古琴雅苑 (太子集團中心)

營業中

休息中

每隔一段日子就會突然好想食片皮鴨我知市面上好多好多唔同選擇更好好多酒店星級之選但考慮埋價錢我會選者古琴lunch set鴨半隻都不過200蚊配菜，餅皮毫不馬虎鴨的分量看起來少但卻飽肚可以話誠意之選上鴨前店員會提供三片充滿油脂的鴨皮估計係鴨胸至鴨心的部分一嘗油脂帶來的快感但如果要挑剔的話感覺鴨肉的切片較小如果可以再大塊d口感會更加另外點了一個湯鹹鮮督個人對這種金華火腿熬製的鹹湯頭絲毫沒有抗拒的能力最後的腰果露嘢很穩陣就飯後一點甜

因為朋友生日想食片皮鴨，所以就openrice左呢間試下。一入到餐廳⋯好多人地方好逼好嘈，餐廳比想像中細，樓面同門口接待姐姐都忙到踢哂腳。我地安排左一張小圓枱，雖然真係細左d⋯枱同枱之間都好逼，但員工好細心，拎左個藍比我地放袋，枱既空間太細，又會安排食物分批上，湯都幫我地分埋先上枱4人優惠送左一碟醉雞，另外叫左海蜇青瓜，涼皮，酸辣湯，小籠包，片皮鴨同埋炒扁豆。片皮鴨係幾好食皮唔會太厚，仲好細心咁每塊皮中間都有一張紙隔開，d皮唔會痴埋成疊咁，拎既時候唔會整爛哂（因為有過呢種經驗）配料除左有平時食開既青瓜蔥絲之外，呢度仲有哈蜜瓜同梅醬可以加埋一齊食，幾特別。其他幾道菜都不過不失⋯除咗個酸辣湯⋯⋯個味道唔係平時飲開個種味道，而且好大陣薑味，我地幾個都覺得麻麻地⋯有d怪，唔推薦總括成餐飯，食物質素中上，但地方真係太迫太嘈⋯想同朋友聚舊傾計既話，唔係一個好選擇不過呢度既員工好細心同好有禮貌，雖然全間餐廳爆哂，都仲會好留意到你既需要（例如加茶，執野），服務係值得一讚

主打係片皮鴨， 所以一黎就落order, 可惜。。 鴨同皮分開左好耐先上， d 鴨凍曬， 食落唔好少。 唯一可讚係配料和醬料可refill, 有哈蜜瓜配片皮鴨好特別另外， 四季豆係當晚最好食0既， 又脆又唔老叫左荷葉雞。。， 都ok 嘅， 有荷葉味， 但小雞真的很少， 3人份量only甜品方面， 叫了香蕉高力豆沙同桂花糕。 懷有滿滿的希望食高力豆沙， 可惜， 唔鬆化， d 粉好實， 豆沙亦好少， 令老爺奶奶都失望了而桂花糕就比較好， 都多桂花和杞子囉😆

前幾日係屋企人嘅生日，我地一齊去左尖沙咀呢間古琴雅苑食飯慶祝。烤北京填鴨（全隻）$368烤鴨唔會太肥，原來係因為師傅喺將烤鴨切片嘅過程入面已經將鴨嘅脂肪切走，所以我地可以喺食到香濃嘅鴨肉同鴨皮嘅同時又唔洗覺得太邪惡，食多啲都唔會覺得好膩，呢個安排幾細心。同埋呢到嘅配料比較多，除左平時常見嘅京蔥、青瓜同埋烤鴨醬之外，仲有哈密瓜、砂糖同埋果醬，所以夾埋一齊食嘅時候，味道豐富好多，好好食。四個人食全隻就啱啱好。荷葉杭州雞（半隻）$158調味幾好，唔會太鹹。雞一開始係完整嘅半隻咁上，之後店員會幫我地略略將隻雞分開，方便食用。雞髀位就固然嫩滑，但估唔到就算係雞胸位都唔會鞋，幾出色。螞蟻上樹$85有啲肉碎同埋菇粒。用煲仔上，熱辣辣。食落有啲麻油香，用黎送飯都幾好。古琴酸菜魚$288魚好滑，湯底酸酸辣辣，好惹味。仲有一啲黑木耳，好索湯底。我就覺得配白飯食就最正嘅。

好少同屋企人嚟尖沙咀太子集團中心食晚飯，上網見到呢度有北京填鴨食，仲要有分半份同全份🤩就岩曬我哋呢啲咩都想試下眼寛肚窄嘅人🤤環境亦十分寬敞舒服，而且有獨立卡位🤩🌟烤北京填鴨 $188🌟同屋企人order咗半份既北京填鴨，menu仲用彩色印刷好詳細講解食法🤩配料有：青瓜、京蔥、哈密瓜、鴨卷餅醬料：京醬、蜂蜜黃梅醬、砂糖🌟十三香農家雞 $128🌟用砂鍋裝住嘅十三香農家雞，用咗十三款香料製成，裡面仲有洋蔥、紅椒、青椒等等配料，雞肉好嫩滑入味，有輕微既辣度，好惹味而不過咸🤤🤤🌟椒鹽黃魚 $158🌟連傳菜姐姐都過嚟搭訕話好味😋😂又真係幾好味喎😳香氣撲鼻，好香口🤤又唔會過咸，而且係外脆內嫩滑👍🏻🌟南翔小籠包 $68🌟皮薄肉質嫩滑，湯汁非常鮮甜😍🌟宋嫂鮮魚羹 $38🌟鐘意飲湯可以試下呢個鮮魚羹湯，不過如果人少，飲唔曬一窩，可以order一小盅，不過就要兩客起咁落單😮裡面真係有啖啖魚肉，每一啖都好足料且熱辣辣🤤🌟高力豆沙香蕉 $58🌟呢個高力豆沙又係必點，又係新鮮即叫即整，影咗一輪相仲係暖暖的

午餐食在尖沙咀,上左樓上餐廳搵食,呢間係專食烤鴨或片皮鴨午市2人餐大約$400,人平均消費$200茶費另計$13一位,13蚊茶唔貴,個茶真係夠香,白桃烏龍茶好清新再上小碟,食住等,服務又好,上碟又快,好好食先上雞絲粉皮,晶瑩剔透既粉皮加上幼身雞絲同青瓜,食之前拌勻佢麻醬濃香惹味,煙韌彈牙既粉皮好好食,份量也足夠2人食欖角肉碎炒豆角 炒得夠乾身乾爽,肉碎配埋食味道剛好,唔會太濃味主碟主角就係烤鴨,2人份超多,鴨皮脆身,油香甘嫩鮮味鴨肉嫩滑有肉汁,加埋蔥瓜絲醬夾埋餅皮食餅皮煙韌Q彈,夾埋配料食味道好豐古琴雅苑 (太子集團中心)  烤鴨 片皮鴨 尖沙咀美食 樓上鋪尖沙咀北京道12A號太子集團中心15樓

一家人食中菜，呢度地點便利，有散叫、有套餐。四人餐最好唔使諗，夠豐富乜都有，而且仲免加一、包茶芥。暖冬窩心-四人A餐$1218小食有雞絲粉皮、四喜烤麩。雞絲粉皮、麻醬、青瓜絲、夾埋味道相當唔錯。唔會太「漏」。四起烤麩酸酸地、有啲似酸齋。最期待嘅係烤北京填鴨半隻。鴨卷餅用蒸籠裝住夠熱。北京填鴨皮帶肉、有油香。加埋配菜及填鴨醬幾好食。香菜鮮魚羹，一大鍋，每人分到一大碗又夠足料。有魚肉、有蛋白花，又唔會腥，加啲胡椒粉好香。風味松子魚夠大條，賣相又靚。侍應仲會幫你切埋，一啲骨都冇，味道酸酸哋外皮夠脆，幾好食。黃金明蝦球夠大粒，蝦幾爽口，外邊充滿蛋黃好邪惡！干扁四季豆連埋肉碎炒得幾香幾惹味。上海粗炒色澤夠靚，味道都好夠，連埋少少菜一齊炒幾正宗。最後甜品杞子桂花糕，充滿杞子同桂花，晶凝通透，又唔會太甜。呢一餐真係非常之滿足！

《食評後記》前2日去左尖沙咀古琴雅苑度食晚飯，果然無對比無傷害🙈，無期待就無失望。先講環境，迫到無法想像，近乎背脊貼背脊，完全over-sitting 咁款（如果有幸坐到卡位可能好少少）；再黎服務質素，唔好ff 喇，坐低無耐就吹你落單，落完單啲野食滾水淥腳咁黎，張枱本身已經夠細，放唔到咁多餸，同侍應講無位，叫佢地遲啲再上菜，結果就話啲野整起左要襯熱食夾硬擺上枱，完全無理過你食唔食得切，但求出左菜離左手就完成任務，未夠7點半就已經收哂啲菜單，放低張單係你枱度，暗示你拿拿林埋左張單，等佢地可以做下一輪生意（而當時我地野都未食完😨😣⋯⋯ ），然後未到8點就吹你走🙄；最後就係食物，well，啲野食OK啦，未去到話好驚艷，不過勝在份量夠，但好老實，唔值呢個價，成餐飯食左差唔多$2000，結果食到好似啲地盤工人趕住番工落場咁😑🤦🏻‍♀️，想坐多陣傾偈都唔得，整體用餐經驗超差🙅🏻‍♀️，食完餐飯回想都差啲唔係好記得自己食左啲咩，因為真係食得好趕🙁！！認真無下次～是晚菜單：- 烤北京填鴨- 雲吞雞- 花雕醉雞- 鎮江骨- 風味松子魚- 小籠包- 蒜蓉炒菜心- 炒四季豆- 蛋白蝦仁炒飯- 上海粗炒- 香蕉紅

香港地天氣開始凍凍地，疫情又開始緩和，出街食飯嘅機會都多咗，今日嚟咗尖沙咀呢間食肆，嘆下正宗片皮鴨，一樂也😊未夠七點已經坐滿八成，聽到服務員話今晚已經全部full晒，證明佢哋係幾咁受食客嘅歡迎👏🏻定期推出不同菜式，冬日暖窩正合時宜，嚟緊冬至聖誕仲有不同嘅菜式可以外賣添，真係滿足到唔同客人嘅需要，認真抵讚👍🏻先來小食雙拼，雞絲粉皮 揚州水晶肉，開胃好味兼備，尤其是揚州水晶肉，煙煙韌韌，食落好過癮😋香菜鮮魚羮，估唔到咁鮮味，暖胃又清甜！風味松子魚$238，酸酸甜甜，香脆可口，難得嘅功夫菜👍🏻當然點少得招牌菜烤北京填鴨，點樣食唔使講喇掛，相信好多香港人都食過，不過最正宗又好味嘅，我都覺得係呢度，冇得輸😋乾煸四季豆，惹味特色小炒，好夠鑊氣，送酒小菜最啱🥰上海粗炒麵，夠味又唔會油膩，份量足夠，每次我都會必食😎嘆埋甜品杞子桂花糕，清新自然凍凍地，好有桂花香味，唔會太甜，正😄整體服務人員態度佳，有禮效率快，開心愉快的一晚🥰

✨古琴雅苑 ✨第二次食，慶祝媽媽生日，撐枱腳🥰叫左半隻北京填鴨。見到師傅會即場片鴨，除了皮外，會伴隨住肉，皮脆肉嫩。配菜方面，有青瓜、京蔥及哈蜜瓜，蜂蜜黃梅醬和京醬，包埋餅皮一齊食，好味😋見到而家推出「暖冬窩心 」系列！ 媽媽對古琴酸菜魚($288)，可以每位上，也可以一鍋上！我地叫你一鍋上。可以選擇小辣和辣。我地叫左辣，個人認為辣度可以加強！酸菜份糧合理，酸味適中，魚片勁薄，師傅刀工厲害！魚片勁滑無骨！整體黎講，👍

今日中午嚟呢度食片皮鴨， 由公司過來都係幾分鐘， 佢哋喺19樓環境都算開揚， 座位寬敞舒適， 慢慢食傾下偈都唔錯。 隨片皮鴨富餸嘅一口酥， 係鴨皮最薄脆嘅部位， 食落真係有啲脆皮嘅感覺。 半隻酒糟片皮鴨， 外表上同一般片皮鴨，味道上會比較濃烈一些， 佢哋擺設得好精美， 放喺一隻鴨型嘅碟上， 包皮亦十分薄身， 蒸籠保溫得好好， 原先喺蒸籠內係挺直 一攞出嚟之後會慢慢變彎， 夠薄身先至有呢個效果。 盅頭酸菜魚係佢哋最新出品， 最少兩位起才以盅頭相上， 自己食自己嘅份量， 更加之味暢快， 魚片好滑溜， 仲有少少薯粉喺個酸菜內， 感覺都幾正宗。 飯後甜品高力豆沙， 唔會太甜， 炸得好好 唔會好油膩， 食多兩個都唔使擔心肥。

得閒同朋友一聚，得朋友介紹，初嘗店舖，竟有驚喜。😮😮烤北京填鴨因鴨切片需時等候，所以店員先上「一口酥」，真是數片鴨皮，鴨皮蘸少許糖來吃，十分爽口。終於等到北京填鴨上菜，先獨嘗鴨肉連皮，鴨皮香脆多汁，鴨肉嫩滑，烤得恰到好處。之後就可以將鴨肉放入餅皮，可分別加青瓜條，哈密瓜條，京蔥，傳統京醬，蜜糖黃梅醬，總之選擇適合自己的配料，來調配自己的口味，用餅皮包好，十分好味。😋蟹粉撈麵蟹膏十分甘香濃郁，又有足夠蟹肉，醬同麵的份量十足，撈在一起吃，每一條麵都沾滿蟹醬，口感及味道十足。🤩意大利黑醋骨黑醋酸甜度剛好，十分開胃，而排骨肉嫩，又剛好一口。是一道開胃菜。😆

以為呢間店舖非常有名，價錢略貴，亦都諗住同朋友一試。比得呢個價錢價錢，冇諗過會食得咁趕，由一坐低開始，店員不斷催促下單。諗住烤鴨好食，點知道事與願違，名不符實，烤肉味道非常一般，小菜亦未見出色。論食物味道，非常一般；論食物份量，非常細份；論服務態度，店員不斷要求我哋嗌啲貴嘅餸菜，例如當我哋要求半隻片皮鴨，店員不斷游說我哋食一隻，當我哋拒絕時，店員露出不悅之色；而在我哋用餐其間不斷催趕我哋，每隔數分鐘就埋嚟睇吓有冇嘢收，整體感覺非常差。非常失望

晚餐分兩段時間，我哋book咗第二輪(8:00)，到達後，當然都要等候。 一開lift門就係等候區，片皮鴨師父就在門口位置片鴨🤣, 有點擠逼的感覺。店內不算太大，一望無際，站在門口已看到店內所有枱及食客，枱與枱之間都有點窄。 由於時間關係，索性叫了一個6人餐～🥢金秋蟹逅～大人A餐，包括：🐥雞絲粉皮🐥花騅醉雞🦆烤北京填鴨(全）連鴨卷餅，唔夠食，要另加多一份🫓蜜汁燒火方（6件）連荷葉包🐮燒汁鐵板野菌牛肉杞子桂花糕🥣香菜鮮魚葖🐟風味松子魚🦐黃金明蝦球𡈼扁四季豆上海粗炒麵2餐前小碟 睇落都幾豐富，片皮鴨連肉一併片，分成2碟，隻碟仲有個鴨頭公仔😆整體而言，食物質素ok，美中不足是張枱太細，及上菜速度太快，近乎神速🤪，因為疫情措施，酒樓都要客人10點離場，所以，我哋食得好急，未能盡興😌

好耐冇食片皮鴨～上次喺灣仔食完古琴雅苑，覺得好好食😋事隔幾個月，今日放工又想食片皮鴨，見到尖沙咀都有分店即刻去食環境寬敞舒適，裝修古色古香木系風格，中國風古典背景音樂。茶位$13@位，前菜小食$15，另收+1服務費秋天出了新餐牌套餐 #金秋蟹逅有蟹粉賽螃蟹🦀️ 蟹粉豆腐、古琴香辣鍋等菜式。我點了 #蟹粉扒豆苗 $158豆苗份量比想像中多，入味易入口，而且不會有渣，新鮮菜煮得夠淋，略嫌蟹粉味道不夠出色。價錢小貴 #烤鴨 #片皮鴨 #北京烤鴨 $185 半隻鴨卷餅皮薄得來堅韌，肥美的鴨皮充滿鴨油香➴ෆ⃛另有哈密瓜、青瓜、京蔥、砂糖、秘製的蜂蜜黃梅醬和京醬等片皮鴨拼盤配料，半隻份量比想像中多|ᐕ) ⁾⁾煙韌的餅皮包裹甜酸爽口的配料，解除油膩感之餘，口感層次豐富。建議分享吃～#雞絲粉皮 $78幾喜歡他的芝麻花生醬，淡淡的很香。粉皮很滑很薄～雞胸絲+青瓜絲 非常健康服務質素：7/10環境舒適度：8/10ᶘ ᵒᴥᵒᶅ個人口味評分：7/10