古琴雅苑 (太子集團中心)

營業中

休息中

星期一2點左右黎同男朋友食野，WALK IN都有位入，黎過幾次都係食片皮鴨，因為係最出名，今次冇叫了~諗住試下其他。BTW，加價了!!!!!茶今次叫左桂花烏龍，有D淡味。京醬爆肉絲 (配荷葉包4件) $178 - 荷葉包有蒸籠上，又熱辣辣又好軟熟，肉絲都好味GE，有D甜。但片皮鴨加完價都係$195，好似片皮鴨性價比高D。松子魚$245 - 酸甜汁好正，魚皮脆，職員會幫手開，都OK的。蔥油拌麵 (好似$79? 吾係好記得)  - 吾係市面上果D甘，佢下面有個汁，好似係豉油甘，吾係好香蔥味，佢有蔥粒同埋櫻花蝦仔，但呢個性價比有D低。

呢排好想食片皮鴨， 專登做下功課搵出邊間餐廳食片皮鴨出名， 而正好呢間餐廳都好多好好既評價，決定訂枱同屋企人黎食！ 一上到餐廳見到坐無虛席就知道搵岩餐廳。 餐廳安排左卡位， 坐得舒適。 侍應服務上都唔錯， 侍應每次招手都必會過來幫忙加水/落單/執枱，所以服務上未算招呼周到但都必是合格有餘！食物味道方面都很好，菜式上必點每張枱上都有的片皮鴨， 再點了松子魚，小籠包，飯同甜品。 每款菜式都中上水準， 尤其片皮鴨皮脆肉香令人再三回味！

間唔中就想食一次片皮鴨😚，兩個人嗌半隻share啱啱好。除咗晚市太嘈之外都冇咩好挑剔，職員會留意客人嘅需要，好快跟盡返，can try🫶🏻。✏️烤北京填鴨 半隻 $188 🍎9/10手工餅皮大概有十塊，拎上手依然係微溫，食完要另外再嗌，配料就任fill。除咗最經典嘅京蔥、青瓜同黃梅醬，仲有哈蜜瓜同另上嘅烤鴨皮，鴨皮酥脆啖啖油香，不過都係鍾意包住鴨肉食☺️，肥瘦適中，皮脆肉嫩。餅皮有韌性，就算咬開一半再食啲配料都唔會跌晒出嚟，不錯☺️。✏️醬爆鴨架 $88 🍎7/10鴨架係鴨嘅脊椎位，預咗冇咩肉嫁啦，同三色椒一齊炒都幾惹味，如果鍾意食啖啖肉嘅建議唔好嗌，食鴨架有少少似食未剝殼嘅茄汁蝦🤫，長期同啲殻打緊仗，又唔想整污糟隻手🤛🏻。✏️桂花酒釀湯圓 $36 🍎10/10食完中菜一定要食返碗熱辣辣嘅糖水收結☺️，湯圓係花生餡，應該係寧波湯圓，入口有桂花嘅清香，帶微微酒酸，完美😚。哩個價錢嘅片皮鴨都幾抵食，份量多而且上菜速度都幾快，溫度都keep到係微溫以上，不過預咗係比較熱鬧，比普通晚市嘅酒樓更加嘈😂，但一大班人聚會都開心嘅。

今日同朋友再嚟食古琴雅苑因為好耐都冇食過片皮鴨上次食過一次片皮鴨印象都好好一如既往 佢嘅片皮鴨好好味小籠包都係必食小籠包個底有塊羅白 好聰明 唔會夾爛皮又唔會太厚太薄 好適中片鴨配菜可以任意添食 啱晒我呢啲會夾到勁大舊夾勁多嘅人哈哈今日試咗呢個就比較普通 冇乜特別 下次可以再試吓其他嘢食到好飽 我最鍾意佢啲茶又有好多選擇因為我勁鍾意飲茶我擇左玫瑰荔枝茶 消飽岩哂呢度環境都坐得舒服雖然張枱唔算好大而且服務態度好不過比較多人 一定要訂位

坐落於15樓我們坐的位置十分開揚，可以看到少量維多利亞海港景色，我們四個人叫了一個午市四人套餐，套餐包括北京填鴨半隻、揚州水晶肉、上海粗炒、醬香雞、雞絲粉皮、乾煸四季豆，送了一個四喜烤麩。片皮鴨配青瓜、哈密瓜、京蔥再蘸著秘製的蜂蜜黃梅醬和京醬，片皮鴨不太肥膩配上青瓜、哈密瓜味道十分清新，得半隻片皮鴨四人分實在不能夠回味，所以我們再叫多半隻片皮鴨一齊分享。食下食下又再叫上意大利黑醋骨、無錫脆鱔、上海小籠包，最後甜品叫了腰果露和杞子桂花湯圓為這頓豐富的午餐劃上句號。

(〃'▽'〃)┈┈┈┈┈┈┈┈┈┈┈┈┈┈二訪尖沙咀性價比高片皮鴨餐廳🍴果日係同屋企人慶祝父親節而屋企人又鐘意食扁皮鴨就去左呢間🫶🏻尖沙咀地段黎講，位於北京道既古琴雅苑都幾多人幫襯，所以環境都好嘈🤣同酒樓飲茶一樣。但勝在座位之間都算闊落，個人覺得人手不太夠，點餐時舉左好耐手先有人。┈┈┈┈┈┈┈┈┈┈┈┈┈┈呢到既片皮鴨賣相精美，配料同醬料都係包左青瓜，京蒽，哈密瓜，蜂蜜黄梅醬同傳統甜麵醬✨餅皮仲有蒸籠暖住，非常貼心！可以額外散叫餅皮，仲有荷葉包揀😳選擇豐富。不過都建議一塊皮夾2塊肉🤣如果唔係一定會食凈啲肉！┈┈┈┈┈┈┈┈┈┈┈┈┈┈𐂐 ⠜烤北京填鴨 半隻 $188 (3.5/5)上碟前店員會先附上一小碟既鴨胸皮一口酥作為前菜，呢個係最好食既部位🥰點上砂糖入口即化，油香四溢✨幾欣賞餐廳自家製既蜂蜜黃梅醬，配上哈密瓜令到鴨皮格外清爽，減低油膩感！餅頗厚薄適中，口感煙韌，鴨皮烤得金黃香脆，肉質毫不乾身。但最底既鴨肉油脂較多，有點油膩呢🙈┈┈┈┈┈┈┈┈┈┈┈┈┈┈𐂐 ⠜南翔小籠包 $78 (3/5)正常發揮，外皮不是相當薄透但也不會過厚，肉餡湯汁適中。┈┈┈┈┈┈┈┈┈┈┈┈┈┈𐂐 ⠜至

今次懷住期待的心情去食呢間片皮鴨，因為實在係好難有位，去到餐廳都見到人山人海了。今次被安排坐窗口卡位，位置闊，坐得舒服。這間片皮鴨的好處是可以叫半隻，咁就可以叫下其他野食。今次叫了5款食物，包括半隻片皮鴨，炸鱔片，小籠包，香菜魚湯，雞絲粉皮，再有腰果糊送。炸鱔片的賣相有點失望，加上口感像炸魚片，所以我們也不太喜歡。片皮鴨就尚算可以，有哈密瓜做配菜，感覺新鮮，正！香菜魚湯的香菜味濃，很好飲，但最少兩位起，本來想試下其他湯都唔得。雞絲粉皮味道十分好，係我哋最快食完的一碟。小籠包的湯汁也很鮮甜，很美味。最後那腰果糊就比較甜，大家都食了一半就放下了。

掛住🥰古琴雅苑嘅北京填鴨🦆，又唔想行咁遠去食就可以試吓佢哋嘅送餐服務啦，外賣仲有八折優惠㗎，送餐費大概$50，落單後好快就送咗過嚟啦！🥳雞絲粉皮 $75雞絲粉皮有好多雞絲同青瓜，拌上我最愛嘅花生醬，味道非常濃郁🥰  北京填鴨（半隻） $195烤鴨切得好薄，師傅真係好刀工，厚度啱啱好，外皮香脆脆😚😚個餐跟埋鴨卷紙，夾埋烤鴨青瓜同哈密瓜一齊包埋食，香脆得來又有啲爽口，真係好好食！推介👍🏻🥰宫保雞丁 $138宮保雞丁味道是微辣但味濃、雞肉肉質滑脆，鮮嫩雞肉同腰果嘅香脆配合得啱啱好❤️🥳乾扁四季豆 $86四季豆吵到好香，好夠鑊氣，仲有好多肉碎喺表面㖭👏🏻上海粗炒麵 $108最鍾意食上海粗炒麵，第一時間俾我哋食晒嘅就係呢個炒麵，炒麵夠鑊氣，而且面質彈牙，好正❤️腰果露 4碗 $156最後就係飯後甜品腰果露，聞落去有好香嘅果仁味，打到好幼滑，入口清甜，又唔會好漏😁

朋友生日飯話想食中菜~ OpenRice search咗呢間食片皮鴨嘅餐廳😂 上到去都算多人食， 不過好彩有吉枱，所以唔使等位👍🏼👍🏼片皮鴨不過不失， 個皮我略嫌唔夠香口唔夠脆， 不過都唔算太差，鴨的份量好充足， 足夠一塊皮內包兩至三塊鴨肉， 四個人食做一隻全鴨都夠曬👍🏼配料比較特別有哈密瓜， 其餘就係常見嘅蔥、青瓜等~風味松子魚我覺得就麻麻地， 好似差緊啲唔知乜嘢嘅感覺.... 但係又唔可以話唔好食😂 不過二百幾蚊條，呢個質素我又覺得麻麻地😏意大利黑醋骨， 比較偏甜嘅口味， 黑醋骨都比較林， 都還可以！至尊拼盤我覺得最抵食， 入面有幾個小菜， 算係幾款餸入面比較出色嘅一碟， 建議都可以叫下😏😏香菜鮮魚羹， 其實芫茜就係如圖所示表面嘅幾粒， 入面根本冇芫茜， 所以如果唔食芫茜嘅你，想食清淡啲嘅魚羹都可以考慮😂金腿濃湯津白，真係麻麻地啦！ 我覺得比較淡冇咩味道，唔值得叫😂😂不過整體嚟講都算過得去， 都唔算話唔好食， 正常中菜嘅味道👍🏼 不過仲有好大嘅進步空間， 勝在店員都比較有禮貌可以加分人均$400左右，都算飽，算係咁上下👍🏼👍🏼#中菜 #中菜小炒 #片皮鴨 #松子魚 #津白 #黑醋骨

小編屋企逢星期六日就會淪為Party Room，雖然外賣app已經好方便，不過不過不過，當晚朋友想食片皮鴨，俾我搵到呢間餐廳嘅外賣餐牌！！花雕醉雞花雕味道清香，酒味未完全消散 ，入口芬郁，醉雞爽嫩，皮脂唔重，作為前菜不俗！烤北京填鴨(半隻）外賣質素不輸堂食，填鴨嘅皮唔算太過油膩，肉質易咬，更細心配搭埋蔥花、青瓜絲、蘿蔔絲及填鴨醬！如果屋企有氣炸鍋，可以翻叮一下，油脂更加滿溢！農家醬爆牛肉牛肉份量唔算好多，不過勝在口感軟腍，而且醬汁濃郁，配飯一流，當中炒上蒜芯，爽口又清新。乾煸四季豆四季豆炒得不油膩，配料放入蔥、薑、蒜末、蝦米末爆香，乾煸得非常有鑊氣～小編特別喜歡佢嘅肉碎，食落萬分滋味！古琴鹹肉菜炒飯鹹香到十足的炒飯，就算外賣送到都粒粒分明，非常乾爽！腰果露(4位）腰果露極香果仁味，幼滑得黎又濃稠，入口清清甜甜💡餐廳職員會喺前一日打嚟同你確認地址，細心到滿分💯！套餐仲要做緊八折優惠(⁎⁍̴̛ᴗ⁍̴̛⁎)

同事推介，想食片皮鴨一定要去古琴雅苑，價格合理。最緊要師係承北京正宗！即烤片皮鴨，配料有京蔥，哈密瓜，青瓜絲，再有烤鴨甜醬，砂糖，酸梅漿，黑醋，吃法跟在北京的全聚德一樣，味道正宗！烤鴨啖啖肉，鴨皮烤得非常香口，皮脆肉嫩，荷葉餅厚薄適中，重用蒸紙分隔，非常細心！紅油抄手，粒粒飽滿，味道甜辣，非常開胃！花雕醉雞，慢慢浸熟的黃油雞，加上清香嘅花雕酒，齒頰留香！必點小籠包，即叫即蒸，小籠包咬落去爆汁，皮薄餡靚！老壇酸菜魚酸菜魚可以點大中小辣，中辣很惹味，滑滑的鱸魚片，加上老壇酸菜，味道正宗，魚片份量仲非常多。瑤柱蛋白炒飯，用上大蝦，瑤柱，炒得乾身，粒粒分明。尖沙咀分店地點非常方便，喺太子集團中心，地鐵站行過去都係幾分鐘，人均消費不到$300，能吃到正宗北京填鴨，實屬難得！呢度仲有外送和自取套餐，提供不同折扣優惠，仲有送餐服務，非常抵食

今晚快閃食飯,古琴雅苑 (尖沙咀分店)要好準時交台,唔好遲到啊~呢度茶費每人13蚊起,周末貴少少既另收加一,茶費13蚊但d茶都唔錯,幾滿意夠濃郁,加茶夠快服務滿意,態度友善,美食未上已經感受到唔錯既體驗必食烤鴨同埋燒汁鐵板野菌牛肉 $138食到鐵板滋滋作響既牛肉牛肉汁多肉嫩,加上蔥香味道特別濃呢~另外就必食脆皮烤鴨,夾上肉質細緻既鴨肉同皮食,香脆可口又夠甘香蛋白炒飯,份量夠3人食,抵食,炒得幾爽身喎~小籠包都唔錯,夠大隻,飽滿,湯汁唔夠多咁解~雲吞湯麵變了淨雲吞,不過水準唔錯,單價貴,但食物唔錯,份量ok的,很多人也打包食唔曬~@古琴雅苑 Zither Garden #古琴雅苑#北京烤鴨網址: https://s.openrice.com/QrbS0dCi800~d5Te4EjiR地址: 尖沙咀北京道12A號太子集團中心15樓電話: 28821582

全家出動去古琴雅苑食大餐🤭尖沙咀分店地方較細，空間比較狹窄我哋揀咗6人餐，連埋甜品有11款菜，真係飽到上腦😆套餐A $1986有揚州水晶肉、花鵰醉雞、香菜鮮魚羹、全隻烤北京填鴨、風味松子魚、蜜汁燒火方、東坡肘子、宮保雞丁、金腿濃湯津白、上海粗炒、杞子桂花糕主角烤北京填鴨無驚喜有啲失望，皮唔夠脆，肉質尚算嫩同juicy嘅‼️ 風味松子魚好惹味開胃，口感脆嫩👍🏻 宮保雞丁勁鹹🤢粗炒都偏鹹，太重口味喇😫食到幾位老人家話怕怕🤣最欣賞嘅係蜜汁燒火方，肥瘦適中嘅金華火腿，夾住饅頭嘅皮一齊食，真係滋味無窮🤩

朋友飯聚食在，尖沙咀▶️古琴雅苑🌈雞絲粉皮粉皮薄薄細細，好滑溜，配上香麻味醬汁同爽口青瓜🌈干扁四季豆份量很大，四季豆炒得很香加上鹹鹹肉碎岩岩好🌈南翔小籠包一籠6粒，外皮夠薄，內裏肉嫩多汁，食落清爽鮮味🌈烤北京填鴨烤鴨切到好薄，一片片令立立，皮食落好脆肉好嫩，夾雜住皮下油脂放在薄薄餅皮上，連同青瓜、京蔥、甜麵醬，再加上梅醬、甜醬、包裹一起吃，食落唔怕油膩。而另一小碟烤鴨皮，皮薄薄入口勁酥脆

想睇更多informative嘅食評？想知更多instagrammable嘅餐廳？《Good trip上海菜》上回講完bad trip片皮鴨，係時後介紹番一間good trip嘅———古琴雅苑。餐廳於銅鑼灣同灣仔設有分店。相較之下，呢間無論係食物質素、餐館環境、員工服務態度等都比對上一間好得多。🌟餐廳食客眾多，繁忙時段需提前預約，walkin可能要排30分鐘到一個鐘不等。💁🏻‍♀️烤北京填鴨(半隻) $188古琴雅苑嘅片皮鴨之所以係關注組中赫赫有名，最大原因莫過於其特別嘅配料組合。餐廳一共提供6款配料，除了常見嘅甜麵醬、青瓜條、京蔥絲，仲有哈密瓜條、酸梅醬同砂糖。特別嘅配料組合不但能豐富其味道層次，更能提升其清新感，有助解膩。相對其他餐廳而言，呢間嘅烤鴨鴨皮較厚實，口感較香脆，油脂感較豐富。鴨肉亦非常厚身，經過長時間烘烤仍能鎖緊肉汁，保持肉質柔嫩，值得一讚。整體而言，烤鴨份量十足，味道新奇，口感豐富，值得一試！💁🏻‍♀️花雕醉雞 $79相當出色嘅冷盤。冰鎮感相當強烈，提升了雞皮嘅彈牙度，同雞肉嘅嫩滑度。而酒嘅濃烈度亦控制得恰到好處，入味得黎唔會掩蓋雞肉嘅鮮甜味，更唔會令其苦味過分突出。係光