早排係社交平台見到佢地話會係荃灣開分店 個陣已經好期待 一早bookmark左一定要黎試 見佢地試業中 即刻黎試下 仲有折tim 我地平日下午去到 餐廳冇乜人 得一兩枱 可能冇乜人知佢地開左 餐牌都有好多選擇

我地叫左個明太子蟹肉忌廉意粉 賣相好靚 意粉份量正常 食落好彈牙 唔會好淋 每條意粉都會有明太子掛汁 食落好Creamy 仲有蟹肉 蟹籽 紫菜同埋菇 成個配搭好好食

另外仲叫左個小食係啤酒薯條配黑松露醬 薯條份量好多 好長好幼身 炸到金黃色熱辣辣好香口 食落有少少啤酒味 黑松露醬好香好濃 薯條同黑松露醬係一個好夾嘅配搭

甜品叫左個鮮果窩夫配雪糕 有兩件窩夫 店員整嗰陣已經聞到好香窩夫味 窩夫整到好香好脆 唔會太甜 幾好味 仲會有一球雲呢拿雪糕同埋忌廉 另外仲有三款鮮果 份量都好多 仲會跟埋個士多啤梨醬 呢份窩夫睇得出整得好有心機 唔會求其 擺盤又好靚

飲品叫咗杯熱情果梳打 賣相好靚 飲落正正常常 唔會太甜

整體嚟講 食物幾好味 多選擇 值得一試

上網見好多人讚呢間海南雞 佢最近係旺角開左分店 難得咁近梗係要去試下啦 上次買左一次外賣返屋企食 無論飯同雞都一樣咁好味 今次出開旺角就去試下堂食 第一次去到餐廳 原來好細間 座位數量唔多 不過都幾闊落 坐得幾舒服 佢地除左海南雞必食之外 仲有肉餅同埋咖咉多士都係必食 不過今次就冇試到 留返下次先 我地兩個人每人叫左一個套餐 係溫泉雞套餐 有齊晒雞翼 雞胸同埋上脾 賣相好吸引 套餐會有埋前菜 係醬油小黃瓜 食落酸酸甜甜 好開胃 餐會跟埋一個無味精靚湯 今日既湯係椰子雞湯 聞落已經覺得好香 飲落係完全冇味精 好清新好香既椰子味 仲會有個三色醬汁跟埋 好值得一試既係佢地個薑蓉 佢地既薑蓉同出面唔同 係會打到泥狀咁 食落好香薑味 有少少辣 醬油就正正常常 食落甜甜地 泰式辣醬食落酸酸地辣辣地 但食落都幾辣下 海南雞同上次一樣咁好食 雞皮又爽又滑 雞肉無論係雞胸定係雞上脾都係咁嫩滑 食落好香雞味 不過今次感覺佢地整得重手左少少 食落覺得鹹左少少 要飲返多啲水先得 仲有個香飯係必食 食落好香口 鹹鹹地 好好味 整體黎講 海南雞係食過咁多間之中 呢間係最好食 值得一試

呢間Cafe每隔一排都會想黎食返次 新一年梗係要黎食下 今次餐牌唔同左少少 多左好多新既食物同甜品 我地叫左個牛舌粒紅酒汁燴沾麵 份量都大 食落似係蕃茄汁 酸酸甜甜 牛舌好淋 沾麵好粗好長 食落偏硬身 個人覺得硬左少少 仲叫左個蟹膏甲羅燒黃金蟹肉意大利粉 份量又係好大 賣相好靚 擺盤擺得好靚 意粉食落好香好濃鹹蛋黃味 好掛汁 仲有好多一條條既蟹肉 份量都唔少 小食叫左個焦糖單骨雞翼 每次黎到必叫既小食 雞翼炸到金黃色 又香又夠脆 仲有好多蜜糖 甜品叫左件蛋糕 佢地既蛋糕全部都係細細件 基本上每枱都會叫返件 今次揀左件新既蛋糕 係Beans x Sulwhasoo人參蜜甜芝士慕絲蛋糕 賣相好靚 蛋糕入面係意大利軟芝士慕絲 人參蜜糖啫喱同埋雲呢拿海綿蛋糕 食落甜甜地 但又唔算係好甜 幾清新 但好似冇乜芝士味 整體黎講 餐牌多選擇 食物好味 價錢合理 值得一試

好耐冇食過茶木 對上一次食已經係佢地做梗優惠個陣食 佢地係荃灣千色匯開左新分店咁耐 都未試過 今日行開千色就順便試下佢 見佢餐牌多左好多選擇 我地叫左個香煎沙朗肉燥米粉 香煎沙朗係三塊薄薄地既牛肉 味道唔錯 肉燥既份量細細兜都幾好味 米粉就正正常常 另外跟餐加左兩隻黑麻油雞翅 同之前一樣咁好食 好香黑麻油味 另外仲叫左個古早牛頰肉麵 一上到枱個麵好香好濃牛肉味 個湯好濃郁 牛肉好淋好大舊 麵係比較粗身 整體味道唔錯 跟餐加左半份金黃鹽酥雞 細細粒炸到金黃色熱辣辣脆卜卜既鹽酥雞好好味 另外仲加左一條台式烤香腸 食落甜甜地好香好好味 飲品叫左杯熱柚子蜜同埋凍脆脆黑糖奶茶 熱柚子蜜正正常常 凍脆脆黑糖奶茶岩晒打卡 好大杯 上面仲有一小串迷你三小粒芋圓 食落好煙韌 底部既黑糖珍珠份量都有好多 甜甜地好煙韌 但杯飲品成杯都好重奶味 冇乜茶味 甜品叫左個巧克力曲奇蜜糖磚塊吐司 賣相好靚 岩晒打卡 係一層層既吐司砌成 中間仲有啲細細粒既麵包粒 好香好脆好香甜蜜糖味 頂層仲有一球大既曲奇雪糕 仲有好多好香濃既朱古力醬 蜜糖吐司同埋曲奇雪糕加埋朱古力醬成個配搭好夾好好味 整體黎講 餐廳好大 環境舒服 餐牌多選擇 價錢合理 值得一試

出開尖沙咀行街就順便搵下附近有啲咩好野食 一搵就搵到呢間飛機做主題既餐廳 俾佢既主題吸引左 就揀左呢間餐廳試下 當日星期五平日晏晝五點幾去到 未到食飯時間 所以冇乜人 但係埋邊卡位既打卡位已經坐滿左 打卡位真係幾靚 同飛機既窗口一模一樣 餐牌都有好多選擇 價錢都算係中上 我地叫左個忌廉菠菜意大利粉配香煎帶子 份量幾大份 意粉既份量都多 食落好香忌廉菠菜味 好creamy好掛汁 意粉軟硬適中 帶子煎到金黃色岩岩好 爽口鮮甜 又夠大粒 整體味道唔錯 另外仲叫左個燒牛肉配日式溫泉蛋蓋飯 呢個飯份量比較細 岩岩好夠一個人食 燒牛肉好有肉汁 牛肉好嫩滑 加埋溫泉蛋撈飯好好味 甜品叫左個Cookies&Cream Souffle Pancake 賣相好靚 岩晒打卡 梳乎厘食落好鬆軟 空氣感十足 好有蛋香味 上面舖滿Oreo碎 配埋好滑既忌廉 成個配搭好夾好好味 整體黎講 環境舒服 打卡餐廳 餐牌多選擇 食物好味 價錢合理 值得一試

旺角呢間粉紅色打卡西餐廳一直想試好耐 咁啱去開旺角諗唔到食咩 就諗起呢間粉紅色打卡西餐廳 試下佢好唔好食 平日晏晝四點到餐廳 冇乜人 得一兩枱 餐廳環境幾靚 岩晒打卡 但感覺都比較舊 餐牌都幾多選擇 前菜 小食 意粉 意大利飯 漢堡包 甜品 飲品 仲有午市套餐 我地叫左卡邦尼意大利粉 份量唔算多 岩岩好夠一個人食 比較多汁 好濃郁 食落好creamy 另外仲叫左個美國安格斯肉眼 揀左五成熟 賣相好靚 肉眼扒好大塊好厚身 食落好淋好有肉汁 仲有好少見既海鹽 底部仲有粗薯條同埋新鮮沙律菜 幾好味 小食叫咗個鵝肝多士 佢塊多士就真係好大塊 食落唔夠脆 塊鵝肝就好薄好細塊 普普通通 整體嚟講 食物唔錯 幾好味 環境啱晒打卡 值得一試

之前食過呢間Cafe既甜品 覺得好好食 今次第二次黎食就想試下佢地既鹹食 見佢地平日既午餐有意粉 不過星期六日個啲就冇 我地今次叫左個九州漢堡扒多士 賣相好靚 好大份 漢堡扒好大塊好厚身 食落個醬係甜甜地幾好味 漢堡扒有肉汁 唔會乾爭爭 另外仲有一隻糖心蛋 新鮮沙律菜 菇同埋蕃茄 全部都好新鮮 多士依然都係煎到金黃色好厚身 外脆內軟 食落甜甜地 都係咁好味 甜品叫左個牛乳軟雪糕Basque芝士蛋糕 原味售罄 得返抹茶味 牛乳雪糕好香好濃牛奶味 好滑身 抹茶芝士蛋糕好重芝士味同埋抹茶味 中意抹茶既一定要試下 飲品叫左杯冰牛乳八女抹茶 見到呢杯飲品都幾多人叫 係一杯有漸變既飲品俾人打卡 上面係牛乳 下面係好香濃既抹茶 但飲落係一杯比較普通既抹茶鮮奶 正正常常 整體黎講 食物好味 多選擇 價錢合理 值得一試

由佢圍板個陣已經bookmark左呢間Cafe 未開已經俾佢吸引左 開左幾個月都未黎試到 今日就黎試下佢地既甜品 主打都係法式吐司 有鹹有甜 都幾多選擇 仲有Pizza同埋芭菲 另外餐廳主打抹茶既飲品 見好多人都有叫 幾吸引 我地今次叫左一個八女抹茶多士 賣相好靚 好大份 有三大件吐司 每件都整到金黃色 外脆內軟 食落甜甜地 好好味 仲有忌廉 紅豆 白玉 加埋吐司一齊食仲好食 口感更豐富 另外仲有好香濃既抹茶雪糕 好重好香抹茶味 中意抹茶既一定要試呢個抹茶多士 另外仲叫左個芝士蛋糕雜莓芭菲 底層有啲脆脆同埋士多啤梨 中間係滿滿既牛乳雪糕 好香好滑 仲有雜莓 酸酸甜甜 芝士蛋糕食落好重芝士味 好好味 整體黎講 佢地既甜品賣相好靚又好味 值得一試

好耐冇食過鐵板扒餐 食鐵板扒多數都係食出名個幾間 今次就黎試下新野 睇電視介紹過幾吸引 我地平日夜晚六點去到餐廳 當時可能太早冇人 但聽到店員話有好多訂枱 要七點交枱 咁我地食完就走 當然冇問題 我地叫左個吃扒什扒配薯菜 好大份 有好多野食 有魚柳 煎蛋 豬扒 牛扒 雞扒 煙肉同埋司華力腸 全部味道都正正常常幾好味 另外仲叫左個特選肉眼扒配薯菜 呢塊肉眼扒食落勁淋勁好味 有肉汁 好juicy 仲有佢地既炸薯條都好好味 鐵板扒餐加二十蚊可以有餐湯有嘢飲 幾抵食 整體黎講 味道正常 價錢合理 值得一試

見呢間蛋包飯都幾出名 見佢搬左黎荃灣咁近咁方便就想試下 睇下佢到底有幾咁好食 既然佢咁出名 今日係紅日 去到餐廳門口見到冇乜人 以為唔洗等 點知原來係可以寫低名同電話 有位就打俾你返黎 我地就寫低左 我見前面大約有五張枱左右 店員話大約要等45分鐘 咁我地既然想食既咪等 店入面既座位得好少 好細間舖 好少座位 如果個個都食完唔捨得走 咁出面等既人就慘lu 冇限時真係好唔掂 我地足足差唔多等左一個鐘先到我地 時間關係 已經睇定叫咩 一入去坐低就落單 我地叫左兩個蛋包飯 一個係經典牛肉汁蛋包飯 由於唔想食茄汁炒飯所以轉左要白飯 個蛋係整得幾好 一切即刻流晒出黎 好滑 但牛肉汁就普通左啲 冇乜特別 就咁牛肉汁同蛋撈飯 正正常常幾好味 如果有返啲餸就更加好 另外仲叫左個蛋包飯係配咖喱汁 今次要返正常既茄汁炒飯底 食落入面有好多菇 個人就麻麻地菇 個人覺得白飯仲好食 咖喱又係正常野 冇乜特別 今次呢個蛋包飯個蛋仲要係完全熟晒 成隻老蛋咁 有啲失望 飲品叫左杯蜜瓜梳打 味道幾特別幾好味 賣相好靚 岩晒打卡 加$10有埋雪糕球 可以令到杯飲品更加靚 呢個幾值得一試 本身仲想叫焦糖布丁甜品 但就話今日冇 同埋見到佢個明太子意粉都好多人食 可能仲好食過個蛋包飯 整體黎講 價錢正常 味道正常 但冇乜特別 要等位既話一定唔會食佢 唔洗等位既話可以一試 不過真係一次就夠