突然好想食好味的片皮鴨，上網睇見呢間評語唔錯，一於訂今晚去試下，呢到有兩人、三至四人、五至六人、七至八人的套餐，好方便有選擇困難症，唔知食咩好的客人。坐低職員就會問想飲咩茶，個桂花烏龍茶好香。然後就會拎個前菜黎，前菜酸酸的味道，好開胃。冬瓜鴨架湯，以每碗上，除左有冬瓜、鴨架，仲有豆腐，湯味清得黎又有鴨味，飲完個人暖笠笠。半隻烤北京填鴨，呢到最出名就係呢到菜，師傅片得好靚，一上枱就已經可以見到金黃嘅色澤，鴨皮入口香脆，鴨肉嘅細嫩Juicy，將北京填鴨放上餅皮，加上甜醬、蔥段、蜜瓜、青瓜等材料，層次口感好豐富。職員話「一口酥」可以搭配砂糖一齊食用，入口鬆化，鴨油嘅香氣好濃郁。套餐仲包左南翔小籠包，一籠有四隻，一定要趁熱吃，小籠包湯汁好飽滿，皮嘅厚薄度適中，真係大滿足。金腿濃湯津白，津白好鮮甜，加上少少咸香的金華火腿，真係好夾。上海粗炒麵，上枱熱辣辣，炒得好有鑊氣，肉同冬菇切到一絲絲，再加上煙韌的粗麵同調味適中的醬油，真係令人食指大動。最後仲送埋杞子桂花糕，唔會好甜，有啖啖的桂花味，好清香。今餐真係食得好飽同滿足，大推。…查看更多
突然想起古琴雅苑的北京填鴨，午餐時享用豐富的填鴨，令人垂涎欲滴！
中午有午市套餐可供選擇，餐廳環境寬敞，桌與桌之間的空間充足，坐得舒適，服務人員態度友好。
首先上桌的是「一口酥」，可以搭配砂糖享用，入口特別鬆化，鴨油的香氣在口腔內留香。
