古琴雅苑 (太子集團中心)

營業中

休息中

朋友話想食片皮鴨，喺OpenRice搵到呢間，一行五人就決定試吓。開頭有兩位朋友攞咗位先，店員講咗話90分鐘用餐時間，即係8:45要交枱。咁五個人食嘢就當然會傾偈㗎啦，有時出於禮讓，每一碟餸都剩返少少放咗喺度大家都未食，啲侍應就係咁過嚟想收我哋啲碟。講咗好多次唔使收，都係不停車輪轉咁樣過嚟想收。我知道我哋咩時問要交枱，明明仲有大半個鐘，我8:45一定會交枱俾你哋，但係可唔可以唔好不斷收我哋啲嘢食？最後真係惱羞成怒，同佢哋講其實我哋未食完，可唔可以唔好不斷過嚟收？本身仲有個蛋糕想喺嗰度食埋，最後都係嗱嗱臨埋單走。其中有一個特別好態度嘅女侍應都有過嚟問我哋點解唔喺度食埋，我哋都話見你哋咁想我哋走，我哋就唯有去第二度食啦。我自己都係做飲食業，但係我冇辦法理解，就算想翻枱翻場做多轉都好，都唔係咁樣收人哋啲嘢食。更何況仲有大把吉枱，更何況我哋唔係過咗鐘，而係仲有好多時間先至要交枱。食物質素一般，又冇話難食，亦都唔係特別好食。食物味道偏淡，尤其係雪菜肉絲年糕，都唔係好食到有咩味...唯一可取係年糕嘅質地適中，唔會話咬好耐都咬唔開。片皮鴨肉質唔夠肥，不過呢個係個人口味，我自己就鍾意食肥少少嘅。小籠包

最近公司搬咗去尖沙咀，多咗好多機會發掘呢邊嘅美食😍以前以為尖沙咀最多就係韓國菜點知原來上海菜都有唔少選擇🛎 $82 南翔小籠包一定係即叫即蒸，上枱嗰陣仲係冒煙嘅小籠包皮薄餡靚🤤豬肉唔會太肥～每粒都脹卜卜充滿湯汁，而且個皮唔會穿我可以一啖啜曬啲湯🤩好爽呀🛎 $198 至尊拼盤人數唔多既時候，有拼盤揀真係好好可以每樣嘢都試少少👍🏻拼盤有花雕醉雞、雞絲涼皮、四喜烤麩、水晶肉同埋拍青瓜醉雞既花雕酒味好香🐣肉質都好嫩涼皮彈牙，麻醬香濃！連埋雞絲及青瓜一齊食口感好豐富👍🏻🛎 $208 古琴酒糟北京填鴨（半隻）首先，擺盤幾靚📸隻碟都有鴨嘅形狀半隻嘅份量都好夠兩個人食🤰🏻麵皮大約有十幾片醬料同配料仲可以任添對比普通嘅北京填鴨，呢個多咗一種酒香👃🏻最重要係鴨皮仍然好脆！👍🏻🌐 環境/服務有啲窗邊卡位可以睇到少少海景但整體感覺有啲逼，可能仲逼過普通茶樓😂

以銅鑼灣分店相比，同樣在地點上佔優勢。若多人聚餐，如6-8人以上，比較建議港島區。卡位雅座較多，座位設計上更合理。 (1)花雕醉雞 醉香慢慢滲透入口腔，味道愈吃愈濃。 (2)南翔小籠包 粉皮略續厚實，但尚有Q彈口感，湯汁亦不算太多。 (3)風味松子魚 用菠蘿、彩椒、洋蔥絲調製成甜酸醬汁，淋上炸得金黃的魚身，再灑上炒香的松子。魚肉起骨，連皮油炸，貌似金黃色的松子仁。既保留精緻賣相，在分菜時亦不失優雅。 (4) 金腿濃湯津白 在進食濃厚風味的北京菜，點一個較為清淡的小菜總沒有錯。 (5)烤北京填鴨 與分店一樣，能夠保持到同樣水準。 因餐桌位置有限，只能夠緩緩地上菜，在短時間品嚐同樣的菜式，很是平淡乏味。另外，不知是否沒有社交距離限制後，座位上的安排都感到擠擁。於有預訂位置的情況下，安排到圓桌及摺疊式椅子，會感到有點荒謬。在反映後，女員工也迅速地安排較為寬敞的位置。不過，雅興早已掃光。

一齊發掘香港嘅美食 😋.今日同兩位朋友食飯，由於佢地異口同聲話好耐冇食過中餐，我就立即book咗呢間喺屋企附近專食北京填鴨嘅餐廳試試 🤣. 古琴酒糟北京填鴨（半隻）$199 -古琴酒糟口味，其實係將酒糟、薑同葱等材料塞入鴨腔，令烤完之後嘅鴨肉更有酒香。片皮鴨上檯嘅時候除咗配上自家製嘅薄餅皮，仲有六款配料（包括：青瓜、京蔥、甜面醬、哈蜜瓜、蜂蜜黃梅醬同砂糖），可以任意配搭。-餐廳片出嚟嘅鴨片厚薄一致，盡顯師傅嘅功架。-不得不提嘅係隻鴨嘅鴨皮，新鮮熱辣之餘，仲烤得好鬆化、完全冇多餘嘅油脂。食入口外脆內嫩，好幸福。🥰-個人嚟講最鍾意嘅食法係將鴨片配埋蜂蜜黃梅醬咁食，食落口同出面食到嘅北京填鴨味道好唔同，感覺酸酸甜甜之餘，仲好清新，可以中和一下油膩感。🙈 另外將鴨卷餅包住青瓜、京蔥同哈蜜瓜、再沾上少少砂糖嘅食法都好好味。-鴨肉份量充足。我同朋友一行三人，半隻北京填鴨嘅話每人都分到4-5件。.花雕醉雞（例牌） $85 -上檯嘅時候空氣就彌漫住陣陣嘅花雕酒香氣，酒香撲鼻但唔會話好「攻鼻」。-🐓 食入口有陣陣清淡的酒肉餘香，但唔會太重。除此之外，仲食得出有少少玫瑰露酒嘅香味。-雞肉非常爽嫩，冇太多

今日去到尖沙咀既古琴雅苑，一直都想食呢度既片皮鴨，最後都黎左呢度食。首先講講個片皮鴨先，味道唔錯，鴨肉既份量都好足料，不過包鴨既皮就唔得啦，頭兩，三塊皮都仲還可以，之後果d都係斷開一半，變左包唔哂舊鴨而漏汁。冷盤既水晶肉&雞絲粉皮都好食既，另一個前菜都夠入味。而小龍包就的確一般般了，首先薑絲既份量不足，就算叫佢再加薑絲都係加少少，小龍包入面既肉汁都唔多，唯一好既係個皮唔易穿。最差就係個雲吞湯，一個字咸！埋單要差唔多$1000，個片皮鴨係好食，但性價比太低了。

先講環境大約7:35到達地下大堂，冇乜人第一轉就上到去，現場只有六枱食客，洗手間只有男女各一格😅，大約八點我嘅家人上嚟嗰時就要喺下邊等𨋢，因為全幢都係食店，但只有兩部𨋢服務質素家人到齊後，我就問係咪會有附送的四喜烤麩，有位叔叔店員同我講….係呀，所有送嘅嘢走嗰時就會送㗎喇，我話唔係甜品嚟㗎喎，呢個係前菜喎，佢話係呀都係㗎，都係走之前送㗎喇，之後陸陸續續問咗幾個，啲人就話仲未俾你吖？直至我買單前問佢係咪好難整，店員先拎嚟😤(可能博啲客唔記得就可以慳返)食物味道北京填鴨拎出嚟嗰時覺得好似好細碟，實際上食都夠飽松子魚味道很好，你唔炸得很粉整體食物很好吃

朋友久久一聚，最適合找一間坐得舒服，又可以坐下慢慢飲杯茶邊吃邊長聊，有多菜式選擇的餐館晚餐，無意間找到附合所有要求位卡尖沙咀的古琴雅苑。餐館門面整潔光猛，有圓枱和卡位選擇，入席前緊記預訂。菜式可以散叫，或可以叫套餐，而這次我們4人一行人叫了套餐A（4人套餐），套餐份量十足，當中包含：松枝皮蛋拌豆腐、雞絲粉皮、花鵰醉雞、津白雲吞湯、北京填鴨（半隻）、風味松子魚、宮保雞丁、金腿濃湯津白、古琴咸肉菜炒飯。松枝皮蛋拌豆腐麻香味濃，配上白滑質感，入口即熔，觸覺與味覺的雙重享受。花鵰醉雞鮮嫩肉質，咬下的肉汁配有淡淡花鵰酒味，令人難以抗拒。北京填鴨（半隻）鴨肉新鮮皮脆，鴨香味濃，包鴨肉的麵皮夠薄，配上配菜包著吃，鮮而不膩。風味松子魚上菜第一眼心想：意想不到的大條！魚身蘇脆，魚肉嫩滑不老，甜酸汁的配搭剛好中和炸物的油膩，只能說是一絕！

我地最早到，但我哋想要角位方便傾計，但職員話full  左比唔到，又叫我坐住先，食店嘅中間，但我哋約咗D老朋友見面，志在傾下聚下，希望比單邊我哋，再三要求先肯！似乎唔想執張枱比我地，但我一直留意根本唔滿座。D服務同收費另人好失望！食物都係一般，我話第一來，叫佢推介，只sell套餐，點知太多，又浪費，只能包走4-5盒！7個成人都食唔晒！又冇店長推介招牌菜！D職員態度又似大排擋，收費又似酒店般，尖沙咀地區不能接受！

地方超迫，食物分份量少到離普，無比前菜張單計多你$30，叫左一隻片皮鴨，完全無味，片出黎份量好似得半隻都無😞叫佢至比個鴨殼我地，隻鴨細到好似隻雞咁，條鼠子魚都末上枱就比佢整開曬，食左2千蚊好似無食過野咁，永不錄用😡

可怕的一餐生日飯！永不取錄！一行5人食了半餐飯，最後要到另一餐廳再食。我哋叫左一隻片皮鴨，啲餅皮凍既，口感好粉。主角係半生熟嘅小籠包 （見圖），第一次黎到，家姐一口一啖入口，入面係凍既，媽媽咬了一啖，居然見到入面粉嫩嘅豬肉，即代表家姐不知不覺中已食了一個半生熟的小籠包……我地當然投訴，佢地話再整過。到第二次，結果都可以一樣，半山熟…再投訴…到第三次….請了其中一位家人勇士先試食，終於熟了……但當食第二舊時，居然又出現半山熟….奇景！同一籠，點解一啲熟一啲唔熟？最終要取消小龍包，我地都已經冇意欲再食其他嘢….

一大班朋友食飯就可以叫多啲餸，仲可以叫到一隻片皮鴨添😛六個人叫咗一隻片皮鴨、一個小食拼盤、兩條椒鹽黃魚、一碟炒菜、酸菜魚、小籠包同埋上海粗炒，好飽飽🐤一隻烤北京填鴨有兩碟，望落份量好少，但係原來食食吓都好多，肉同皮一半一半啦，啲肉都切得好厚，所以食兩舊都好漏了🍢至尊拼盤有五款小食，花雕醉雞、四喜烤麩、雞絲粉皮、揚州水晶肉、拍開洋黃瓜，全部見面小食都有，試到好多款啊🐟椒鹽黃魚唔算係小黃雨，因為都幾大條，不過就炸得有啲乾，啲肉都變得好散同冇乜肉汁🥗蒜子乾貝時蔬啲菜幾嫩幾新鮮，好清新🐠酸菜魚係期間限定嘅酸菜魚，份量都好多，除咗魚之外，仲有寬粉，食落都幾辣嘅總括呢度價錢係幾抵食嘅，不過環境就比較迫同嘈，同埋食物質素唔算特別好

第一次試，價錢合理，食物準備準時備好，味道十分之一般正常，沒有特別驚喜，醉雞算整個餐稍為ok,只是片皮鴨無給最重要片皮鴨醬亦冇青瓜蔥絲配料提供，以為有小盒放，原來係鴨皮🤣略感失望，可能餐廳忘記，炒年糕味道偏淡，炒四季豆味道尚可，整個餐2人剛剛好！大食者可能會不太夠！

之前朋友生日🎂又話想食中菜😂咁啱揾到間有得食片皮鴨🦆我都好耐無食過🤭雖然我哋3個人食 但食2人餐都好夠飽🙈——————————————————🍴二人餐($612)先嚟個小食拼盤 雞絲粉皮配水晶肉花生醬撈埋好夠味👍🏻花生味好香🥜湯品就揀左津白雲吞湯飲落唔算好重味 入面都真係有雲吞🤭老人家飲幾好 清清地之後就有重頭戲北京填鴨半隻😆皮肉分明 而且唔會話片到散晒👍🏻配埋青瓜🥒哈密瓜🍈蔥個啲一齊食加埋啲醬料啊糖啊 真係好滿足☺️3個人每人都食到3 4塊 真係份量十足菜個方面就揀左乾煸四季豆雖然呢個係食京菜 但估唔到都有上海菜食😯上碟都熱辣辣♨️不錯不錯味道最後就揀左個鹹肉菜炒飯不過呢個就差少少🤏🏻好似未炒匀咁😂因為食到有幾啖係勁咸 唔知關唔關啲鹹肉事

📍古琴雅苑 (尖沙咀)聽講呢間食北京填鴨好出名 一於嚟試下～環境都坐得舒適 係有啲嘈咁解🙈服務態度唔錯 staff有keep住留意枱面有冇野要收食物選擇很多 有唔同嘅set~ 我地今次就散叫👯‍♀️-#烤北京填鴨 半隻 $195份量啱啱好兩個人食 鴨肉份量多 餅皮夠薄🤤都醃得幾入味 唔係話好嫩口但係唔會鞋🦆啲配菜好清新平衡返個味蕾唔會太鹹尤其係個青瓜同埋海鮮醬～鴨皮好脆 同埋有碟仔將佢分開上 夠正宗✅-#蟹粉蓋飯 $198蟹香味唔夠 飯粒較濕潤唔夠乾身不過都夠鑊氣 整體嚟講ok~-#香菜鮮魚羹 $125味道清甜 好足料 啖啖都食到魚肉同蛋花🐟-#南翔小籠包 $78雖然都有爆汁 但皮好厚 而且肉唔算新鮮整體非常普通 不太值得叫🙅🏻‍♀️-♥️回頭度：8.5/ 10想食片皮鴨嘅值得再回訪～

和父母慶祝生日揀左呢間係尖沙咀的餐廳有少少海景坐得都好舒服父母都好滿意Lunch 時段可惜沒有lunch set 餐牌都係用番main menu 大家可以考慮食dinner 食物價錢合理推介松子魚好味道另外片皮鴨都不錯值得推介唯獨廁所地滑要提醒父母小心走路輪椅人士未必合適去這餐廳（皆因廁所好窄）我地經open rice 訂位所以有糖水送中規中矩的一餐如果有訂到座值得去試如果要排隊的附近有好多其他選擇Ps. 訂座無得指定坐邊，如果想坐卡位望海，係先到先得