古琴雅苑 (太子集團中心)

營業中

休息中

放假可以多d時間去搵餐廳食野，今次搵左灣仔間北京菜古琴雅苑。呢度既北京填鴨比較抵食，但怕飽，所以無點。環境舒適時代感設計，圓檯和方檯都有。前菜蔥油海蜇伴黃瓜海蜇爽口，不油膩，伴黃瓜吃，不單調。個人都幾喜歡呢款惹味前菜。鐵板蔥爆牛肉不油膩，牛肉鮮嫩帶蔥香。蔥直接吃甜甜的爽口。南翔小籠包6隻，每個包底墊有紅蘿蔔片，甘樣就唔怕黏底。熱湯鮮甜，一咬即流進口裡，提提不少人燙傷嘴舌，故隔一陣先食呀～蒜子干貝時蔬菜綠油油，鮮甜蒜子和干貝香噴噴，干貝絲甜甜的，豐富了味蕾。整體而言，環境舒適，價錢吸引的北京菜。

你地地道道嘅饕餮食客係唔可以錯過嘅京菜餐廳古琴雅苑喇！呢度嘅片皮鴨真係超爆好味，油份十足，但唔會好膩，食落去口感好好！至尊拼盤入面嘅青瓜、醉雞同涼皮都各有特色，仲有好新鮮爽口嘅黃金明蝦球，真係味道好正啊！😋😋😋如果你係烤鴨控，就一定要試下古琴雅苑嘅片皮鴨啦！鴨皮脆脆地，肉質好滑嫩，又唔會好膩，真係好好味！鴨肉仲有好多層次嘅味道，食完之後一定會有種回味無窮嘅感覺。至尊拼盤入面嘅青瓜、醉雞同涼皮都好好味，每樣都有自己嘅特色。青瓜醃得啱啱好，仲有一啲微微嘅辣味，好開胃。醉雞肉質細緻，仲有一點點酒味，好好食。涼皮醬汁酸酸甜甜，入口好清爽，真係好啖！🤤🤤🤤黃金明蝦球就更加唔得了，呢啲蝦球爽口十足，而且新鮮嘅蝦肉好彈牙，仲有淡淡嘅蝦味，真係好正啊！😍😍😍總括嚟講，如果你係京菜控，就一定要嚟古琴雅苑試吓啦！特別係片皮鴨同黃金明蝦球，真係一定要食返幾次！仲有，佢哋嘅服務好好，環境舒適，食物新鮮，真係一個好好嘅用餐體驗！👌👌👌

餐廳嘅面積好細，環境狹窄，餐檯安排得非常之密，環境亦十分嘈吵。可能因為係食晚市，客人都非常之多，令整個用餐環境更為惡劣。上菜嘅速度非常慢，坐係度好耐都未有得食。至於食物質素，都唔覺得特別好食，係不過不失嘅程度。本來同一家人打算去食個中菜大餐，但今次嘅體驗真係令人好失望。呢個價位都唔算平，但食到一肚火，下次絕對唔會再黎食嘢。

平時食開銅鑼灣嗰間，啲嘢食好味。今日因為睇戲去咗附近尖沙咀呢間。提早訂位，嚟到呢度原來等電梯時間超長，唔係講笑，條隊有至少50人，等咗20分鐘。上到去職員話落去樓下6樓，咁樣就係惡夢嘅開始。原來6樓嘅嘢食，係由15樓嘅廚房做，做完之後再慢慢搭電梯送返落嚟。6樓係冇廚房，同埋係夾埋間日本餐廳一齊。我等電梯都等咗20分鐘，所以你可想而知啲餸菜送到落嚟係必定會凍。餸菜凍咗之餘，仲要同電梯滿晒嘅人一齊迫落嚟，諗起都細菌多多。叫咗個黃金蝦球，用咗15分鐘先送到落嚟。落到嚟成舊膠粉，又凍，仲要係唔係新鮮整嘅，食落去似返熱左10次。同職員講凍咗就拎入人哋嘅廚房微波爐。$228就係咁嘅quality。連埋$50嘅兩碗白飯，簡直係俾人昆，直頭當你係傻仔。跟住叫咗半隻片皮鴨，用咗50分鐘送落嚟。落到嚟估吓點樣？梗係要微波爐啦。仲有奇怪嘅係個盤係凍嘅，啲肉係室溫溫度，睇嚟微波爐得唔夠耐。跟住叫職員返熱，又走去隔離日本餐廳搵個微波爐先。微波爐得嚟，啲蒸粉皮梗係又凍啦。$208 又係一碟微波爐翻熱雪櫃嘅嘢食。根本呢間餐廳，廚房handle唔到，餸菜速度唔夠，食材唔新鮮，唔係即日整，就算煮餸又唔夠快，硬都要做，咪

今天我要分享一家北京菜餐廳——古琴雅苑。這家店位於尖沙咀，主打京菜，特別是超好味的北京烤鴨，全部來吃的人也會點來吃，就知道幾大的吸引。除了北京烤鴨之外，至尊拼盤、小籠包和風味松子魚也是非常值得一試的菜品。我點了北京烤鴨半隻、至尊拼盤、小籠包5隻和風味松子魚。首先讓我來談談北京烤鴨，這道菜真的是超好吃！鴨皮烤得酥脆，肉質十分嫩滑，而且配上店家特製的醬汁，味道更是讓人垂涎三尺。如果你喜歡北京烤鴨，一定要來這家店試試看。接下來是至尊拼盤，這道菜包括花雕醉雞、薑汁鴨片和蜜汁叉燒，其中最好吃的一定是花雕醉雞。雞肉燉得非常入味，味道十分鮮美，而且還有一點點醉意，真的是讓人回味無窮。除了這些主菜之外，這家店的小籠包和風味松子魚也十分值得一試。小籠包皮薄餡多，一口咬下去就能感受到爆汁；而風味松子魚炸得很香口，松子的香味和魚肉的鮮美完美結合，真的是非常好吃。總的來說，如果你喜歡北京菜，古琴雅苑是一家不容錯過的店。這家店的價格不算貴，味道超好，而且還有很多種不同的選擇。如果你還沒試過，真的要趕快去試試看！

父親節快到，餐廳都準備咗雙親節嘅餐牌！一眾子女們可以考慮下喇😆烤北京填鴨🍖 (半隻) $195鴨皮剔透金黃，皮香肉嫩，配料有京蔥、青瓜絲、哈密瓜十分清新，再加上香濃烤鴨醬、特色醬、砂糖放上餅片，口感大滿足😍 南翔小籠包 $78小籠包皮薄餡靚、湯汁十足，好滋味😋 砂鍋雲吞雞 🐔🍲 $198奶白色的雞湯，湯口既清甜又好喝，雞肉煮得嫩滑，會上餡料滿滿嘅雲吞🥟同娃娃菜🥬，感覺十分清新滋潤😗 東坡肘子🍗 $268肘子好軟腍，肉質細嫩、肉味醇香，簡直是肥而不膩😄 古琴雅苑 尖沙咀北京道12A號太子集團中心15樓#古琴雅苑 #尖沙咀 #尖沙咀美食 #太子集團中心 #片皮鴨 #小籠包 #砂鍋雲吞雞  #東坡肘子 #hkfoodieclub

母親節媽媽話想食上海菜朋友介紹話呢間唔錯所以就book 左呢間當日係book 左13:00左右呢個時間好好彩唔多人因為餐廳唔算大位同位之間唔係太多空位難免會有啲應聲 有小小嘈食物方面叫左一個四人餐再額外加多左份小籠包我地有5個人食份量都好足夠小籠包略嫌個皮厚左小小不過湯汁都夠醉雞唔夠滑 唔係好入味北京填鴨就太多肥膏, 油左小小最好食係份松子魚同醬爆牛肉魚肉又唔會好實, 炸粉唔會太厚醬爆牛肉好夠味, 牛肉又夠淋炒飯都唔錯, 最後食唔哂要打包添啊整體來講，不過不失會因為個松子魚再想黎食

#搞串個pantry係香港，#片皮鴨 (皮厚不帶肉)同#北京填鴨 (皮薄帶肉)做到成行成市🦆，幾乎好多中菜館、酒樓都會有得叫😂🔥。今次就嚟到位於尖沙咀嘅一間#中菜館，品嚐吓佢嘅北京填鴨！！🎉嚟到坐低，望望個menu，有鴨、海鮮🐟、點心🥟、肉類🥩、炒飯🍛、麵類🍝等等。咁我哋就叫左半隻北京填鴨($195)、松花皮蛋伴豆腐($75)、乾煸四季豆($86)、上海粗炒麵($108)，另外訂位加送每位一碗腰果露($39)！❤️先講吓個冷盤伴豆腐🍽️，上面淋咗一層麻油，所以無論係食皮蛋🥚，定係食豆腐都會有好香嘅麻油味！豆腐切得薄，厚度適中👍🏻，食落口好嫩滑，夾埋皮蛋一齊食個味道啱啱好！😜主角北京填鴨未到，佢啲配料就先到啦🥰。除咗有平時常見嘅甜麵醬😋、青瓜🥒、葱之外，仲有酸梅醬🍏、蜜瓜🍈、砂糖！半隻北京填鴨嘅份量都好多🤤，足夠兩至三個人食！每一塊鴨厚薄都差唔多，有皮有肉，配埋鴨卷餅、配料一齊食，都食到鴨油嘅香味🫦，又解到油膩。而鴨肉亦唔會太老太柴！但略嫌呢度鴨皮唔算太脆太香口。乾煸四季豆味道濃郁，充滿咸香味🥳，而且四季豆炒到好腍，忍唔住係咁食！！相對嚟講，個上海粗炒就普通咗少少，麵算彈牙，入面有切片冬菇🍄

同屋企人慶祝嚟左呢度食飯☺️好多唔同菜式既中菜，一坐低會有幾款免費嘅開胃菜，之後我哋叫咗個拼盤，醉雞略嫌唔夠酒味，但係啲雞切嘅部位都唔錯，水晶肉都好好食，食落唔會太淡味，好健康既感覺，我仲食咗好多舊，雞絲粉皮比較熱鬧碎，如果份量可以再多啲嘅話會更加好了！我哋係為咗扁皮鴨而過嚟食的，叫咗半隻鴨，但係份量都好多五個人食都夠食，但係個皮一籠就唔係好夠，最後仲追加多左一籠皮。鴨既油脂味唔會過濃，一舊鴨又有肉嘅部份，亦都有皮同油脂味，連埋青瓜同埋其他配料加埋一齊食都唔錯，價錢亦都合理。最後仲叫多咗一條魚，雖然魚肉味好新鮮，亦都好滑，但係有少少俾個醬蓋過咗嗰陣先嚟，但整體嚟講都唔錯。環境方面，當日係假日夜晚，餐廳非常之多人，侍應嘅數量都唔係好夠，所以每次叫侍應泥都要俾少少耐性，但係佢哋嘅態度都好好！衛生方面還好，整體都是滿意的。

食物：🍽1）雞絲粉皮2）四喜烤麩3）小籠包4）意大利黑醋骨（賣相不錯）5）紅油抄手6）蔥油拌麵7）餐前小碟（一碟完全唔新鮮既瓜，我叫佢收走，但照需要付費）8）腰果露（有D水，腰果可以濃D味）食物整體零驚喜，好普通。👀👀👀餐具需要更新，斷左筷子頭既筷子都照給客人🤦🏻‍♀️🤦🏻‍♀️🤦🏻‍♀️🤦🏻‍♀️😥😥😥😥😥😥😥員工服務態度好👍🏼👍🏼👍🏼👍🏼👍🏼

因為媽媽生日所以想食片皮鴨，見到依間食評唔錯就諗住試下，點知中晒伏。首先明明book左位但上到去話冇位要我哋落樓下既日本餐廳到坐，所以所有野食都係由十幾樓搭電梯運落黎，黎到已經凍左小小。最期待既片皮鴨真係難食到痴線，鴨完全冇味，唔點醬連食緊咩都唔知。片皮鴨顧名思義就係片d皮出黎，但佢全部都係肉，皮得勁小，僅餘既皮仲要一d都唔脆。麵皮都係好凍好硬好厚。唔知點解一間專食片皮鴨既餐廳可以做到咁差。之後再叫左碟黑醋骨，都係唔好食，醋味重到就窒息，唯一好既就係d肉算冧。蛋白炒飯算正常。小籠包其實都麻麻，皮好厚，我唔小心吉穿左個皮竟然冇湯流出黎...總括而言：難食 一定唔會再帶襯

本身想去食酸菜魚...點知見15樓有間好多人既食鴨子的...就出左𨋢 食飯時間好多人 爆場...同一大廈6F 【戀】是同集團日本菜應該好靜 所以幾枱walkin 都要搭𨋢落6F 借用日本餐廳食上海菜。。 咁就出事了明明serve左一壺透明玻璃茶... 唔知幾時比人收走左=＿= 係食食下發現收走左🙄🙄 明明 另外有壺熱水畀我哋自己加水...做乜收走左？？？最後，叫人比番壺茶我 ... 點知咗變咗普通白色水壺酸菜魚 還好啦... （不過不失）包鴨既皮凍既....無野keep住保温d鴨勁油... 完全唔可以話好食6隻82元 小籠包皮勁厚 無乜汁.... 真係厚到點夾都唔怕爛🤣仲要三催四請先有碟 醋 點下🥲🥲 我明您無人...但係明明有個男仔應左我好 轉個頭就忘記了😒😒算.. 再叫另一個男人... 距又叫番剛剛個男仔過尼枱 （ 點知埋枱中途又畀人攔截咗）再大叫姐姐......😮‍💨😮‍💨😮‍💨真心嬲到震根本唔夠人手 or 做唔切？ 如是，奉勸餐廳就不要勉強分兩層了真係無下次😑😥 中伏

鴨面頭的可以，但下邊都係油，其他地方食都未試過咁，油浸晒下邊啲肉，估唔到出名鴨既會係咁。蟹膏飯就無乜蟹味。等lift又等成年其他都正正常常不過不失…………………

今日提前同屋企人食父親節飯，大家要預時間喺下面排隊等𨋢，等𨋢時間比想像中耐，預15-20分鐘，因為全棟大廈得一部𨋢上到15樓。入座之後我地冇叫到套餐，打算散叫叫多啲唔同野食，叫左以下野食：北京填鴨 1隻 （普通，不過不失）京蔥爆牛肉 （不值一提，無味道）雞絲粉皮 （正常）風味松子魚 （條魚炸完之後食落口粉漿係硬）小籠包 （正常）金銀炒鱔糊 （正常）上海粗炒麵(催單催左三次都冇黎，最後取消)蟹粉蓋飯(催單催左三次都冇黎，最後取消)總結：感覺餐廳主力做套餐，見到侍應每次都係一輪一輪將同款菜式遞出嚟。追單追左三次，等左1個小時20分鐘最後都未見炒麵同飯，服務員仲要解釋因為會預留時間比顧客食其他野先，飯同炒麵會較後上，但都未至於要咁耐下嘛？小朋友等想食麵同飯等左幾耐⋯😑-同埋餐廳環境本身都已經好嘈，而我地又咁岩坐左出菜位隔離，服務員幫其他顧客分好一碗碗湯既時候，每下動作都好大聲，仲要唔止一個侍應係咁，其實耳仔真係會受損，希望餐廳都留意返。-最後強烈建議餐廳都可以留意一下其實你地食肆除左推出套餐內既食物外，都仍有其他食物，唔好遺忘其他唔係叫套餐既人客。-個人而論，如果純粹想填飽個肚而選擇野食，呢

知道口碑唔錯，今次終於食到推薦古琴酒糟烤北京填鴨(半隻）個人幾鐘意食片皮鴨，欣賞佢個鴨有兩種，配左一小碟一口酥，油香濃郁。鴨個脆皮同肉比例岩岩好，肉質好鮮嫩，細細舊唔會好易食濟。卷餅配料仲有蜜瓜同白糖，少見但係幾夾。至尊拼盤一次過食到幾樣野，凍食，幾開胃，最鐘意佢個醉雞，好入味。蟹粉豆腐有真蟹肉，先味好出，上菜時下面有個火熱住，熱辣辣。香蕉高力豆沙加咗香蕉好特別，好鍾意佢個鬆軟感覺腰果露都幾好，唔會太甜，好香腰果味覺得食物同服務質素都唔錯，有機會再來。