唐宮小聚 (荃新天地)

營業中

休息中

晚上約了好姊妹聚餐，她說想吃菜，便選了中式餐廳用膳。這裡的服務生態度不錯，食物不論是味道還是造型都有驚喜，很適合「打卡呃Like」，唯一美中不足是這裡不能訂座，只能乖乖排隊輪候。另外，餐廳的碗底印著特別的花紋，我數度看似為真的，令我在進餐期間心情不時有小起伏😂，至於圖案是什麼，留待大家用餐發掘。這裡的必吃菜色是乳鴿，肉嫩量也不少，而冰鎮咕嚕肉則以冰盆令咕嚕肉皮脆肉滑，口感新奇，令人欲罷不能。甜點味道正常，不過甜品造型特別且細緻，豬仔奶凍的豬嘴內還可看到牙齒的形狀呢！這裡昏黃的燈光很適合聚餐面談，而且在非繁忙時段時，店員也不會趕人走，值得推介。

第一次來是為了吃胡椒蟹但因蟹身不夠鮮而失望了不過發現了美味的乳鴿所以今日再encore🤣時隔數月今天的乳鴿無上次咁熱（唔係唔熱 但無鮮炸既咁覺）有少少扣分但味道依然ok👍🏻唔用鹽都好夠味其他食物有冰鎮咕嚕肉因為有冰所以擺一陣之後係凍食的個人prefer熱既多d另外椰子雞湯都唔錯有淡淡的藥材味薰蛋配煙三文魚都好味其他食物就不過不失其實上次都有食其他野但都唔太記得了結論係 都係會為乳鴿泥食😝😝到時再試其他😋

在citywalk隨便選擇了一間餐廳吃晚餐，選擇了摩登的中菜館-唐宮小廚，沒想到出奇的好吃。這裏的招牌菜是白玉黃鴿（燒乳鴿）乳鴿皮脆肉質鮮嫩，雖然肉不多，但味道很好油香十足另一道招牌菜就是冰鎮咕嚕肉，咕嚕肉炸得非常脆，而且豬肉油脂分布平均就像吃豬頸肉一樣彈牙可口。黑白無雙（黑椒洋蔥雞煎包）吃的時候小心，因為咬出來的汁是燙口的，肉汁齒頰留香。麵食我選擇了炒腸粉王雲吞擔擔麵每一道菜都在水準之上，重點是10分便宜，乳鴿一隻才$33，真係好抵食👍🏻

好多試過「唐宮」嘅朋友都覺得佢嘅點心拋開傳統，花款多又得意。要講佢係一間茶樓，唔係，話係餐廳，又唔完全係，不過佢真係集結咗餐廳同茶樓於一身！喺呢度完全搵唔到一般茶樓嘅傳統點心，反而係一啲創新嘅小點。好似點心拼盤「點來聚聚」（＄６９）就有墨魚汁餃、芋蓉流沙包、柚子蝦餃、奶香糕同紅菜頭餃，認真中西合壁。炒蝦腸粉（＄７９）係以XO醬、豉油，用原隻鮮蝦炒豬腸粉，爽口Ｑ彈。主打嘅白玉王鴿（＄３３／一隻）皮脆肉嫩，最啱送店內推出嘅梅酒（飲茶定飲酒？）。黑金流沙（＄４９）其實係奶黃包，只不過外表係黑色，味道同傳統嘅大同小異，怕黑人士可以唔嗌。非常山竹（＄３９）外表睇似紫色版煎堆，實際上內餡係龍蝦汁蟹肉，味道有趣。如果大家想食埋晚飯，店內都有一啲創新小菜，好似燉烏雞湯、火焰菠蘿牛肉、荷葉飯等，都係唔錯嘅選擇。

第一次黎呢間唐宮小聚 lunch time都吾洗等位裝修幾豪華 座位都幾寬敞點心拼盤 - 實在太多款吾知點揀 叫拼盤可以試下吾同口味😋每粒都有不一樣口感、幾有特式！擔擔麵 - 香濃湯底加埋花生醬 好味但食完好頸渴流心奶皇包 - 勁正😍😍熱辣辣 一咬d奶黃真係流晒出黎架！大愛！乳鴿 - 食乳鴿最驚乾爭爭同埋個皮淋晒...呢隻真係冇得頂👍🏻脆卜卜既皮包住滑滑既肉 仲有好多汁鎖左係入面～好食到呢...總結*四個人埋單500幾、係有d貴但食到咁高質既食物係值得既！

是日去探契仔，去左附近玩完就去左呢間食晚飯。由於唔夠六個人關係唔可以訂枱，只可以排隊。但由於太多人關係，要等足一個鐘先有位。因為太肚餓，三個大人一個小童點了八樣食物。腐乳炒蟶子，醉蝦，紅油抄手，乳鴿，黑白無雙，蟹粉麻球，胡椒蟹同一碟菜。蟶子同乳鴿味道跟尖沙咀嗰間一樣咁好味，另外個胡椒蟹係用肉蟹炒，胡椒味突出，非常惹味。

一直都好想一嚐呢間餐廳見荃灣冇乜人就黎試下啦首先點左33蚊1隻乳鴿好貼心咁有膠手套 檯面仲會有個兜係俾你放骨乳鴿好入味 好好食 唔夠喉 下次可以叫多隻至於我大愛既雞絲粉皮 都算唔錯架喇因為有好多餐廳都會冇乜配料但呢間又4x蚊 有一碟略嫌米酒落多左少少 個味好突出至於呢碗雲吞擔擔麵就咁睇樣都睇到個味精湯底仲加左好多麻辣 不過雲吞都幾唔錯呢店名堂”無咁簡蛋”雖然幾有gimmick個蛋係芒果sauce 店員上檯果時話“可以用黎點雞食 唔點既話可以當飯後甜品食架!!!!”聽落新鮮感十足 即刻點一啖黎食仲要整到好似蛋黃 真係要吉先穿賣相真係好好點知！！！個芒果醬極咸...完完全全幻滅左我既想像既味道至於個雞。。。超級無敵。。。咸。。。每食一啖都要狂飲茶仲話點醬食 根本冇可能只會咸上加咸

意想不到，舊同學在這風雨飄搖的日子選擇移民，之後都不知何時才能見到這好友。來到「唐宮小聚」與好友餞行。餐廳裝修環境都好新穎，門口有張乒乓球枱，可以俾好多人坐的。可能因為佢賣fusion 菜，仲有好多可愛點心展示喺門口。隻碗都可愛，裡面有小昆蟲，嚇一嚇啲女士們～我覺得最好食的係燒乳鴿。每隻33元。真係超JUICY，一搣開流哂肉汁出來，皮很脆，肉很嫩，而且很有味。外面食的乳鴿好多時好乾有雪味，呢度完全無呢個問題。一人食一隻就岩岩好！仲有好精美的點心同前菜。薰蛋配煙三文魚的薰蛋真係香到不得了，流心的蛋黃在口裡爆發，還有好大陣的煙薰味和醬油味。口感大感動！除左乳鴿，其他點心都偏細碟同價值略貴。不過都坐得舒服﹑食物可口精緻，是一個很值得推薦的餐廳～

幾個以前一齊上韓文班既同學仔 次次聚會都係韓國菜 難得今次聚會 終於不挑韓國菜 選擇番中菜今次揀左食物賣相美美的餐廳來聚聚入門仲以為d公仔係包點 可以叫黎食 點知只係裝飾我地先叫左三款頭盤 桂花車里茄 真係必試！！！淡淡的桂花味 車里茄亦好甜！木耳同魚都不錯！再黎係佢地呢度既招牌乳鴿 店舖仲提供即棄膠手套 方便客人享用 雖然有小小唔環保不過可以徒手食係好味d👍🏼仲有冰震咕嚕肉 外皮係脆！！！內裡啖啖肉！！！同平時熱食好唔同～椰子雞湯好清甜 入面有件雞煲到「林」哂又唔會鞋～星洲肉骨茶 覺得好似比平時多左陣黑胡椒既味道～仲叫左我見好多人推介既荷葉飯 不錯 不過太飽 最黎都食唔哂！但四個女仔最後點都要叫甜品 豬豬係椰汁糕咁 樣子可愛 都不捨得吃掉～冰皮榴連 不過不失似係有榴連味既cream咁 就無榴連肉！盆栽奶凍亦都不錯最後甜品都俾我地清哂

走摩登路缐的點心中菜館 吸引唔少年輕人光顧，唐宮小聚提供一個舒適、別緻的用餐環境。餐廳的設計充滿藝術元素，一邊進食，一邊享受視覺藝術。椰皇燉雞 清甜芳香，一打開椰皇頂端的小蓋子 香味便湧出來，熱熱的湯水正好滋潤一下我寒冷的身軀 (這兒的冷氣超級 超級凍啊)，椰子的獨特香味 加上雞件及瘦肉粒等材料，經數小時燉製演繹出一個完美的湯水。白玉王鴿 也是必叫的食物，鴿身很入味，外皮酥脆，是送酒的好配搭。其實menu 也有推介乳鴿+梅酒＝ 👍🏻。肥牛叉燒 又是好選擇，上桌時朋友說為什麼個叉燒這樣黑，了解後 他品嚐一下，原來肥牛叉燒是這樣好吃，當然你要看看餐廳的用料及廚藝，這個叉燒肉味香濃，外面是帶燒烤香味，裏面還是稔稔滑滑，好味。甜品選擇頗多，piggy shaped caramel pudding 得意小豬 🐷很可愛，唔係太忍心將它分割，但最後都是全送入口了。

唐宮小聚 (荃灣)約左一大班朋友食飯，終於唔係打邊爐，韓燒，放題乜乜乜😅今次揀左間中菜，朋友話呢度嘅乳鴿同流沙包好食🤙🏻🤙🏻一坐低俾個碗嚇親，點解有幾隻蟻係碗入面，原來係圖案，幾得意啊下♥️白玉王鴿（$33一隻）一呢即刻叫左一人一隻先！乳鴿表面好靚，色澤均勻，食落去都幾香口，唔使點野都夠味，唯一不足係太細隻了，好想食多隻😭點來聚聚（$69五件點心）見到張圖啲點心五顏六色好得意，所以叫左。我就食左粉紅色嗰隻，其實係一隻蝦餃，食完先諗到一個問題，咁樣每款唔同，只可以每人食一樣😂😂😂😂小蠔煎餅（$79）可以不嗌，食過好食嘅蠔餅，呢啲真係唔入流，超級多炸粉，好少蠔。👎🏻👎🏻鳳梨咕嚕（$89）呢個其實係普通咕嚕肉，底層加左冰底，令到食落口有外凍內暖嘅效果，都幾得意，仲有唔用菠蘿改用密瓜。火焰菠蘿（$109）俾個名吸引左，睇吓有幾火焰🔥菠蘿上左枱之後，侍應隨即點火，成個菠蘿著曬火，都幾吸晴。不過諗落都係綽頭野，對味道應該冇乜影響。打開菠蘿入面係咖哩菠蘿牛腩，食落都幾辣，遮蓋左咖哩嘅香。龍鬚芥蘭（$69）第一次見到啲芥蘭𠝹得咁靚，😂😂😂不過份量太少，幾個人

收工係荃灣行咗半日，就諗下食咩晚餐，就係開飯睇到呢間店，當然睇到深愛既乳鴿過嚟食啦！本來想落沙田食，近近係度食就算啦！乳鴿同沙田某酒樓集團相差幾蚊，費時要坐車落沙田，就係度落腳，另一半叫我早啲食會比較好，佢怕夜咗要等位要等好耐，咁就聽佢講啦！去到都好多人叫乳鴿食 幾乎每張枱都有叫乳鴿，我叫左3款冷盤小食（車厘茄，茄子同雲耳），一碟蔥油拌麵，一碟麻醬炒手（見到都有紅油炒手想試下麻醬），麻醬炒手真係一啖一口，份量都算ok，可能小食份量太少，無法滿足我既食慾，其實一拎完位無人帶位比人感覺無咁好囉，再行入啲先有人帶位，唔建議飲既汽水飲品，細支得來又貴，其他無問題既，值得推介係乳鴿新鮮炸起好好味

家庭聚餐，唔想食黎食去都係啲酒樓菜色，揀依到都唔錯，地方都幾大，不過就坐長枱，如果太多人，傾計會差小小白玉王鴿 $33抵食肥美，唔洗講咁多，先黎一人一隻小蠔蘇餅香口野，啱晒大人細佬肉鬆抓餅 $38加左肉鬆既抓餅，有台灣街頭既味道紅油抄手 $ 38細細粒，可以一啖一粒，唔太辣蒜泥白肉 $59睇個樣已經好靚，不過我覺得唔夠濃味雞絲拉皮 $49撈起撈起，覺得味道一般火焰菠蘿 &108真係有火焰架，可以影相呃like 其實內裏係菠蘿+牛腩，酸酸甜甜麻滑石斑 $189同個菜味一樣，有小小麻辣，同埋好滑既石斑擔擔拉麵 $39有小小麻辣味👍🏻依到個樣野都細細碟，價錢又唔貴，一班人可以試好多唔同既菜式

荃灣的唐宮小聚已開了一段時間，但今次是第一次去。入門口的兵乓球主題設計很特別，另一邊是Bar枱。我和朋友6:30左右到達，可能時間尚早，很少食客，我們亦有機會坐窗邊位置。我們點了最人氣的白玉王鴿和黑金流沙乳鴿熱辣辣、大大隻，$33，很扺食。個人較喜歡荃灣工廠區附近的x源酒家，同一價錢的乳鴿雖然比唐宮小緊細，但味道合我口味。黑金流沙的外表好靚，流沙饀甜度適中，是今餐最好食的跟著再叫雞絲拉皮、紅油抄手、擔擔麵和脆蝦雲吞雞絲拉皮的醤汁偏淡和不夠香，不以麻醬。紅油抄手是細細粒的雲吞，有肉汁。擔擔麵一般，湯底同紅油抄手的紅油一樣，是麻辣。雖然我們吃得辣，但比較喜歡花生湯底。脆蝦雲吞，都是細細粒，普普通通，份量太少應該放在小碟上。整體來講食物、環境和服務是不錯，可惜大部份的食物份量偏少，大伙兒去，就要叫多幾份。

星期日中午，第一次嚟食見到門口都好多人，不過餐廳夠大好快就位。見到啲點心名都好有趣，樣樣都叫咗啲試吓。最抵就係乳鴿，見到台台都有人要，黎到都比想像中細隻，不過都脆同好味，都抵食的。另一推介蝦多士一啲都唔油膩又脆。服務方面都可以，環境都乾淨。但係價錢就相對高，間中食下都可以嘅！