名門私房菜

營業中

休息中

名門私房菜 (灣仔)灣仔灣仔道83號2樓冬瓜盅當造原個冬瓜好消暑，個盅好足料，蝦碌肉質爽脆鮮甜，煲湯瘦肉唔少得，仲有田雞！所有精華凝聚於湯水之中，真係相當消暑解渴。芋絲手撕雞冰鎮鮑魚極度鮮甜嘅冰鎮鮑，大大隻一啖落去清爽，入口彈牙又柔軟。拌入咗足料手撕雞，雞肉嫩，唔少得爽口海蜇，有脆卜卜芋絲，各種配菜百味交雜之中帶濃烈Wasabi，獨特！鮮榨牛奶及炸蓮藕餅酥炸大良牛奶，外層酥脆，內裏軟滑鮮奶以蛋白凝固，帶香濃椰汁味，略呈糕狀口感，味道好有層次；炸蓮藕餅係兩層薄切蓮藕中間夾鮮肉嘅設計，非常香脆嘅餅層有陣陣鮮肉香，相當好味。秘製陳皮醬烤骨適量控制老陳皮嘅澀、九制陳皮嘅甜、酸陳皮嘅甘，加上各種陳皮本身嘅果酸，營造出陳出不窮嘅味道層次感，選用咗黑毛豬肋骨位肉，歷時烹煮將陳皮醬嘅味道鎖入肉汁之中，肉質肥瘦均勻，口感同味道都極具層次，時而入口即溶，時而彈牙軟熟時而爽口，香濃肉汁於齒縫間遊走，太美好！碧綠翠珊瑚以膏蟹嘅蟹膏同蟹肉拌入碧綠翠嘅蘆筍之中，可謂妹仔大過主人婆，店家好有心機咁拆咗兩隻膏蟹作為配角，蟹肉非常鮮甜，蟹膏相當肥美，拌入爽口鮮嫩又多汁嘅主角蘆筍之中，味道非常match！好一道碧綠翠珊瑚

外婆是順德人，小時候經常吃到外婆烹煮的順德菜，自從她過世之後，已經很少享用順德菜了，今天想起外婆，便來預約這順德私房菜懷緬一下順德風味。冰鎮鮑魚$88/隻，鮑魚尺寸頗為大，應該有六頭以上，鮑魚本身帶點微微酒的香氣，肉質軟淋中帶點彈牙，沒有過軟滑過硬，口感非常豐富，如果想增加味道層次，可以點些Wasabi和自家製醬汁。懷舊蝦多士 $58/件，蝦多士除了表面的蝦之外，多士內還有蝦膠在其中，外脆內軟，口感豐富，這個做法有點像兒時外婆給我們家人做的方法差不多，不期然令人懷緬過去，很想念外婆。個人頗為喜歡除碟附上的柚子蜜，酸酸甜甜，吃完這個蝦多士都沒有半點油膩感。順德污糟雞 $298/半隻，看這個價錢一點都不便宜，不過原來店內內採用新鮮雞烹調，所以這個價錢又是非常值得。配料有榨菜、芹菜和紅棗，用荷葉薦底，味道適中，雞皮的脂肪非常香濃，雞肉鮮嫩可口，又是一道頗為有順德風味的特色小菜。

名門私房菜今日約到老死同埋佢另一半，一齊出嚟食個晏，忙裡偷閒。老火靚湯：完全冇味精，非常足料，火候亦都非常十足，飲完一碗，直程唔夠喉。酥炸茄子：屬於一個錢財，但亦都非常認真處理，博博嘅外脆表層，包裹軟滑既茄子，口感一流。如果可以有個秘製醬汁點下，相信更佳。冰鎮鮑魚：唔好虧待自己，下晝都要食得好，鮑魚肉質爽蛋，完全唔會韌，係廚師嘅火候控制技術高超。子薑配流心皮蛋：皮蛋靚之餘，個子薑仲要係自家製作，唔會太酸，平衡到皮蛋獨有嘅味道。秘製豬肋骨：之前已經食過，印象非常深刻，所以一定要再要多一次，頭抽豉油雞：隻雞本身嘅質量都非常高，有雞味，又夠滑，加上獨特嘅調味，口腔充斥玫瑰露嘅香氣。釀鯪魚：手工菜，魚皮保持完整性，起肉功夫一流，絕對無食到骨/疑似骨的物體，魚皮鬆脆，而且魚肉略帶彈性，反而如果巿個特調醬汁，定必提鮮。炸鮮奶：前所未試過咁香椰絲味，估計應該係炸漿，再點椰絲去炸，造成吉列嘅感覺。入面嘅鮮奶，凝固程度傾向奶凍質地，外皮同內涵，造成強烈嘅反差，十十滿足腐竹薏仁糖水：老闆驚我哋唔夠食，仲送多一個自家製糖水俾我哋，當然係唔會馬虎啦。粒粒薏仁都好大粒，仲有少少煙韌嘅感覺。呢間餐廳雖然有一啲歷史

第一次食呢間樓上順德私房菜，超高水準超高質，好味之餘，價錢相宜，最緊要感受到老闆同師傅對每一道菜嘅用心，一定會回頭再幫襯！我地叫左個二人餐，真心講兩個人食份量偏多，已經淨係叫左一碗白飯share，都食到好飽。名門二人杏福精選午市套餐 兩位用$728杏汁炖白肺湯超鍾意杏汁杏仁茶嘅我，對呢個湯都幾高要求，呢個湯完全係我想要嘅味，超級足料，生磨南北杏，令到杏仁味超濃，豬肺煲到好腍，侍應好貼心咁準備左豉油比我地點黎食吊味！鑲鑽黃金蝦賣相好靚，睇落隻蝦好大隻，以為好厚炸粉，原來唔係，係隻蝦就係咁大隻，外層沾左鹹蛋黃同麥片，好特別嘅配搭，香脆可口，蝦肉好新鮮開邊再落鑊炸，啖啖肉好正，蝦頭都炸到脆卜卜，蝦膏好鮮甜！大良炸鮮奶炸鮮奶好難掌握，上碟同食嘅時間唔同，感覺都差好遠，呢個時間、口感、味道都拿捏得啱啱好，上碟時熱辣辣啱啱新鮮炸起，外層香脆，入面嘅鮮奶有少少流心，唔會成舊粉咁，牛奶味香濃，係我食過最好味最正嘅炸鮮奶！$128 精美小菜任選一款 - 順德煎釀鯪魚呢道菜好考功夫同心機，師傅用左三條鯪魚肉，再釀成一條，用番魚頭、魚皮、魚尾以一條完整嘅魚嘅形態再呈現出嚟，鯪魚肉爽口彈牙，師傅應該打鯪魚肉打

今日又同朋友開心食私房菜職員話餐牌會定期更新， 今次就叫左職員推介的杏汁豬肺湯材料好足，有豬肺，花膠，白果。杏汁味又香又濃。 飲完好滋潤。冰鎮鮑魚鮑魚爽甜，肉質一d都唔韌。 醬汁甜甜辣辣，開胃。醬爆黃金蝦多士濃郁的鹹蛋黃醬， 一上枱就聞到。切開後，配上滿滿的鮮甜蝦肉。好邪惡，但又好滿足。焗魚腸蛋香味遠遠已經飄過黎，焗到外層脆脆地！魚腸乾淨又滑溜溜豉油雞色香味俱全！豉油汁濃郁又有酒香味。雞肉入味又滑。麵醬西生菜瓦煲上枱時，仲聽到滋滋聲，夠哂熱。 麵醬 鹹鹹辣辣，好惹味。蛋白杏仁茶生磨杏仁，好香好濃。

今日心情好，同個朋友仔食好啲，係灣仔搵左呢間順德私房菜，順德菜製作認真，味道都一流。杏汁豬肺湯，洗豬肺好花工夫，而且唔係個個識洗，係呢度就有得飲，仲有新鮮靚豬肺。個杏汁係用南北杏去磨，好香好滑，冇平時食開好似杏霜果種又甜又搶喉嘅味。原來仲有花膠，飲完仙氣滿滿。冰鎮鮑魚，好爽好彈，一咬就開，加埋個醬汁提升鮮味，好食！醬爆黃金蝦多士，一嚟到個鹹蛋黃超香，裏面全部都係蝦，邪惡程度係十級，朋友仲話我食晒啲咸蛋黃，哈！麵豉醬西生菜，有肉又有菜，雖然只係生菜，但師父都好用心去烹調，麵豉醬個味恰到好處，生菜係瓦罉入面都好爽脆，冇overcook豉油雞，個甜豉油超正，雞入晒味，又肥美又啖啖肉。蒸魚腸，又係一個手工菜，魚腸冇腥味，配埋蒸蛋，口感實淨，上面仲有芫荽提升香味。蛋白杏仁茶，有少少似燉蛋白，用南北杏磨汁，食到杏仁甘味。

我覺得私房菜就好似中式廚師發辦咁，菜式要由師傅提供，要預先訂定，每一碟菜式都好花心思，好考功夫～～經朋友介紹，今次去呢間喺灣仔開業廿年😍嘅順德菜🥰 白肺燉花膠湯 （$168/位）坐低就可以先品嚐製作繁複，呈奶白色，香濃潤滑，感覺每一啖都咁滋潤冰鎮鮑魚配燒汁芥辣 $88/隻（兩隻起）前菜係好大隻，煮得爽口鮮甜嘅飽魚，配上燒汁芥辣，特別醒胃青芥冰燒雞 $348/半隻手拆燒雞絲，加入海蜇、青瓜絲、醬汁，仲有青芥辣，好花功夫，味道爽香嫩辛，層次豐富，不知不覺愈食愈多😂蜜烤蝦菠士 $98/件（兩件起）需要同時炸蝦多士、烤菠蘿，及煮菠蘿醬，時間要配合得好好，先會食到菠蘿🍍嘅爽口，炸蝦多士嘅酥脆彈牙，仲有菠蘿醬嘅香甜。農村山區炆釀豆腐 $188/例呢個釀豆腐有別於一般，肉係夾喺豆腐中間，食落除咗有豆腐嘅滑仲有陣陣鹹香。哈哈哈芥蘭煲 $178/例蝦蝦蝦，用上肉質爽彈嘅鮮蝦，及蝦乾一齊炒芥蘭，香味十足

晏晝同朋友約咗一齊食飯，朋友介紹一間私房菜話好好食，所以我哋一齊上去試一試。餐廳座位都幾寬敞，唔似一般中菜酒樓咁逼夾，我哋見到一個四人套餐，都幾fit老火靚湯：湯完全冇味精，飲起上嚟有一種家的感覺，非常好飲。酥炸茄子：茄子被薄薄嘅蛋黃漿包裹住，炸嘅火喉控制可以話係大師級，完全保留到茄子新鮮而有汁滲出嚟。冰鎮鮑魚：名貴就唔駛講，鮑魚煮得稔但亦不失煙韌爽口嘅感覺，最重要就係佢秘製醬汁，完全帶出鮑魚新鮮嘅味道。由於係冰鎮，食起上嚟非常清新。子薑配流心皮蛋：皮蛋有別於一般黑色嘅賣相，仔細睇起上嚟係啡色一層嘅，皮蛋味濃。如果同子薑一併放進口，好容易清除皮蛋濃烈嘅味道。秘製豬肋骨：問咗老闆，呢味餸用咗陳皮醃製，味道非常特別而且超級好味， 酸酸甜甜，加上以炸嘅形式，烹調功夫可見一班。肉質方面，豬肋骨有些油脂，食落爽口有溶化嘅感覺，但煮得好稔，非常滿足。頭抽豉油雞：用上玫瑰露去煮，雞肉新鮮嫩滑，呢度菜可以話係我咁耐以來食嘅豉油雞當中數一數二嘅菜式。釀鯪魚：雖然呢度菜唔係一啲名貴菜式，但絕對係用心之作。師父將打好嘅鯪魚肉，釀入原條魚之內，再經香煎以達致皮脆嘅感覺。咁樣嘅食法啖啖肉，冇晒食到魚骨嘅煩惱。上

朋友早前订了这间私房菜约埋我一齐食。原来今次有新嘢，哈哈。冰烧鸡 : 是一道凉菜，有鸡丝，海蜇，青瓜丝仲有好脆口的炸芋丝。全部都同山葵汁，真系好好味，又冻冻地，大热天时好啱食。😍😍蒸柚皮：柚皮完全入晒煮汁的味但又食到柚皮的香味，好正。唔系好咸又完全冇苦味，入口唔洗咬就几乎可以吞。👍👍啫啫芥兰：芥兰嫩甜，用虾酱炒熟，好香口。间中有虾干一齐食，更浓味。😋😋原条𫗵鲮鱼：鲮鱼外皮炸得香脆，鲮鱼肉扎实而且食到阵阵的老陈皮味，好开心再食到经典的顺德菜。名门炒钣：炒饭上枱已经香喷喷，虽然已经接近饱，还是吃光了一整碗。饭好干身，有叉烧粒，但最好味的是有好香口、微辣真系好好味。用砂锅盛着炒饭真是有用，可以保持温度好耐，正。💯

最近同好友餞行，所以特別挑選左一間中式私房菜，呢度有好多好考功夫嘅菜式，包佢去到英國食唔到。先嚟嘅係白肺燉花膠湯，要整呢個湯係好花功夫，一啖熱辣辣嘅湯，杏香撲鼻，一試難忘！第二道菜係冰鎮鮑魚配燒汁芥辣， 食私房菜就好似食廚師發板一樣，從食材同醬汁就睇到廚師嘅功夫，單係講要令到大大隻嘅鮑魚幼嫩軟滑已經唔係一般廚師可以做得到，再加上秘製醬汁，香甜清新，加上有日本芥辣嘅after taste，一種醬汁多重感受。全晚最精彩之一莫過於青芥冰燒雞，起初以為侍應搞錯咗，因為完全見唔到燒雞嘅蹤影，但原來係廚師將燒雞拆肉，配合青瓜，炸芋頭，海蜇等，有不同口感，炮製出又一驚為天人嘅菜式。本來以為啱啱品嚐嗰度菜已經係全晚最精彩嘅，點知一山還有一山高，再嚟嘅係蜜烤蝦菠士，單睇嗰菜名完全冇頭緒係一道咩野菜，經過解釋原來係用蜜糖菠蘿配合蝦膠製成嘅一道菜色，就好似蝦多士，頂層係烤蜜糖菠蘿，中層係以菠蘿忌廉抄成嘅自家製菠蘿醬，配合好咁Q彈嘅炸蝦餅，有別於傳統嘅蝦多士，菠蘿嘅清新同蝦多士配合得天衣無縫。正諗緊今晚會唔會食得太多肉嘅時候，侍應介紹今晚第五道菜，農村山區炆釀豆腐，以為平平無奇，查實內有乾坤，釀製於豆腐中嘅鹹

這間餐廳很近地鐵站，行3分鐘便到了。位置很容易找，上到去，工作人員很熱烈地招呼我們，服務10分殷勤，不斷斟熱茶，和問我們夠不夠吃。第一味菜，就係老火燉湯，好清甜，好入味，入邊仲有豬肉同埋螺頭。點啲豉油好好食。第二味餸，就係冰鎮鮑魚，冰鎮鮑魚配上酸酸甜甜嘅辣汁。好開胃！好有咬口，想encore嚟多隻！嚟到最有創意嘅微信，就係酥炸牛腩，牛腩好淋，炸咗個皮，令到佢好有咬咁同脆口。可以食幾碗白飯都得啊！跟住就有鯪魚肉釀入啲鯪魚度嘅煎釀鯪魚。見到師傅真係好有心機，老闆話係用三條鯪魚整成一碟，真係好足料！然後仲有順德污糟雞，雞用白胡椒黑胡椒仲有啲紅棗同埋薑，蒸埋一碟，好好食，甜甜辣辣。同出邊嗰啲蒸雞好唔一樣，真係估唔到係咩味呀！D汁流晒落荷葉嗰度，用嚟撈飯一流！最後來一碟菜，估唔到一碟蝦醬炒芥蘭都可以咁好食，蝦醬好香，芥蘭好嫩口，同埋爽口。自己唔係咁鍾意食菜，都差唔多食晒😊最後甜品，就係蛋白杏仁茶，好好飲，老細話佢係用真正嘅南北杏磨制而成，所以唔似出邊嗰啲好似有藥水味😇下一次，一定會叫晒成家人嚟，因為好想試吓佢蝦多士，豬肺湯，好似全部都好好食，同好多人嗌！

朋友說最近有間私房菜很不錯，帶我一試。杏汁豬肺湯每枱必點的杏汁豬肺湯，杏仁味很濃郁，湯汁雪白細膩，入口啖啖杏仁香氣，很滋潤。冰鎮鮑魚鮑魚清理得很乾淨，冰冰涼涼，沾上醬汁同吃，開胃非常！蝦子柚皮功夫菜！柚皮沒有半點澀味，入口軟綿無渣，上面灑上大量蝦子味道濃郁，建議配飯同吃哈哈哈芥蘭煲從前有三隻蝦，蝦（醬）蝦（乾）蝦（球）非常惹味，芥蘭精心處理，入口爽嫩！最後送上糖水喳喳懷舊香濃，甜而不膩，完美句號！

最近忙住搬屋，冇住家飯食，想食得健康Ｄ，朋友帶左我去食私房菜，話餐廳主打冇味精！杏汁豬肺湯餐廳招牌！女士最愛！ 杏汁滋補香濃細滑，豬肺清洗乾淨而無一絲腥臭，口感軟綿，果真出色每枱必叫的冰鎮鮑魚Size 大概是小朋友的拳頭，爽口彈牙，另配燒汁wasabi，清爽惹味！順德煎釀鯪魚食魚最怕咩？有骨！呢味釀鯪魚最適合小朋友同老人家食３條鯪魚的肉釀入一條魚之中，魚肉彈牙，外皮金黃香脆，非常好食！名門炒飯好夠鑊氣，炒得夠乾身而粒粒分明，xo醬微辣好惹味一定會同家人再黎食!

名門私房菜這兒位於灣仔街市的橫街，是歷史悠久的樓上鋪，裝潢如中式酒家，當晚我入了房間，感覺好自成一國。酸薑皮蛋酸薑比較厚，皮蛋就好濃郁美味😋冰燒雞好特別的一道冷盤，有好多材料：酸薑、炸芋絲、雞絲、青瓜、海蜇、仲加上Wasabi，好開胃！釀鯪魚係最最最考功夫嘅傳統順德菜——先將鯪魚裏面嘅肉取出，再加上其他配料打成嘅肉釀返入鯪魚度。好欣賞前人嘅自衛同埋對做菜嘅心事心機。啫啫🍤大蝦鹹香芥蘭芥蘭好粗好甜，每一條都占了鹹香味，好入味，真係喜歡。蝦子🦐柚皮好佩服以前的人想到食皮，而師傅又做得咁入味可口。名門炒飯來這私房菜前已經朋友提過，這名門炒飯是必定要試的，雖然我的肚子已經飽，但當我一食入口，嘩！真係好正！自家製嘅XO醬加上瑤柱、鮮蝦、叉燒，令到成個飯真係好香好濃味。薑汁番薯糖水薑汁又香又甜，番薯都係好甜，好完美嘅晚餐甜品。

大部分出名嘅順德菜都好貴，同事推介咗呢間順德菜，價錢相當親民，雖然位於灣仔街市附近，但食物質素比想像中出色兼有誠意，都幾適合一家大細做節食飯嘅中菜廳午市都有多款套餐，今次人比較少就揀咗二人精選午市經濟實惠套餐，有小食、時蔬、半隻雞及自選一款小菜，煮法亦可自由搭配前菜揀咗酸薑皮蛋，酸薑是自家製，醃得酸甜適中，配以流心皮帶，極之開胃的前菜順德污糟雞順德名菜之一的污糟雞，半隻雞斬件用荷葉墊底，連同配料就放在銅盤蒸，而配料就有紅棗、蔥白、薑蓉及胡椒粒。雞件蒸過後肉質依然嫩滑，完全吸收晒配粒的精華，味道富層次感豉汁蒸魚頭腩出街最鍾意食蒸魚，難得有蒸魚頭腩當然必試！魚頭腩清洗得乾淨，蒸出黎完全沒有腥臭味。肉質鮮甜嫩滑，魚油極之豐富，加上豉汁吸收晒魚嘅精華，特別開胃，惹味到大家都想添多碗飯不少得的大良炸鮮奶，加配只係$68有四件，鮮奶凍炸至外脆內軟滑，奶味香濃且甜而不膩，的確唔錯！上湯浸時蔬，面頭撒上金華火腿絲，更添一點鹹香，頗有驚喜！最後以木瓜雪耳湯水作結，午餐都咁豐富，真係滿足