名門私房菜

營業中

休息中

日日返工都食茶餐廳，今日放工約咗朋友想食好啲佢話試下呢間私房菜。上到去見佢環境幾好，應該一定有水準。 老闆好好招呼，我哋諗唔到食乜咁就叫佢發板。 首先來個杏汁豬肺湯，一飲就知係新鮮杏仁超濃郁第二度菜冰鎮鮑魚 仲有秘製醬汁白鹵水再加日本清酒浸咗一日一夜。 可留到鮑魚鮮味之餘仲有咁清新嘅感覺。再黎黃金蝦。鹹蛋嘅比例落得啱啱好非常新鮮外脆內軟啲蝦膏爆曬出嚟芝士洋蔥瑤柱焗蟹蓋，第一次食呢個配搭好新穎，誠意推介俾大家砂鍋豉油雞，新鮮雞浸得好嫩滑送白飯一流， 忍唔住食咗兩碗，另外仲有個梅菜扒菜心最後食埋碗蛋白杏仁茶，為今晚畫上完美句號。