月亮為主題既日本餐廳 主打日本會席料理、新鮮刺身同日本清酒 木系色調既用餐區超過二千呎 玩味十足既月亮造型天花大燈都好有氛圍 餐廳仲有清酒推廣 男士$168而女士$98就可以3小時清酒任飲 ✨✨日式會席料理二人前 $880/2位 🌟前菜 蟹肉蟹籽沙律🥗 蟹肉同蟹籽撈青瓜絲 清爽開胃前菜 🌟刺身 煙燻鯖魚、油甘魚、帆立貝、赤身、赤蝦 刺身可以八款入面揀五款 刺身就唔算好厚切同大件 帆立貝幾鮮甜同赤蝦都唔錯 🌟壽司 左口魚邊、 赤貝、金目鯛、松葉蟹肉 壽司可以自選8件 但每款最多2件 仲可以加錢揀大拖羅同海膽 壽司既味道正常 不過就等得有啲耐 🌟燒物 燒鰻魚、安格斯牛肉2串 以為係燒鰻魚係帶甜鰻魚汁個款 呢款應該似燒白鱔 白鱔既皮燒到脆脆地 肉好爽彈 牛肉唔會柴 有少少筋 🌟揚物 虎蝦天扶良 有2件大隻虎蝦 虎蝦都幾爽 蕃薯同南瓜各一 🌟迷你昼月玉子丼 生蛋會分開上 可以自己按口味加入 有好大件好厚漢堡扒 漢堡扒偏瘦少少 玉子唔係玉子燒個種 玉子甜甜地好滑 🌟舞茸大蜆清湯 🌟刨冰 甜品係刨冰 刨冰係冇咩味 可以連朱古力脆脆一齊食 底下仲有奶凍

板神推出咗新激安套餐 $388 星期一至日、公眾假期都有提供 今次去既觀塘分店有普通座位 都有鐵板燒吧枱可以直接睇到師傅烹煮 位置寬敞坐得幾舒服 ✨LUCKY 7會員激安鐵板套餐 $388 🌟沙律🥗 🌟刺身三點 帶子鮮甜、拖羅都幾肥美 🌟原隻龍蝦🦞 每人都可享有原隻龍蝦 呢個價錢竟然食到一隻龍蝦 會先分咗龍蝦膏出嚟 煎香龍蝦肉之後再淋上醬汁 鮮味濃香，蝦肉爽彈 🌟美國薄燒 肉類可以揀美國牛薄燒或日本豚肉薄燒 牛薄燒要咗5成熟 中間會包住蔥同蒜片 肉質好軟腍，配搭蔥蒜食更香 都可以點牛肉醬或鹽食 🌟炒雜菜 🌟炒飯 鐵板都會有既炒雜菜同炒飯 炒飯炒得幾香粒粒分明 🌟龍蝦麵豉湯 龍蝦頭會攞返去煮麵豉湯 更有鮮味 🌟甜品 套餐甜品今日係抹茶奶凍 抹茶好濃帶回甘 奶凍幾滑 🌟火焰士多啤梨 +$68 套餐可優惠價追加10款唔同菜式 焦糖多士、吉士士多啤梨、焦糖士多啤梨、芝麻雪糕 會用橙酒點火煮士多啤梨 打卡一流 而且味道都唔錯

觀塘4000呎居酒屋，裝潢簡約以木色為主調🏮 使用直送魚材到港，供應時令刺身壽司、燒物 入門就見會到大型清酒機 而且呢到竟然仲有免費和服體驗🎎 唔使去日本都有得著和服打卡🇯🇵 🌟清酒機任飲 $188 清酒機提供30幾款清酒，酒鬼朋友勁開心🤭 六十餘洲 山田錦偏甜易入口 江戶開城 純米吟釀 雄町米香味濃 🌟🌟尊貴日式居酒屋M5和牛料理二人晚餐 $998 🌟佐酒小食 枝豆、鱈魚乾、自家製漬物 有幾款佐酒小食，仲有八爪魚🐙前菜 🌟原條日本魚 當晚係原條深海池魚，起咗肉之後連骨上 刺身份量好多，肉質較為軟腍 味道鮮甜，會配搭酸汁食 🌟刺身四款 仲會有4款廚師發辦刺身 拖羅好肥美，油甘魚都唔錯 🌟廚師推介壽司四款 (八件) 火炙三文魚、火炙左口魚、帶子、吞拿魚蓉 帶子大粒鮮甜，火炙左口魚油脂都好豐富 🌟五色串燒拼盤 牛舌、雞軟骨、白膳、燒大蔥、豬腸 燒牛舌同燒白膳都好食 牛舌厚切唔靭，白膳厚肉，肉質爽彈 🌟 M5澳洲和牛 我地揀咗要澳洲和牛，和牛香煎咗表面 中間仲好粉嫩，油脂好豐富，食落都幾軟滑 🌟牛肉瓦蕎麥麵 蕎麥麵會連埋湯汁，食既時點可以先點個湯汁 有少少似冷麵食法 覺得膩可以加少少蘿蔔蓉 🌟什菌蜆清湯 有大粒蜆同雜菌 🌟特色雪花冰 最後有雪花冰甜品，口味冇得揀，偏向係刨冰個種

喺太古城嘅韓式café 最近推出咗新既嚐吃套餐 可以一次試到試唔到同既韓式料理 ✨嚐吃套餐 $560 兩個主菜+一個小食+一個甜品+兩款飲品 🌟咖喱甘筍蛋包飯配漢堡扒 其中主菜有餐廳主打既蛋包飯 蛋切開中間仲好滑 下面嘅漢堡扒都幾厚幾大塊 咖喱汁會有啲薯仔粒同甘筍粒 🌟甘筍汁香脆豬扒長通粉 通粉醬汁甘筍味唔會太重 豬扒都幾厚切，肉質唔會好嚡 炸粉算薄，而且炸得好香脆 炸豬扒份量都幾多 🌟醬油黑毛豬白切肉配大醬生菜 小食可以揀炸雞或者白切肉 黑毛豬肉都幾厚切，豬皮都Q彈 黑毛豬係半肥瘦，已經有調味 配紫蘇葉、生菜、蒜片、辣椒同大醬 可以按自己口味包生菜包食 連埋泡菜食會冇咁易膩 🌟紅蘿蔔園Oreo 慕絲蛋糕🎂 盆栽造型好得意嘅蛋糕 入面係有幾層，表面有Oreo碎 朱古力慕絲同奶凍味道好濃郁 🌟凍伯爵茶鮮奶咖啡☕ $48 🌟無花果梳打🍹$42 套餐可以自選兩杯飲品

香港都有得食超厚切牛舌🤩 唔洗再等到去日本先有得食🇯🇵 呢間日本料理係鰂魚涌東匯坊 由太古站行去會近少少 餐廳有供應鍋物、燒物、定食 而裝潢以木系為主 🌟極味厚切牛舌定食 $158 燒牛舌本身只用咗鹽同黑椒調味 比較保留到牛舌香味 定食已包咗沙律、茶碗蒸、麵豉湯、牛舌咖喱同蕨餅 牛舌心仲好粉嫩，口感爽彈😋 厚切牛舌口感超好!!🥰 加少少上檸檬汁🍋會冇咁膩 配咗海鹽、醬汁同蔥油 牛舌咖喱配飯食就最啱 咖啡牛舌都好食 🌟安格斯牛小排松葉蟹肉蟹膏丼$188 如果想一次試晒牛小排同牛舌 可以揀另一款牛舌牛小排定食 呢款丼飯係牛小排配松葉蟹肉同蟹膏 牛小排好軟腍 醬汁甜甜地 仲有鮮味濃郁既蟹膏同蟹肉 🌟芝士年糕 $12/粒 叫定食都可以加配小食

銅鑼灣世貿中心入面既一間日式café 店內係木系裝潢，靠窗座位仲可以睇到維港景色 唔止環境，食物賣相都好啱打卡 🌟玉子薯蓉沙律 $68 薯蓉沙律仲食到薯仔粒，仲加咗粟米粒同青豆 仲有一隻流心半熟玉子，撈埋食都唔錯 🌟壽喜燒牛肉蛋包飯 $113 差唔多每枱都會叫蛋包飯 上菜之後店員會切開蛋同淋上醬汁 蛋既中間係半熟仲幾軟滑 牛肉份量正常，醬汁甜甜地 🌟濃郁味噌大蝦意粉 $98 醬汁濃郁同杰，意粉份量比預期多 蝦肉都幾爽，仲有啲菇 🌟醇厚清酒煮青口鍋配香草薯條 $185 青口鍋會附薯條，份量都幾大 青口唔算好大粒但幾鐘意個調味 🌟宇治金時盛合 $108 雖然係宇治金時盛合，但抹茶唔算多 蕨餅抹茶味濃，朱古力蛋糕中間有好多cream 最好食係布丁同上面既大福 布丁口感超滑同creamy，唔係啫喱個種 加埋糖漿更香甜，如果唔係食開好甜可以唔加 🌟鮮奶咖啡 $55 🌟草莓沙冰 $48 飲品選擇都幾多

近尖東海皮既泰國菜酒吧 設有戶外座位，可以係睇住維多利亞景色用餐 裝潢帶有歐陸風味 除咗泰式菜式外，仲融入西班牙小吃Tapas概念 🌟鵝肝脆餅配芒果莎莎 (2pcs) $128 好特別嘅配搭，芒果莎莎可以平衡鵝肝嘅油膩感 唔係配軟包，配脆餅更有咬口 🌟蟹肉夾餅 (2pcs) $118 蟹餅好足料，成件都蟹肉 🌟牛肉沙爹串 $88 牛肉串唔會燒得熟，肉質仲幾腍 沙爹醬係偏甜少少 點其他菜式既咖喱都幾好食 🌟泰式黃咖哩蟹 $268 呢款咖哩會配搭4塊法包 蟹肉份量都正常，咖喱係唔辣 就咁食可以會有少少咸 仲可以另外加配薄餅或蒜蓉包 🌟烤和牛排配紅咖喱 $278 和牛扒好粉嫩，不過比較有咬口肉味濃 配搭紅咖喱都幾好食，咖喱好似都係唔辣 底下有蔬菜 🌟蟹皇炒飯 $188 炒飯係溝咗啲紅米，炒得都幾粒粒分明 炒飯份量好多，會食到蟹肉絲 🌟芒果糯米飯 $108 賣相幾靚，粒粒芒果鮮甜 軟糯糯米飯淋上椰漿食幾香 🌟椰青 $78 泰國菜真係唔少得清甜既椰青，另外都有多款酒精飲品

兆萬唔只得放題 高層仲有間韓國人氣炸雞專門店過江龍 主打手工炸雞，仲有好多韓式料理 平日夜晚8點到，竟然全場滿座，外面仲有好多人等緊位 🌟半半炸雞 $208 餐廳係用韓國進口既走地雞去整炸雞 想試唔同口味就可以揀半半 一份可以揀兩種口味，有辣有唔辣 我地揀大蔥絲同蜜味乳酪粉炸雞 炸雞外皮炸脆卜卜，雞肉滑仲好juicy 另外仲有炸蕃薯條，一份3-4人share都好夠 🌟莫索里拉芝士排骨 $138 店員會係枱上先加熱芝士 再將芝士卷住排骨，芝士超級拉絲 係韓國好興既食法 不過一定要趁熱食，唔係啲芝士會變硬口感會冇咁好 排骨有3件，肉質會偏瘦，不過食落就冇咁膩 🌟芝士牛肉煎餅 $128 煎餅外圍焦脆，中間鋪咗超多芝士 煎餅有啲牛肉同蔬菜 芝士味係好濃 點少少辣醬會更好食 🌟玫瑰牛肉炒年糕 $128 平時唔算好鐘意食炒年糕，呢個意外地覺得幾好食 玫瑰比起普通炒年糕冇咁辣 醬汁好濃郁，仲有芝士、牛肉、魚糕同椰菜 年糕都有條同片既 口感好豐富，睇落份量唔算多，但年糕比較飽肚 🌟辣豬肉拌飯 $108 豬肉同醬汁都幾辣下 豬肉份量算幾多，不過下次會想試其他 🌟黏糕雪冰 $78 有幾款口味既雪花冰，揀咗最基本既黃豆粉同黏糕 雪花冰好綿密冇冰粒，唔會太甜都幾好食 🌟香蕉沙冰 $68 🌟洛神花茶 $42

觀塘好多嘢食，鄰近APM工業區既鱷魚恤中心有唔少中菜 餐廳附近有OUTLET，行完街食飯就啱晒 早午可以飲茶食點心，晚市適合聚會同飯局 而呢到仲適合婚禮，以歐陸式露天花園•海洋為主題 有海洋生態水族長廊及歐陸式露天證婚花園 🌟脆皮燒乳鴿（隻） $68 乳鴿大細都正常 外皮燒到微微焦脆 肉質唔會太老 🌟鐵板白胡椒煎焗澳洲龍蝦 $638 中菜唔少得各樣新鮮海鮮 除咗蟹出名之外 店員仲推介佢哋嘅澳洲龍蝦🦞 會喺上菜之後淋上醬汁 鐵板仲有餘溫 有唔少嘅洋蔥🧅同九層塔🌿 白胡椒醬汁會有少少辣🌶️ 龍蝦🦞算好大隻新鮮 蝦肉非常爽彈👍🏻 切開咗一件件方便食用嘅大小 🌟金銀蒜斑球籠仔蒸飯 $168 份量非常大嘅蒸飯，夠三至四個人share🙌🏻 表面鋪咗魚片、木耳、蔥蒜 飯粒會偏向濕，魚肉幾嫩滑 🌟晚茶芥 $15/位 🌟餐前小食 $15

以外星人👾為主題既路軌燒肉餐廳係坑口東港城開咗新分店 餐廳用電子送餐形式🤖，每個座位都有送餐路軌 點餐後會有送餐車(?) 送到你枱前 有近20款燒肉套餐揀 最平既燒肉套餐先 $48 🤩 更有提供高級A5 宮崎和牛 另外都可以單點唔同肉部位及其他配料 一個人食燒肉都完全冇問題😙 🌟106 Prime Grade 牛五花、牛小排套餐 200g $158 套餐包括咗飯、迷你沙律同和風湯 另外我地+$15升級紫菜温泉蛋飯 飯量仲可以揀150g-300g 啱晒唔同食量既人 肉以一人份量黎計都算多 牛小排肉質會軟滑啲，有少少調味 牛五花肉同油脂較分明 紫菜温泉蛋飯真係好好食 不過本身唔算好夠味，可以按自己口味加少少燒肉汁 🌟163宮崎A5和牛套餐 200g $268 除咗平價套餐，仲可以平食高質和牛 套餐有3個A5和牛既部位，A5和牛肩胛肉眼心、A5和牛上等牛肩胛、宮崎A5和牛肩胛翼板 和牛油脂好豐富，和牛肩胛翼板油花好靚 肉質都好軟嫩唔會有筋 CP價都幾高