣相都靚。點都會引到人去第1次。之前一直想試唐宮小聚。但係響中環又吾想去甘遠。荃新天地店舊年已經開左。終於等到4月頭先有機會同媽媽去門口甘大幅壁畫。人人都忍吾住攞塊球拍影番張相扮下野一心想試下得意點心。睇下有乜野食先。。吾食得都睇得我媽媽係乳鴿怪。所以我叫左2隻白玉王鴿(唐宮小聚的得獎菜) 俾她1人食哂(限定1人只可叫1隻) 白玉王鴿細細隻(33蚊隻)。但係上枱時真好香媽媽話皮好脆好好味。芝士炸雲吞。39蚊。非常脆。吾oily非常山竹。39蚊(龍蝦汁蟹肉餃)。呢個賣相真好正。我明顯係貪個樣而叫。味道反而吾太特別。有隻mosquito呀個碟pattern甘攪笑。令我媽媽好開心黑松露香菇包。39蚊呢個真係好似香菇。下面仲有冬菇丁。呢個賣相好而且非常香。鬆軟。我下次去都會再叫黑松露勁香紫蓉豬豬。23蚊。好可愛的紫薯包。我叫俾媽媽食。望落都幾多紫薯蒸蘋果包。39蚊。裡面係蘋果批款的蘋果餡。但係外面係蒸包。我覺得呢度做的蒸點心都好出色我媽媽覺得好飽鬼咩。她食左2隻乳鴿+好多包。但我都忍吾住叫埋小甜品。因為我媽媽係好鐘意打麻雀的十三么。其實係椰汁糕。呢個

lunch同dinner既menu係一樣的．環境：幾大，梳化位舒服．服務：ok.食物：鴿:枱上已放一人一對膠手套．味啖，冇淮鹽or lemons.$33抵食，但一人只限叫一隻．炒腸粉:menu冇寫辣既，但原來幾辣既． 所以我地要求退💲退貨．目测內有3隻中蝦．一人半份量．內裡係芝士蝦．芝士勁多，搞到食不出蝦感．外皮炸得脆熱．甜品-十三么椰汁味不重，食到奶和班蘭味．味ok.外表好得意！荷葉飯:2人份量．炒得幾好味．食到有蝦和雞肉．瑤柱就冇．云吞擔擔麵:五粒云吞．都ok.肥牛叉燒：一上枱勁失望，因為勁細，同個spoon一樣size. 百幾真係吾值！味係叉燒味，幾靚既牛都冇用，因浪費咗，搞到冇牛味．不值一試！一人也不夠食！奶皇包：$49,三件！貴！山竹:幾特別，外脆，上面個枝係朱古力百力支．內裡似小籠包D湯甘．味淡．

今日黎到唐宮小聚，食下點心。估吾到驚喜都幾大，食物質素高！😋😛開頭見到個碗，真係以為有螞蟻係度。😂😂1. 紫薯豬豬 - $23好可愛的豬仔，紫薯餡多，而且新鮮。💕2. 黑金流沙 - $49食野仲可以比你玩下新意思。放心，係可以食用的金粉。好中意佢依個竹炭包！原來包皮係師傅每天朝早整的，所以成個包都勁軟熟，奶黃又多又流心！ 諗起都翻尋味！😋😋😋3. 白玉王鴿 - $33肉質鮮嫩，沒有炸得好勁，食件都吾怕熱氣。👍👍4. 開蔥拌麵 - $39個麵小編則覺得冇特別，而且太油了。😖5. 點來聚聚 - $69黎到必點啦！ 每款都好特別同精緻。柚子同墨汁餃最岀色。🤩🤩6. 粉墨登場 - $89飯的量多，3個人share岩岩好。墨汁味濃，入面仲好鮮蝦添！ 🦐🐙🦑

店舖裝修時尚嘅菜館，光線柔和，梳化座椅也很舒適，四人座較多，最啱三兩知己聚會。🥬🌶🥩🐔🐟食物多心思，價格亦OK，令人容易點菜😊。原以為餸菜份量可能偏少，但原來份量也不算少了，剛好滿足到四人份。服務員態度亦殷勤有禮，總括來説這頓飯很滿意👍🏻

屋企人偏向食中菜 所以同親戚食飯都會搵啲好食既中菜試下 而唐宮小聚就好多特色小菜 仲要整得好精緻 真係會忍唔住拎左相機出黎影左先食 個人最中意就係個磨菇包 好好食 仲有乳鴿都好唔錯

難得紅日有假放 屋企人又唔洗返工 梗係帶屋企人去飲下茶啦 上網睇呢間野好特別 唔同個啲普通大集團酒樓 一早未夠11點半已經到左 諗住早啲去攞位 驚太多人 去到等左陣已經入得 好快已經入滿晒人 呢度環境好舒適 啲位置唔會話好逼 仲有卡位 坐落好舒服 不過就限時個半鐘 差唔多時間就會問你有冇野加 冇就埋左張單先 走個陣出面都有堆人係度等位一入到去坐底就梗係點野食先啦 選擇非常之多 好多都好想試 大部分都好吸引 不過一次梗係試唔晒啦 我地一叫就叫左11樣野 後尾見到好多人叫既乳鴿 就叫左黎試試首先黎既係冷盤先 醉雞 好入味 好好食 叫左兩個陳皮雪梨 真係成個雪梨咁上跟住點心就開始黎喇 每枱都叫既黑金流沙 一籠有3個 外面係黑金色 入面係奶黃流心好好味 原來佢每日有限定20個供應既黑金流沙$29/3個 仲可以俾你係包上面自己用金色既筆寫野 不過好快就冇晒 只得20份 原價係$40/3個紫蓉豬豬 一籠一件 外形成個豬頭咁 入面係紫薯餡 甜甜地 幾好食之後仲叫左個腸粉 真係有幾隻蝦係入面 應該係Xo醬 食落有小小辣黑白無雙 一碟3個 黑白色 有啲芝麻 入面係黑椒雞肉粒 幾好食 仲叫左個一籠係有幾樣

黎呢間野，唔好抱著食飽飽既心態黎，呢間賣弄fusion 點心，點心算精緻，等於你去迪迪尼飲茶食點心咁，你估真係為飲茶而去？非也，打卡最直接。睇相食左幾款食物，埋單六百多少少，份量非常不足，荷葉蒸飯無乜料之餘，無賣相所以無相，大細只是出面糯米雞咁上下，簡直O晒咀。其他點心3件為一份，兩個人食又嫌多左，4個人食又唔夠，3個人就唔食呢度喇，都係打卡算數吧。CP值超低。唯一可取既係肥牛叉燒，不過呢個價錢，出面仲好食。食完無想再黎既感覺。

我真係唔係咁記得d菜色名 仲要有d唔記得左影所以我盡力用我記憶介紹下依條魚算幾岀色 因為冇乜骨肉質唔錯 仲要分好哂d肉 同埋有小小似酸菜魚加麻辣 好入味但分量唔算多依舊肥牛叉燒 真係超級好食但係又唔係好濃肥牛味食落肉質似牛 但味似叉燒但係唔會肥 所以幾好依個係我覺得一定要比劣評我朋友叫既 我知一定唔比佢叫 超難食凍左既咕嚕肉好難食 一定唔可以叫依個每樣都唔錯 必叫 因為乜都試到可以滿足到貪心既你黑白生煎包有驚喜入面係黑椒洋蔥雞肉餡估唔到幾夾另外紫色嗰個唔記得左叫咩名佢個皮係好似鹹水角上面嗰定係朱古力百力支幾得意個配撘依2個就不過不失冇乜特別辣子雞可以唔使叫 真係好一般

唐宫小聚去過幾次，但未試過食下午茶。今次约契姐食下午茶，而且大家想食中式，所以就决定去呢度。 乳鴿係每次必点嘅其中一款菜式。今次叫左碟無咁簡 “蛋”。原以為係生雞蛋配辣子雞，原來蛋裡面係芒果汁🤣，而呢个辣子雞都幾辣，即刻要叫凍飲。我都幾喜歡環境装修，2个人都可以坐4人梳化，而且感覺都好乾淨。價錢都一般可以接受，但唯一就係下午茶時間可能員工不是太多，加上地方都大，要揾個職員都可能等一段時間。不過總括都不错

由於不夠6人是不接受訂枱，所以唯有早d黎攞籌。入座後限時1.5小時，真係食到趕頭趕命等等下就話full左，預大約八點先會再可以有位。呢d「大枱」留俾電話預約的人，逾時10分鐘才會俾散客。我地5個人，唔介意坐呢張「細」枱。基本上枱枱叫的野都差唔多，因為款款都「名菜」。全部熱辣辣，新鮮煮起，上菜快！呢個「雞」真係寥寥可數！荷花蒸飯好的骰，那5件糕更加 ... 一眼望晒，得幾舊。預左係食「精緻」，食物質素確是高質兼有水準

今日係姨甥女生日，小朋友都鍾意得意野，所以帶佢黎食唐宮就最o岩啦。荃灣呢間第一次o黎，裝潢同埋室內擺設都好有特式，令人眼前一亮。由於小朋友唔太鍾意食粉麵飯，所以今晚都係以小食為主。餐牌太花多眼亂，最後我都唔記得叫左幾多個菜，擺到成枱都係。無咁簡單，單睇名根本唔會知道係乜o黎，o黎到當堂嚇一跳，原來係辣子雞，仲有兩隻蛋黃?問個店員點食法，店員說道原來嗰兩個唔係蛋黃，係芒果汁，用一層好薄既衣黎包住啲芒果汁，撈落去啲雞度食，原本啲雞有少少咸，加左芒果味道中和感覺非常清新，值得一讚。招牌乳鴿，同酒樓完全唔同，外皮唔係咁脆，但肉汁多到咇曬出o黎，我一個人食左3邊，回味無窮。冬蔭功粉，真係估佢唔到，竟然係用銀針粉，中泰合壁，別有一番風味。同甘共苦，即係黃金苦瓜，外皮夠脆，咸蛋黃足料，苦瓜甘而不苦。粉墨登場，墨汁飯，睇個樣同罷落口完全係兩回事，調味做得非常好。嗌既野食太多，不能盡錄，有機會一定會再o黎埋單人頭300左右，以叫咁多野食黎講算係正路。

唐宮小聚絕對係值得一試的新派點心店, 唔只味道好而且賣相非常精緻一入門口已經被裝飾吸引,有點復古又有點宮廷式, 尤其門口那可愛的卡通人物點心, 不過是餐牌上沒有的啊 !由於全家總動員人數較多 基本上樣樣都叫左D!冰皮壽桃其實係榴連餡嘅涷冰皮,很好吃 😋而黑金流沙也是每次必點的, 賣相討好之餘仲好有內涵！這個點來聚聚拼盤試左紅菜頭餃, quite nice!擔擔麵唔會太辣, 麵條煙煙韌韌最後影左椒鹽多爪, 炸得酥脆口感.. 雖然唐宮小聚的份量較(的骰), 食物價位比較高, 但以質素說還是值得去的 !