古琴雅苑 (利舞臺廣場)

營業中

休息中

屋企人好鍾意食京菜，最近發現 呢間餐廳，星期六日有 送餐服務，唔使出街等位，可以安座家中慢慢享受。司機好準時，好穩妥咁將食物送到屋苑，仲熱辣辣．超乎預期...「烤北京填鴨」第一次喺屋企食北京填鴨，同堂食完全無分別，醬汁同配料好齊備哈蜜瓜條 同京蔥，包住食好滋味。每片外皮都有牛油紙分隔．相當貼心。「花鵰醉雞」加入花鵰酒，帶出微微嘅酒香，味道更鮮，皮夠薄．雞肉好嫩滑「農家醬爆牛肉」醬汁惹味得嚟又唔會太鹹，配牛肉夠腍，味道好夾「乾煸四季豆」四季豆好爽口，唔會太腍，加上肉碎，飯都食多兩啖「古琴鹹肉菜炒飯」炒飯炒得好靚，米飯粒粒散開，鹹肉帶出味道「腰果露」好少食到腰果露，口感好幼滑，唔會太甜。4人份量好充足。外送滿$600, 仲有八折，阿媽大讚好抵食，下次要再order試下其他菜式

今日為咗慶祝朋友搵到新工，所以我地就搵咗間唔錯嘅中菜去慶祝下～烤北京填鴨（半隻）+ 鴨卷餅+ 烤鴨配料睇佢寫半隻烤鴨，以為會好少份，點知個份量都好多下，鴨嘅香味好勁，一咬落去啲鴨油都出曬嚟，就咁食嘅話可能好易膩，但配埋卷餅、青蔥、青瓜等等嘅食材就剛剛好，食到我同朋友都唔停口。花雕醉雞（半隻）未食已經聞到好香嘅酒味，雞嘅肉質都幾嫩滑，啲酒味入味得嚟又唔會搶走曬啲雞味，而雞嘅份量又相當足料，勁讚！！清炒鱔糊本身我超鍾意食鱔糊嘅人，但多時炒鱔糊都會配埋韭黃，令到我呢啲偏食嘅小朋友都卻步，呢個清炒鱔糊就啱曬我，基本上係唔會食到有韭黃，可以放膽食啖啖肉嘅鱔！瑤柱蛋白炒飯個炒飯好足料，而且炒到個飯都好乾身，而啲瑤柱個量都好多，所以成個炒飯都好香瑤柱味。南翔小籠包小籠包入面有好多湯汁，而且啲料都好足，食落去好有肉香味。

好耐冇食片皮鴨😋，與家人到古琴雅苑，位於銅鑼灣波斯富街99號利舞臺廣埸8樓B號舖。 店內裝修風格以中式為主， 雅緻舒適😉。 餐牌上的夏日嚐鮮套餐很吸引🤩， 價錢抵食款式多， 可惜今次三個人，所以選擇散叫。🔸餐前小碟$16、古琴酒糟烤北京填鴨半隻$199、 古琴酸菜魚$288、 南翔小籠包$78、 高力豆沙香蕉$68。🔸 🔸餐前小碟 ～ 先來個餐前小碟，酸酸地好開胃😚。🔸古琴酒糟烤北京填鴨半隻🌯 ～ 店員送上的時候已經聞到有一份酒香的味道， 原來師父把酒糟放進鴨身，入口鴨皮脆身，油香肉嫩， 肉質豐富配上五款配料 (青瓜、京蔥、哈蜜瓜、烤鴨醬和蜂蜜黃梅醬) 與鴨卷餅一起吃🤤， 味道很豐富 。 另外還有一口酥鴨皮，口感酥化， 入口即溶，滿口酥香的感覺😋。🔸古琴酸菜魚🍲 ～ 湯底酸酸麻麻， 魚肉非常嫩滑， 有大量酸菜和木耳， 最重要有我最喜歡的寬粉，很美味👍🏻。 🔸南翔小籠包🥟 ～ 小籠包皮薄餡靚又爆汁， 記得趁熱食呀！ 🔸高力豆沙香蕉🫓 ～ 最後點少得甜品， 高力豆沙一碟有四件， 軟綿的口感，甜而不膩， 外皮帶脆很香口。 整體而言古琴雅苑的片皮鴨做得幾好👍🏻， 其他菜式亦不錯， 值得推介💯。

💖 古琴雅苑 (利舞臺廣埸) (銅鑼灣)✨銅鑼灣波斯富街99號利舞臺廣埸8樓B號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️-烤北京填鴨(半）🦆 $195平過北x樓😂不過又係餅皮太厚😵‍💫，但有鴨酥食之餘，有6️⃣種配料😆有哈密瓜、青瓜、京蔥、白砂糖、兩款醬汁。唔知有冇人同我一樣都係鍾意加白砂糖，食落去個味道甜甜地仲要有糖粒，超級正🤤鴨酥勁重鴨香😍-南翔小籠包🥯 $78???呢個小籠包嘅底竟然有一片紅蘿蔔🥕，其實都幾特別，而且紅蘿蔔係好甜好腍😚我細個嘅時候成日以為前世自己係一隻兔仔因為好鍾意食紅蘿蔔😆今次呢個加咗紅蘿蔔嘅小籠包好加分🫶🏻不過‼️皮厚左少少🤏🏻-蟹粉蓋飯🦀 $198冇大閘蟹嘅季節都要食蟹㗎😤通常餐牌有我就一定係必嗌🤪呢個蟹粉改返其實份量都幾多，雖然賣相冇餐牌咁吸引但係食落口都鮮味十足嘅😋不過係鹹咗少少，食完之後就好想飲水🥺如果蟹肉嘅份量多少少就好啦，不過蟹黃嘅味道👍🏻👍🏻👍🏻想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

松子魚 (7.5/10)醉雞 (6.5/10) 不夠入味北京填鴨(8/10) 👍🏼 即烤即切開水白菜 (6/10) 物如其名，太淡烤麩 (6.5/10) 桃桃糊 (7.5/10)———————————————————————————⭕️總評：地理位置方便，但環境略為不夠寬廣，食物質素中規中矩。💵Budget: $300pp (dinner)📍 古琴雅苑 (利舞臺廣埸) (銅鑼灣)銅鑼灣波斯富街99號利舞臺廣埸8樓B號舖

曾經喺尖沙咀食過覺得好好食，於是今次就去到銅鑼灣呢一間度食片皮鴨～我哋叫咗一個六人嘅套餐，份量來講真係多到食唔晒～整個套餐入邊真係片皮鴨最好食😋不過因為當時嘅冷氣比較大，所以大家真係要好快手咁食片皮鴨嘅肉嘅厚度同皮嘅薄度都非常之適中其他嘢食都不過不失～整體係一次好好嘅體驗

聽聞古琴雅苑主打的片皮鴨不錯✨剛好朋友想吃就來利舞臺店試試看店內裝潢雅致，以小圓枱為主可以在𝐨𝐩𝐞𝐧𝐫𝐢𝐜𝐞上訂位很方便約𝟔點半左右已經接近全滿了▸ 烤北京填鴨半隻 $𝟏𝟖𝟖兩個人點了半隻片皮鴨擺放在可愛的鴨碟上呢很快就上菜，沒等很久以傳統掛爐烤的片皮鴨喜歡那種皮脆肉嫩口感餅皮包著配料十分滋味▸ 「一口酥」其實是鴨胸皮部分，店員會提醒要先吃這個點少許白砂糖一起吃，但還覺得偏油膩一些配料包括京蔥、青瓜、哈密瓜、京醬及解膩之選的蜂蜜黃梅醬呢餅皮夠煙韌，但沒有熱住，很快變冷( ´θ｀)ノ▸ 木桶包菜飯 $𝟗𝟖濃郁的醬油味道配上火腿和白菜粒整體不會過膩，炒飯炒得夠乾身👍🏻▸ 腰果露𝐎𝐩𝐞𝐧𝐫𝐢𝐜𝐞訂位送的甜品腰果露～口感香滑，味道有驚喜，很好吃整體性價比高，喜歡吃片皮鴨的可以一試( ´ ▽ ` )ﾉ

想食佢地既片皮鴨好耐了今次專程到銅鑼灣分店會一會佢haha 平日黎到 7點已經全場滿座玫瑰荔枝茶啖啖玫瑰香氣夾雜荔枝茶 吾會太甜太澀 好好飲烤北京填鴨半隻$188陶瓷碟上有個鴨仔頭裝住北京填鴨好qq跟一籠鴨卷餅&幾款醬料（哈密瓜,青瓜,京蔥,甜麵醬,黃梅醬,砂糖)除左一盤鴨肉，另外有一小碟特別分開稱為「一口酥」「一口酥」係鴨頸對落近鴨胸突出位置，好酥脆入口即化 酥香油脂充斥住成個口腔餘香十足鴨皮嫩滑，鴨肉好香好Juicy,配埋醬料&配菜，包住鴨卷餅食好好味配料有哈密瓜好特別好解膩 平衡返油膩感佢地既配流仲可以無限添加 正！南翔小籠包$68一籠有六隻小籠包皮薄餡靚，一咬啲肉汁就流曬出黎好Juicy蟹粉蓋飯 $198面頭鋪滿蟹粉蟹肉蟹黃撈飯 飯底有蔥花，蛋，毛豆 令口感升華炒飯粒粒分明 夠乾爽本身寫3-4人分量但我地2個人極速清曬人多絕對可以叫多幾個鎹Overall 呢度既片皮鴨係我食過最好食既 好值得回頭啊

三個女仔叫咗半隻鴨 一個砂窩雲吞雞 小籠包同小食拼盤 啲嘢食上得好快 鴨嘅配料有好多 青瓜 大蔥 哈密瓜 糖 梅子醬 北京填鴨醬 好多醬放喺台面！佢比咗個一口鴨酥叫我哋點糖或梅子醬 好好食 香脆！ 個鴨都唔錯 配料同醬可以refill 唔洗慳住食小籠包質素一般 皮厚下次唔叫 沙窩雲吞雞就普通 雞有啲諧拼盤有四款 雞絲粉皮 肴肉 青瓜同醉雞 都係普普通通～最後送腰果露或壽包 我哋揀咗腰果露 都幾香腰果味而且唔太甜呢度唔係好多人 服務態度很好 埋單唔洗$800 抵食

男朋友經常都話想食片皮鴨 上Open rice見到依間餐廳片皮鴨好吸引就決定嚟依間啦餐廳環境舒適 仲播放住好柔和嘅音樂今次兩個人一唔小心就叫咗超多嘢食樣樣都想食໒( ͡ᵔ ▾ ͡ᵔ )७•烤北京填鴨（半隻）$188跟餐跟鴨卷餅 烤鴨配料 配上幾款醬料（哈密瓜,青瓜,京蔥,甜麵醬,黃梅醬,砂糖)仲有四件超脆嘅一口酥鴨皮 入口即溶 好香鴨油味職員仲教我地食嘅時候可以點糖食 真係有另一番風味用薄餅配一兩件鴨皮再加少少甜麵醬 京蔥同青瓜 配埋可以消消油膩感蟹粉蓋飯 $198蟹粉除咗可以蓋飯仲有蓋麵揀啱晒一班女孩子唔想食飯都可以食下麵今次我就揀咗蓋飯飯底除咗有蔥花 蛋 仲加入咗毛豆 增添口感炒飯乾爽而且粒粒分明 面頭再蓋上蟹粉蟹肉撈飯 超水準Ｏ(≧▽≦)Ｏ南翔小籠包$68 (6粒)真係皮薄餡靚 豬肉餡鮮嫩廚房仲好細心咁係小籠包嘅底部放咗塊薄薄嘅紅蘿蔔片咁一拎起個小籠包個時就無咁易穿仲可以原汁原味咁飲埋入面啲湯汁啦招牌擔擔麵$68食咁多擔擔麵 今次依碗真係好香好好味麵條食起嚟爽彈又帶肉香平時食個啲擔擔麵都係花生醬較出但今次芝麻醬,花生醬及榨菜調配得剛好紅油抄手$62四川人嘅雲吞麻辣酸甜鹹香的平衡到位辣

古琴雅苑烤北京填鴨師承北京「全聚德」。帶埋屋企人黎試吓🥰。最新推出「雙親節 淮揚美饌頌親恩」套餐+精選菜式。父親節可以考慮再Encore🥳。片皮鴨🦆先上一小碟片皮鴨。名為「一口酥」。蘸著秘製蜂蜜黃梅醬+砂糖一齊食。入口即化🫶🏻。皮脆鴨肉蘸著醬汁。放上青瓜。京蔥。哈蜜瓜。口感層次分明🤪。風味松子魚🐟只要餐牌有呢道松子魚🐟。我一定會叫。為食妹👧🏻非常非常非常鍾意食。酸酸甜甜啖啖肉。頭頭尾尾一定KO曬😎。南翔小籠包皮薄喊靚肉汁多多。記得趁熱食😮‍💨😮‍💨。高力豆沙香蕉🍌平時食開豆沙餡。加埋🍌又幾夾喎😛。

一直都好想試下「古琴雅苑」嘅北京烤鴨，今次終於去試😬.精品雙小拼🥢有掦州水晶肉、雞絲粉皮🐔水晶肉晶瑩剔透✨加咗黑醋好開胃😙雞絲粉皮以煙韌粉皮🤍清爽青瓜絲🥒以及手撕雞肉，加上麻醬拌食🥜口感清新又惹味😋.餐前小碟🧆醃瓜類、白蘿蔔、紅蘿蔔🥕酸may may😌.烤北京填鴨(半隻)🦆首先奉上的是一口酥🤗這是全隻片皮鴨中烤得最薄最酥脆嘅部位😍可以蘸上黃梅醬或砂糖食用💁🏻‍♀️一咬就爆出油份💥入口即化😆北京填鴨以古木炭火燒烤🪵🔥即叫即切的片皮鴨厚薄適中，鎖緊肉汁👍🏻外脆肉嫩🤤鴨皮油脂香氣縈繞在舌尖上👅將鴨肉片放在麼麼皮上🫓搭配京蔥、哈密瓜同青瓜🍈傳統京醬及自家製蜂蜜黃梅醬🍯🥭口感豐富又fresh.開水白菜🥬開水加入雞湯🐓清淡嘅白菜可以解去烤鴨嘅油膩🥰而且夠健康⠀.菜肉雲吞麵🍜雲吞足料🥟麵質爽滑😗不過整體相對普通🥺.腰果露(2客)🥣腰果露稠度剛好💗質感細滑，加咗少少腰果碎🌰所以食到淺淺的腰果香氣，亦有啲咬口😛.瑰麗堂皇🌹瑰玫同荔枝意外地好夾😉而且香濃得嚟唔會苦澀😊

前晚約咗好耐冇見嘅朋友，我哋四個人嚟到銅鑼灣利舞臺食dinner～有個friend話好想食片皮鴨，我哋就揀咗呢間片皮鴨好出名嘅餐廳試吓～烤北京填鴨半隻$188一個陶瓷碟上邊有個鴨仔頭，裝住擺盤好靚嘅北京填鴨，仲有一籠鴨卷餅同唔同款式嘅醬料～鴨肉幾香幾Juicy,鴨皮幾嫩滑，配埋醬料同唔同嘅配菜，包住鴨卷餅食好好味😋南翔小籠包$68一籠有六隻小籠包，皮薄餡多，一咬啲肉汁就流晒出嚟～幾Juicy,清甜嘅湯汁幾正！古琴鹹肉菜炒飯$92一大碟炒飯有菜粒同鹹肉粒，炒飯幾有鑊氣，又唔覺得好油砂鍋雲吞雞$178一大鍋雲吞雞，職員仲幫我哋分好一碗碗雲吞同埋雞肉，仲有清甜嘅湯同娃娃菜，雲吞幾好味😋雞肉幾爽口～古琴酸菜魚$288一大盤酸菜魚，辣辣地，不過係接受到嘅辣度～魚肉片幾滑，仲有啲薯粉同寬粉，好爽口～同埋有好多酸菜同雲耳，好豐富帶子賽螃蟹$138一大碟雲朵形狀嘅蟹肉，配埋帶子肉，調味幾好，食落覺得幾正！腰果露最尾每人送碗甜品糖水，好香滑嘅腰果露，濃郁嘅腰果味，甜甜地，幾特別～

位於銅鑼灣利舞台廣場八樓的古琴雅苑中菜館，裝修設計典雅舒適。招牌菜烤北京填鴨承北京百年老店．選用上乘的北京填鴨，以傳統掛爐烤制，皮脆肉嫩的烤鴨，配上清新等青瓜、京蔥及哈密瓜、加上秘制的蜂蜜黃梅醬和京醬，煙韌的餅皮包裹甜酸爽口的配料，解除油膩感之余，口感豐富而有層次。冷盤涼拌粉皮和肴肉好好味。吃完北京烤鴨再吃地道的上海菜響油鱔糊，濃醬赤油掛汁的鱔魚鮮美彈牙，好快清盤。乾煸四季豆，四季豆吸收肉沫的肉汁好惹味。吃完重口味的一道開水白菜清淡夠健康。主食蔥油拌面，開陽的鮮味加上炸香的蔥香味拌勻彈牙的麵條，滿口鮮香絕配。飯後甜品腰果露，口感香滑，夠水準。餐廳集京、滬、浙江、淮揚菜等多種菜式於一體實屬難得，以後還會光顧！

同屋企人都好鐘意去古琴雅苑食飯坐得舒服 而且食物質素又不錯🙌🏻🌟烤北京填鴨🦆選用上乘北京填鴨 以傳統掛爐烤製鴨皮烤至金黃色皮脆肉嫩既片皮鴨 將自家製既薄餅皮 包裹住青瓜,哈密瓜,京蔥, 蘸埋秘製既蜂蜜黃梅醬同京醬 真係好滋味😋🌟蟹粉蓋飯真係超多蟹粉 完全覆蓋左個炒飯😆炒飯亦都粒粒分明撈埋蟹粉 食落都唔會太濕 👍🏻🌟黃金蝦球鹹蛋黃愛好者必嗌🙌🏻蝦肉新鮮彈牙再沾滿左香濃既鹹蛋黃醬😋🌟蟹粉扒小棠菜滿滿既蟹粉帶一絲絲既蟹肉 配清甜爽脆既小棠菜 💯🌟紅燒肋排肋排炆到好軟腍 而且肋排加入左香料同醬汁經過爆香煨煮後 非常入味👍🏻佢哋仲推出左「雙親節 淮揚美饌頌親恩」餐牌有2-12人餐可以揀添 黎緊父親節既好選擇💯