古琴雅苑 (利舞臺廣場)

營業中

休息中

之前成日係灣仔都見到呢間餐廳 原來cwb都開左新鋪! 即刻試試先😋北京烤鴨 ($188/半隻)呢間餐廳最出名係烤鴨 點可以唔試! 一上菜熱辣辣 D皮好脆口 肉仲收嫩滑 夾埋個皮同D醬 配料食 好正呀🤤🤤 餐廳仲會比D鴨皮點果醬食 好特別!😳 松子魚 ($238)記憶中好少食北京烤鴨既餐廳有得食松子魚 所以點都要點松子魚! 最中意酸酸甜甜既野食🤣 呢個係必點!! 推介!!! 雖然淋左汁上去但個魚皮都仲係好香脆!😋😋 入面仲有好多肉 隔左一陣食都仲好熱辣辣😋 店員好細心 會等我影完相先再幫我地切南翔小籠包 ($58)食上海菜又點少得小籠包呢! 😋😋 有6個 3 個share岩岩好 唔洗爭! 但係美中不足係個小籠包無咩汁 😢蟹粉撈麵 ($168)真係好多蟹粉呀🤤🤤🤤 趁住仲係食蟹既季節 要食多D蟹黃蟹粉既菜式! 🤤 個麵好有咬口 !! 3兩下就哂🤣呢度地方乾淨闊落 又坐得舒服👍 帶埋屋企人去食應該會好開心! 依家Openrice 訂位仲有折!

—新開張有訂座優惠有拼盤或者糖水贈送裝修得幾雅致烤北京填鴨($188/半隻)會送上一口酥?!脆皮試味先可蘸上砂糖 梅子醬配料可以refill 實在太好餅皮有夾紙分開一塊塊鴨皮色澤油潤 肉片肥瘦分明荷葉杭州雞($158/半隻)打開籠蓋 一陣荷葉香撲鼻而來雞皮有彈性都幾薄 已經均勻上色入味好易就拆到肉 金銀炒鱔糊($138)睇落好濃味 調味其實ok爽脆芽菜配上軟綿魚肉 口感唔錯金腿濃湯津白($86)出街食都要嗌碟菜南翔小籠包($68)有紅蘿蔔墊底嘅小籠包既美觀又唔驚會夾穿蟹粉蓋飯($198)而家係大閘蟹當造嘅季節炒飯上面滿滿地澆上一層蟹粉芡啖啖飯都食到腰果露訂位送嘅糖水都唔錯喎香濃綿滑 nuts味都重———————————————古琴雅苑銅鑼灣波斯富街99號利舞臺廣埸8樓B號舖

古琴雅苑第三間分店係利舞臺開張啦，見到新張期間訂位有優惠，我地就去試下。2-3位會送腰果露，4位以上就送至尊拼盤，好抵食啊。烤北京填鴨半隻 $188我地叫左半隻，醬汁都好多款，皮脆肉嫩的烤鴨配酸甜嘅醬好好食，第一次加入哈密瓜，增加多左份清新感覺，另外店員介紹有個一口酥，好香酥。砂鍋雲吞雞 $178份量唔少，雞湯清甜美味，店員會幫你地分好，方便大家食。精美四小拼 $168有雞絲粉皮，揚州水晶肉，拍青瓜，花鵰雞，粉皮充滿醬汁，雞絲嫩滑，水晶肉做得精緻，青瓜入味爽口。

一家人去吃，叫幾個小菜，再加隻片皮鴨，就真的很完美了!前菜點了南翔小籠包，一籠有6隻，小籠包底下會有一紅蘿蔔片墊底，能很輕易就可夾起小籠包了！湯品就點了砂鍋雲吞雞，有半隻雞，湯頭不油膩，雲吞數目也不少！主食點了北京填鴨半隻及風味松子魚，先說片皮鴨，侍應會先起胸前的幾片鴨皮，伴黃梅醬比我們吃，之後再上麵皮及片皮鴨，鴨皮脆卜卜，鴨肉香嫩；而松子魚啖啖肉，外脆內軟，甜酸汁味道也拿掐得很好！飯類有瑤柱蛋白炒飯，飯量適中，有炒飯香，蝦仁新鮮！甜品點了高力豆沙香蕉及腰果露，高力豆沙香蕉內裡香蕉及豆沙各半，外層炸皮不油膩，豆沙甜味適中不太甜；腰果露很香，濃度也剛好！

古琴雅苑喺銅鑼灣利舞臺廣場開咗新分店 !一向鍾愛片皮鴨嘅我梗係要親自嚟新店試試菜😄新分店果然有驚喜🤩 個人覺得好食過其他分店😋·🦆烤北京填鴨(半隻) HKD$185見住店員片住一片片鴨肉，已經流曬口水🤤奉送嘅一口酥記得要食呀😋（鴨頸對落突出位置），每隻鴨只有幾片咋，好昂貴😚 而且入口即化😻 酥香油脂溶化整個口腔💖每片鴨肉連皮都片得大小相若，師傅手勢無得輸👍將烤鴨片放喺捲餅皮上，連同青瓜絲、哈密瓜絲、京蔥絲，再加上梅醬、甜醬、砂糖包裹一起吃，幸福滋味湧上心頭💓捲餅皮會用蒸籠盛上能保持溫度及濕潤，好貼心👍·🐓砂鍋雲吞雞 HKD$178好大煲夠4個人食🤤 雞湯熬得十分鮮甜 ! 雲吞雞肉質腍到入口化開😍 裡面嘅娃娃菜煲到勁腍，雲吞好入味，吸收哂湯嘅精華，配料絕對唔俾主角失色👍·🍛瑤柱蛋白炒飯 HKD$99炒飯炒得乾身且富有光澤😻 飯粒粒粒分明，軟硬適中👍炒飯面頭仲附有大大粒爽口蝦仁🦐 而內裡嘅瑤柱、蛋白、蔥花，令炒飯更有口感，來得錦上添花！·🥒蔥油海哲拌黄瓜 HKD$79個人本身超喜歡吃涼拌海哲😍 用上蔥油撈香更加滋味，海哲加上黄瓜雙重爽口美味，一道不錯的開胃菜👍·🥠雞絲粉皮 HKD$

呢日同幾個朋友去左銅鑼灣呢間中餐廳食晚餐，呢到既環境好好，岩哂同朋友慢慢傾計。有開胃既前菜。我地點左古琴酒糟烤北京填鴨。首先，會有一塊烤得好脆既鴨皮點沙糖同埋醬食。之後就可以食鴨啦！將肥美既片皮鴨放上皮上，加入京蔥、哈密瓜同埋青瓜，再加入醬料，超好食！另外仲有風味松子魚，桂花魚經過油炸後，呈現出好靚既松子形狀，再淋上甜酸汁，食落去好開胃啊！呢度既南翔小籠包都好正，皮薄多汁！呢個季節岩哂食蟹，所以我地點左個蟹粉蓋飯，好惹味。黑醋骨酸酸地，好開胃。食埋甜品就perfect！

見到呢間中菜係銅鑼灣利舞臺開左新分店，即刻訂枱與朋友黎個聚會。新開張有訂枱優惠，2-3人送腰果露，4人以上送小食拼盤。訂座時講明用優惠就可以，亦可以openrice訂座，非常方便。早左去到，職員好貼心咁俾我入去坐低，飲住茶等朋友。店內都幾大，但啲枱完全唔逼，有卡位亦有圓枱。有4款茶可以選擇，超推佢個桂花烏龍，真係好好飲。菜式選擇亦非常多，可以話眼花撩亂，選擇困難症既朋友仔，可以學我一樣揀套餐。專登黎試食既片皮鴨好好味，佢提供既配料好多，唔夠都可以再同職員講。隻鴨肥瘦適中，熱辣辣，好香，同配料既哈蜜瓜異常咁夾。松子魚同黃金蝦都非常美味，套餐餸菜份量多，我哋4人係食唔哂。職員服務都好貼心，係積極主動幫你加茶，完全唔使客人叫。呢間餐廳無論座位，餐飲同職員都好高水準，絕對值得推介。

利舞台轉變左好多, 定係我太耐無黎呢??樓下原本賣韓仔衫變左幾間細店, 賣茶又有賣鞋又有, 包羅萬有, haha…位於8樓既古琴雅苑唔好被佢個名呃到,絕對唔係賣old-fashioned, 店內光猛又寬躺,好多鴨仔既掛畫, 好舒服自在!我有個朋友, 佢好鐘意好鐘意食片皮鴨!成日都叫我同佢去北京樓食片皮鴨…食鴨唔一定去北京樓, 去古琴雅苑仲正!烤北京填鴨(半隻) $188未上檯已經聞到味….賣相超吸引, 加上肥瘦均勻,唔需要卷餅包住, 忍唔住直至放入口…真係好好味, 難以形容!附送特脆鴨皮王, 聽經理講係鴨既心口果丁丁既脆皮;可以點砂糖或者蜂蜜黃梅醬,點砂糖黎食原來係咁好味!古琴酸菜魚 (每位) $88真係好耐好耐無食酸菜魚…見到餐牌有酸菜魚 即刻口水流「我要點我要食呢個」無嗌錯! 個酸菜魚真係好正,呢個係一人份量, 有好多好多魚;唔會太辣或過酸,我真係好鐘意呢個酸菜魚,下次黎可以叫大份 $288!

都好似好耐冇食京菜，今日嚟到呢間新開嘅銅鑼灣分店，今次三個人食飯可以食多啲唔同嘅菜式，裝修風格都幾有格調，傳統中帶有文化氣質。北京填鴨係佢哋嘅招牌菜，所以嗌咗半隻食，烤鴨皮脆肉滑，食落好似有一陣陣嘅果木香，配料上有少見嘅哈密瓜，包住一齊食嘅時候，有咸有甜層次豐富。風味松子魚，呢個係我最鍾意食嘅菜式之一，因為喺屋企絕對煮唔到，魚肉炸得金黃酥脆，加上酸甜汁，食落好開胃。南翔小籠包，皮薄汁多，中間肉汁溫度保持得好好，食嘅時候真係小心辣到個口。蜜汁燒火方，呢個菜式有驚喜，金華火腿薄切後煮淋，本身嘅鹹味減少好多，再加上蜜汁，鹹甜嘅感覺加上白麵包一齊食，軟綿綿味道層次又豐富。

行開銅鑼灣一帶，得知出名食片皮鴨的古琴雅苑在這邊開了分店，於是決定一於去試一試先~✨至尊拼盤 -$198-由嫩滑的花雕醉雞、清甜的拍開洋黃瓜、開胃的四喜烤麩、香濃的雞絲粉皮和鮮味十足的揚州水晶肉組成。特別一讚的是花雕醉雞，雞肉嫩滑之餘，花雕酒的酒香味也滲透在雞肉之中，十分清香入味。另外，雞絲粉皮也十分出色，雞絲、青瓜和粉皮三種食材的分量比例適中，其中一種的分量都不會過多或者過少，雞絲不會”鞋”口又不會韌，粉皮又滑，配上香濃濃郁的花生醬，令到雞絲粉皮的味道升華。整個拼盤的味道都清爽開胃，絕對是作為前菜的首選。✨風味松子魚 -$238-魚炸得剛剛好，不會硬又不會燶，而且還好脆。配上酸酸甜甜的汁，開胃之餘，又不會蓋過魚本身的魚味，反而帶出了它的鮮味之餘，又一點都不腥，非常好食，令人一試難忘！✨烤北京填鴨 (半隻) -$188-每一片烤鴨的厚度都切得好平均，厚度適中，不會太薄或太厚。鴨皮香脆，鴨肉肉質新鮮，一點都不會”梅”肉，又不會過肥和太油膩，食落扎實嫩口有彈性，但又不會覺得韌。而且鴨卷餅都不會很厚，用它來包着烤鴨片跟配料如青瓜、京蔥和哈蜜瓜，再沾上醬料如京醬、蜂蜜黃梅醬或沙糖，味道美味之餘

這間位於利舞臺的古琴雅苑，主打北京填鴨等京川滬菜，食物款式很多，而且抵食。北京烤鴨這裏的招牌菜，每枱都見有點，半隻的份量足4人分享，烤鴨肉質鬆化，表面香脆，加上青瓜京葱等配料，可減輕油膩感。一口酥點了白糖，入口酥脆甘香。風味松子魚鱸魚炸至金黃香脆，即使淋上酸甜醬汁，松子魚都保持外脆內嫩，越食越開胃。花雕醉雞醉雞皮下脂肪不多，雞皮爽彈，雞肉吸收了花雕酒香，而且肉質嫩滑。無錫脆鱔脆鱔炸至香脆，表面沾滿了醋汁，香脆又惹味。小籠包皮薄且有彈性，小籠包多汁，而且肉質鮮味。古琴鴨肉炒飯炒飯爽口不油膩，有淡淡鴨油香。高力豆沙香蕉新鮮即叫即炸，外層鬆軟，中間香甜的豆沙及香蕉餡。

之前食過其他古琴雅苑店，難得銅鑼灣開左分店，即刻黎試下。銅鑼灣店位於利舞臺，地點非常方便，行完街就過黎食飯。餐廳地方寬敞，卡位坐得舒服，菜式選擇好多。必叫嘅梗係片皮鴨，松子魚都好出色，加個四季豆同炒飯，夠晒食。片皮鴨除了脆皮外，鴨肉比例都算多。鴨肉好滑，外皮好脆，食落無咁油膩。配菜除左常見嘅大蒜同青瓜外，竟然仲有哈密瓜。呢個配搭好fresh, 好好味。份量都算多，半隻鴨都食到十幾塊。松子魚做得好出色，外脆內軟，魚肉結實，唔會太多炸漿，酸甜味適中，好開胃。乾煸四季豆同蛋白炒飯都炒得好乾爽，唔會好油膩，味道都保持一貫水準甜品選擇好多，桂花糕好大件，好抵食，仲加了玫瑰花，有唔同嘅花香，好香好清甜

早上去銅鑼灣做完身體檢查。找美食醫肚。到利舞臺新開分店古琴雅苑，食半隻片皮鴨，皮脆肉嫩，又不太肥，加一碗菜肉雲吞麵，份量夠兩人分享，麵質啱啱好，不太硬又不太淋，再吃甜品腰果露，味道不太甜，非常健康。服務員服務周到。下回晚飯一定再去。

店鋪是新開的，地方很乾淨整潔，服務員態度都好好，殷勤招待，裝修也舒服高檔次，就連茶位包的茶也非常好喝～荔枝玫瑰茶～很香荔枝味，茶的口感亦順滑～精品雙小拼（ 雞絲粉皮，揚州水晶肉）～小食粉量適中，水晶肉冰涼的感覺，食得很舒服～香菜鮮魚羹～清清地的魚羹，配上淡香的芫茜，魚肉也不少啊～烤北京填鴨（半隻）～鴨胸位先切了4片給我們吃，油香直滲入口腔每處，皮香脆嫰；其後再上一碟鴨肉及皮，也是皮脆肉嫩，必吃首選👍開水白菜～不是真的開水🤣是上湯杞子白菜啦～古琴鹹肉菜炒飯～炒飯很香，配以鹹肉作調味，份量適中～砂鍋雲吞雞～大煲的，4人的話，每人能喝上兩小碗，雲吞也大粒～杞子桂花糕～很清甜清爽，不會很甜，吃得沒負擔～高力豆沙～內裡的豆沙餡還有一截香蕉，豆沙亦不會很甜，幾好味～