古琴雅苑 (太子集團中心)

預早一日book 左三位，早左五分鐘到，個時得半場有人，係都要逼我哋三個坐張細嘅圓枱，側邊有一棟汽水同埋喺正出菜位隔離，要跨過隔籬枱位客人先可以入到去坐，我地問職員可唔可以坐四人枱，佢話唔得，就俾咗個籃係地下擺袋因為未叫野食，我哋就已經想走，職員見到我哋想走先至話俾四人枱我哋🤦🏻‍♀️嘢食叫咗片皮鴨，鮑魚炒豬肉（咁上下）、糖醋骨、松子魚、小籠包加兩個甜品，片皮鴨都仲可以，其他嘢食真係一般般個，松子魚係腥嘅…查看更多

呢間北京烤鴨餐廳都幾出名，今次同朋友一齊去試下。餐廳環境幾舒服，燈光柔和，坐位有圓枱同卡位，適合家庭或者朋友聚餐。我哋點咗個套餐，包括半隻北京填鴨同冬瓜鴨架湯。烤鴨一上枱已經聞到香味，鴨皮脆卜卜，鴨肉都唔會太乾。配料有青瓜、哈蜜瓜、韭黃同埋幾款醬汁。餅皮係即蒸，熱辣辣，包住鴨肉一齊食真係好正。仲有一口酥，好似薯片咁脆，點砂糖一流。冬瓜鴨架湯都唔錯，湯底清甜，飲落有鴨味但唔會太油膩，入面有冬瓜，豆腐同鴨架，啖啖料。另外我哋仲叫咗上海炒年糕，炒得夠鑊氣，年糕煙韌，配料有京蔥、豬肉絲同冬菇，味道唔會太重口味，幾適合配烤鴨一齊食。…查看更多

Blue Monday收工後要食好西朋友話想食片皮鴨 於是去咗古琴雅苑之前食過幾次 周圍都有分店 好方便而家晚市仲有set2人、4人、6人或更多都有唔想要set嘅散叫都可以烤鴨易食（2食）半隻鴨加涼瓜燜鴨架/冬瓜鴨架湯/鴨肉炒飯$309有2樣嘢 都幾抵食 就決定要呢個片皮鴨半隻份量都唔惹少唔算好肥 但色澤油潤豐滿皮薄 香而不膩食落肉質嫩滑 油脂恰到好處 食落唔騷☺️餅皮熱辣辣上枱 每塊都隔開蒸 唔會癡住晒 夠貼心加埋青瓜、哈密瓜、京蔥夾埋一齊食 中和咗味道又帶點清爽 口感又多咗幾個層次仲有細碟嘅鴨皮 like!配埋甜麵醬、砂糖同黃梅醬 係北京地道嘅味道👅鴨肉炒飯份量比想像中大碟裡面有好多鴨肉炒飯粒粒分明 簡單加咗雞蛋同蔥已經好香食得好開胃👍🏻小籠包新鮮蒸起 即叫即整已經加咗分底部用紅蘿蔔薄片隔住蒸 夾起時就唔怕整穿好貼心❤️皮夠薄 裡面餡料很豐滿仲有湯汁湧出 好香好好食😋…查看更多

爸爸生日，買左6人套餐，小籠包好食，片皮鴨OK, 份量足，服務雖然尚可，惟唔會再去幫襯因為地方細枱貼枱坐得唔舒服，樓底矮地方窄所以好嘈，男女洗手間各只得1格，人有三急排長龍，非常尷尬又唔方便。…查看更多

Me and my wife went for lunch. Around 12pm noon time. Ordered a few dishes including the Peking duck. All the dishes were average at best. The Peking duck I suspect was from the day before. When it came to the table it was completely cold. Ate a few piece that had the skin which was still ok and edible, but when I tried the pieces that had just the meat, I had to spit it out. never coming back. Quality does not warrant the price.…查看更多

🦆 烤鴨易食 (2食) $299 ★★★☆☆✨️ 烤北京填鴨半隻+冬瓜鴨架湯👉🏻 配料有哈密瓜、青瓜、大蔥、酸梅醬、烤鴨醬，幾豐富小籠包 (6件) $85 ★★★☆☆👉🏻 即叫即蒸，皮薄肉多💬 正常發揮，但$85得6粒真係偏貴!意大利黑醋骨 (例) $158 ★★☆☆☆👉🏻 餐牌上推介菜式，但伏味濃!💬 上枱嗰陣有少少比個樣嚇親😅黑醋骨食落夠酸但肉質偏韌，唔建議叫蟹粉扒小棠菜 $168 ★★☆☆☆👉🏻 賣相與餐牌嚴重不符!💸 伏筆位：食飯前被店員推薦買現金券，但真係試過一次就夠，唔會有下次！整體嚟講環境算唔錯，但食物質素同價錢唔成正比！烤鴨合格但其他菜式明顯失色，$300烤鴨同區有更好選擇～試一次就夠，唔會返轉頭。📍古琴雅苑 (尖沙咀)尖沙咀北京道12A號太子集團中心15樓…查看更多

不嬲都好鍾意食片皮鴨😍於是就帶左屋企人佢地黎呢間‘古琴雅苑’食鴨🥰環境好乾淨 座位十分寬敞 坐得好舒適 人均$150左右 午市仲有唔同嘅套餐 食物既上菜速度好快 店員十分忙碌 但系所有食物都熱辣辣！‼️-🦆烤北京填鴨+鴨架湯 $299黎到呢到 點可以唔講佢地既重頭戲！四人套餐雖然只有半隻鴨 但系非常夠食！一開始會先送上一小碟的烤鴨皮 配埋砂糖+黃梅醬 當餐前小食！又薄又酥脆！油脂滿滿！片皮鴨的配料除了常見的青瓜、京蔥與甜麵醬 仲有哈蜜瓜 香甜又解膩🥰 片皮鴨肥瘦均勻 烤得唔錯 一啲都唔騷 油脂感豐富 皮脆肉嫩 將片皮鴨及配料捲起來食 真系好滿足😍 餅皮厚薄適中 好軟熟煙韌！-小籠包（6件） $85即叫即蒸嘅小籠包熱辣辣 一咬落去爆晒湯汁皮薄餡多 屋企人食完都大贊正宗又好食～…查看更多

好耐無食片皮鴨，上op見到呢間餐廳幾多人推薦，而且仲有2人餐,仲有訂座優惠，可以食到片皮鴨，所以選了尖沙咀分店試試。餐點選擇都幾多，而且有多人套餐，幾適合一家大細來用餐。先上茶及花生，桂花烏龍茶非常好飲，尤其配烤鴨食更解油膩。食上海菜點少得小籠包！湯包非常夠熱，咬落有滿滿湯汁，一籠有6粒，2人食剛剛好。烤北京填鴨半隻，鴨皮烤得非常香，尤其帶小小肥膏的位置，油香十足，食落真係無得彈。而片皮鴨配料非常有誠意，有哈密瓜，青瓜及大蔥，配烤鴨醬及酸梅醬，味道酸酸甜甜，食多幾件都唔覺太油膩。而蒸薄餅皮薄軟熟，用來包住烤鴨，每啖都好滿足。因為好喜歡飲湯，而屋企比較少煲鴨湯，所以點了個冬瓜鴨架湯。湯內有幾件烤鴨架，還有冬瓜及豆腐，湯頭濃郁充滿烤鴨香，推薦～…查看更多

網上見到呢一間中菜館， $299可以有半隻片皮鴨，而且仲係一鴨兩食，所以今日特登嚟試吓。星期六12點左右上去，得幾台客人，我哋被安排咗坐窗邊卡位，呢度環境都幾開揚，雖然附近好多高樓大廈，但係其實都望到少少維港嘅海。半隻片皮鴨，配冬瓜鴨架湯($299)上菜速度好快，呢度嘅片皮鴨，肉係比較多啲嘅，佢哋嘅鴨皮好脆身，好香口，配料都幾足，有青瓜，蜜瓜，蔥，酸梅醬，北京填鴨醬，糖。皮都俾咗好多塊，大概兩個人食，每人都有6塊左右。個湯有啲失望，飲唔出鴨味，雖然佢的確有好幾件大嘅鴨骨/肉喺入邊，但係係作為一個普通冬瓜湯嚟講，都幾好飲，幾清甜。南翔小籠包($85)每次食上海嘢必點，呢度嘅小籠包雖然唔算皮簿，但係佢哋嘅湯汁都幾多，而且肉質好實淨，質素都係合格嘅水準。上海粗炒麵($118)最後仲叫咗個主食，中規中矩，味道適中，份量都幾多。$300唔使可以食到半隻片皮鴨(2食)，其實而家喺香港算幾抵，有興趣嘅朋友都可以嚟試吓。…查看更多

今次嘅中式餐點令人驚喜連連，特別係四喜烤麩，口感滑嫩，香氣四溢，配上獨特嘅醬汁，令人忍唔住多食幾口。意大利黑醋骨嘅味道濃郁，酸甜平衡得宜，十分開胃。南翔小籠包嘅湯汁豐盈，餡料新鮮，每咬一口都可以感受到肉汁嘅鮮美。烤北京填鴨嘅肉質酥脆，皮薄肉嫩，搭配鴨卷餅及配料，口感層次分明，令人陶醉。杞子桂花糕嘅甜度適中，香氣四溢，係結束呢頓豐盛餐點嘅完美選擇。津白雲吞湯清淡鮮美，湯頭清澈，恰到好處噉襯托咗雲吞嘅滑嫩。風味松子魚同農家醬爆牛肉都展現咗廚師嘅高超技藝，松子魚嘅香脆同牛肉嘅鮮香相得益彰。金腿濃湯煮津白則係另一道亮點，湯濃味美，令人暖心。整體而言，呢餐餐點無論係色香味都令人滿意，令人回味無窮。…查看更多

北京烤鴨 【限時優惠】 $299 烤鴨二食‼️..尖沙咀突然想食片皮鴨❓黎到呢間「古琴雅苑」聽說烤北京填鴨🦆 師承北京百年老店，選用上乘北京填鴨，以傳統掛爐烤製，皮脆肉嫩的烤鴨，配上清新的青瓜、京蔥及哈蜜瓜，加上秘製的蜂蜜黃梅醬和京醬，用煙韌的餅皮🌮 包裹甜酸爽口的配料，解除油膩感之餘，口感層次豐富。🔸北京烤鴨 【限時優惠】 $299烤鴨易食 (2食） 一隻烤鴨多種食法！惠顧烤鴨贈送精選鴨子菜式🥢。烤北京填鴨 (半隻） +涼瓜燜鴨架配料：京蔥、哈密瓜、青瓜、京醬、黃梅醬、砂糖🔸冬瓜鴨架湯 ($145)🔸涼瓜燜鴨架 ($128)🔸古琴鴨肉炒飯 ($118)🔸上海炒年糕 $118(咸香） 上海菜唔少得煙韌惹味炒年糕。..而家午市仲有全包宴 Lunch Menu🍽 好抵食‼️(套餐已包加一😍） 下次過黎試下先～..×××[古琴雅苑 -Zither Garden]××ש尖沙咀北京道12A號太子集團中心15樓…查看更多

環境唔錯，落地玻璃，如果坐到靚位仲會有少少海景添。🐍蜜汁脆鱔有驚喜! 鱔段炸到脆卜卜! 掛滿晶瑩蜜汁，要趁熱否則凍左會硬d，甜甜脆脆，正!🥟南翔小籠包輕輕咬開要先啜湯（小心辣嘴！），豬肉餡鮮甜無豬臊味，醋薑絲提鮮剛剛好。🦆烤北京填鴨（半隻）鴨皮金黃薄脆，點沙糖食又幾得意。皮下脂肪薄但不缺油香！餅皮保持軟糯，夾住青瓜絲同甜麵醬，一啖咬落去脆、嫩、香三重享受。💰人均$250-300，尖沙咀黎講性價比高，難怪咁爆場。💡溫馨提示：晚市勁旺場，記得訂位兼預留烤鴨！…查看更多

整體來說，食物味道和質素只能算是一般，沒有太多驚喜。最令人失望的是所謂的生日優惠，原本宣稱贈送壽桃包，結果到店後才被告知要收取服務費，三個小壽桃包竟然要$48，感覺像是被「收費式贈送」，完全不符合宣傳所說。訂座優惠也令人困惑，明明寫著送紅糖湯圓，最後卻要收$45，只提供三碗清糖水，每碗只有兩粒小湯圓，誠意不足，讓人覺得被誤導。收費本身不是問題，但宣傳與實際不符，讓人感到不透明甚至有些刻意。叫了招牌松子魚，魚頭佔比過高，魚身可食部分少得可憐，有偷工減料之嫌。用餐時間限2小時，雖然勉強足夠，但整體體驗不值這個價錢。三人埋單千幾蚊，以這個價位，在其他餐廳絕對可以吃得更好、更有誠意：（…查看更多

記得好耐之前同朋友食過呢間“古琴雅苑”，印象唔錯。今次朋友带我来話有啲“淮揚風味小炒全包宴”的選擇，2個人只是 296蚊就搞掂，正，今次仲坐到窗口位，望住個海景來食饭。呢個餐可以自由揀一個特式小菜（4揀1），風味小炒（9揀2）同一份主食（2揀1），免茶免加一真係好抵。特式小菜的意大利黑醋骨，微酸，啲骨够諗，好味；“農家醬爆牛肉”够濃味，有不同的椒，番茄，蒜苗配搭，味道豐富；“涼瓜燜鴨架”，今次冇食烤鴨，食埋鴨架當食咗，涼瓜配鸭架的傳統冇得輸；“古琴鹹肉菜炒飯”係主食，飯就粒粒分明又唔會太油，有咁多餸来送飯啱啱好。聽講呢度“古琴酸菜魚”好味，我哋又鍾意，就嗌啲來試吓，酸酸辣辣，魚肉嫰滑真係好；甜品就叫咗朋友喜歡的“高力豆沙香蕉”，大家食得好满足，呢一餐。…查看更多

平民版片皮鴨暗色酥脆的外層與鴨肉的鮮嫩形成了完美的對比，鴨皮的脂肪讓每一口都充滿香氣，而鴨肉則柔嫩多汁，搭配甜麵醬，味道更是絕妙。除了片皮鴨，餐廳還提供了幾道配菜，如清炒時蔬和小籠包，這些配菜不僅平衡了油膩感，還增添了色彩與口味的層次感。反而小籠包出色過片皮鴨整體而言，片皮鴨一般，只會食一次，其他小菜好食過片皮鴨…查看更多